ಕವಿತಾ ಲಂಕೇಶ್

ಕವಿತಾ ಲಂಕೇಶ್
ಪುಟ್ಟು	(೧೯೭೪ -೧೨-೧೩)೧೩ ಡಿಸೆಂಬರ್ ೧೯೭೪ ಬೆಂಗಳೂರು, ಕರ್ನಾಟಕ, ಭಾರತ
ವೃತ್ತಿ	ಚಲನಚಿತ್ರ ನಿರ್ದೇಶಕಿ
Notable work	ದೇವೀರಿ (೧೯೯೯)
Parent(s)	ಪಿ. ಲಂಕೇಶ್ ಇಂದಿರಾ ಲಂಕೇಶ್
ಸಂಬಂಧೊ	ಗೌರಿ ಲಂಕೇಶ್ (ತಂಗಡಿ) ಇಂದ್ರಜಿತ್ ಲಂಕೇಶ್ (ಮೆಗ್ಯೆ)
Website	kavithalankesh.com

ಕವಿತಾ ಲಂಕೇಶ್ (ಪುಟ್ಟು: ೧೩-೧೨-೧೯೭೪) ಪೊಸ ತಲೆಮಾರ್‌ದ ಚಲನಚಿತ್ರ ನಿರ್ದೇಶಕಿ ಬೊಕ್ಕ ನಿರ್ಮಾಪಕಿ. ಯುವ ನಿರ್ದೇಶಕೆ ಬೊಕ್ಕ ಲೇಖಕೆ ಪಿ.ಎಲ್.ಇಂದ್ರಜಿತ್ ಮೆರೆನ ಸೋದರೆ, ಲಂಕೇಶ್ ಪತ್ರಿಕೆದ (ಇತ್ತೆದ ಲಂಕೇಶ್) ಸಂಪಾದಕಿ ಗೌರಿಲಂಕೇಶ್ ಮೆರೆನ ಸೋದರಿ.

ಜೀವನ,ವೃತ್ತಿ

• ಮೆರೆನ ಅಮ್ಮೆರ್ ಕನ್ನಡದ ಪುದರ್ ಪೋಯಿ ಲೇಖಕೆ ಪಿ.ಲಂಕೇಶ್, ಅಪ್ಪೆ ಇಂದಿರಾ. ೧೯೭೪ ಡಿಸೆಂಬರ್ ೧೩ತಾನಿ ಪುಟ್ಟ್‌ನ ಕವಿತಾ ಆರ್ ಜಾಹೀರಾತ್ ವಿಷಯೊಡು ಡಿಪ್ಲೊಮಾ, ಇಂಗ್ಲಿಷ್ ಸಾಹಿತ್ಯೊಡು ಸ್ನಾತಕೋತ್ತರ ಪದವಿ ಪಡೆವೊಂದೆರ್. ಸಿನಿಮಾ ಕಲೆತ್ತ ಬಗೆಟ್ಟ್ ಮೆರೆಗ್ ವಿಶೇಷ ಆಸಕ್ತಿ. ಮೆರ್ ಆಪ್ಲಾಜ್ ಫಿಲ್ಮ್‌ ಸುರು ಮಲ್ತ್‌ದ್ ಅಯಿತ್ತ ಮೂಲಕ ೩೦ಕ್ಕ್‌ಲಾ ಎಚ್ಚ ಕಾರ್ಪೋರೇಟ್ ಸಂಸ್ಥೆಲೆಗಾದ್ ಬೊಕ್ಕ ಕರ್ನಾಟಕ ಸರ್ಕಾರದ ಬೇತೆ ಬೇತೆ ಇಲಾಖೆಲೆಗಾದ್ ಸಾಕ್ಷ್ಯಚಿತ್ರೊಲೆನ್‌ ನಿರ್ದೇಶಿಸದೆರ್.
• ಯಕ್ಷಗಾನದ ಕುರಿತಾದ್ ದಿ ಸಾಂಗ್ಸ್‌ ಆಫ್ ಏಂಜಲ್ಸ್‌ ಪನ್ಪುನವು ಅಯಿಟ್ಟ್‌ ಒಂಜಿ. ವಿಭಿನ್ನ ಕ್ಷೇತ್ರೊಲೆಡ್ ಸಾಧನೆ ಮಲ್ತ್‌ನ ಮಹಿಳೆಯೆರೆನ್ ಕುರಿತಾದ್ ಮೇರ್ ನಿರ್ದೇಶಿಸಾಯಿನ ಸಾಕ್ಷ್ಯ ಚಿತ್ರೊಲು ಮೇರೆನ್ ಪ್ರಯೋಗಶೀಲ ನಿರ್ದೇಶಕಿ ಪನ್ಪುನೆನ್ ಋಜುವಾತು ಪಡಿಸಾದ್ಂಡ್. ಸುರುತ ಸರ್ತಿಗ್ ಪಿ.ಲಂಕೇಶೆರೆನ ಅಕ್ಕ ಕಾದಂಬರಿನ್ ಆಧರಿಸಾದ್ ಮೇರ್ ನಿರ್ದೇಶಿಸಾಯಿನ ದೇವೀರಿ ಎಲ್ಯ ಪ್ರಾಯದ ಆಣನ ಭಾವನೆಲೆನ್ ಪತ್ತ್‌ದ್ ದೀತ್‌ನ ಚಿತ್ರ. ಉಂದು ಅತೀ ಎಚ್ಚ ಅಂತಾರಾಷ್ಟ್ರೀಯ ಚಲನಚಿತ್ರೋತ್ಸವೊಲೆಡ್‍ ಭಾಗವಹಿಸಾಯಿನ ಕನ್ನಡ ಚಿತ್ರ ಪಂಡ್‌ದ್‌ ಪುದರ್‌ ಪಡೆದ್ಂಡ್.

ದೇವೀರಿ ಚಲನಚಿತ್ರೊಗು ಸಂದಿನ ಪ್ರಶಸ್ತಿಲು

1. ಪ್ರಥಮ ಅತ್ಯುತ್ತಮ ಚಿತ್ರ ಪಂದ್ ಉಂದು ಕರ್ನಾಟಕ ಸರ್ಕಾರೊರ್ದು ಪ್ರಶಸ್ತಿ ಗಳಿಸಂಡ್‌ (೧೯೯೯-೨೦೦೦). ಈ ಚಲನಚಿತ್ರೊಗು ಬೇತೆ ಬೇತೆ ಮಸ್ತ್ ಪ್ರಶಸ್ತಿಲು ತಿಕ್ಕ್‌ದ್ಂಡ್. ಅಯಿಟ್ಟ್ ಮುಖ್ಯವಾಯಿನವು ಪಂಡ್‍ಂಡ-
2. ಅರವಿಂದನ್ ಪುರಸ್ಕಾರದ ರಾಷ್ಟ್ರೀಯ ಉತ್ತಮ ನಿರ್ದೇಶನ ಪ್ರಶಸ್ತಿ (೧೯೯೯),
3. ವಿಶೇಷ ರಾಷ್ಟ್ರೀಯ ಪ್ರಶಸ್ತಿ (೧೯೯೯),
4. ಶ್ರೇಷ್ಠ ಬಾಲಾಭಿನಯ ಪ್ರಶಸ್ತಿ (೨೦೦೦),
5. ಸುಪ್ರಭಾತ ಟೆಲಿವಿಷನ್‌ದ ಶ್ರೇಷ್ಠ ನಿರ್ದೇಶನ ಪ್ರಶಸ್ತಿ (೨೦೦೧),
6. ಕಾವೇರಿ ಏಷ್ಯಾನೆಟ್ ಟೆಲಿವಿಷನ್‍ದ ಉತ್ತಮ ಕಥಾ ಪ್ರಶಸ್ತಿ (೨೦೦೧).

ಈ ಚಿತ್ರ ಭಾರತದ ಪ್ರಮುಖ ನಗರೊಲು ಮಾತ್ರ ಅತ್ತಂದೆ ಲಂಡನ್, ದರ್ಬಾನ್, ಬ್ಯಾಂಕಾಕ್, ಸಿಡ್ನಿ ಇಂಚಿತ್ತ್ ನ ಕಡೆಟ್ಟ್ ನಡತ್‌ನ ಚಲನಚಿತ್ರೋತ್ಸವಲೆಡ್‌ ಪ್ರದರ್ಶನ ಆದ್‌‍ ವಿದೇಶೀಯೆರೆನ ಗಮನೊನು ಒಯಿತ್ಂಡ್.

ನಿರ್ದೇಶನ ಬೊಕ್ಕ ಸಾಕ್ಷ್ಯಚಿತ್ರ ನಿರ್ಮಾಣ

• ಮೇರ್ ಅಲೆಮಾರಿ, ಬಿಂಬ ಪನ್ಪುನ ಚಿತ್ರೊಲೆನ್‍ ನಿರ್ದೇಶಿಸದೆರ್. ಪ್ರೀತಿ ಪ್ರೇಮ ಪ್ರಣಯ ಮೇರ್ ನಿರ್ದೇಶಿಸಾಯಿನ ಚಿತ್ರ(೨೦೦೩). ತಾನೊರ್ತಿ ಸಮರ್ಥ ನಿರ್ದೇಶಕಿ ಪನ್ಪುನೆನ್ ಮೇರ್ ತೋಜಾದ್ ಕೊರ್ತೆರ್. ಪರಿಸರ ತಜ್ಞೆ ತುಳಸಿ ಮೆರೆನ ಬಗೆಟ್ಟ್ ಮೇರ್‌ ತಯಾರಿಸಾಯಿನ ಕಿರುಚಿತ್ರ ಗಂಭೀರ ಪ್ರಯತ್ನೊಡು ಮೂಡ್‌ದ್ ಬೈದ್‍ಂಡ್. ಸಾಮಾಜಿಕ ಕಳಕಳಿನ್ ಒಳಗೊಂಡ್‌ನ ಚಿತ್ರ ಪಂದ್‌ ಉಂದೆಕ್ಕ್ ಇಂದಿರಾ ಪ್ರಿಯದರ್ಶಿನಿ ಪ್ರಶಸ್ತಿ ತಿಕ್ಕ್‌ದ್ಂಡ್.
• ಕರ್ನಾಟಕದ ಸಿದ್ಧಿಜನಾಂಗದ ಸ್ಥಿತಿಗತಿಲೆನ ಬಗೆಟ್ಟ್ ತಯಾರಿಸಾಯಿನ ನನೊಂಜಿ ಸಾಕ್ಷ್ಯಚಿತ್ರ ಗಮನಾರ್ಹವಾಯಿನವು. ‘ಹಸೆಕಲೆ’ ಅವನತಿ ಹೊಂದೊಂದು ಉಪ್ಪುನ ಒಂಜಿ ಗ್ರಾಮೀಣ ಕಲೆ. ಈ ಕಲೆತ್ತ ಕುರಿತಾದ್‌ಲಾ ಮೇರ್ ಸಾಕ್ಷ್ಯಚಿತ್ರ ನಿರ್ಮಿಸಾದೆರ್. ರಂಗಭೂಮಿ ಕಲಾವಿದೆ ಬಿ.ಜಯಶ್ರೀ, ಚಿತ್ರಕಲಾವಿದೆ ಪುಷ್ಪಮಾಲ, ನಿರ್ದೇಶಕಿ ಪ್ರೇಮಾಕಾರಂತ, ಚಿತ್ರನಟಿ ಜಯಂತಿ, ಬರೆಹಗಾರ್ತಿ ವೈದೇಹಿ ಬೊಕ್ಕ ಸಮಕಾಲೀನ ನೃತ್ಯಗಾರ್ತಿ ತ್ರಿಪುರಾ ಕಶ್ಯಪ್ ಇಂಚಿತ್ತಿ ಕಲಾವಿದೆರೆನ ಬಗೆಟ್ಟ್ ಮೇರ್ ತಯಾರ್ ಮಲ್ತಿನ ಸಾಕ್ಷ್ಯಚಿತ್ರೊಲು ರಾಜ್ಯೊದ ಒರ್ಮೆಲಾ ಪ್ರದರ್ಶನ ಪಡೆದ್‍ ಪ್ರಶಂಸೆ ಗಳಿಸಾದ್ಂಡ್.