ಕದಿಕೆ ಪಂತಿ

ಕದಿಕೆ ಪಂತಿ
Scientific classification
Kingdom:	Plantae
(unranked):	Angiosperms
(unranked):	Commelinids
Order:	Poales
Family:	Poaceae
Genus:	Cynodon
Species:	C. dactylon
Binomial name
	Cynodon dactylon; (L.) Pers.

ಕದಿಕೆ ಒಂಜಿ ಜಾತಿತ ಪಂತಿ. ಗಣಪತಿಗಣಪತಿ ಪೂಜೆಗ್ ಅಗತ್ಯವಾದ್ ಬೋಡಾಯಿನ ಒಂಜಿ ವಸ್ತ್ ಪಂಡ ಕದಿಕೆ ಕನ್ನಡೊಡು:ಗರಿಕೆ ಪಂತಿ. ಶುಭ ಕಾರ್ಯೊಗು ದುಂಬು ಗಣಪತಿನ್ ಪೂಜೆ ಮಲ್ಪುನವು ಪದ್ಧತಿ. ಅಪಗ ಗಣಪತಿನ ಮೂರ್ತಿದ ಬದಲ್‌ಗ್ ಅಂಬಿಡ್ ಪಿಳ್ಳಾರತಿ ಮಲ್ತ್‌ದ್ ಅಯಿಕ್ ಕದಿಕೆ ಪಂತಿನ್ ಕುತ್ತ್‌ದ್ ದೀದ್ ಪೂಜೆ ಮಲ್ಪುನ ವಾಡಿಕೆ. ಪೂಜೆಗ್ ಬೋಡಾಯಿನ ಕದಿಕೆ ಪಂತಿ ಮರ್ದ್‌ದ ಉಪಯೋಗೊಡುಲ ಪುದರ್ ಪಡೆಯಿನ ದಯಿಯಾದುಂಡು. ಉಂದು ಪೊಯೇಸೀ ಜಾತಿಗ್ ಸೇರ್‌ನ ದಯಿ.

ಬೇತೆ ಬೇತೆ ಪುದರುಲು

ಸಸ್ಯ ವೈಜ್ಞಾನಿಕ ಪುದರ್ - ಸೈನೊಡಾನ್ ಡ್ಯಾಕ್ಟಿಲಾನ್
ಕನ್ನಡ - ಗರಿಕೆ, ಕಾಡು ಗರಿಕೆ, ಕುಡಿಗರಿಕೆ, ದೂಬ್, ಕರ್ಕೆರಿ ಹುಲ್ಲು, ಕರಿಕೆ ಹುಲ್ಲು, ಹರಿಯಾಳಿ
ತಮಿಳ್ತಮಿಳು ಬಾಸೆ - ಅರುಗಂ ಪುಲ್ಲು
ತೆಲುಗುತೆಲುಗು ಬಾಸೆ - ಗರಿಕೆ, ಹರಿವಾಳಿ
ಇಂಗ್ಲೀಷ್ಇಂಗ್ಲಿಸ್ ಬಾಸೆ - ವೈರ್ ಗ್ರಾಸ್, ಕೌಚ್ ಗ್ರಾಸ್, ಕ್ರೀಪಿಂಗ್ ಗ್ರಾಸ್, ಬಹಾಮಗ್ರಾಸ್, ಡನ್ ಗ್ರಾಸ್, ದೂಬ್ ಗ್ರಾಸ್, ಬೆರ್ಮುಡಾ ಗ್ರಾಸ್
ಸಂಸ್ಕೃತಸಂಸ್ಕೃತ - ದೂರ್ವ, ಹರಿತಾಳಿ
ಹಿಂದಿಹಿಂದಿ ಬಾಸೆ - ಧುಬ್, ಹರಿಯಾಳಿ
ತುಳುತುಳುನಾಡ್ - ಕದಿಕೆ ಪಂತಿ

ಬುಳೆಚ್ಚಿಲ್ ಬೊಕ್ಕ ಪೊಲಬು

ಕದಿಕೆ ಪಂತಿ ಸಾಮಾನ್ಯವಾದ್ ಮಾತ ರೀತಿದ ಮಣ್ಣ್‌ಡ್ಮಣ್ಣ್ ಬುಳೆಪುನಂಚಿನ ದಯಿ. ಉಂದು ಬಲ್ಲ್‌ದ ಲೆಕ್ಕ್ ಇತ್ತ್‌ದ್ ನೆಲಟೆ ಪದ್‌ರಾ ಗಂಟ್ ಗಂಟ್‍ಡ್ದ್ ಬೇರ್‌ನ್ ನೆಲಕ್ ಕೊರೊಂದು ಪೊಪುಂಡು. ಅಂಚನೆ ಮಿತ್ತ್‌ಗ್ ಎಗ್ಗೆ ಬುಡುದು ಸಪೂರವಾದ್ ಉದ್ದ ಇರೆಕುಲು ಬೊಕ್ಕ ತೆಗ್‌ರ್ ಉಪ್ಪುಂಡು.

ಮರ್ದ್‌ದ ಉಪಯೋಗ

ಕದಿಕೆ ಪಂತಿದ ಬೇರ್‌ದ ರಸ ೪-೬ ಬಿಂದ್‌ದಾತ್ ಮೂಂಕುಗು ಪಾಡ್ಂಡ ಮೂಂಕುಡ್ದು ನೆತ್ತೆರ್ ಬರ್ಪುನ ಕಡಿಮೆ ಆಪುಂಡು. ಕದಿಕೆ ಪಂತಿದ ಬೇರ್‌ದ ರಸೊನು ಕೆಲವು ದಿನೊ ಮುಟ್ಟ ಪರ್ಂಡ ಮೂಂಕುಡ್ದು ನೆತ್ತೆರ್ ಬರ್ಪುನ ಶಾಶ್ವತವಾದ್ ಕಡಿಮೆ ಆಪುಂಡು.
ಒಂಜಿ ಮುಷ್ಠಿ ಕದಿಕೆ ಪಂತಿನ್ ಬೇರ್‌ ಸಮೇತ ದೆತೊಂದು ಪೊರ್ಲು ದೆಕ್ಕ್‌ದ್ ೨ ಲೀಟರ್ ನೀರ್‌ಡ್ ಪಾಡ್‍ದ್ ಕೊದಿಪಾದ್ ಕಾಲ್ ಲೀಟರ್ ಆಯಿ ಬೊಕ್ಕ ಅಯಿಕ್ ಬೋಡಾಯಿನಾತ್ ಪೇರ್ ಬೊಕ್ಕ ಕಲಿ ಬೆಲ್ಲಬೆಲ್ಲ ಪಾಡ್‍ದ್ ಬೊಲ್ಪುಗು, ಬಯ್ಯಗ್ ರಡ್ಡ್ ಫೊರ್ತು ಕೆಲವು ದಿನೊ ಮುಟ್ಟ ಪರ್ಂಡ ಪಟಿಗೆದ ಸಮಸ್ಯೆ ಕಮ್ಮಿ ಆಪುಂಡು. ಉಂದುವೆ ಕಷಾಯೊನು ೧೪-೧೫ ದಿನೊ ಮುಟ್ಟ ಪರ್ಂಡ ಆಂಜೊಲೆನ ವೀರ್ಯಾಣು ವೃದ್ದಿ ಆಪುಂಡು.

ಬೇತೆ ಒವು ಪಂತಿದ್ಲಾ ಪೆತ್ತ ಕೈಕಂಜಿಲೆಗ್, ಐಟ್ಲಾ ಕುದುರೆಕುದುರೆ ಗುಲೆಗ್ ಜಾಸ್ತಿ ಉಪಯೋಗ ಆಪಿನ ಪಂತಿ ಪಂಡ ಅವು ಕದಿಕೆ. ನೆನ್ ಪಜಿಲಾ ಅತಂಡ ನುಂಗಾದ್‌ಲಾ ತಿಂಪಾವೋಲಿ. ಕುರಲ್ ಬುಡ್ ನಾಗ ನೆನ್ ಕೊಯ್ದು ನುಂಗವುನ ಕ್ರಮ. ಸರಿಯಾದ್ ನೀರ್, ಗೊಬ್ಬರ ಪಾಂಡ ಎಡ್ಡೆ ಬುಳೆ ತಿಕ್ಕುಂಡು. ವರ್ಷಗ್ ನಾಲ್ ಸರ್ತಿ ಆಂಡಲಾ ಕೊಯ್ಯೋಲಿ. ನೆತ್ತ ದಂಟ್ ಲೆನ್ಲ ಸಣ್ಣ ಸಣ್ಣ ತುಂಡು ಮಲ್ತ್ ಅಂಬಿಅಂಬಿ ದೋಟ್ಟು ಮೊರೆಕಾದ್ ಬೂಮಿದ ಮಿತ್ತ್ ಪಾಡ್ದ್ ಬುಡ್‌‍ನ್ದ ಬರ್ಸ ಬನ್ನಗ ಪೊರ್ಲುಡೆ ಬಲಪುಂಡು. ಬುಳೆಯಿನ ಕೃಷಿನ್ ಹಾಳ್ ಮಲ್ತ್ ಪಾಡುಂಡು.ಬೊಕ ಕೆಲವೇ ವರ್ಷಡ್ ಭೂಮಿದ ಫಲವತ್ತತೇನ್ ಕಮ್ಮಿ ಮಲ್ಪುಂಡು. ಅರೇಗಾಲಡ್ ಭೂಮಿನ್ಭೂಮಿ ಅದತ್‌ದ್ ಐತ ಬೇರುಲೆನ್ ದೆತ್ತ್ ದೊಂಬುಗು ಪಾಂಡ ಐತ ಬೇರ್ ನುಂಗ್‌ದ್ ಪೋಪುಂಡು. ಇಂಚ ಮಲ್ಪು ನೆರ್ದ್ ಒಂತೆ ಮಟ್ಟ್‌‍ಗ್ ನೆನ್ ಕಮ್ಮಿ ಮಳ್ಪೋಲಿ. ಇಂಚಿನ ಭೂಮಿಡ್ ಗೋದಿದ ಬುಳೆ ಮಲ್ತ್‌ಡ ಒಂತೆ ಮಟ್ಟ್‌ಗ್ ನೆನ್ ಕಮ್ಮಿ ಮಳ್ಪೋಲಿ ಪನ್ಪಿನ ಅಂಶ ಇತ್ತೆ ಗೊತ್ತಾತ್ಂಡ್.

ವ್ಯವಸಾಯ

ಯೂರೇಷ್ಯದ ಮೂಲ ನಿವಾಸಿ ಆಯಿನ ಉಂದು ಪ್ರಪಂಚದ ಉಷ್ಣ ಬೊಕ ಸಮಶೀತೋಷ್ಣವಲಯ ಗುಳೇಡ್ ಬಲಪುಂಡು . ಭಾರತದ ಸಮುದ್ರಮಟ್ಟರ್ದ್ ಪತ್ತ್ ಣ 2500 ಮೀ ಎತ್ತರ ಮುಟ್ಟದ ಪ್ರದೇಶಗುಳೇಡ್ ನೆನ್ ತೂವೊಲಿ. ರೋಡ್ ಬೊಕ ಸಾದಿ ಲೆದ ಬರಿಟ್ ಪುರಾ ಜಾಸ್ತಿ ಬಲಪುಂಡು.ಪಡಲ್ ಇತ್ನ ಜಾಗೆಡ್ ಮುಸ್ತ್ ಬಲಪುಂಡು. ಉಂದು ಮಾತಾ ರೀತಿದ ಮಣ್ಣುಲೆಡ್ ಬಲಪುಂಡು. ಗಟ್ಟಿ ಮಣ್ಣುಲೆಡ್ ಜಾಸ್ತಿ ಬಲಪುಂಡು.ವರ್ಷದ ಮಾತಾ ಪೊರ್ತು ಡ್ಲಾ ಪೂ ಬುಡ್ಪುಂಡು ಅವ್ವೆ ನೆತ್ತ ಮುಖ್ಯ ವಾಯಿನ ಲಕ್ಷಣ .ಕದಿಕೆ ಪಂತಿನ್ ದಂಟ್ ಅತಂಡ ಐತ ಬೇರ್ ದ ಭಾಗನ್ ತುಂಡು ಮಲ್ತ್ ನಡೋಲಿ . ಬಿತ್ತ್ ಲಾ ಪಾಡೊಲಿ.

ಪೌಷ್ಟಿಕಾಂಶಲು

ಎಡ್ಡೆ ಪುಷ್ಟಿದಾಯಕಾವಾಯಿನ ಪುದರ್ ಇತ್ತಿನ ನೆಟ್ ಕಚ್ಚಾಪ್ರೋಟೀನ್ ಶೇ.10.47, ನಾರು ಶೇ.28.17, ಸಾರಜನಕಮುಕ್ತವಸ್ತುಗಳು ಶೇ.47.8, ಈಥರ್ ಅಂಶ ಶೇ. 1.80 ಬೊಕ ವಿವಿಧ ಖನಿಜಾಂಶಗಳು ಶೇ. 11.75, ಉಪ್ಪುನ ಪನ್ಪೆರ್ .

ಮರ್ದ್ ಆದ್

ಕದಿಕೆ ಪಂತಿದ ಕಷಾಯ ಪಟಿಕೆ ಜಾಸ್ತಿ ಪೋಯೆರೆ ಎಡ್ಡೆ ಆಪುಂಡು. ಜಲೋದರ ರೋಗಗ್ ನೆನ್ ಬಳಕೆ ಮಲ್ಪುವೆರ್. ಬೇರ್ ಬೊಕ್ಕ ಐತ ದಂಟ್‌ಡ್ ಮೂತ್ರಜನಕಾಂಗ ಬೊಕ್ಕ ಜನನಾಂಗದ ಕೆಲವು ಸೀಕ್‌ಗ್ ಮರ್ದ್‌ನ್ ತಯಾರ್ ಮಲ್ಪುವೆರ್. ನೆತ್ತೆರ್ ಪೋಪುನೆಕ್ಲಾ ಕಡಿಮೆ ಮಲ್ಪೆರೆ ನೆನ್ ಗಳಸುವೆರ್.