ಚಾಮುಂಡಿ

ಅಭಯ ಕೊರ್ಪಿನ ಚಾಮುಂಡಿ 1

ತುಳುನಾಡ್‌ದ ಪೊಣ್ಣ್ ಭೂತೊ ಚಾಮುಂಡಿ. ನಂಬುನಕುಲು ಇಂದೆನ್ ಅಪ್ಪೆ ಚಾಮುಂಡಿ ಪನ್ಪೆರ್.

ಇತಿಹಾಸೊ

ದುರ್ಗೆನ ಒಂಜಿ ರೂಪೊ ಚಾಮುಂಡಿ. ಚಂಡಿ, ದುರ್ಗೆ, ಪಾರ್ವತಿ ಮೆಕ್ಲ್ ಪೂರೆರ್ಲಾ ಒಂಜೇ ರೂಪೊಂದು ನಂಬುವೆರ್. ತುಳುನಾಡ್‌ಡ್ ಬೇತೆ ಬೇತೆ ಚಾಮುಂಡಿ ಭೂತೊಗುಲು ಉಂಡು.

ಚಾಮುಂಡಿ ಪದ ವಿವರಣೆ

ಮುಲ್ಪ ಪ್ರತಿಯೊಂಜಿ ಪುದರ್‌ದೊಟ್ಟುಗೆ ಚಾಮುಂಡಿ ಸೇರೊಂದ್‍ಂಡ್. ಅಂಚಾದ್ ಇಂದು ಮಾಂತ ಭೂತೊಲು ಬೇತೆ ಬೇತೆ ಅತ್ತ್. ಬದಲಾತ್ ಚಾಮುಂಡಿ ಪುದರ್‌ನ್ ಸೇರೊನುನ ಈ ಮಾಂತ ಭೂತೊಲುಲ ಆಯಾ ಪ್ರದೇಸೊಡು ಜಾಗೆದ ಕಾರ್ನಿಗೊ ಆದ್ ಜನೊ ನಂಬುನಂಚನೆ ಬುಲೆದ್ ಬತ್ತ್‌ದ್ಂಡ್. ಚಂಡಿ>ಚವುಂಡಿ>ಚಾವುಂಡಿ>ಚಾಮುಂಡಿ ಪುದರ್ ಇನಿಕ್ಕ್ ಚಾಮುಂಡೇಶ್ವರಿ ದೇವಿಯಾದ್ ಪುದರ್ ಬೆಳಗೊಂದುಂಡು. ಚಂಡಿಕೆ, ಚವುಡಿಕೆ, ಚೌಡಿಕೆ, ಚೌಡಮ್ಮ, ಚೌಡೇಶ್ವರಿ ಇಂಚ ಬೇತೆ ಬೇತೆ ಕನ್ನಡ ಪುದರ್‌ದ ದೇವಿ ಆರಾಧನೆಲು ನಡತೊಂದುಂಡು. ದೇವಿ, ಈಶ್ವರಿ, ಇಂಚ ನವದುರ್ಗೆನ ರೂಪ ಪಡೆಯಿನ ಪಾರ್ವತಿಲಾ ತುಳುನಾಡ್‌ಡ್ ಆರಾಧನೆ ಮಲ್ಪುನ ಚಾಮುಂಡಿ ಆರಾಧನೆಗ್‍ಲಾ ಒಂಜಾತ್ ಪ್ರಾದೇಶಿಕ ವ್ಯತ್ಯಾಸೊ ಉಂಡು.

ಚಾಮುಂಡಿದ ವಿದೊಕ್ಕುಲು

ಮುಗೊ ದೀಡ್‍ನ ಚಾಮುಂಡಿ 2

1. ಅಗ್ನಿ ಚಾಮುಂಡಿ
2. ಒಲಿ ಚಾಮುಂಡಿ
3. ಕರಿಚಾಮುಂಡಿ
4. ಕೋಮಾರು ಚಾಮುಂಡಿ
5. ಗುಡ್ಡೆಚಾಮುಂಡಿ
6. ಚಂಡಿ
7. ಚವುಂಡಿ
8. ಚಾವುಂಡಿ
9. ಚಾಮುಂಡಿ
10. ನಾಗ ಚಾಮುಂಡಿ
11. ನೆತ್ತೆರ್ ಚಾಮುಂಡಿ
12. ಪಾಪೆಲು ಚಾಮುಂಡ
13. ಪಿಲಿ ಚಾಮುಂಡಿ.
14. ಮಡೆ ಚಾಮುಂಡಿ
15. ಮಲೆ ಚಾಮುಂಡಿ
16. ಮಲೆಯಾಳ ಚಾಮುಂಡಿ
17. ಮುಡ ಚಾಮುಂಡಿ
18. ರುದ್ರಾಂಡಿ
19. ರುದ್ರಚಾಮುಂಡಿ
20. ವಿಷ್ಣುಮೂರ್ತಿ ಚಾಮುಂಡಿ
21. ಗುಡ್ಡೆ ಚಾಮುಂಡಿ.

ಚಾಮುಂಡಿ ಭೂತೊದ ಪಾರಿ ಪಾರಿ

ಕಳುವಾಜೆಡ್ ಚಾಮುಂಡಿಗ್ ಮೊಗದೆಚ್ಚಿಗ್ ಪೂವರಿತ ಪಾರಿ

ಸ್ವಾಮಿ ದೈವೊನೆ,

ದುಂಬಾತ್ ಸೀಮೆ ದೇವೆರಾಯಿನ ಪರಿವಾರ ಪಂಚಲಿಂಗೇಶ್ವರ ದೇವೆರೆನ್,

ಮಾಗಣೆ ದೇವೆರಾಯಿನ ಅಪ್ಪೆ ಜಲಧುರ್ಗೆನ್,

ಗ್ರಾಮ ದೇವೆರಾಯಿನ ಸದಾಶಿವ ದೇವೆರೆನ್,

ಗ್ರಾಮ ದೈವಲಾಯಿನ ಇರುವೆರ್ ಉಳ್ಳಾಕುಲು,

ಶಿರಾಡಿ ರಾಜನ್ ದೈವೊನು,

ಕುಟುಂಬೊತ ಧರ್ಮದೈವೊಲೆನು,

ಭೂಮಿಡ್ ನಾಗೆದೇವೆರನು ಮನಸಾರೆ ವಂದನೆ ಮಾಲ್ತೊಂದು,

ಅಪ್ಪೆ ಚಾಮುಂಡಿನ ರಜಾಂಗಣೊಡು ಮಾಲ್ಪಿ ಪ್ರಾರ್ಥನೆ

ಕಳುವಾಜೆದ ಚಾಮುಂಡಿಗ್ ಮೊಗದೆಚ್ಚಿಗ್ ಪೂವರಿತ ಪಾರಿ.