ಶಂತನು

ಶಂತನು
ಶಂತನು
	Shantanu meets a beautiful woman,; who turns out to be the goddess Ganga.
Information
ಕುಟುಂಬೊ	Pratipa (father); Sunanda (mother); Devapi (brother); Bahlika (brother);
ಕಂಡಣಿ/ಬುಡೆದಿ	Ganga; Satyavati;
ಜೋಕುಳು	Bhishma; Chitrangad; Vichitravirya;
ಬಿನ್ನೆರ್	Kuru dynasty-Chandravanshi

ಶಂತನು ಮಹಾಭಾರತೊದ ಹಸ್ತಿನಾಪುರದ ರಾಜೆ. ಇಂಬ್ಯೆ ಚಂದ್ರ ವಂಶದ ಭರತ ಕುಲತ್ತಾಯೆ ಮತ್ತು ಪಾಂಡವೆರ್ ಬುಕ್ಕ ಕೌರವೆರ್ನ ಪೂರ್ವಜ.

ಶಂತನು ಬೊಕ್ಕ ಗಂಗಾ

ಒರ ಗಂಗಾ ತೀರೊಡೆ ಸಂಚಾರ ಮಲ್ತೊಂದು ಉಪ್ಪುನಗ ಶಂತನು ಒರ್ತಿ ಅನನ್ಯ ಸೌಂದರ್ಯವತಿನ್ ತೂಯೆ. ಅಲೆಗ್ ಎತ್ತ್ ಆಕರ್ಷಿತೆ ಆಯೆ ಪಂಡ ಅಲೆನ್ ಮದಿಮೆ ಆಪುನಂಚ ಕೇನೊನುವೆ. ಆ ಸುಂದರಿ ಮದಿಮೆಗ್ ಒಪ್ಪೆರೆ ಒಂಜಿ ಷರತ್ತ್‌ನ್ ವಿಧಿಸಿಯಲ್. ಅಯಿತ್ತ ಪ್ರಕಾರ, ಓವ್ವೇ ಕ್ಷಣ ರಾಜೆ ಅಲೆನ್‌ ದಾದ ಮಲ್ತ್ಂಡಲಾ ಪ್ರಶ್ನೆ ಮಲ್ಪೆರೆ ಬಲ್ಲಿ; ಮಲ್ತ್ಂಡ ಅಯನ್‍ ಬುಡ್‌ದ್ ಪೋಪೆ ಪಂದ್ ಪನ್ಪಲ್. ರಾಜೆ ಉಂದೆಕ್ಕ್‌ ಒತ್ತ್‌ದ್ ಮದಿಮೆ ನಡತ್ತ್ಂಡ್.
ಒಂತೆ ಕಾಲ ಕರಿನಗ ರಾಜಗ್ ಒಂಜಿ ಆಣ್‍ ಬಾಲೆ ಆಂಡ್‌. ಆಂಡ ಪುಟ್ಟ್‌ನ ಬಾಲೆನ್‌ ಅಪಗನೇ ಕೊನೊದು ಬಾಲೆನ್ ಗಂಗಾ ನದಿಕ್ ದಕ್ಕೊಂದು ಇತ್ತಲ್. ರಾಜಗ್ ಉಂದೆರ್ದ್ ಸಖೇದಾಶ್ಚರ್ಯ ಆಂಡಲಾ, ಬುಡೆದಿ ಬುಡುದು ಪೋಪುನೆನ್‌ ಸಹಿಸಿಯೆರೆ ಆವಂದೆ ಅಲೆನ್ ದಾಲಾ ಪ್ರಶ್ನೆ ಮಲ್ತೊಂದು ಇಜ್ಯಂಡ್. ಆಂಡ ಈ ಪರಿಪಾಟ ಬೊಕ್ಕ ದುಂಬುದ ಆಜಿ ಪುರು ಜೋಕುಲೆಗ್‌ಲಾ ಆಂಡ್.
ಆಂಡ ಎಣ್ಮುನೆತ ಬಾಲೆ ಪುಟ್ಟ್ಂಡ್, ಈ ಬಾಲೆನ್ ಆಯನ ಬುಡೆದಿ ಸುದೆಕ್ಕ್ ದಕ್ಕುನೆನ್‌ ತೂಯಿನ ರಾಜಗ್ ಕೋಪನ್ ತಡೆಯೆರೆ ಆಯಿಜಿ. ಆಲೆನ್ ತಡೆದ್ ಜೋಕುಲೆನ್‍ ಸುದೆಕ್ಕ್‌ ದಕ್ಕೆರೆ ಕಾರಣ ದಾದ ಪಂದ್ ಕೇನ್ನಗ, ಆ ಸುಂದರಿ ತನ್ನ ನಿಜವಾಯಿನ ಗುರ್ತನ್ ತೋಜಾದ್, ಯಾನ್ ಗಂಗೆ ಪಂದ್ ಪಂಡ್‌ದ್, ಯಾನ್ ಈ ಬಾಲೆನ್ ಲೆತೊಂದು ಪೋದ್ ಕಾಲಾಂತರೊಡು ರಾಜಗ್ ಕೊನತ್ತ್‌ದ್‍ ಕೊರ್ಪೆ ಪಂದ್ ಪನ್ಪಲ್.
ಶಂತನು ಅಲೆನ ಈ ನಿರ್ಗಮನೊರ್ದು ಬಾರಿ ಬೇಜಾರ್ ಮಲ್ತೊಂದು, ವರ್ಷಾನುಗಟ್ಟಲೆ ತನ್ನ ಮಗನ ವಾಪಸಾತಿಗಾದ್ ಕಾತೊಂದು ಉಪ್ಪುವೆ. ತಾನ್ ರಾಜಗ್ ಕೊರ್‌ನ ಪಾತೆರೊದಂಚನೆ ಗಂಗೆ ರಾಜನ ಮಗನ್ ಕೊನತ್‌ದ್‍ ಪಿರಕೊರಿಯಲ್‌. ಆ ಬಾಲೆ, ಆಪಗ ಯುವಕೆ ಆದ್ ಬುಲೆದ್ ಇತ್ತೆ. ಈ ಯುವಕನೇ ದೇವವ್ರತ/ಗಾಂಗೇಯೆ. ಇಂಬ್ಯೆ ಭೀಷ್ಮೆ ಪನ್ಪುನ ಪುದರ್‌ಡ್ ಪರಿಚಿತೆ. ಮಹಾಭಾರತದ ಕೇಂದ್ರ ಪಾತ್ರೊಲೆಡ್ ಒರಿ.

ಶಂತನು ಬೊಕ್ಕ ಸತ್ಯವತಿ

ದೇವವ್ರಥೆ ಒರಿ ಆಕರ್ಷಕ ಯುವಕೆ ಆದ್‌ ಬುಲೆಯಿನಪಗ ಶಂತನು ಮೀನುಗಾರನ ಮಗಳಾಯಿನ ಸತ್ಯವತಿನ್ ತೂದ್ ಮೋಹಿತೆ ಆಯೆ. ಅಲೆನ ಅಮ್ಮೆರ್ ಮದಿಮೆಗ್ ಒಪ್ಪಿಯೆರೆ ಒಂಜಿ ಷರತ್ತನ್ ವಿಧಿಸಯೆ. ಉಂದೆತ್ತ ಪ್ರಕಾರಸತ್ಯವತಿ ಜನ್ಮ ಕೊರ್ಪುನ ಓವ್ವೇ ಸಂತಾನ ಆಂಡಲಾ ಸಿಂಹಾಸನೊಗು ಅಧಿಕಾರಿ ಆವೊಡು ಪಂಡ್‌ದ್‌.
ದೇವವ್ರಥಗ್ ಉಂದೆರ್ದ್‌ ಅನ್ಯಾಯ ಆಪುಂಡು ಪನ್ಪುನೆನ್ ತೆರಿನ ಶಂತನು ಈ ಷರತ್ತ್‌ಗ್ ಒಪ್ಪಂದ ಪಿರ ಬರ್ಪೆ. ಆಂಡ ದೇವವ್ರಥೆ ಉಂದೆನ್‍ ತೆರಿದ್ ಸಿಂಹಾಸನದ ಆಸೆನ್ ಬುಡ್‌ದ್ ಸತ್ಯವತಿನ ಸಂತಾನನೇ ಸಿಂಹಾಸನ ಏರುನೆ ಪನ್ಪುನ ಪಾತೆರೊನು ಸತ್ಯವತಿನ ಅಮ್ಮೆರೆಗ್‌ ಕೊರಿಯೆ. ನನಲಾ ಸಂದೇಹೊಡು ಇತ್ತ್‌ನ ಮೀನುಗಾರನ್ ಒಪ್ಪಿಸಯೆರೆ, ಸತ್ಯವತಿನ ಸಂತಾನದ ದುಂಬುದ ಪೀಳಿಗೆಲು ರಾಜ್ಯಭಾರ ಮಲ್ಪೆರೆ ಅನುವು ಮಲ್ತ್‌ದ್ ಕೊರ್ಪುನ ನೆಲೆಟ್ಟ್ ಜೀವನ ಪರ್ಯಂತ ಬ್ರಹ್ಮಚರ್ಯ ವ್ರತನ್ ಆಚರಣೆ ಮಲ್ಪುನ ಪ್ರತಿಜ್ಞೆನ್ ಮಲ್ಪುವೆ.
ಈ ಘಟನೆರ್ದ್ ಬೊಕ್ಕ ಅಯನ ಪುದರ್ 'ಭೀಷ್ಮೆ' ಪಂಡ್‌ದ್ ಆಯೆರೆ ಕಾರಣ ಆಂಡ್. ಶಂತನು ಬೊಕ್ಕ ಸತ್ಯವತಿಗ್ ರಡ್ಡ್ ಜನ ಆಣ್ ಜೋಕುಲು ಆಯೆರ್. ಮೊಕುಲು ಚಿತ್ರಾಂಗದ ಬೊಕ್ಕ ವಿಚಿತ್ರವೀರ್ಯ. ಶಂತನುನ ಮರಣೊರ್ದು ಬೊಕ್ಕ, ಸತ್ಯವತಿ ತನ್ನ ರಡ್ಡ್ ಜನ ಆಣ್ ಜೋಕುಲೆನೊಟ್ಟುಗು ರಾಜ್ಯಭಾರ ಮುಂದುವರಿಸಯಲ್. ಉಂದೆಕ್ಕ್ ಭೀಷ್ಮನ ಸಹಕಾರ, ಸಹಾಯ ಇತ್ತ್ಂಡ್.

ವಂಶ ವೃಕ್ಷ

ಸುನಂದ

(ದಾಸಿಯಿಂದ)

೨ ಪುತ್ರೆರ್

Preceded by ಪ್ರದೀಪ	ಹಸ್ತಿನಾಪುರದ ರಾಜೆ	Succeeded by ಚಿತ್ರಾಂಗದ

ಉಲ್ಲೇಕೊಲು

ತೂ ಪಾ ಸಂ ಮಹಾಭಾರತೊ
ಕುರು ವಂಸೊ	ಶಂತನು ಗಂಗೆ ಭೀಷ್ಮ ಸತ್ಯವತಿ ಚಿತ್ರಾಂಗದ ವಿಚಿತ್ರವೀರ್ಯ ಅಂಬಾ ಅಂಬಿಕ ಅಂಬಾಲಿಕ ವಿದುರ ಧೃತರಾಷ್ಟ್ರ ಗಾಂಧಾರಿ ಶಕುನಿ ಪಾಂಡು ಕುಂತಿ ಮಾದ್ರಿ ಯುಧಿಷ್ಠಿರ ಭೀಮಸೇನ ಅರ್ಜುನ ನಕುಲ ಸಹದೇವ ದುರ್ಯೋಧನ ದುಶ್ಯಾಸನ* ಯುಯುತ್ಸು ದುಶ್ಯಲಾ ದ್ರೌಪದಿ ಹಿಡಿಂಬಿ ಘಟೋತ್ಕಚ ಅಹಿಲಾವತಿ ಸುಭದ್ರೆ ಉತ್ತರೆ ಉಲೂಚಿ ಇರಾವನ ಬರ್ಬರಿಕ ಬಬ್ರುವಾಹನ ಪರೀಕ್ಷಿತ ಜನಮೇಜಯ ಅಭಿಮನ್ಯು
ಬೇತೆತಕುಲು	ಕರ್ಣ ದ್ರೋಣ ಅಂಬೆ ವೇದವ್ಯಾಸ ಕೃಷ್ಣ ಸಾತ್ಯಕಿ ದೃಷ್ಟದ್ಯುಮ್ನ ಸಂಜಯ ವಿರಾಟ ಕೀಚಕ ಕೃಪಾಚಾರ್ಯ ಅಶ್ವತ್ಥಾಮ ಏಕಲವ್ಯ ಕೃತವರ್ಮ ಜರಾಸಂಧ ಮಯಾಸುರ ದೂರ್ವಾಸ ಜಯದ್ರಥ ಬಲರಾಮ ದ್ರುಪದ ಹಿಡಿಂಬ ಶಲ್ಯ ಅತಿರಥ ಶಿಖಂಡಿ ಜೈಮಿನಿ
ಬೇತೆ	ಪಾಂಡವೆರ್ ಕೌರವೆರ್ ಹಸ್ತಿನಾಪುರ ಇಂದ್ರಪ್ರಸ್ಥ ಕುರುಕ್ಷೇತ್ರ ಯುದ್ಧ ಭಗವದ್ಗೀತೆ