ಬಳಕೆದಾರೆ:Yakshitha/ಕಲ್ಪುನ ಕಳ/30
ಯಾದವರೆನ ವಂಶೊಡು ಶೂರಸೇನೆ ಪನ್ಪಿ ಪುದರ್ ದ ಪ್ರಸಿದ್ದೊ ಅರಸು ರಾಜ್ಯವಾಳೊಂದು ಸುಖ ಸಮೃದ್ಧಿಡು ಇತ್ತೆರ್. ಈ ಅರಸುಲೆಗ್‌ “ಪೃಥಾ' ಪುದರ್‌ದ ಪೊರ್ಲುದ ಮಗಲ್ ಇತ್ತೆರ್. ವಸುದೇವ ಪುದರ್ ದ ಮಗೆ ಲಾ ಇತ್ತೆರ್. ಕುಂತಿಭೋಜ ಅರಸು ಶೂರಸೇನೆ ಅರಸುಲೆನ ಮಾಮಿನ ಮಗೆ. ಮೊಕುಲು ಪೊರ್ಲುದ ಸ್ನೇಹಿತೆರ್‌. ಕುಂತಿಭೋಜೆರೆಗ್ ಜೋಕುಲು ಇಜ್ಜಾಂಡ್. ಇಂಚನೆ ಒಂಜಿ ದಿನೊ ಪಾತೆರ್‌ನಗ ಶೂರಸೇನೆರ್‌ ಎಂಕ್‌ ಜೋಕುಲು ಅಂಡ ಕಡೀರ್‌ದ ಬಾಲೆನ್ ಕುಂತಿಭೋಜೆರೆಗ್ ಸಾಂಕರೆ ಕೊರ್ಪೆ ಪಂಡ್ದ್ ಪಾತೆರ ಕೊರ್ಪೆರ್. ಪಂಡಿಪಾತೆರ ತಪ್ಪಂದೆಂಚನೆ ಶೂರಸೇನೆರ್‌ ಅರೆಗ್ ಪುಟ್ಟಿನ ಕಡಿರುದ ಪೊಣ್ಣ್‌ಬಾಲೆನ್‌ ಕುಂತಿಭೋಜ ಅರಸುಲೆಗ್‌ ಸಂತೋಸೊಡೆ ಕೊರ್ಪೆರ್.
ಕುಂತಿಭೋಜೆ ಬಾರಿ ಸಂತೋಸೊಡ್ ಆ ಪೊಣ್ಣು ಬಾಲೆಗ್‌ ಕುಂತಿ ಪನ್ಪಿ ಪುದರ್ ದೀದ್‌ ಲೆತ್ತೆರ್‌. ಪೊರ್ಲುಡ್‌ ಸಾಂಕುವೆರ್‌. ಎಡ್ಡೆ ಸಂಸ್ಕಾರನ್ಲಾ ಕಲ್ಪಾವೆರ್‌. ದೇವರೆಪೂಜೆ, ಬಿನ್ನೆರೆ ಸತ್ಕಾರ ಇಂಚ ಅನೇಕೊ ಎಡ್ಡೆ ಗುಣಡ್‌ ದಾವರ ಮಾಂತೆರೆನ ಮೋಕೆದ ರಾಜಕುಮಾರಿ ಆದಿತ್ತೆರ್.
ದುರ್ವಾಸ ಮುನಿಕ್ಕುಲೆನ ಆಗಮನೊ ಬುಕ್ಕ ಕರ್ಣನ ಪುಟ್ಟು[ಸಂಪೊಲಿಪುಲೆ]
ಒಂಜಿ ದಿನೊ ರಾಜೆ ಕುಂತಿಭೋಜನ ಆಸ್ಥಾನಗ್‌ ಬಾರಿ. ಮಾಮಲ್ಲ ಋಷಿ ಶಿವ ದೇವೆರೆನನ ಅವತಾರೊ ಪಂಡ್‌ದೆ ಪ್ರಸಿದ್ಧ ಪಡೆಯಿನ ದುರ್ವಾಸಮುನಿಕುಲು ಬತ್ತೆರ್‌. ಈ ಖುಷಿಕ್ಕುಲೆನ್‌ ಸಮಾದಾನ ಮಲ್ಪುನವೇ ಬಾರಿ ಮಲ್ಲ ವಿಚಾರ. ದುರ್ವಾಸಮುನಿಕುಲು ಕುಂತಿಭೋಜೆರೆಡ ಅರಮನೆಡ್ ತಂಕ್ ಬುಕ್ಕ ತನ್ನ ಪರಿವಾರದಕ್ಲೆಗ್ ಒಂಜಿ ದಿನ ಅರಮನೆಡ್ ಕುಲ್ಲುನ ವ್ಯವಸ್ತೆ ಮಲ್ಪರೆಗ್ ಕೇನ್ ನಗ ಅರಸೆರ್ ತನ್ನ ಮಗಲ್ ಕುಂತಿ ಇರೆನ ಸೇವೆನ್ ಮಸ್ತ್ ಶ್ರದ್ದೆಡ್ ಮಸ್ತ್ ಕುಸಿಟ್ಟ್ ಮಲ್ಪುವೊಲ್ ಪಂಡ್ ದ್ ಒಪ್ಪುವೆರ್.
ಅಂಚ ಕುಂತಿ ಅಮ್ಮೆರೆನ ಪಾತೆರ್‌ನ್‌ ನಡಪಾದ್ ಕೊರ್ಪಿನ ಸಲುವಾದ್‌ ಬಕ್ತಿಡ್‌ ಪೂಜ್ಯಗುರುಕುಲೆನ ಸೇವೆ ಮಲ್ತ್‍ದ್ ಅರೆನ ಪ್ರೀತಿಗ್‌ ಪಾತ್ರರಾಪೆರ್. ಕುಂತಿನ ಸೇವೆಗ್ ಮಾತೆರ್ಲಾ ಸಂತುಸ್ಟರಾಯಿನೈದಾತ್ರ ಋಸಿಲುಕು ಕುಂತಿಗ್ ಒಂಜಿ ಮಹಾಮಂತ್ರೊನ್ ಉಪದೇಶ ಮಲ್ಪುವೆರ್. ಈ ಮಂತ್ರೊಡ್ ಪಠಿಸಾಂಡ ದೇವಲೋಕೊಡುವುಪ್ಪುನ ವಾ ದೇವತೆನ್‌ಲಾ ಲೆತ್ತ್‌ದ್‌ ಒಂತೆ ಪೊರ್ತ್‌ ನಿನ್ನ ವಶಟ್ಟು ವುಪ್ಪುವೆರ್‌. ಅಂಚ ಪಂಡುದ್‌ ಮಹರ್ಷಿಲು ಆ ಮಹಾಮಂತ್ರಲೆನ್‌ ಉಪದೇಶ ಮಾಲ್ತುದ್‌ ಅರಸು ಕುಂತಿಭೋಜೆರೆನ ಅನುಜ್ಞೆ ಪಡೆಯೊಂದ್‌ ಪೋಪೆರ್‌. ಒಂಜಿ ದಿನೊ ರಾಜಕುಮಾರಿ ಕುಂತಿ ಮನಸ್ಸ್ ಡ್ ಮಹರ್ಷಿಲ್ ಉಪದೇಶ ಮಲ್ತ್‍ದ್ ಕೊರ್ನ ಮಂತ್ರೊಲು ಸತ್ಯೊನಾ ಪಂದ್ ಕುತೂಹಲ ಬೈದ್‌ ಅರಮನೆತ್ತ ಉಪ್ಪರಿಗೆಡ್‌ ಇತ್ತಿನ ಮಂಚೊದ ಮಿತ್ತ್‌ ಕುಲ್ಲೊಂದ್ ಉದಯಿಸಾವೊಂದ್‌ ಮಿತ್ತ್‌ ಬರ್ಪಿನ ದಿವ್ಯ ಕವಚದಾರಿಯಾಯಿನ ಪೊರ್ಲುದ ಕರ್ಣಕುಂಡಲದಾರೆಯಾಯಿನ ಸೂರ್ಯದೇವೆರೆನ್‌ ಏಕದೃಷ್ಟಿಡ್‌ ತೂವೊಂದ್‌ ಇಪ್ಪುನಗ ದುರ್ವಾಸ ಮಹರ್ಷಿಲು ಉಪದೇಶ ಮಲ್ತಿನ ಸೂರ್ಯಮಂತ್ರೊದ ನೆಂಪು ಬತ್ತ್ಂಡ್. ಶುದ್ಧ ಮನಸ್ಸ್‌ಡ ಮಹರ್ಷಿಲ್ ಪಂಡ್ ದ್ ಕೊರ್ನ್ಯ ಸೂರ್ಯಮಂತ್ರೊಲೆನ್‌ ಪಿರ ಉಚ್ಚಾರಣೆ ಮಾಲ್ತ್ ದಾನಗ ಸೂರ್ಯದೇವೆರ್ ಕುಂತಿನ ಕೈತಲ್ ಬತ್‍ದ್ ರಾಜಕುಮಾರಿ ಕುಂತಿ - ಎನರ್ದ್ ವಾ ಕಾರ್ಯ ಆವರೆ ಉಂಡು? ಅವೆನ್ ಯಾನ್ ನಡಪಾದ್ ಕೊರ್ಪೆಂದ್ ಪನ್ಪೆರ್. ಅವೆಕ್ಕ್ ಉತ್ತರವಾದ್‌ ರಾಜಕುಮಾರಿ ಕುಂತಿ ಯಾನ್ ಕುತೂಹಲಗಾದ್‌ ಮಹಾಮಂತ್ರನ್‌ ಉಚ್ಚರಣೆ ಮಲ್ತ್ ದ್ ಇರೆನ ಆಹ್ವಾನ ಮಲ್ತೆ. ಕ್ಸಮೆ ಕೊರೊಡ್‌ ಪಂಡ್ದ್ ಕುಂತಿ ಪನ್ನಗ ಉಂದೆಕ್ಕ್‌ ಉತ್ತರವಾದ್‌ ಸೂರ್ಯ ದೇವೆರ್ ಉಂದು ಸುಲಬವಾಯಿನ ಪಾತೆರ ಅತ್ತ್‌. ದೇವೆರೆನ ದರ್ಶನೊ ಯಾಪಲಾ ವ್ಯರ್ತ ವಾಪುಜಿ. ಇರೆನ ಮನಸ್ಸ್‍ಡ್ ಉಪ್ಪುನ ವಿಚಾರ ಸತ್ಯ ಆಪುಂಡ್‌. ಕವಚ-ಕುಂಡಲದಾರಿಯಾಯಿನ ಪ್ರಪಂಚೊಡೇ ಅಪ್ರತಿಮ ಪರಾಕ್ರಮಿಯಾಯಿನ, ಮಗನ ಜನನೊ ಆಪುಂಡು ಪಂಡ್ದ್ ವರೊನು ಕುಂತಿಗ್ ಕೊರಿಯೆರ್.
ಅಂಚನೆ ಒರುಂಬ ತಿಂಗೊಲು ಕರಿನಗ ಕುಂತಿಗ್ ಪೊರ್ಲುದ ಕವಚ ಕುಂಡಲದಾರಿಯಾಯಿನ ಸೂರ್ಯಲೆಕೊನೆ ಪ್ರಕಾಶಮಾನದ ಬಾಲೆದ ಜನನ ಆಪುಂಡ್‌. ಮಾಘ ಶುದ್ಧ ಪ್ರಥಮಡ್ ಬಾಲೆದ ಜನನ ಆಂಡ್‌. ಬಾಲೆನ್ ತೂದ್‌ ರಾಜಕುಮಾರಿಗ್‌ ಕುಸಿ ಅಂಡ್‌. ಅವೆತೊಟ್ಟುಗ್‌ ಲೋಕಾಪವಾದದ ಭೀತಿ. ಉಂದೆಕ್ಕ್‌ ಸಲುವಾದ್‌ ಷಸಞಬಾಲೆನ್‌ ಸಾಂಕುನ ಸಾದ್ಯ ಇಜ್ಜಿ ಪಂಡುದ್‌ ಒಂಜಿ ವೃವಸ್ತಿತವಾಯಿನ ಪೆಟ್ಟಿಗೆಡ್‌ ಬಾಲೆನ್ ಜೆಪ್ಪುಡಾದ್‌ ಅಶ್ವಾ ಪುದರುದ ಸುದೆಟ್ಟ್ ತೇಲಾದ್‌ ಬುಡ್ಪಲ್.
ರಾಧೆ ಕೈತಲು ಕರ್ಣೆ[ಸಂಪೊಲಿಪುಲೆ]
'ಅಶ್ವಾ' ಸುದೆಟ್ಟ್ ತೇಲಾದ್‌ ಬುಡ್ನ ಪೆಟ್ಟಿಗೆ ನೀರ್‌ಡ್‌ ದುಂಬು ಪೋದ್‌ ಚರ್ಮಣ್ವ ಸುದೆ, ಯಮುನಾ ಸುದೆ ಬೊಕ್ಕ ಗಂಗಾ ಸುದೆಟ್ಟ್ ಸೇರುಂಡ್‌. ಆ ಪೊರ್ತ್‌ಗ್‌ ಸರಿಯಾದ್‌ ರಾಜೆ ದೃತರಾಷ್ಟ್ರನ ಸ್ನೇಹಿತೆ ಸೂತ ಜಾತಿದ ಅಧಿರಥ ಪುದರುದ ಸೂತೆನ ಬುಡೆದಿ ರಾಧೆನೊಟ್ಟುಗು ಮೀಯರ ಬತ್ತಿತ್ತೆ. ತೂವರೆ ರಾಧೆ ಪೊರ್ಲುದ ಪೊಣ್ಣು ಆಂಡ ಒಂಜಿ ಕೊರತೆ ಪಂಡ ಅಕ್ಲೆಗ್ ಜೋಕುಲು ಆದಿತಿಜಿ. ಅವೆಕ್ಕ್ ಸಲುವಾದ್‌ ವ್ರತ, ಉಪವಾಸೊ ಮಲ್ತೊಂದಿತ್ತೆರ್. ರಾಧೆ ಗಂಗಾನದಿತ್ತ ಕೈತಲ್ ಬನ್ನಗ ತೇಲೊಂದ್‌ ಬರ್ಪುನ ಪೊರ್ಲುದ ಪೆಟ್ಟಿಗೆ ಅಲೆನ ಕೈತಲ್ ಬತ್ತ್‌೦ಡ್. ಅಧಿರಥೆ ಜಾಗ್ರತೆಡ್‌ ನೀರ್‌ಡ್‌ದ್‌ ಮಿತ್ತ್‌ ದೀಡ್‌ದ್‌ ಬಾಕಿಲು ದೆತ್ತೆ. ಆ ಪೆಟ್ಟಿಗೆದುಲಾಯಿ ಕಿನ್ಯ ಸೂರ್ಯಾದೇವೆರೆನಂಚಿತ್ತಿನ ಪ್ರಕಾಶಮಾನವಾಯಿನ ಬಂಗಾರದ ಕವಚೊ, ಕೆಬಿಟ್ಟ್‌ ಕುಂಡಲದರಿಸಾವೊಂದ್‌ ಇಪ್ಪುನ ಬಾಲೆನ್ ತೂಪೆರ್‌. ಮೆಲ್ಲನೆ ಬಾಲೆನ್ ಕೈಟ್ ಪತ್ತ್‌ದೆರ್ತ್‌ದ್‌ ತೊಡೆಟ್ಟ್‌ ಜೆಪ್ಪುಡಾದ್‌ ಬುಡೆದಿ ರಾಧೆಡ ಪನ್ಪೆ. ರಾಧೆ! ನಮ್ಮೊ ವೃತ ಉಪವಾಸಲೆಗ್ ಯೋಗ್ಕವಾಯಿನ ಪಲ ಉಂದು. ದೇವೆರೆ ನಂಕು ಈ ಬಾಲೆನು ಕರುಣಿಸಾದೆರ್.` ಇಂಚ ಪಂಡುದ್‌ ಆ ಬಾಲೆನ್ ಶಾಸ್ತ್ರೋಕ್ತವಾದ್‌ ದತ್ತು ದೆತೊಂಡೆರ್‌. ಬಂಗಾರದೊ ಕವಚ, ಕುಂಡಲದಾರಿಯಾಯಿನ ಆ ಬಾಲೆಗ್‌ 'ವಸುಷೇಣ' ಪಂಡ್ದ್ ಪುದರ್ ದೀಯೆರ್. 'ವಸು' ಪಂಡ 'ಐಶ್ವರ್ಯ' ಅಂಚನೆ “ವಸು” ಶುಕ್ಲ ಪಕ್ಷದ ಚಂದ್ರಲೆಕ್ಕೊ ವೃದ್ಧಿಯಾಪೆ ಪಂಡ್ದ್ ಅರ್ತ.
ದುರ್ಯೋದನ - ಕರ್ಣ ಸ್ನೇಹ - ವಿದ್ಯಾಬ್ಯಾಸೊ[ಸಂಪೊಲಿಪುಲೆ]
ವಸುಷೇಣೆ ಮಲ್ಲೆ ಆಯಿಲೆಕ್ಕೊನೆ ಸೂತೆ ಅದಿರಥ ಹಸ್ತಿನಾವತಿ ಪಟ್ಟಣಗ್‌ ಬರವು ಕಲ್ಪರ ಕಡಪುಡುವೆರ್. ಅವುಲು ಕರ್ಣನ್‌ ದ್ರೋಣಾಚಾರ್ಯರೆನ ಕೈತ್ತಲ್‌ 'ದನುರ್ವಿದ್ಯಾಬ್ಯಾಸೊ' ಕಲ್ಪರೆ ಸುರು ಮಲ್ಪುವೆ. ಆ ಸಮಯೊಡ್‌ ದೃತರಾಷ್ಟ್ರ ರಾಜನ ಮಗೆಯಾಯಿನ ದುರ್ಯೋದನೆ ಕರ್ಣೆಲಾ ಸ್ನೇಹಿತೆರ್‌ ಆಪೆರ್‌. ದ್ರೋಣ ಕೃಪಾಚಾರ್ಯರೆಡ ದನುರ್ವಿದ್ಯೆ ಅಬ್ಯಾಸ ಮುಗಿಪ್ಪುವೆರ್‌. ಈ ಸಂದರ್ಬೊಡ್ ದುರ್ಯೋದನೆನ ಸ್ನೇಹಡ್ಡಾವರ ಪಾಂಡವರೆಡ ದ್ವೇಷೊಗ್‌ ಸಾದಿಯಾಂಡ್‌. ಪಾಂಡವೆರೆನ ನಡುವನೆ ಅರ್ಜುನಡ ಯುದ್ಧ ಮಲ್ಪುನವೇ ತನ್ನ ಜೀವನೊದ ಪರಮಗುರಿಯಾಂಡ್‌. ಇಂಚ ಒರಿಯೊಕ್ಕೊರಿ ದ್ವೇಷ ಸಾದಿಸಾವೊಂದು ಇತ್ತೆರ್. ಕರ್ಣನ ನಿಜವಾಯಿನ ಅಮ್ಮೆ ಸೂರ್ಯೆ ಪಂಡ್ದ್ ತೆರಿಜ್ಜಿಂಡಲಾ ಸೂರ್ಯದೇವೆರೆನ ಆರಾಧನೆ, ಜಪೊನು ದಿನೋಲಾ ನಿಷ್ಠೆಡ್‌ ಮಲ್ತೊಂದಿತ್ತೆರ್. ಕಾಂಡೆ, ಮದ್ಯಾಹ್ನ, ಬೈಯಡ್‌ ಮೀದ್‌ ಸೂರ್ಯ ದೇವಾರಾದನೆ, ಮದ್ಮಾಹ್ನ ಸಮಯಡ್‌ ಸುದೆಟ್ಟು ಮೀದ್‌ ದೇವೆರೆನ ಆರಾದನೆ ಮಲ್ಪುನಗ ಏರೇ ಬತ್ತುದ್‌ ವಿಸಯ ದಾನೆಲಾ ಆವಡ್‌ ಕೇನ್ಂಡ ಆ ಪೊರ್ತುಗ್‌ ದಾನ ಕೊರ್ಪುನ ಕ್ರಮೊ ಕರ್ಣನವು.
ಪರಶುರಾಮೆರ ಕೈತಲ್ ಕರ್ಣನ ವಿದ್ಯಾಬ್ಯಾಸೊ[ಸಂಪೊಲಿಪುಲೆ]
ಆಚಾರ್ಯ ದ್ರೋಣೆರ ಪಾತೆರೊಗು ಒತ್ತೊಂದ್ ಅರೆಗ್ ನಮಸ್ಕಾರ ಮಲ್ತುದ್‌ ಮಹೇಂದ್ರ ಪರ್ವತಡು ತಪಸ್ಸು ಮಲೊಂದಿತ್ತಿನ ಪರಶುರಾಮೆರ ಕೈತಲ್ ಪೋದ್‌, ಆಚಾರ್ಯರೆಗ್‌ ನಮಸ್ಕಾರ ಮಲ್ತ್ ದ್ 'ಯಾನ್ ಭೃಗು ವಂಸೊದ ಬ್ರಾಣೆ' ಎನನ್‌ ಶಿಷ್ಯೆಯಾದ್‌ ಸ್ವೀಕಾರ ಮಲ್ಪೊಡ್‌. ಪರಶುರಾಮೆರ್‌ ಕರ್ಣನ ಗೋತ್ರಾದಿ ವಿವರಲೆನ್ ತೆರಿಯೊಂದ್‌ ಶಿಷ್ಯೆಯಾದ್‌ ಸ್ವೀಕಾರ ಮಲ್ತೆರ್‌. ಆಚಾರ್ಯೆರ್‌ ಶಿಷ್ಯನ್ ಬಾರಿ ಮೋಕೆಡ್ ತೂವೊಂದ್‌ ದನುರ್ವಿದೈಲೆನ್ ಮಾಂತ ಪಂಡುದು ಕೊರಿಯೆರ್. ಒಂಜಿ ದಿನೊ ಕಡಲ್‍ದ ಬರೀಟ್ ಉಪ್ಪುನ ಆಸ್ರಮಡ್‌ ಕರ್ಣೆ ಖಡ್ಗೊ ದನುರ್ದಾರಿಯಾದ್‌ ಇಪ್ಪುನಗ ದೂರದ ಪುದೆತ್ತ ಅಡ್ಡೊ ಪ್ರಾಣಿಯೊಂಜೈನ್‌ ತೂದ್‌ ಬಾಣಪ್ರಯೋಗ ಮಲ್ತು ಅವೆನ್ ಕೆರ್ದ್ ಪಾಡುವೆ. ಮುಟ್ಟ ಪೋದ್‌ ತೂನಗ ಅವು ಒರಿ ಬ್ರಾಣನ ಹೋಮದ ಪೆತ್ತ ಆದಿತ್ತುಂಡ್‌. ತೆರಿಯಂದೆ ಮಲ್ತಿನ ತಪ್ಪುಗ್‌ ಬೇಜಾರ್ ಮಲ್ತುದ್‌ ಕರ್ಣೆ ಆ ಬ್ರಾಣನ ಕೈತಲ್ ಪೋದ್‌ ಸತ್ಯಸಂಗತಿಲೆನ್ ಪಂಡ್ದ್ ಕ್ಷಮೆ ನಟ್ಟೊಂಡೆ. ಆಂಡ ಬ್ರಾಣೆ ಕರ್ಣಗ್ ಕ್ಷಮೆ ಕೊರಂದೆ ಆಯೆ ಮಲ್ತಿನ ಪಾಪೊಗು ಮರಣ ದಂಡನೆನೇ ಶಿಕ್ಷೆ ಪಂಡ್ದ್