ಅರ್ಜುನ

ಅರ್ಜುನ
Statue of Arjuna, the skillful Pandava in Bali, Indonesia
ದೇವನಾಗರಿ	अर्जुन
Affiliation	Pandavas
ಹತಾರ್	Bow and arrow
ಕಾಳಗ	Kurukshetra War
ಪಟ್ಯೊ	ಮಹಾಭಾರತ
ವೈಯಕ್ತಿಕ ಇಸಯೊಲು
ಪೋಷಕೆರ್	ಪಾಂಡು ("ಅಪ್ಪ") ಕುಂತಿ (ಅಮ್ಮ) Indra (divine father)
ಸಹೋದರ/ರಿ	Karna, Yudhisthira, Bhima, Nakula and Sahadeva
ಸಂಗಾತಿ	ದ್ರೌಪದಿ, Ulupi, Chitrangada and Subhadra
ಸಂತತಿ	Shrutakarma (from Draupadi) Iravan (from Ulupi) Babruvahana (from Chitrangada) Abhimanyu (from Subhadra)
ರಾಜವಂಸೊ	Kuru dynasty-Chandravanshi

ಅರ್ಜುನೆ ಬೊಕ್ಕ ಕೃಷ್ಣೆ ಕುರುಕ್ಷೇತ್ರ ಯುದ್ಧೊಡು

ಪಂಚಪಾಂಡವರೆಡ್ ಮಧ್ಯದಾಯೆ ಅರ್ಜುನೆ. ಪಾಂಡುರಾಜನ ಸುರುತ ಬುಡೆದಿಯಾದಿತ್ತಿನ ಕುಂತಿಗ್ ಇಂದ್ರನ ವರಪ್ರಸಾದೊಡ್ದು ಪೂಟ್ಟಿನಾಯೆ.

ಅರ್ಜುನನ ಬೇತೆ ಬೇತೆ ಪುದರುಲು

ಅರ್ಜುನ, ನರ, ಫಲ್ಗುಣ, ಪಾರ್ಥ, ಕಿರೀಟಿ, ಶ್ವೇತವಾಹನ, ಭೀಭತ್ಸು, ವಿಜಯ, ಜಿಷ್ಣು, ಸವ್ಯಸಾಚಿ, ಧನಂಜಯ-ಪಂದ್ ೧೧ ಪುದರುಲು ಅರ್ಜುನಗ್ ಉಂಡು.

ಮದಿಮೆ

• ಬ್ರಾಹ್ಮಣ ವೇಷೊಡು ಬತ್ತ್ದ್ ಪಾಂಚಾಲದ ರಾಜೆ ದ್ರುಪದೆ ಏರ್ಪಾಡ್ ಮಲ್ತಿನ ಸ್ವಯಂವರೊಡು ಮತ್ಸ್ಯಯಂತ್ರೊನು ತುಂಡು ಮಲ್ತ್‌ದ್ ದ್ರೌಪದಿನ್ ಮದಿಮೆ ಆಪೆ.
• ಕೃಷ್ಣನ ಸೂಚನೆದಲೆಕ್ಕ ಯತಿವೇಷೊನು ಪಾಡೊಂದು್ ಸುಭದ್ರೆನ್ ಮದಿಮೆ ಆಪೆ.ಅರ್ಜುನ ಮಹಾಭಾರತ

ಜೋಕುಲು

ದ್ರೌಪದಿ, ಸುಭದ್ರ, ಉಲೂಪಿ, ಚಿತ್ರಾಂಗದೆ ಈ ನಾಳ್ ಬುಡೆದಿಯಲ್ಲೆಡ ಕ್ರಮವಾದ್ ಶ್ರುತಕೀರ್ತಿ, ಅಭಿಮನ್ಯು, ಇರಾವಂತ, ಬಭ್ರುವಾಹನೆ ಪನ್ಪಿ ಜೋಕುಲು ಪುಟ್ಟುವೆರ್

ಅರ್ಜುನನ ಜೀವನ ಚರಿತ್ರೆ ಬೊಕ್ಕ ಸಾಹಸ

ಒಂಜಿ ದಿನ ಅರ್ಜುನೆ ಹಸ್ತಿನಾವತಿಡ್ ಉಪ್ಪುನಗ ಅನಿವಾರ್ಯವಾದ್ ಆಯುಧಶಾಲೆಗೆ ಪೋವೊಡಾಪುಂಡು ಅಪಗ ಅಲ್ಪ ಪಂಚ ಪಾಂಡವೆರೆನ ಬುಡೆದಿಯಾಯಿನ ದ್ರೌಪದಿ ಬೊಕ್ಕ ದರ್ಮರಾಯ ಏಕಾಂತಡುಪ್ಪುನೆನ್ ತೂದು ಪಾಪಪರಿಹಾರಗೋಸ್ಕರ ತೀರ್ಥಯಾತ್ರೆ ಮಲ್ಪುವೆ.ನಾರದೆರೆಡ್ದ್ ತೀರ್ಥ ಮಾಹಾತ್ಮ್ಯಲೆನ್ ತೆರಿಯೊನುವೆ.ನಾರೀ ತೀರ್ಥೊಡು ಮೀನಗ್ ಪತೊಂದಿನ ಒಂಜಿ ಮುದಳೆನ್ ಪಿದಯಿ ಒಯಿಪುನಗ ಶಾಪವಿಮೋಚನೆ ಆದ್ ಅಪ್ಸರೆ ನಿಜರೂಪ ತಾಳ್‌ವಳ್. ಕೃಷ್ಣಾರ್ಜುನೆರ್ ಯಮುನಾ ತುದೆಟ್ ಜಲಕ್ರೀಡೆಗೊಬ್ಬೊಂದುಪ್ಪುನಗ ಬ್ರಾಣನ ರೂಪೊಡು ಬತ್ತಿನ ಅಗ್ನಿ ಶ್ವೇತಕಿ ರಾಜನ ಯಜ್ಞೊಡು ಅಜೀರ್ಣವಾದುಂಡು ಅಡ್ಡಗಟ್ಟಿಯೆರೆ ಬರ್ಪುನ ಇಂದ್ರನ ಸೇವಕೆರೆನ್ ತಲಿತ್‌ದ್ ಖಾಂಡವ ವನೊನು ಭಕ್ಷಿಣೆ ಮಲ್ಪೆರೆ ಸಹಾಯ ಮಲ್ಪೊಡುಂದು ಕೇನ್‌ನಗ ಅರ್ಜುನ ಒತ್ತೊನುವೆ ಅಯಿಕ್ ಖುಷಿಯಾಯಿನ ಅಗ್ನಿ ದಿವ್ಯಧನುಸ್ಸಾದಿತ್ತಿನ ಗಾಂಡೀವ, ಅಕ್ಷಯ ತೂಣೀರುಲು, ಬೊಲ್ದು ಕುದುರೆಲು ಇತ್ತಿನ ದಿವ್ಯರಥೊನು ಕೊರ್ಪೆರ್. ಯುದ್ದೊಗು ಬತ್ತಿನ ಇಂದ್ರನ್ ಸೋಪದ್ ಮಾಯಾಸುರಗ್ ಅಭಯ ಪ್ರಾಪ್ತಿ ಮಲ್ಪುವೆ. ಮಾಯಾಸುರಡ್ದ್ ದೇವದತ್ತ ಪನ್ಪಿ ಶಂಖೊನು ಪಡೆಪೆ. ರಾಜಸೂಯಯಾಗೊಗು ದುಂಬು ಜೈತ್ರಯಾತ್ರೆಗ್ ಪಿದಾಡ್ದ್ ಅಂತಗಿರಿ, ಉಲೂಕಪುರ, ಮೋದಾಪುರ,ಉರಗಾಪುರ, ಕಾಂಭೋಚ,ಋಷಿಕ್ ಪನ್ಪಿ ದೇಶೊಲೆನ್ ಕಿಂಪುರುಷ, ಇಲಾವೃತ, ಕೇತುಮಾಲ ಪನ್ಪಿ ಜಾಗೆಲೆನ್ ಗೆಂದುವೆ. ಪೂರು ಪನ್ಪಿನಾಯೆ ಸಾರಥಿಯಾದಿಪ್ಪುವೆ. ಇಂದ್ರಕೀಲ ಪವ೯ತೊಡು ತಪಸ್ಸ್ ಮಲ್ತ್‌ದ್ ಕಿರಾತವೇಷೊಡು ಬತ್ತಿನ ಶಿವನೊಟ್ಟಿಗೆ ಲಾಡಾಯಿ ಮಲ್ತ್‌ದ್ ಪಾಶುಪತಾಸ್ತ್ರನೊ ಪಡೆಪೆ. ಚಿತ್ರಸೇನೆ ಪನ್ಪಿ ಗಂಧರ್ವಡ್ದ್ ಗಂಧರ್ವವೇದಾಭ್ಯಾಸ ಮಲ್ಪುವೆ. ನಿವಾತಕವಚರೆನ್ ಪೌಲೋನ ಕಾಲಕೇಯರೆನ್ಪಿ ರಕ್ಕಸೆರೆನ್ ಕೆರ್ಪೆ. ಖುಷಿಯಾಯಿನ ಇಂದ್ರೆ ತನ್ನ ಸಿಂಹಾಸನೊಡು ಕುಳ್ಳಾದ್ ಕವಚ, ಕಿರೀಟ ಮಾತ ಕೊರ್ದು ಮಾನಾದಿಗೆ ಮಲ್ಪುವೆ. ನಪುಂಸಕ ಆಳ ಪಂದ್ ಊರ್ವಶಿ ಶಾಪ ಕೊರ್ತಿನವು ಅಜ್ಞಾತವಾಸದ ಕಾಲೊಡು ಅನುಕೂಲನೆ ಆಂಡ್ ಅದಗ ಆಯನ ಪುದರ್ ಬೃಹನ್ನಳೆ.

ಶಿವಾರ್ಜುನರೆ ಯುದ್ಧ

ಅರ್ಜುನೆ ತನ್ನ ಅಣ್ಣನ ಆಜ್ಞಾ ಪರಿಪಾಲಕೆಯಾದಿತ್ತೆ. ವನವಾಸದ ಪೊರ್ತುಡು ಯುಧಿಷ್ಠರೆ ಅರ್ಜುನಡ ದುಂಬುದ ಯುದ್ಧದ ತಯಾರಿಗ್ ಶಸ್ತ್ರಾಸ್ತ್ರಲೆನ್ ಸಂಪಲಿಪಿಯೆರೆ ಬೋಡಾದ್ ಇಂದ್ರನ ಬಗ್ಗೆಟ್ ತಪಸ್ಸ್ ಮಲ್ಪೆರೆ ಪನ್ಪೆ. ಅಂಚನೆ ಪರಾಕ್ರಮಿಯಾದಿತ್ತಿನ ಅರ್ಜುನೆ ಉತ್ತರ ದಿಕ್ಕ್‌ಗ್ ಪ್ರಯಾಣ ‍ಪಿದಾಡುವೆ ಮಸ್ತ್ ಪರ್ವತ, ತುದೆ, ಕಾಡ್‌ಲೆನ್ ದಾಟಿದ್ ಪಗೆಲ್, ರಾತ್ರೆ, ಬಡವು ಬಾಜೆಲ್‌ ಪನ್ಪಿನ ಚೋದ್ಯೊ ಇಜ್ಜಾಂದೆ ನಡತ್‌ದ್ ಇಂದ್ರಕೀಲ ಪರ್ವತೊನು ಸೇರ್ವೆ. ಆ ಜಾಗೆಗ್ ಸಾಮಾನ್ಯ ನರಮಾನಿ ಬತ್ತ್ ಎತ್ತುನ ಕಷ್ಟಸಾಧ್ಯ. ಅವು ಮಹಾತಪಸ್ವಿಲೆನ ಜಾಗೆ ಆದುಂಡು.ಅಲ್ಪ ಆಯೆ ಇಂದ್ರನ ದರ್ಶನ ಪಡೆದ್ ಅಯನ ಪಾತೆರದಂಚನೆ ಶಿವನ ತಪಸ್ಸ ಮಲ್ಪೆರೆ ಕುಲ್ಲುವೆ.ಅಯನ ತಪಸ್ಸ್‌ಗ್ ಮೆಚ್ಚನ ಶಿವೆ ಬೇಡನ/ಕಿರಾತನ ವೇಷೊಡು ಬತ್ತ್‌ದ್ ಅರ್ಜುನ ಒಟ್ಟಿಗೆ ಪೊಕ್ಕಡೆಲ ಯುದ್ದೊಗು ಉಂತುವೆ. ಮುಕುಲೆನುಲಯಿ ಯುದ್ಧ ಕೀರಾತಾರ್ಜುನರೆ ಯುದ್ದ ಪನ್ಪಿ ಪುದರ್‌ಡ್ ಪ್ರಚಲಿತವಾದುಂಡು ಪಂದ್ ಪುರಾಣಕಥೆಕುಲೆಡ್ದ್ ತೆರಿದ್ ಬರ್ಪುಂಡು. ಶಿವೆಂದ್ ತೆರಿಯಂದೆ ಯುದ್ಧ ಮಲ್ತ್‌ದ್ ‍ಸೋತಿನ ಅರ್ಜುನ ಸಾಹಸೊಗು ಮೆಚ್ಚಿನ ಶಿವೆ ಆಯಗ್ ಒಲಿದ್ ಆಯೆ ಕೇಂಡಿನ“‘ ಪಾಶುಪತಾಸ್ತ್ರ”’ ವರೊನು ಅನುಗ್ರಹ ಮಲ್ಪುವೆ.ಅವೆಡ್ದ್ ಬೊಕ್ಕ ಅರ್ಜುನಗ್ ಅಷ್ಟದಿಕ್ಪಾಲಕೆರ್ ಸ್ವತಃ ಬತ್ತ್‌ದ್ ಮಸ್ತ್ ದಿವ್ಯಾಸ್ತ್ರೊಲೆನ್ ಕೊರ್ಪೆರ್. ಸ್ವರ್ಗ ದ ಅಧಿಪತಿಯಾಯಿನ ಇಂದ್ರೆ ಸ್ವರ್ಗಲೋಕೊಗು ಲೆತೊಂದು ಪೋದು ಮಸ್ತ್ ವಿದ್ಯೆಲೆನ್(ಯುದ್ಧೊದ ಬೊಕ್ಕ ಸಂಗೀತನಾಟ್ಯೊದ) ತೆರಿಪಾದ್ ಕೊರ್ದು ಮಹಾಶಕ್ತಿ ಉಪ್ಪುನ ದಿವ್ಯಾಸ್ತ್ರೊಲೆನ್ ಕೊರ್ಯೆ ಅಪ್ಸರೆಲೆಡ್ ಒರ್ತಿಯಾಯಿನ ಊರ್ವಶಿ ತನ್ನ ಕಾಮ ಇಚ್ಚೆನ್ ಅರ್ಜುನಗ ತೆರಿಪಾನಗ ಇಂದ್ರಿಯಜಿತೆಯಾದಿತ್ತಿನ ಅರ್ಜುನೆ ನಿರಾಕರಿಸವೆ ಅಯಿಕ್ ಕೋಪೊಡು ಆಳ್ ಅರ್ಜುನಗ್ ನಿಕ್ಕ್ ನಪುಂಸಕ ಪನ್ಪಿ ಪುದರ್ ಬರಡ್ ಪಂದ್ ಶಾಪ ಕೊರ್ಪಲ್.ಆಂಡ ಅವೆಡ್ದ್ ಅರ್ಜುನಗ್ ಉಪಕಾರೊನೆ ಆಂಡ್. ಇಂಚ ವನವಾಸ ಕಾಲೊಡು ಅರ್ಜುನೆ ದುಂಬುದ ಯುದ್ದೊಗು ಮಾತ ಶಸ್ತ್ರಾಸ್ತ್ರೊಲೆನ ರೂಡಿಗೆ ಮಲ್ತೊಂದು ಭೂಲೋಕೊಗು ಬತ್ತ್‌ದ್ ಮೆಗ್ಯ ಪಲಯೆರೆನೊಟ್ಟುಗು ಸೇರೊನುವೆ. ಇಂಚಿತ್ತಿ ಕಠಿಣ ವನವಾಸೊಡುಲ ಸಂಯಮ, ಗುರು ಹಿರಿಯರನೆ ಆಜ್ಞಾ ಪರಿಪಾಲನೆ, ಕಷ್ಟ ಸಹಿಷ್ಣುತೆ, ಪರಾಕ್ರಮ, ಭಕ್ತಿ, ಜಿತೇಂದ್ರಿಯತ್ವ ಇಂಚ ಅರ್ಜುನನ ಸದ್ಗುಣ ಬೊಕ್ಕ ಸದಾಚಾರ ತೆರಿದ್ ಬರ್ಪುಂಡು.

ಗಾಂಡೀವ

ಗಾಂಡೀವ ಒಂಜಿ ದಿವ್ಯ ಧನುಸ್ಸು. ಈ ಧನುಸ್ಸು ಬ್ರಹ್ಮಡ್ದ್ ಇಂದ್ರಗ್, ಇಂದ್ರಡ್ದ್ ವರುಣಗ್, ವರುಣಡ್ದ್ ಅಗ್ನಿಗ್ ಬತ್ತ್ಂದ್. ಖಾಂಡವದಹನದ ಪೊರ್ತುಡು ಅಗ್ನಿ ಅರ್ಜು್ನೆ ಮಲ್ತಿನ ಉಪಕಾರೊಗು ಅವೆನ್ ಆಯಗ್ ಕೊರ್ಪೆ. ಈ ಧನಸ್ಸು ರಡ್ಡ್ ಅಕ್ಷಯ ಬತ್ತಳಿಕೆದೊಟ್ಟುಗು ಅರ್ಜುನಗ್ ತಿಕ್ಕುಂಡು. ಈ ಕಾರಣೊಡ್ದು ಆಯಗ್ 'ಗಾಂಡೀವಿ' ಪನ್ಪೆರ್. ಉಂದೆತ ಸಹಕಾರೊಡ್ದು ಅರ್ಜನೆ ಮಾತ ದಿಕ್ಕುಲೆಡ್ ಗೆಂದುವೆ, ಇಂದ್ರನ್ ಸೋಪಾವೆ ಮಹಾಪ್ರಸ್ಥಾನ ಸಮಯೊಡು ಅರ್ಜು್ನೆ ಉಂದೆನ್ ಸಮುದ್ರೊಡು ದಕ್ಕುವೆ ಪಂದ್ ಕಥೆಟ್ ತೆರಿಪುಂಡು.