ವಿ.ಶಾಂತ ಕುಮಾರಿ
| ವಿ.ಶಾಂತ ಕುಮಾರಿ | |
|---|---|
| |
| 16 ಜೂನ್ 2016, ಬೆಂಗಳೂರುಡು (ಭಾರತ) ‘ಸೇವಾ ಕ್ಷೇತ್ರದ ಧೀರೆಯರು’ ಪನ್ಪಿನ ಕನ್ನಡ ಪುಸ್ತಕ ಬುಡುಗಡೆ ಮಲ್ತಿ ಬೊಕ್ಕ ವಿ.ಶಾಂತ ಕುಮಾರಿ ಪಾತೆರಿಯೆರ್ | |
ರಾಷ್ಟ್ರ ಸೇವಿಕಾ ಸಮಿತಿದ ಪ್ರಮುಖ ಸಂಚಾಲಿಕೆ
| |
| ಅಧಿಕಾರ ಅವಧಿ ೨೦೧೩ – ಪ್ರಸ್ತುತ | |
| ಪೂರ್ವಾಧಿಕಾರಿ | ಪ್ರಮೀಳಾ ತೈ ಮೇಧೆ |
| ವೈಯಕ್ತಿಕ ಮಾಹಿತಿ | |
| ಜನನ | Shantha Kumari 5 February 1952 ಬೆಂಗಳೂರು, ಮೈಸೂರು ರಾಜ್ಯ, ಭಾರತ |
| ರಾಷ್ಟ್ರೀಯತೆ | ಭಾರತೀಯ |
| ಅಪ್ಪೆ/ಅಮ್ಮೆ | ಶ್ರೀ ವೆಂಕಟರಾಮಯ್ಯ/ವೆಂಕಟರಾಮಯ್ಯ, ಶ್ರೀಮತಿ ರಾಜಮ್ಮ |
| ವೃತ್ತಿ | ರಾಷ್ಟ್ರ ಸೇವಿಕಾ ಸಮಿತಿದ ಪ್ರಮುಖ ಸಂಚಾಲಿಕೆ |
ವೆಂಕಟರಾಮಯ್ಯ ಶಾಂತ ಕುಮಾರಿ (ಜನನ 5 ಫೆಬ್ರುವರಿ 1952) "ಶಾಂತಕ್ಕ" ಪಂದ್ ಜನಪ್ರಿಯವಾದ್ ಲೆಪ್ಪುನ ಪುದರ್. ಇಂಬೆರ್ ಹಿಂದೂ ರಾಷ್ಟ್ರೀಯತಾವಾದ ಮಹಿಳಾ ಸಂಘಟನೆಯಾಯಿನ ರಾಷ್ಟ್ರ ಸೇವಿಕಾ ಸಮಿತಿದ ಪ್ರಸ್ತುತ ಮುಖ್ಯಸ್ಥರಾದುಲ್ಲೆರ್. ( ಸಂಸ್ಕೃತ : ಪ್ರಮುಖ್ ಸಂಚಾಲಿಕಾ ). ಆರ್ 2013 ಡ್ ಮುಖ್ಯಸ್ಥರಾದ್ ಅಧಿಕಾರ ವಹಿಸೊಂಡೆರ್ [೧] [೨]
ಸುರುತ ಜೀವನ[ಸಂಪೊಲಿಪುಲೆ]
ಮೆರ್ ಮೂಲತಃ ಕರ್ನಾಟಕದ ಬೆಂಗಳೂರುದಾರ್. ಮೆರ್ ರಾಷ್ಟ್ರ ಪ್ರೇಮ ಬೊಕ್ಕ ರಾಷ್ಟ್ರಭಕ್ತಿನ್ ಸಕ್ರಿಯವಾದ್ ಅಭ್ಯಾಸ ಮಲ್ಪುನ ಕುಟುಂಬೊಡು ಪುಟ್ಟ್ ಬಳತಿನಾರ್[೩] . ಮೆರೆನ ಅಮ್ಮೆರ್ ಕ್ವಿಟ್ ಇಂಡಿಯಾ ಚಳವಳಿಡ್ (1942) ಸಕ್ರಿಯವಾದ್ ಪಾಲ್ ಪಡೆಯಿನಾರ್. . 1968 ಡ್, ಮೆರ್ 16 ವರ್ಷದಾರಾದಿಪ್ಪುನಗ, ಶಾಂತಾ ಕುಮಾರಿ ರಾಷ್ಟ್ರ ಸೇವಿಕಾ ಸಮಿತಿದ ಸಂಪರ್ಕೊಗು ಬತ್ತೆರ್. 1969 ನ ಪೊರ್ತುಗು, ಆರ್ ಅಗತ್ಯ ಇಪ್ಪುನ ಮಾತ ರಾಷ್ಟ್ರ ಸೇವಿಕಾ ಸಮಿತಿದ ತರಬೇತಿಲೆನ್ ಪೂರ್ತಿ ಮಲ್ಪುವೆರ್. ಮೆರ್ ಬೆಂಗಳೂರುದ ವಿಲ್ಸನ್ ಗಾರ್ಡನ್‌‌ಡ್ ರಾಷ್ಟ್ರ ಸೇವಿಕಾ ಸಮಿತಿದ ದೈನಂದಿನ ಶಾಖೆನ್ ನಡಪಾವೊಂದಿತ್ತೆರ್. ಕೆಲವು ಸಮಯೊಡ್ದು ಬೊಕ್ಕ, ಮೆರೆನ್ ಮುಖ್ಯ ಬೋಧಕೆರಾದ್ ನೇಮಕ ಮಲ್ಪುವೆರ್. ಐನ್ ವರ್ಷೊಡು ಶಾಂತ ಕುಮಾರಿನ ಭಕ್ತಿ ಬೊಕ್ಕ ಸಾಮರ್ಥ್ಯ ಇಂಬೆರೆನ್ ಕಾರ್ಯವಾಹಕ್ (ಪಟ್ಟಣ ಮುಖ್ಯಸ್ಥ/ಪ್ರಭಾರಿ) ಕಚೇರಿಗ್ ಲೆತೊಂದು ಪೋಪುಂಡು.
ವೃತ್ತಿ[ಸಂಪೊಲಿಪುಲೆ]
1977 ಡ್ ಬೆಂಗಳೂರುಡು ಒಂಜಿ ರಾಷ್ಟ್ರ ಸೇವಿಕಾ ಸಮಿತಿ ಕಾರ್ಯಕ್ರಮೊನು ಆಯೋಜನೆ ಮಲ್ಪುಂಡು, ಅಲ್ಪ ಶಾಂತಕ್ಕ ಅಪಗದ ಸಮಿತಿ ಸರ್ಕಾರಿ ವಾಹಿಕ ವಂದನೀಯ ಮೌಶಿಜಿ ಲಕ್ಷ್ಮಿ ಬಾಯಿ ಕೇಳ್ಕರ್ ಮೆರೆನ್ ಭೇಟಿಯಾಪೆರ್. ಸಮಿತಿದ ಚಟುವಟಿಕೆಗ್ ಜಾಸ್ತಿ ಸಮಯ ಬೊಕ್ಕ ಶಕ್ತಿನ್ ಕೊರಿಯೆರೆ ಕೇಳ್ಕರ್ ಶಾಂತಾಕ್ಕಗ್ ಉಮೇದ್ ದಿಂಜಾವೆರ್. 1978 ನ ಪೊರ್ತುಗು, ಶಾಂತಕ್ಕ ಮದಿಮೆ ಆವಂದೆ ಸಮಿತಿಗ್ ಪೂರ್ತಿ ಸಮಯ ಕೊರಿಯೆರೆ ನಿರ್ಧಾರ ಮಲ್ಪುವೆರ್. ಅವ್ವೆ ವರ್ಷ ಶಾಂತ ಕುಮಾರಿನ್ ಕರ್ನಾಟಕ ಪ್ರದೇಶದ ಸಹಕಾರ್ಯವಾಹಿಕ ಕಚೇರಿಗ್ ನೇಮಕಾತಿ ಆಪುಂಡು. . ಶಾಂತಕ್ಕ ಸಮಿತಿದ ಚಟುವಟಿಕೆಲೆಡ್ ತೊಡಗಿಸಾವೊಂಡೆರ್. . 1991 ಡ್ ವಿ. ಶಾಂತಾ ಕುಮಾರಿ ದಕ್ಷಿಣ ವಲಯದ ( ಕರ್ನಾಟಕ, ತಮಿಳುನಾಡು, ಆಂಧ್ರಪ್ರದೇಶ ಬೊಕ್ಕ ಕೇರಳ ) ಸಹಕಾರವಾಹಿಕ, ಆಯೆರ್. ಆರೆನ ಅವಿರತ ಶ್ರಮಡ್ದ್ ದಕ್ಷಿಣ ಭಾರತೊಡು ಇಡಿಯಾ ಸಮಿತಿ ಪಸರ್ಂಡ್' . ಆರ್ ರಾಮಜನ್ಮಭೂಮಿ ದೇವಸ್ಥಾನದ ಕಾರಣಕ್ಕಾದ್ ಪೊರಂಬಾಟೊಡು ತನ್ನನ್ ಸಮರ್ಪಣೆ ಮಲ್ತಿನಾರ್ 1992ಡ್ ಅಯೋಧ್ಯೆ ಅಭಿಯಾನದ ಪೊರ್ತುಡು, ದಕ್ಷಿಣದ ರಾಜ್ಯೊಲೆನ 200 ಸಮಿತಿ ಕಾರ್ಯಕರ್ತೆರೊಟ್ಟುಗು ಅಯೋಧ್ಯೆ ಪೋಯಿನಾರ್.
ವೃತ್ತಿಡ್ ಶಿಕ್ಷಕಿಯಾದಿತ್ತಿನ ಶಾಂತಾ ಕುಮಾರಿ ವೃತ್ತಿಪರ ಗುರಿ ಬೊಕ್ಕ ರಾಷ್ಟ್ರಗಾದ್ ತನ್ನ ಸಮರ್ಪಣೆದ ನಡುವೆ ಸಮತೋಲನ ಮಲ್ಪುನೆಟ್ ಯಶಸ್ವಿ ಆಯೆರ್. ಅಯೋಧ್ಯೆಗ್ ಪಿದಾಡ್ನಾಗ ರಾಮಜನ್ಮಭೂಮಿ ಆಂದೋಲನೊಡು ಸಕ್ರಿಯವಾದ್ ಭಾಗವಹಿಸಪಿನ ಬಗ್ಗೆ ತಾನ್ ಬೇಲೆ ಮಲ್ಪಿನ ಸಂಸ್ಥೆದ ಆಡಳಿತ ಮಂಡಳಿಗ್ ಕಾಕಜಿ ಬರೆಯೆರ್ ಉಂದು ಸಂಸ್ಥೆದ ನೀತಿಲೆಗ್ ವಿರುದ್ಧವಾಯಿನ ಆಂದೋಲನ ಪಂದ್ ನೆನೆಪುಂಡ ಈ ಕಾಕಜಿನ್ ಕೆಲಸೊಗು ರಾಜೀನಾಮೆ ಪಂದ್ ಎನ್ನಿಲೆಂದ್ ಪಂಡೆರ್. ಬೆಂಗಳೂರುಗು ಪಿರ ಬನ್ನಗ ಆರೆಗ್ ಸಂಸ್ಥೆ ಕೊರ್ನ ಆತ್ಮೀಯ ಸ್ವಾಗತ ಬೊಕ್ಕ ಸಾರ್ವಜನಿಕ ಸನ್ಮಾನೊನು ತೂದು ಆರೆಗ್ ಆಚಿರ ಆಪುಂಡು. ಆಡಳಿತ ಮಂಡಳಿದ ಒತ್ತಾಯದ ಮಿತ್ತ್ ಶಾಂತಾ ಕುಮಾರಿ ತನ್ನ ಕೆಲಸೊನು ದುಂಬರಿಪೆರೆ ನಿರ್ಧಾರ ಮಲ್ತೆರ್. [೪]
1994 ಡ್, ಶಾಂತ ಕುಮಾರಿ ಬೆಂಗಳೂರುದ ಸಮಿತಿ ಕಚೇರಿಡ್ ಉಪ್ಪುನ ಸಲುವಾದ್ ಇಲ್ಲ್ ಬುಡಿಯೆರ್ . 1995 ಡ್ ತನ್ನ ಕೆಲಸೊಗು ರಾಜೀನಾಮೆ ಕೊರಿಯೆರ್ ಅಂಚನೆ ಸಮಿತಿದ ಪ್ರಚಾರಕೆರಾದ್ ಕರ್ನಾಟಕದೊಲಯಿ ಓಡಾಟ ಸುರು ಮಲ್ತೆರ್ . 1996 ಡ್ ಬೊಕ್ಕ ಸಮಿತಿ ಸರ್ಕಾರಿವಾಹಿಕಾ ಪ್ರಮೀಳಾ ತಾಯಿ ಮೇಧೆನ್ ತನ್ನ ಬಲವಾದ್ ಪಡೆಯೆರ್.. ಮೇಧೆನೊಟ್ಟಿಗೆ ಮೆರೆಗ್ ಬಲವಾಯಿನ ಸಾಂಸ್ಥಿಕ ಕೌಶಲ್ಯ ತಿಕ್ಕ್ಂಡ್. ( ಇಂಗ್ಲಿಷ್, ಹಿಂದಿ, ಕನ್ನಡ, ಮಲಯಾಳಂ, ಮರಾಠಿ, ತಮಿಳು, ತೆಲುಗು ) ಬಾಷೆಲೆನ ನೈಪುನೈತೆ ಬೇತೆ ಬೇತೆ ಜನೊಕುಲೊಟ್ಟುಗು ಪಾತೆರೆರೆ ಸಹಾಯ ಮಲ್ತ್ಂಡ್. ಮೆರೆನ ಪ್ರಚಾರದ ಸಾಮರ್ಥ್ಯೊನು ತೂದು ೧೯೯೭ [೫] ಡ್ ಅರೆನ್ ಸಹಕಾರ್ಯವಾಹಿಕೆರಾದ್ ನೇಮಕ ಮಲ್ತೆರ್. ಶಾಂತಾ ಕುಮಾರಿ ಅರೆನ ಪೂರ್ವವರ್ತಿಳಾಯಿನ ವಂದನೀಯಾ ಮೌಶಿಜಿ ಲಕ್ಷ್ಮೀ ಬಾಯಿ ಕೇಳ್ಕರ್, ಸರಸ್ವತಿ ತೈ ಆಪ್ಟೆ, ಉಷಾ ತೈ ಚಾಟಿ ಮತ್ತು ಪ್ರಮೀಳಾ ತೈ ಮೇಧೆ ಮೆಕುಲೆಡ್ದ್ ಮಾತ ಶಿಷ್ಯೆ ಯಾದ್ ತರಬೇತಿ ಪಡೆತೆರ್. ಮುಕುಲೆನೊಟ್ಟಿಗೆ ಇತ್ತಿನ ಆಜಿ ದಶಕೊದ ಒಡನಾಟ ಶಾಂತಾ ಕುಮಾರಿಗ್ ಸಂಚಿತ ಬುದ್ಧಿವಂತಿಕೆನ್ ಕೊರ್ತ್ತ್ಂಡ್. ಅಂಚನೆ ಭಾರತೊಡು ಮಹಿಳಾ ಕಾರ್ಯಕರ್ತೆರೆನ ಎಡ್ಡೆ ಒಂಜಿ ಕೇಡರ್‌ನ ಸಂಘಟನೆ ಬೊಕ್ಕ ತರಬೇತಿ ಕೊರಿಯೆರೆ ಸಹಾಯ ಆಂಡ್. [೬]
ಸ್ತ್ರೀವಾದಿ ದೃಷ್ಟಿಕೋನ[ಸಂಪೊಲಿಪುಲೆ]
ರಾಷ್ಟ್ರ ಸೇವಿಕಾ ಸಮಿತಿ ಬೇತೆ ಮಹಿಳಾ ಸಂಘಟನೆಲೆಡ್ದ್ ವಿಶೇಷವಾದ್ ಪಾಶ್ಚಿಮಾತ್ಯ ಸ್ತ್ರೀವಾದಿ ಧೋರಣೆಡ್ಡ್ ಬೇತೆ ರೀತಿದವಾದುಂಡು ಪನ್ದ್ ಶಾಂತ ಕುಮಾರಿ ಪಂಡೆರ್. ಪೊಂಜೊಲೆನ್ ದೈಹಿಕವಾದ್, ಮಾನಸಿಕವಾದ್ ಬೊಕ್ಕ ಬೌದ್ಧಿಕವಾದ್ ಜಾಸ್ತಿ ಬಲಶಾಲಿ (ಗಟ್ಟಿಮುಟ್ಟು) ಮಲ್ಪುನ ಉದ್ದೇಶೊ ಸಮಿತಿದವಾದುಂಡು , ಅಂಚಾದ್ ಪೊಂಜೊಲು ಅಕುಲೆನ ಸಾಮರ್ಥ್ಯೊನು ತೆರಿದ್ , ರಾಷ್ಟ್ರ ಬಲ ಮಲ್ಪುನ ಮಾರ್ಗದರ್ಶನ ಮಲ್ಪೊಡುಂದು ಪನ್ಪೆರ್. ಶಾಂತಾ ಕುಮಾರಿನ ಐನ್ ವರ್ಷದ ಕಛೇರಿದ ಆಡಳಿತ ಸಮಿತಿದ ಹೆಚ್ಚಿನ ಪ್ರಸಿದ್ದಿ ಬೊಕ್ಕ ವೈವಿಧ್ಯತೆಗ್ ಕಾರಣ ಆಂಡ್
ಉಲ್ಲೇಕೊಲು[ಸಂಪೊಲಿಪುಲೆ]
- ↑ Shenoy, Jaideep (17 October 2013). "Rashtra Sevika Samiti to open hostel for women in Dehradun". The Times of India. Retrieved 11 January 2020.
- ↑ "Vandaneeya Shanthakka will be the new Pramukh Sanchalika of Rashtra Sevika Samiti". Samvada. 20 August 2012. Archived from the original on 24 ಏಪ್ರಿಲ್ 2018. Retrieved 2018-04-24.
{{cite web}}: Check date values in:|archive-date=(help) - ↑ https://indianexpress.com/article/india/india-others-do-not-use/shantha-kumari-rss-women-s-wing-chief/
- ↑ "Rashtra Sevika Samiti Pramukh Sanchalika V Shantha Kumari released Kannada book 'Seva Kshetrada Dheereyaru' in Bengaluru". samvada.org. 16 June 2016. Archived from the original on 28 ಅಕ್ಟೋಬರ್ 2021. Retrieved 19 ಫೆಬ್ರವರಿ 2024.
{{cite web}}: Check date values in:|access-date=(help) - ↑ "Shantha Kumari RSS women's wing chief". indianexpress.com.
- ↑ "Vandaneeya Mausiji – Birth Centenary Year 2005". hssuk.org.