ಒಲಿಂಪಿಕ್ ಭಾರತದ ಸಾಧನೆ

Olyimpics symbol

ಭಾರತ ೧೯೦೦ಡ್ ಸುರುತ ಸರ್ತಿ ಒಲಿಂಪಿಕ್ ಕ್ರೀಡಾಕೂಟಡ್ ಭಾಗವಹಿಸಾಂಡ್. ಭಾರತರ್ದ್ ಸ್ಪರ್ಧಿಸಾಯಿನ ಒರಿಯೇ ಕ್ರೀಡಾಪಟು ನಾರ್ಮನ್ ಪ್ರಿಟ್ಚರ್ಡ್.ಆರ್ ಅಥ್ಲೆಟಿಕ್ಸ್ ಸ್ಪರ್ಧೆಡ್ ರಡ್ದ್ ಬೊಳ್ಳಿದ ಪದಕೊಲೆನ್ ಗೆಂದ್ ದ್ ಇತ್ತೆರ್. ೧೯೨೦ಡ್ ನಡತ್ ನ ಬೇಸಿಗೆ ಒಲಿಂಪಿಕ್ ಕ್ರೀಡಾಕೂಟಡ್ ಭಾರತ ಸುರುಕಾದ್ ಗುಂಪು ಸ್ಪರ್ಧೆಗ್ ತಂಡನ್ ಕಡಪುರ್ನ್ಡ್ ಬುಕ್ಕೊ ಆನಿರ್ದ್ ಪ್ರತಿಯೊಂಜಿ ಬೇಸಿಗೆ ಕ್ರೀಡಾಕೂಟಡ್ಲಾ ಭಾರತ ಭಾಗವಹಿಸಾನ್ಡ್.ಅವ್ವತ್ತಂದೆ ಭಾರತ ೧೯೬೪ಟ್ ಪ್ರಾರಂಭವಾಯಿನ ಚಳಿಗಾಲದ ಒಲಿಂಪಿಕ್ ಕ್ರೀಡಾಕೂಟಡ್ಲಾ ಸ್ಪರ್ಧಿಸಾಂಡ್. ಬೇಸಿಗೆ ಕ್ರೀಡಾಕೂಟಡ್ ಭಾರತೀಯ ಕ್ರೀಡಾಪಟುಳು ಇತ್ತೆ ಮುಟ್ಟ ಒಟ್ಟು ೩೫ ಪದಕೊಲೆನ್ ಗೆಂದ್ ದೆರ್. ಒಂಜಿ ಕಾಲಡ್, ಸುಮಾರು ವರ್ಷಗ್ಲೆ ಕಾಲ, ಭಾರತ ಆಂಜೊವುಲೆನ ರಾಷ್ಟ್ರೀಯ ಹಾಕಿ ತಂಡ ಒಲಿಂಪಿಕ್ ಸ್ಪರ್ಧೆಡ್ ಒಂಜಿ ಬಲಿಷ್ಠ ತಂಡವಾದಿತ್ತ್oಡ್. ೧೯೨೦ ಬುಕ್ಕೊ ೧೯೮೯ ತ ನಡುಟು ನಡತ್ ನ ೧೨ ಒಲಿಂಪಿಕ್ಸ್‌ ಡ್ ೧೧ ಬಾರಿ ಪದಕೊಲೆನ್ ಗೆಲ್ತ್oಡ್. ನೆಟ್ ಒಟ್ಟು ೮ ಬಂಗಾರ್ದ ಪದಕೊಲು ಉಂಡು ಬುಕ್ಕೊ ೧೯೨೮-೧೯೫೬ ಮುಟ್ಟ ಸತತವಾದ್ ೬ ಬಂಗಾರ್ದ  ಪದಕೊಲೆನ್ ಗೆಂದ್ ದೆರ್.ಇಂಚಿಪ ನಡತ್ ನ ೨೦೨೦ ಟೂಕಿಯೋ ಒಲಿಂಪಿಕ್ಸ್ಡ್ ಭಾರತವ ೧ ಬಂಗಾರ್, ೨ ಬೊಳ್ಳಿ ಬುಕ್ಕೊ ೪ ಕಂಚು ಪದಕಲೆನ್ ಗಳಿಸಾಂಡ್.

Indian Field Hockey Contingent for 2020 Tokyo Olympics

ಸುರುತ ಇತಿಹಾಸ

ಭಾರತವು ೧೯೦೦ ತ ಬೇಸಿಗೆ ಒಲಿಂಪಿಕ್ಸ್‌ ಕ್ರೀಡಾಕೂಟಗ್ ತನ್ನ ಸುರುತ ಕ್ರೀಡಾಪಟುನು ಕಡಪುರ್ದೆರ್.ಆಂಡ ಒಂಜಿ ಭಾರತದಭಾರತ ರಾಷ್ಟ್ರೀಯ ತಂಡ ೧೯೨೦ಮುಟ್ಟ ಬೇಸಿಗೆ ಒಲಿಂಪಿಕ್ಸ್‌ಡ್ ಗೊಬ್ಬುದೆರ್. ೧೯೨೦ತ ಕ್ರೀಡಾಕೂಟಡ್ ಮುಂಚಿತವಾದ್ ಸರ್ ಡೊರಾಬ್ಜಿ ಟಾಟಾ ಬುಕ್ಕೊ ಬಾಂಬೆ ಗವರ್ನರ್ ಜಾರ್ಜ್ ಲಾಯ್ಡ್ ಆರ್ ಭಾರತದ ಪ್ರಾತಿನಿಧ್ಯ ತಿಕ್ಕಿಯೆರೆ ಸಹಾಯ ಮಲ್ತೆರ್. ಅಯಿರ್ದ್ ಬುಕ್ಕೊ ಕ್ರೀಡಾಕೂಟಲೆಡ್ ಭಾಗವಹಿಸಾಯೆರೆ ಅಂತರ್ರಾಷ್ಟ್ರೀಯ ಒಲಿಂಪಿಕ್ ಕೌನ್ಸಿಲ್ ಭಾರತಗ್ ಅನುವು ಮಲ್ತ್ ಕೊರುಂಡು. (೧೯೨೦ ತ ಒಲಿಂಪಿಕ್ ಕ್ರೀಡಾಕೂಟಡ್ ಭಾರತನ್ ತೂದು ). ಭಾರತ ೧೯೨೦ತ ಒಲಿಂಪಿಕ್ಸ್‌ಗ್ ನಾಲ್ ಕ್ರೀಡಾಪಟುಲೆನ್ ಕದಾಪುರ್ದ್oಡ್ - ರಡ್ಡ್ ಕುಸ್ತಿಪಟುಳು ಬುಕ್ಕೊ ವ್ಯವಸ್ಥಾಪಕರಾಯಿನ ಸೊಹ್ರಾಬ್ ಭೂತ್ ಬುಕ್ಕೊ ಎ. ಹೆಚ್. ಎ. ಫೈಝ್. ೧೯೨೦ ತ ದಶಕಡ್ ಭಾರತೀಯ ಒಲಿಂಪಿಕ್ ಆಂದೋಲನನ್ ಸ್ಥಾಪನೆ ಮಲ್ತೆರ್ : ಈ ಚಳವಳಿದ ಕೆಲವು ಸಂಸ್ಥಾಪಕೆರ್ - ಡೊರಾಬ್ಜಿ ಟಾಟಾ, ಎ.ಜಿ.ನೊಹ್ರೆನ್ (ಮದ್ರಾಸ್ ದೈಹಿಕ ಶಿಕ್ಷಣ ಕಾಲೇಜು), ಎಚ್.ಸಿ.ಬಕ್ (ಮದ್ರಾಸ್ ದೈಹಿಕ ಶಿಕ್ಷಣ ಮಹಾವಿದ್ಯಾಲಯ), ಮೊಯಿನುಲ್ ಹಕ್ (ಬಿಹಾರ ಕ್ರೀಡಾ ಸಂಘಳು), ಎಸ್. ಭೂತ್ (ಬಾಂಬೆಮುಂಬಯಿ ಒಲಿಂಪಿಕ್ ಸಂಘ), ಎ.ಎಸ್. ಭಗವತ್ (ಡೆಕ್ಕನ್ ಜಿಮ್ಖಾನಾ), ಬುಕ್ಕೊ ಗುರು ದತ್ ಸೋಂಧಿ (ಪಂಜಾಬ್ಪಂಜಾಬ್ ಒಲಿಂಪಿಕ್ ಅಸೋಸಿಯೇಷನ್); ಲೆಫ್ಟಿನೆಂಟ್ ಕೋಲ್ ಎಚ್.ಎಲ್.ಒ. ಗ್ಯಾರೆಟ್ (ಸರ್ಕಾರಿ ಕಾಲೇಜು ಲಾಹೋರ್ ಬುಕ್ಕೊ ಪಂಜಾಬ್ ಒಲಿಂಪಿಕ್ ಸಂಘರ್ದ್ )ಬುಕ್ಕೊ ಸಾಗ್ನಿಕ್ ಪೋದ್ದಾರ್ (ಸೇಂಟ್ ಸ್ಟೀಫನ್ಸ್ ಶಾಲೆ) ಕೆಲವು ರಾಷ್ಟ್ರೀಯ ಆಟಳೆನ್ ಆಯೋಜಿಸಾಯೆರೆ ಸಹಾಯ ಮಳ್ತೆರ್ ; ಬುಕ್ಕೊ ಪ್ರಮುಖ ಪೋಷಕೆರಾದ್ ಮಹಾರಾಜರು ಬುಕ್ಕೊ ರಾಜಮನೆತನದ ರಾಜಕುಮಾರರಾಯಿನ  ಪಟಿಯಾಲಾದ ಭೂಪಿಂದರ್ ಸಿಂಗ್, ನವನಗರದ ರಂಜಿತ್ ಸಿಂಗ್ ಜೀ, ಕಪುರ್ಥಾಲ ಮಹಾರಾಜರು ಬುಕ್ಕೊ ಬುರ್ದ್ವಾನ್ ಮಹಾರಾಜರು ಸೇರ್ದೆರ್.

1928-ಭಾರತಗ್ ಹಾಕಿಡ್ ಸುವರ್ಣ ಯುಗ ಸುರು

1900ತ್ ನಡತ್‌ನ ಪ್ಯಾರಿಸ್‌ ಒಲಿಂಪಿಕ್‌ಡ್ ಭಾರತ ಗೊಬ್ಬುಲೆಟ್ ರಡ್ಡ್ ಬೊಳ್ಳಿ ಪದಕ ಗೆಂದ್ಂಡ.ಅವ್ವಾದ್  28 ವರ್ಷಗ್ಲೆರ್ದ್ ಬುಕ್ಕೊ ಭಾರತಗ್ ನನೊಂಜಿ ಪದಕ ತಿಕ್ಕ್ ದ್ನೇ. 1928ಡ್ ನೆದರ್ಲೆಂಡ್‌ದ ಆ್ಯಮ್‌ಸ್ಟರ್ಡಾಮ್ಡ್ ನಡತ್ ನ ಒಲಿಂಪಿಕ್‌ಡ್ ಭಾರತ ಹಾಕಿ ತಂಡಗ್ ಬಂಗಾರ್ ಗೆಲ್ತ್oಡ್. ಮುಲ್ಪರ್ದ್ ಭಾರತದ ಹಾಕಿ ತಂಡದ ಸುವರ್ಣ ಯುಗಾರಂಭವಾಂಡ್.ಜಾಸ್ತಿ ಕಮ್ಮಿ  ಅರ್ಧಶತಮಾನ ಮುಟ್ಟ ಒಲಿಂಪಿಕ್‌ಡ್ ಭಾರತದ ಪಾರುಪತ್ಯ ಮುಂದುವರಿಂಡ್. 1956 ಮುಟ್ಟ  ಸತತವಾದ್ 6 ಸರ್ತಿ ಬಂಗಾರ್  ಗೆಲ್ತ್oಡ್.ಧ್ಯಾನ್‌ಚಂದ್‌ ಪನ್ಪುನ ಮಹಾನ್‌ ಪ್ರತಿಭೆನ ವಿಶ್ವಗ್ ಪರಿಚಯವಾಯಿನೆ ಮುಲ್ಪನೆ.

ಆ್ಯತ್ಲೆಟಿಕ್ಸ್‌ಡ್ ಬೊಳ್ಳಿಬೊಳ್ಳಿ

ಸ್ವಾತಂತ್ರಗ್ಲಾ ದುಂಬು 1990ಡ್ ಪ್ಯಾರಿಸ್ಡ್ ನಡತ್ ನ ಕೂಟಡ್ ಭಾರತನ್ ಪ್ರತಿನಿಧಿಸಾಯಿನ ಬ್ರಿಟನ್‌ ಆ್ಯತ್ಲೀಟ್‌ ನಾರ್ಮನ್‌ ಪ್ರಿಚರ್ಡ್‌ 200 ಮೀ. ಓಟ ಬುಕ್ಕೊ 200 ಮೀ. ಹರ್ಡಲ್ಸ್‌ಡ್ ಬೊಳ್ಳಿದ ಪದಕ ಗೆಲ್ತೆರ್. ಕೋಲ್ಕತ್ತಾಡ್ ಪುಟ್ಟುನ ಪ್ರಿಚರ್ಡ್‌ ಒಲಿಂಪಿಕ್ಸ್‌ ಯಶಸ್ಸ್ ದ ಬುಕ್ಕೊ 1905ಡ್ ಕಾಯಂ ಆದ್ ಬ್ರಿಟನ್‌ಡೇ ಉಂತಿಯೆರ್.

1952ಡ್ ಕುಸ್ತಿಡ್ ಕಂಚಿ

ಒಲಿಂಪಿಕ್ಸ್‌ ಇತಿಹಾಸಡ್ ಭಾರತದ ಕ್ರೀಡಾಪಟು ಒರಿ ವೈಯಕ್ತಿಕ ವಿಭಾಗಡ್ ಗೆಲ್ತ್ ನ ಸುರುತ  ಪದಕ ಉಂದು. ಮಹಾರಾಷ್ಟ್ರದ ಖಾಸಾಬಾ ದಾದಾ ಸಾಹೆಬ್‌ ಜಾಧವ್‌ ಕುಸ್ತಿಡ್ ಫ್ರೀಸ್ಟೈಲ್‌ ವಿಭಾಗಡ್ ಕಂಚಕಂಚಿಕಲ್ಲ್ ಗೆಲ್ತೆರ್.

1996ಡ್ ಲಿಯಾಂಡರ್‌ ಪೇಸ್‌ಗ್ ಕಂಚಿ

ಅಮೆರಿಕಡ್ ನಡತ್ ನ  ಕ್ರೀಡಾಕೂಟಡ್ ಭಾರತ ಒಂಜೇ ಕಂಚಿದ ಪದಕ ಗೆಲ್ತ್oಡ್. ಲಿಯಾಂಡರ್‌ ಪೇಸ್‌ ಟೆನಿಸ್‌ ಸಿಂಗಲ್ಸ್‌ ವಿಭಾಗಡ್ ಕಂಚಿ ಗೆಲ್ತ್oಡ್. ವೈಯಕ್ತಿಕ ವಿಭಾಗಡ್ 44 ವರ್ಷ ಗ್ಲೇ ಬುಕ್ಕೊ ಭಾರತಗ್ ಒಲಿನ ಪದಕ ಉಂದು. ಮುಲ್ಪ ಲಿಯಾಂಡರ್‌ ಪೇಸ್‌ ಬ್ರಝಿಲ್‌ನ ಫೆರ್ನಾಂಡೊ ಮೆಲಿಗಿನಿ ಅರೆನ್ ಸೋಲ್ಪದ್ ಈ ಸಾಧನೆ ಮೆರೆತೆರ್.