ಅರಿ

ಅರಿ ಪಂಡ ನರಮಾನಿ ಒನಸ್‌ಗ್ ಬಳಕೆ ಮಲ್ಪು ಮುಖ್ಯ ತೆನಸ್. ನೆಕ್ಕ್ ಕನ್ನಡೊಡು ಅಕ್ಕಿ ಪನ್ಪೆರ್. ಇಂಗ್ಲಿಷ್‌ಡ್ ನೆಕ್ಕ್ ರೈಸ್ ಪನ್ಪೆರ್. ಕೃಷಿ ಕ್ಷೇತ್ರೊಡು ಅರಿತ್ತ ಬುಳೆ ಪ್ರಧಾನವಾಯಿನ ಬುಳೆ.

ಅರಿ

ಅರಿತ ಬಗೆಟ್ಟ್

ಅರಿ ಒಂಜಿ ಒಂಜಿಬಿತ್ತ್ ಇಪ್ಪಿ ದೈ ಆರೈಝಾ ಸಟೀವಾತ ಬಿತ್ತ್. ಇ ಲೋಕೊತ ಹೆಚ್ಚಿತಕುಲೆನ ಉನ್ಪುನ ತೆನಸ್ ಅದ್ ಅರಿ ಉಂಡು. ಎಚ್ಚಾತ್ ಪೂರ್ವ ಏಷ್ಯಾ, ದಕ್ಷಿಣ ಏಷ್ಯಾ, ದಕ್ಷಿಣಪೂರ್ವ ಏಷ್ಯಾ, ಮಧ್ಯಪ್ರಾಚ್ಯ, ಲ್ಯಾಟಿನ್ ಅಮೇರಿಕ, ಬುಕ್ಕ ವೆಸ್ಟ್ ಇಂಡೀಸ್‌‌ಡ್ ಉಂಡು. ಅರಿನ್ಇ ಪ್ರಪಂಚದ ಮೂಜೆತ ಒಂಜಿ ಪಾಲ್ ಜನ ಗಳಸುಪೆರ್. ಅಯಿನ್ ಬೆಯಿಪಾಂಡ ನುಪ್ಪು ಅಪುಂಡು. ಅರಿ ಬೆಯಿಪಾಯಿನ ನೀರ್ ನ್ ತೆಲಿ ಪನ್ಪೆರ್. ತೆಲಿತ ಒಟ್ಟಿಗೆ ಇತ್ತಿನ ಬೆಯ್ದಿನ ಅರಿನ್ ಗಂಜಿ ಪಂದ್ ಪನ್ಪೆರ್. ತೆಲಿ ಅರಿತ್ ದ್ ಅಯಿ ಬೊಕ್ಕ ಅಯಿನ್ ನುಪ್ಪು ಪನ್ಪೆರ್. ಪಿರಾಕ್ತ ಕಾಲೊಡು ಊರುಲೆಡ್ ಅರಿನ್ ಉಜ್ಜೆರ್ಟ್ ಕುಟ್ಟುತ್ ಬಾರ್ ತ ಚೊಲಿನ್ ದೆಪ್ಪೆತೆರ್. ಅಯಿಟ್ ಬರ್ಪಿ ಪೊಡಿಪೊಡಿ ಸೌಡುಟ್ ಬಿ.ಕಾಂಪ್ಲೆಕ್ಸ್ ಪನ್ಪಿ ವಿಟಮಿನ್ ಉಂಡು.

ಅರಿತ ಬೆತೆ ಬೆತೆ ನಮೂನೆಲು

• ಬೊಲಂತೆರಿ
• ಉರ್ಪೆಲರಿ
• ಬೆದ್ರರಿ

ಬೇತೆ ರೂಪೊಡು

• ಪೂವರಿ
• ಮುಗುಲರಿ
• ಪಜಿಯರಿ
• ಕಡಿಯರಿ

ಗಳಸುನ

• ಉನುಪ್ಪುಗು
• ಅಡ್ಯೆ
• ಚಕ್ಕುಲಿ
• ಉಂಡ್ಲುಂಗ

ಬೇತೆ ಬೇತೆ ಅತ್ ಗಳಸುನ

• ಅರಿಟ್ ಪಿಷ್ಟ ಕಾರ್ಬೊಹೈಡ್ರೇಟ್ ಜಾಸ್ತಿ. ಪ್ರೋಟೀನ್ ಬುಕ್ಕ ಎಣ್ಣೆತಂಶ ಬಾರಿ ಕಮ್ಮಿ . ಮಾಸೊ, ಎಣ್ಣೆ, ಬೆಙಾನೊ, ಸೆರುಂಡ ಪೊರ್ಲ ನುಪ್ಪು ತೆನಸ್ ಅಪುಂಡು. ಅರಿತ್ತ್ ಚಕ್ಕುಲಿ, ದೋಸೆ, ಇಡ್ಲಿ, ರೊಟ್ಟಿ, ಹಪ್ಪಲೊ, ಸಂಡಿಗೆ ಮಾಂತ ಮಾನ್ಪುವೆರ್.
• ಚಿತ್ರಾನ್ನ, ಪುಳಿಯೊಗರೆ, ಪೊಂಗಲ್, ಉಪ್ಪುಕರಿ ಮಾಂತ ಸಿದಾ ಗಲಸುವೆರ್
• ಪೆತ್ತಲೆಗ ಅರ್ಕಂಜಿನ್ ಅರಿನ್ ಬೊದ್‌ಲ್‌ನ ನೀರ್‍ನ್ ಕೊರ್ಪೆರ್

ಗಾದೆಲು

• ಅರಿ ತಿನ್ಪುನಾಯೆ ಪೋಯೆಂಡ ಬಾರ್ ತಿನ್ಪುನಾಯೆ ಬರ್ವೆ
• ಅರಿ ಕುಂದ್ಯರಲ ಬಲ್ಲಿ ಅಕ್ಕನ ಬಾಲೆಲು ಬರೆಲ್ಯರ ಬಲ್ಲಿ