ಸಂದ್ ಬೂರು

ವಿಕಿಪೀಡಿಯರ್ದ್
ಸಂದ್ ಬೂರು

ಸಂದ್ ಬೂರು ಪನ್ಪುನವು ಮರ್ದ್‌ದ ಅಂಶ ಉಪ್ಪುನಂಚಿನ ಒಂಜಿ ಬೂರು.ಈ ಬೂರು ವೈಟೇಸಿ ಪನ್ಪಿನ ಕುಟುಂಬೊಗ್ ಸೇರೊಂದು ಸಿಸಸ್ ಕ್ವಾಡ್ರಾಂಗ್ಯುಲಾರಿಸ್ (cissus quadrangularis) ಪನ್ಪಿಂಚಿನ ವೈಜ್ನಾನಿಕ ಪುದರ್ ಪಡೆವೊಂದುಂಡು. ಸುಮಾರ್ ೧.೫ ಎರ್ದ್ ೨ಮೀ. ಮುಟ್ಟ ಪಸರೊಂದು ಬುಳೆಪುನ ಈ ಬೂರು ರಸವತ್ತಾಯಿನ ಚೌಕಾಕಾರದ ಕಾಂಡೊಲೆನ್ ಪಡೆವೊಂದು,ಪ್ರತೀ ಕಣ್ಣ್‌ಗ್‌ಲಾ ಒಂಜಿ ಎಲ್ಯ ಇರೆನ್ ಪಡೆವೊಂದುಂಡು.ಉಂದೆರ್ದಾವರ ಈ ಬೂರುನು ವಜ್ರವಳ್ಳಿ ಇಜ್ಜಾಂಡ ಚತುರ್ದಾರ ಪಂದ್‌ಲಾ ಪನ್ಪೆರ್. [೧]

ಒಲ್ಪ ತಿಕುಂಡು[ಸಂಪೊಲಿಪುಲೆ]

ಉಂದೆನ್ ಎಚ್ಚಾದ್ ಭಾರತ, ಬಾಂಗ್ಲಾದೇಶ ಬೊಕ್ಕ ಶ್ರೀಲಂಕಾದಂಚಿನ ಉಷ್ಣ ಪ್ರದೇಶೊಲೆಡ್ ಬುಲೆಪಾವೆರ್.

ಪ್ರಯೋಜನೊಲು[ಸಂಪೊಲಿಪುಲೆ]

  • ಸಂದ್ ಬೂರು ಪನ್ಪಿನ ಪುದರೇ ಪನ್ಪಿಲೆಕ ಈ ಬೂರುನು ಗಂಟ್ ಬೇನೆ/ಸಂದ್ ಬೇನೆ ಕಮ್ಮಿ ಮನ್ಪೆರೆಗಾದ್ ಉಪಯೋಗ ಮಲ್ಪುವೆರ್.
  • ಈ ಬೂರು ಮನುಷ್ಯನ ಎಲು ಬೊಕ್ಕ ಕೀಳ್ ಜೋಡಣೆಗ್ ಉಪಯುಕ್ತ ಆಯಿನೆರ್ದಾವರ ಉಂದೆನ್ ಅಸ್ಥಿಶೃಂಖಲ ಪಂದ್‌ಲಾ ಲೆಪ್ಪುವೆರ್.
  • ಮೈ-ಕೈ ಬೇನೆಗ್‌ಲಾ ಉಂದು ಬಾರಿ ಎಡ್ಡೆ ಮರ್ದ್.
  • ದಿನೋಲ ೨೦ಗ್ರಾಂ ಸಂದ್ ಬೂರುನು ಪೇರ್‌ದೊಟ್ಟಿಗೆ ಸೇವನೆ ಮಲ್ತ್ಂಡ ನಮ್ಮ ಎಲು ಆರೋಗ್ಯಪೂರ್ಣವಾದ್ ಇಪ್ಪುಂಡು.
  • ಕಾಲಿ ಮರ್ದ್‌ಗ್ ಅಥ್ಥಾಂದೆ ಉಂದೆನ್ ತರಕಾರಿದಲೆಕಲ ಉಪಯೋಗ ಮನ್ಪುವೆರ್.
  • ಉಂದೆಟ್ ಕ್ಯಾಲ್ಸಿಯಂ ಬೊಕ್ಕ ಜೀವಸತ್ವ 'ಸಿ'ಅಂಶೊಲೆನೊಟ್ಟು ವಿಟಾಮಿನ್ 'ಎ' ಆಂಟಿ ಆಕ್ಸಿಡೆಂಟ್ ಜಾಸ್ತಿ ಉಂಡು.
  • ಈತ್ ಮಾತ ಅತ್ತಾಂದೆ ಉಂದೆನ್ ಜೀವೊದ ದುನ್ನ ಕಮ್ಮಿ ಮನ್ಪೆರೆ,ಮೈ-ಕೈ ಬೇನೆ,ಬೊಕ್ಕ ದಮ್ಮುದ ತೊಂದರೆಲೆನ್ ಪೂರ ಕಮ್ಮಿ ಮನ್ಪೆರೆ ಬಳಕೆ ಮನ್ಪುವೆರ್.
  • ಬೂರುನು ಮಿ‍ಕ್ಸಿಡ್ ಪಾಡಂದೆ ಕಲ್ಲ್‌ಡ್ ಗುದ್ದುದು ಪುಂಟುದು ಅವೆತ ರಸನ್ ಖಾಲಿ ಬಂಜಿಗ್ ದೆತೊಂಡ ಮಸ್ತ್ ಎಡ್ಡೆ.

ಬೇತೆ ಬಾಸೆಲೆಡ್[ಸಂಪೊಲಿಪುಲೆ]

  • ಸಂಸ್ಕೃತ - ಅಸ್ಥಿಸಂಹಾರಕ, ಅಸ್ಥಿಶೃಂಖಲ, ವಜ್ರವಲ್ಲಿ[೨]
  • ಕನ್ನಡ - ಸಂದು ಬಳ್ಳಿ
  • ಬೆಂಗಾಲಿ - ಹರೊಜೊರ
  • ಹಿಂದಿ - ಹಡ್ಜೋಡ್
  • ಮರಾಠಿ - ನಾದೇನ
  • ತಮಿಳು - ಪಿಂಡೈ
  • ತೆಲುಗು - ನಲ್ಲೇರು
  • ಇಂಗ್ಲೀಷ್ - (edible stemmed vine; bone setter)
  • ವೈಜ್ಞಾನಿಕ ಪುದರ್ - (cissus quadrangularis) L

ಉಲ್ಲೇಕೊ[ಸಂಪೊಲಿಪುಲೆ]

  1. "Archive copy". Archived from the original on 2019-07-28. Retrieved 2019-07-28. {{cite web}}: Unknown parameter |dead-url= ignored (help)CS1 maint: archived copy as title (link)
  2. "Archive copy". Archived from the original on 2020-11-04. Retrieved 2019-07-28.{{cite web}}: CS1 maint: archived copy as title (link)