ಭಗವದ್ಗೀತೆ

ಶ್ರೀ ಭಗವದ್ಗೀತೆ
ಶ್ರೀ ಭಗವದ್ಗೀತೆ
	ಕೃಷ್ಣೆ ತನ್ನ ವಿಶ್ವರೂಪನ್ ಅರ್ಜುನಗ್ ಕುರುಕ್ಷೇತ್ರೊಡು ತೋಜಾವುನ ದೃಶ್ಯ
Information
ದರ್ಮೊ	ಹಿಂದೂ ಧರ್ಮ
Author	ವೇದವ್ಯಾಸ
ಬಾಸೆ	ಸಂಸ್ಕೃತ
Period	ಕ್ರಿ.ಪೂ ೨ನೇ ಶತಮಾನ
Chapters	೧೮
Verses	೭೦೦

ಟೆಂಪ್ಲೇಟ್:ಭಗವದ್ಗೀತೆ

ಶ್ರೀ ಭಗವದ್ಗೀತೆ ಮಹಾಭಾರತದ ಕುರುಕ್ಷೇತ್ರ ಯುಧ್ಧ ನಡತೊಂದು ಉಪ್ಪುನ ಸಂದರ್ಭೊಡು ಕೃಷ್ಣರ್ದ್ ಅರ್ಜುನಗ್ ಮಲ್ತ್‌ನ ಉಪದೇಶ. ಹಿಂದೂಲೆನ ಪವಿತ್ರ ಗ್ರಂಥೊಲೆಡ್‌ ಮುಖ್ಯವಾಯಿನವು.

ಗೀತೆನ್ ಪಾಂಡವ ರಾಜಕುಮಾರೆ ಅರ್ಜುನೆ ಬೊಕ್ಕ ಅಯನ ಮಾರ್ಗದರ್ಶಿ ಬೊಕ್ಕ ರಥತ್ತ ಸಾರಥಿ ಶ್ರೀ ಕೃಷ್ಣನ ನಡುತ್ತ ಸಂಭಾಷಣೆದ ನಿರೂಪಣಾ ಚೌಕಟ್ಟ್‌ನ್ ಹೊಂದಿಸಾದ್ಂಡ್. ಪಾಂಡವೆರು ಬುಕ್ಕ ಕೌರವೆರೆ ಧರ್ಮ ಯುಧಾ (ನೀತಿವಂತ ಯುದ್ಧ) ದ ಆರಂಬೊಡು, ಅರ್ಜುನನ್ ತನ್ನ ಸ್ವಂತ ರಕ್ತಸಂಬಂಧಿಲೆನ್ ವಿರುದ್ಧದ ಯುದ್ಧೊಡು, ಯುದ್ಧ ಉಂಡು ಮಲ್ಪುನ ಹಿಂಸೆ ಬೊಕ್ಕ ಸಾಪುದ ಬಗ್ಗೆ ನೈತಿಕ ಸಂದಿಗ್ಧತೆ ಬೊಕ್ಕ ಹತಾಶೆರ್ದ್ ದಿಂಜಿದ್ ಉಪ್ಪುವೆ. ಅಯೆ ಯುದ್ದೊನು ತ್ಯಜಿಸವೊಡ? ಪನ್ಪುನ ಗೊಂದಲೊಡು ಉಪ್ಪುವೆ. ಎದುರುದ ಸೈನ್ಯೊನು ತೂದ್ ಅರ್ಜುನೆ ಆಶ್ಚರ್ಯೊಡು ಉಪ್ಪುವೆ. ಕೃಷ್ಣನ ಸಲಹೆಗಾದ್ ನಾಡೊಂದು ಉಪ್ಪುವೆ. ಅಪಗ ನಡಪುನ ಸಂವಾದ ಅಯಿಕ್ಕ್ ಬೋಡಾಪುನ ಉತ್ತರೊಲು ಬೊಕ್ಕ ಪ್ರವಚನ ಭಗವದ್ಗೀತೆ ಒಳಗೊಂಡ್‌ದ್ ಉಂಡು. "ನಿಸ್ವಾರ್ಥ ಕ್ರಿಯೆದ" ಮೂಲಕ "ಧರ್ಮೊನು ದೆರ್ತ್‌ ಪತ್ತುನ ತನ್ನ ಕ್ಷತ್ರಿಯ ಯೋಧ) ಕರ್ತವ್ಯನ್ ಪೂರೈಸಿಯೆರೆ" ಕೃಷ್ಣೆ ಅರ್ಜುನಗ್ ಸಲಹೆ ಕೊರ್ಪೆ. ಅರ್ಜುನೆ ಎದುರಿಸೊಂದು ಉಪ್ಪುನ ಯುದ್ಧೊನು ಮೀರ್‌ನ ಸಂದಿಗ್ಧತೆಲು ಬೊಕ್ಕ ತಾತ್ವಿಕ ಸಮಸ್ಯೆಲು.

ನಾಮಕರಣ

ಭಗವದ್ಗೀತೆದ ಶೀರ್ಷಿಕೆಡ್ ಉಪ್ಪುನ ಗೀತಾ ಪಂಡ್‍ಂಡ ಹಾಡು/ಪದ. ಧಾರ್ಮಿಕ ಮುಖಂಡೆರ್ ಬೊಕ್ಕ ವಿದ್ವಾಂಸೆರ್ ಭಗವದ್ ಪದೊನು ಹಲವಾರ್ ರೀತಿಡ್ ವ್ಯಾಖ್ಯಾನಿಸುವೆರ್. ಅಂಚನೆ ಆಸ್ತಿಕ ಶಾಲೆಲು,^[೩] "ಭಗವಂತನ ಪಾತೆರೊಲು", "ದೈವಿಕ ಹಾಡು" ಬೊಕ್ಕ "ಸೆಲೆಸ್ಟಿಯಲ್ ಸಾಂಗ್" ಒಂದೆರ್ದ್ ಶೀರ್ಷಿಕೆನ್ "ದೇವೆರೆ ವಾಕ್ಯ" ಪಂದ್ ವ್ಯಾಖ್ಯಾನಿಸದ್ಂಡ್. ಒರಿನಕುಲೆರ್ದ್ ಭಾರತೊಡು, ಅಯಿತ್ತ ಸಂಸ್ಕೃತ ಪುದರ್‌ನ್ ಎಚ್ಚಾದ್ ಶ್ರೀಮದ್ ಭಗವದ್ಗೀತೆ ಪಂಡ್‌ದ್ ಬರೆತ್ಂಡ್. श्रीमद् भगवद् गीता (ಬೊಕ್ಕದ ರಡ್ಡ್ ಪದೊಕುಲೆನ್ ಒಂಜೇ ಪದವಾದ್ ಬರೆಪೆರ್ भगवद्गीता), ಅಲ್ಪ ಶ್ರೀಮದ್ ಪೂರ್ವಪ್ರತ್ಯಯೊನು ಉನ್ನತ ಮಟ್ಟದ ಗೌರವೊನು ಸೂಚಿಸಯೆರೆ ಬಳಸುವೆರ್. ಹಿಂದೂ ದೇವೆರ್ ಕೃಷ್ಣನ ಜೀವನ ಬೊಕ್ಕ ವಿಷ್ಣುನ ವಿವಿಧ ಅವತಾರೊಲೆನ್ ನಿರ್ವಹಿಸುವ ಪುರಾಣವಾಯಿನ ಶ್ರೀಮದ್ ಭಾಗವತದೊಟ್ಟುಗು ಉಂದು ಗೊಂದಲೊಗು ಈಡಾಯೆರೆರೆ ಬಲ್ಲಿ. ಈ ಕೃತಿನ್ ಈಶ್ವರ ಗೀತಾ, ಅನಂತ ಗೀತಾ, ಹರಿ ಗೀತಾ, ವ್ಯಾಸ ಗೀತಾ ಅತ್ತ್ಂಡ ಸರಳವಾದ್ ಗೀತಾ ಪಂಡ್‌ದ್ ಲೆಪ್ಪುವೆರ್.

ಪಂಚಮವೇದ

ಭಗವದ್ಗೀತೆ ಮಹಾಭಾರತ ಮಹಾಕಾವ್ಯದ ಭೀಷ್ಮಪರ್ವದ ೨೩ ನೇ ಅಧ್ಯಾಯೊರ್ದು ೪೦ ನೇ ಅಧ್ಯಾಯದ ನಡುಟು ಬರ್ಪುನ ಭಾಗ. ಹಿಂದೂ ಧರ್ಮ ಬೊಕ್ಕ ತತ್ವಶಾಸ್ತ್ರದ ಮುಖ್ಯ ಪಠ್ಯೊಲೆಡ್‌ ಒಂಜಾಯಿನ ಸುಮಾರ್ ೭೦೦ ಶ್ಲೋಕೊಲೆನ ಭಗವದ್ಗೀತೆ, ಹಿಂದೂ ಚಿಂತನೆ ಬೊಕ್ಕ ವೈದಿಕ, ಅಧ್ಯಾತ್ಮಿಕ, ಯೋಗಿಕ ಬೊಕ್ಕ ತಾಂತ್ರಿಕ ತತ್ವಶಾಸ್ತ್ರೊಲೆನ ಒಟ್ಟು ಸಮಾಗಮ ಪಂದ್‌ ಪನೊಲಿ. ಕೆಲವು ಸರ್ತಿ ಯೋಗೋಪನಿಷತ್ ಅತ್ತ್ಂಡ ಗೀತೋಪನಿಷತ್ ಪಂಚಮವೇದ ಪಂದ್‌ಲಾ ಭಗವದ್ಗೀತೆನ್ ಲೆಪ್ಪುವೆರ್.

ಗೀತೋಪದೇಶ

'ಭಗವದ್ಗೀತೆ' ಸುರು ಆಪುನೆ ಮಹಾಭಾರತ ಯುದ್ಧ ಸುರು ಆಪುನೆಕ್ ದುಂಬು. ಪಾಂಡವೆರೆನ ಸೈನ್ಯೊಗು ರಣಭೂಮಿಡ್ ಎದುರಾಯಿನ ಕೌರವೆರೆನ ಸೇನೆಡ್ ತನ್ನ ಮಸ್ತ್ ಜನ ಬಂಧುಲೆನ್ ತೂದ್ ಅರ್ಜುನೆ ಉತ್ಸಾಹೊನು ಕಳೆವೊಂದು ಮಾರ್ಗದರ್ಶನೊಗಾದ್ ಕೃಷ್ಣನಂಚಿ ತಿರ್‌ಗ್‌ದಾನಗ. ಆತ್ಮದ ಅಮರತ್ವದ ಬಗೆಟ್ಟ್ ಪ್ರಸ್ತಾಪಿಸೊಂದು ಕೃಷ್ಣೆ 'ಗೀತೋಪದೇಶೊ'ನು ಸುರು ಮಲ್ಪುವೆ. ಉಂದೆರ್ದ್ ಬೊಕ್ಕ ನಾಲ್ ಯೋಗಮಾರ್ಗೊಲಾಯಿನ ಭಕ್ತಿ, ಕರ್ಮ, ಧ್ಯಾನ ಬೊಕ್ಕ ಜ್ಞಾನ ಮಾರ್ಗೊಲೆನ್ ವಿವರಿಸುವೆ. ಉಂದೆನ್ ಶ್ರೀಕೃಷ್ಣೆ ಅರ್ಜುನಗ್ ಮಾರ್ಗಶಿರ ಮಾಸದ ಶುಕ್ಲಪಕ್ಷದ ಏಕಾದಶಿತ್ತ ದಿನ ಉಪದೇಶ ಮಲ್ಪುವೆ. ಆಯಿರ್ದ್ ಆದ್ ಉಂದೆನ್ ಗೀತಾ ಜಯಂತಿ ಪಂಡ್‍ದ್ ಲೆಪ್ಪುವೆರ್. ^[೪] ^[೫]

ಆತಿಥ್ಯೆ

ಭಾರತದ ೧೪ನೇ ಪ್ರಧಾನಿ ನರೇಂದ್ರ ಮೋದಿ ಅರ್ ಭಗವದ್ಗೀತೆನ್ "ವಿಶ್ವದ ಅತಿದೊಡ್ಡ ಕೊಡುಗೆ" ಪಂದ್ ಲೆತ್ತೆರ್^[೬]. ಮೋದಿ ಅಯಿತ್ತ ಯು.ಎಸ್. ಭೇಟಿದ ಸಂದರ್ಭೊಡು ೨೦೧೪ ಟ್ ಅನಿದ ಯುನೈಟೆಡ್ ಸ್ಟೇಟ್ಸ್ ಆಫ್ ಅಮೇರಿಕಾದ ಅಧ್ಯಕ್ಷೆ ಬರಾಕ್ ಒಬಾಮಾಗ್ ಕೊರಿಯೆರ್. ೧೮ನೇ ಶತಮಾನದ ಆರಂಭೊಡು ಪಾಶ್ಚಿಮಾತ್ಯ ವಿದ್ವಾಂಸೆರ್ ಅಯಿತ್ತ ಅನುವಾದ ಬೊಕ್ಕ ಅಧ್ಯಯನದೊಟ್ಟುಗು ಭಗವದ್ಗೀತೆ ಎಚ್ಚ ಮೆಚ್ಚುಗೆ ಬೊಕ್ಕ ಜನಪ್ರಿಯತೆನ್ ಗಳಿಸಾಂಡ್. ಭಾರತೀಯ ಇತಿಹಾಸಕಾರೆ ಬೊಕ್ಕ ಬರಹಗಾರೆ ಖುಷ್ವಂತ್ ಸಿಂಗ್ ಅರೆನ ಪ್ರಕಾರ, ರುಡ್ಯಾರ್ಡ್ ಕಿಪ್ಲಿಂಗ್ ಅರೆನ ಪ್ರಸಿದ್ಧ ಕವಿತೆ "ಇಫ್" " ಇಂಗ್ಲಿಷ್‌ಡ್ ದಿ ಗೀತಾ ಸಂದೇಶದ ಸಾರ".

ಹೊಗಳಿಕೆ ಬೊಕ್ಕ ಜನಪ್ರಿಯತೆ

ಭಗವದ್ಗೀತೆನ್ ಮಹಾತ್ಮ ಗಾಂಧಿ ಬೊಕ್ಕ ಸರ್ವೆಪಲ್ಲಿ ರಾಧಾಕೃಷ್ಣನ್ ಸೇರ್‌ನಂಚ ಪ್ರಮುಖ ಭಾರತೀಯೆರ್ ಮಾತ್ರ ಅತ್ತಂದೆ ಆಲ್ಡಸ್ ಹಕ್ಸ್ಲೆ, ಹೆನ್ರಿ ಡೇವಿಡ್ ಥೋರೊ, ಜೆ. ರಾಬರ್ಟ್ ಒಪೆನ್ಹೈಮರ್, ರಾಲ್ಫ್ ವಾಲ್ಡೋ ಎಮರ್ಸನ್, ಕಾರ್ಲ್ ಜಂಗ್, ಹರ್ಮನ್ ಹೆಸ್ಸೆ ಬೊಕ್ಕ ಬೆಲೆಂಟ್ ಎಸೆವಿಟ್.

ಉಂದೆನ್ ತೂಲೆ

ಉಲ್ಲೇಕೊಲು

↑ Vision of the Universal Form
↑ Garrett, John; Wilhelm, Humboldt, eds. (1849). The Bhagavat-Geeta, Or, Dialogues of Krishna and Arjoon in Eighteen Lectures (PDF). Bangalore: Wesleyan Mission Press. Retrieved 18 January 2017.
↑ Swami Prabhavananda; Christopher Isherwood (2002). Bhagavad-Gita: The word of God. Signet Classic. ISBN 978-0-451-52844-5.
↑ ಮಹಾಭಾರತ ಮೂಲ ಪಾಠ.
↑ ಭಗವದ್ಗೀತೆ ಗೀತಾಪರೆಸ್ ಘೋರಕಪುರ.
↑ "ವಿಶ್ವದ ಬಾರಿ ಮಲ್ಲ ಭಗವದ್ಗೀತೆ ಗ್ರಂಥನು ಅನಾವರಣ ಮಲ್ತ್‌ನ ಪ್ರಧಾನಿ ಮೋದಿ". Zee News Kannada. 26 February 2019. Retrieved 4 September 2020.

[1] Vision of the Universal Form

[Gita-Garrett-2] Garrett, John; Wilhelm, Humboldt, eds. (1849). The Bhagavat-Geeta, Or, Dialogues of Krishna and Arjoon in Eighteen Lectures (PDF). Bangalore: Wesleyan Mission Press. Retrieved 18 January 2017.

[3] Swami Prabhavananda; Christopher Isherwood (2002). Bhagavad-Gita: The word of God. Signet Classic. ISBN 978-0-451-52844-5.

[4] ಮಹಾಭಾರತ ಮೂಲ ಪಾಠ.

[5] ಭಗವದ್ಗೀತೆ ಗೀತಾಪರೆಸ್ ಘೋರಕಪುರ.

[6] "ವಿಶ್ವದ ಬಾರಿ ಮಲ್ಲ ಭಗವದ್ಗೀತೆ ಗ್ರಂಥನು ಅನಾವರಣ ಮಲ್ತ್‌ನ ಪ್ರಧಾನಿ ಮೋದಿ". Zee News Kannada. 26 February 2019. Retrieved 4 September 2020.

[೧]

[೨]

[೩]

[೪]

[೫]

[೬]

ತೂ ಪಾ ಸಂ ಮಹಾಭಾರತೊ
ಕುರು ವಂಸೊ	ಶಂತನು ಗಂಗೆ ಭೀಷ್ಮ ಸತ್ಯವತಿ ಚಿತ್ರಾಂಗದ ವಿಚಿತ್ರವೀರ್ಯ ಅಂಬಾ ಅಂಬಿಕ ಅಂಬಾಲಿಕ ವಿದುರ ಧೃತರಾಷ್ಟ್ರ ಗಾಂಧಾರಿ ಶಕುನಿ ಪಾಂಡು ಕುಂತಿ ಮಾದ್ರಿ ಯುಧಿಷ್ಠಿರ ಭೀಮಸೇನ ಅರ್ಜುನ ನಕುಲ ಸಹದೇವ ದುರ್ಯೋಧನ ದುಶ್ಯಾಸನ* ಯುಯುತ್ಸು ದುಶ್ಯಲಾ ದ್ರೌಪದಿ ಹಿಡಿಂಬಿ ಘಟೋತ್ಕಚ ಅಹಿಲಾವತಿ ಸುಭದ್ರೆ ಉತ್ತರೆ ಉಲೂಚಿ ಇರಾವನ ಬರ್ಬರಿಕ ಬಬ್ರುವಾಹನ ಪರೀಕ್ಷಿತ ಜನಮೇಜಯ ಅಭಿಮನ್ಯು
ಬೇತೆತಕುಲು	ಕರ್ಣ ದ್ರೋಣ ಅಂಬೆ ವೇದವ್ಯಾಸ ಕೃಷ್ಣ ಸಾತ್ಯಕಿ ದೃಷ್ಟದ್ಯುಮ್ನ ಸಂಜಯ ವಿರಾಟ ಕೀಚಕ ಕೃಪಾಚಾರ್ಯ ಅಶ್ವತ್ಥಾಮ ಏಕಲವ್ಯ ಕೃತವರ್ಮ ಜರಾಸಂಧ ಮಯಾಸುರ ದೂರ್ವಾಸ ಜಯದ್ರಥ ಬಲರಾಮ ದ್ರುಪದ ಹಿಡಿಂಬ ಶಲ್ಯ ಅತಿರಥ ಶಿಖಂಡಿ ಜೈಮಿನಿ
ಬೇತೆ	ಪಾಂಡವೆರ್ ಕೌರವೆರ್ ಹಸ್ತಿನಾಪುರ ಇಂದ್ರಪ್ರಸ್ಥ ಕುರುಕ್ಷೇತ್ರ ಯುದ್ಧ ಭಗವದ್ಗೀತೆ