ಆಜಾದಿನ ಗುಜ್ಜೆ ಕಡ್ಲೆ

ಗುಜ್ಜೆದ(ಪೆಲತ) ಮರ

ಗುಜ್ಜೆ ಪಂಡ ಪೆಲಕಾಯಿದ ಮರಟ್ಟ್ ಆಪಿನ ಲತ್ತ್ ಕಾಯಿಗ್ ಗುಜ್ಜೆ ಪನ್ಪೆರ್‌. ಪರ್ಂದ್ ಪೆಲಕಾಯಿ ತಿನಿಯೆರೆ ಭಾರಿ ರುಚಿ ಅಂಚನೆ ಅವೆಟ್ ಅರೋಗ್ಯೊ ಬೋಡಾಪಿನ ಎಡ್ಡೆ ಸತ್ವಲ ಉಂಡು. ಪೆಲತ್ತ ಮರಟ್ಟ್ ಅಪಿನಾ ಕಾಯಿನ್ ಕಲ್ಲಿ, ಕಲ್ಲಿಗೆ, ಗುಜ್ಜೆ, ಪೆಲಕಾಯಿ ಪಂದ್ ಲೆಪ್ಪುವೆರ್. ಕಲ್ಲಿಗೆಡ್ದ್ ಚೂರು ಮಲ್ಲ ಆಯಿನ ಕಾಯಿನ್ ಗುಜ್ಜೆ ಪನ್ಪೆರ್'ಅವೆತ್ ಕಜಿಪುಗು ಗುಜ್ಜೆದ ಕಜಿಪು ಪನ್ಪೆರ್ .ಅವೆಕ್ ಕಡ್ಲೆ ಬಿರದ್ ಮಲ್ತ್ಂಡ ಅಜಾದಿನ ಗುಜ್ಜೆ ಕಡ್ಲೆ ಕಜಿಪು ಆಪುಂಡು

ಗುಜ್ಜೆ ಆಜಾಯೆರೆ ಬೋಡಾಯಿನ ವಸ್ತುಲು

ಗುಜ್ಜೆ ಸರೀರೊಗು ಎಡ್ಡೆ ಗುಜ್ಜೆ ಅಜಾಯೆರೆ ಗಳಸುನ ಮಸಾಲೆ ವಸ್ತುಲು ಸರೀರೊಗು ಎಡ್ದೆ ಸತ್ವ ಕೊರ್ಪುಂಡು ಕುಮ್ಟೆ ಮುಣ್ಚಿ ಜೀರಿಗೆ ಬೆಳ್ಳುಳ್ಳಿ ಪುಳಿ ತಾರಾಯಿ ಮೆಂತೆ ಕೊತ್ತಂಬರಿ ಬೇಸೊಪ್ಪು

ಗುಜ್ಜೆ ಆಜಾದಿನ ಮಲ್ಪುನ ವಿಧಾನೊ

ಪೆಲಕಾಯಿದ ಗುಜ್ಜೆನ್ ಚೋಲಿ ದೆತ್ತ್‌ದ್ ಮೂರ್ದ್ ಚೂರು ನೀರ್ ಸೇರ್ಸಾದ್ ಬೆಯಿಪಾವವೊಡು. ಬೆಯಿತಿ ಚೂರು ಪೊರ್ತು ಚವುಲಿ ಆಯೆರೆ ಬುಡೊಡು ಬೊಕ್ಕ ಅವೆನ್ ಚೂರು ಕಡೆಪಿನ ಕಲ್ಲ್‌ಡ್ ಪಾಡ್ದ್ ಗುದ್ದುದ್ ಪೊಡಿ ಮಲ್ಪೊಡು. ಬೊಕ್ಕ ದಿಕ್ಕೆಲ್‌ಡ್ ಒಂಜಿ ಬಣಲೆ ದೀದ್ ಚೂರು ಎಣ್ಣೆ ಪಾಡ್ದ್ ಒಗ್ಗರಣೆಗ್ ದಾಸೆಮಿ ಪಾಡೊಡು ದಾಸೆಮಿ ಪಟ ಪಟ ಪುಡನಗ ಒಂಜಿ ರಡ್ಡ್ ಕುಮ್ಟೆ ಮುಣ್ಚಿ ಕಿನ್ಕ್‌ದ್ ಪಾಡೊಡು ಪಿರ ಪೊಡಿ ಮಲ್ತ್ ದೀನ ಗುಜ್ಜೆನ್ ಪಾಡ್ದ್ ಚೂರು ನೀರ್ ಪಾಡ್ದ್ ಕಡೆಯಿನ ಅರೆಪುನು ಪಂಡ ಜೀರಿಗೆ, ಬೆಳ್ಳುಳ್ಳಿ, ಮೆಂತೆ, ಕೊತ್ತಂಬರಿ, ಬೇಸೊಪ್ಪು, ಕುಮ್ಟೆ ಮುಂಚಿ, ಉಂದೆನ್ ಮಾತ ಬಣಲೆಡ್ ಚೂರು ಎಣ್ಣೆ ಪಾಡ್ದ್ ಪೊವೊಪೊಡು ಅವೆನ್ ಮಾತ ಚೂರು ಪುಳಿ ಸೇರಾದ್ ಸಣ್ಣ ಪೊಡಿ ಮಲ್ಪೊಡು ಬೊಕ್ಕ ಪಿರೆಯಿನ ತಾರಾಯಿ ಪಾಡ್ದ್ ಚೂರು ತಿರ್ಗಾದ್ ಅರೆಪು ಮಲ್ಪೊಡು. ಉಂದೆನ್ ಬಿರದ್ ನೀರ್ದ ಪಸೆ ಆಜಿನೆ ಮುಟ್ಟ ಕೈಲ್‌ಡ್ ತಿರ್ಗಾವೊಂದು ಉಪ್ಪೊಡು. ಎಡ್ಡೆ ಕುದಿದ್ ಆಜಿದಾನಗ ಜಾದ್ ದೀವೊಡು

ಗುಜ್ಜೆ ಕಡ್ಲೆ ಅಜಾದಿನ

ಪೆಲಕಾಯಿದ ಗುಜ್ಜೆನ್ ಚೋಲಿ ದೆತ್ತ್‌ದ್ ಸಣ್ಣ ಕೊಚ್ಚಿದ್ ಬೊದೆಲೆರೆ ಪಾಡಿನ ಕಪ್ಪು ಕಡ್ಲೆನ ಸೇರ್ಸಾದ್ ಪಾಡ್ದ್ ಚೂರು ನೀರ್ ಪಾಡ್ದ್ ಪೊರ್ಲು ಬೈಪಾವೊಡು ಅವೆಡ್ದ್ ಬೊಕ್ಕ ಜೀರಿಗೆ, ಬೆಳ್ಳುಳ್ಳಿ, ಮೆಂತೆ, ಕೊತ್ತಂಬರಿ ಬೇಸೊಪ್ಪು, ಕುಮ್ಟೆ ಮುಣ್ಚಿ, ಉಂದೆನ್ ಮಾತ ಬಣಲೆಡ್ ಚೂರು ಎಣ್ಣೆ ಪಾಡ್ದ್ ಪೊವೊಪೊಡು ಅವೆನ್ ಮಾತ ಚೂರು ಪುಳಿ ಸೇರಾದ್ ಸಣ್ಣ ಪೊಡಿ ಮಲ್ಪೊಡು ಬೊಕ್ಕ ಪಿರೆಯಿನ ತಾರಾಯಿ ಪಾಡ್ದ್ ಚೂರು ತಿರ್ಗಾದ್ ಪೊಡಿ ಮಲ್ತ್‌ದ್ ಅವೆನ್ ಬೆಯಿಪಾಯಿನ ಕಡ್ಡೆ ಗುಜ್ಜೆಗ್ ಪಾಡ್ದ್ ದಿಕ್ಕೆಲ್ ದೀದ್ ಎಡ್ಡೆ ಮಗ್ತ್‌ದ್ ಬೆಯಿಪಾದ್ ಬೇಸೊಪ್ಪುದ ಒಗ್ಗರಣೆ ಕೊರ್ಂಡ ಗುಜ್ಜೆ ಕಡ್ಲೆ ಅಜಾದಿನ ತಿನರ ತಯಾರ್ ಆಪುಂಡು.