ಏಷ್ಯಾನ್ ಚಾಂಪಿಯನ್ಸ್ ಪೊಂಜೊಲೆನ ಹಾಕಿ

ಹಾಕಿ ಗೊಬ್ಬು

ಹಾಕಿ ಒಂಜಿ ಜನಪ್ರಿಯ ಆಯಿನ ಗೊಬ್ಬು. ಫುಟ್ಬಾಲ್‍ದ ಲೆಕನೆ ರಡ್ಡ್ ತಂಡೊಲು ಗೊಬ್ಬುನ ಗೊಬ್ಬುಡು, ಪ್ರತಿ ತಂಡೊಡು ೧೧ ಜನ ಉಪ್ಪುವೆರ್. ಉಂದು ಏಷ್ಯಾ ದೇಸೊದ ಪೆರ್ಮೆದ ರಾಷ್ಟ್ರೀಯ ಗೊಬ್ಬು.

ಹಾಕಿ ಒವ್ವೇ ಗೊಬ್ಬುಲೆ ಕೂಟೊಗು ಮೂಲೊ ಕಾರಣೊಂದು ಪನೊಲಿ. ಇಂದೆಟ್ ರಡ್ಡ್ ತಂಡೊಲು ಎದುರು ಎದುರಾದ್ ಒರಿಯನ್ ಒರಿ ಉಪಾಯೊಡು ನಿರ್ವಹಿಸವೊಂದು ಒಂಜಿ ಚೆಂಡ್‍ನ್ ಎದುರುತಕ್ಲೆನ ಬಲೆಕ್ ಅತ್ತಂಡ ಗೋಲ್‍ದುಲಾಯ ಪೋಪುನಂಚ ಹಾಕಿದ ಕೋಲುನು ಗಳಸೊಂದು ಗೊಬ್ಬುನ ಗೊಬ್ಬು.

೨೦೧೪ತ ಪೊಂಜೊಲೆನ ಗೊಬ್ಬು

೨೦೨೪ ತ ಪೊಂಜೋಲೆನ ಏಷ್ಯನ್ ಚಾಂಪಿಯನ್ಸ್ ಟ್ರೋಫಿ ಭಾರತದ ರಾಜ್‌ಗಿರ್‌ಡ್ ನವೆಂಬರ್ ೧೧ರ್ದ್ ನವೆಂಬರ್ ೨೦ ಮುಟ್ಟ ನಡತ್oಡ್. ಹಾಕಿ ಚಾಂಪಿಯನ್ ಬೊಕ ಬೊಳ್ಳಿದ ಪದಕ ವಿಜೇತೆ ಚೀನಾ ಸೇರ್ದ್ ೬ ತಂಡೋಲು ರೌಂಡ್-ರಾಬಿನ್ ಮಾದರಿಡ್ ಸ್ಪರ್ಧೆ ಮಲ್ತ.ಸೆಮಿಫೈನಲ್‌ಡ್ ಜಪಾನ್ನ್ ತಂಡನ್ ಸೋಲ್ಪದ್ ಪ್ರಶಸ್ತಿನ್ ಒರಿಪಾಂಡ್ ಭಾರತ.ಪೊಂಜೊಲೆನ ಏಷ್ಯನ್ ಚಾಂಪಿಯನ್ಸ್ ಟ್ರೋಫಿ,ಏಷ್ಯನ್ಏಷ್ಯನ್ ಗೊಬ್ಬುಲು ಹಾಕಿ ಫೆಡರೇಶನ್ (AHF) ಆಯೋಜನೆ ಮಲ್ತ್ ನ ಪ್ರತಿಷ್ಠಿತ ಫೀಲ್ಡ್ ಹಾಕಿ ಪಂದ್ಯಾವಳಿ ಆತ್oಡ್.೨೦೧೦ ಡ್ ಸುರು ಆಯಿನ ಉಂದು ಏಷ್ಯಾದ ಮಲ್ಲ ಮಹಿಳಾ ಹಾಕಿ ತಂಡೋಲೆನ್ ಪಡೆಯೋನ್ದ್oಡ್. ಜಾಸ್ತಿ ಸ್ಪರ್ಧಾತ್ಮಕ ಸ್ವರೂಪಡ್  ತಮ್ಮ ಕೌಶಲ್ಯನ್ ಪ್ರದರ್ಶನ ಮಲ್ಪುಂಡು.ಪಂದ್ಯಾವಳಿ ದ್ವೈವಾರ್ಷಿಕವಾದ್ ನಡಪುಂಡು. ಭಾರತಭಾರತ, ಮಲೇಷ್ಯಾ, ಥೈಲ್ಯಾಂಡ್, ದಕ್ಷಿಣದಕ್ಷಿಣ ಅಮೇರಿಕ ಕೊರಿಯಾ, ಜಪಾನ್ ಬೊಕ ಚೀನಾದಂಚಿನ ತಂಡೊಲು ಸಾಂಪ್ರದಾಯಿಕವಾದ್ ಮೈದಾನಡ್ ಪ್ರಾಬಲ್ಯ ಪಡೆಯೋನ್ದ. ಈ ವರ್ಷ, ಪೊಂಜೊಲೆನ ಏಷ್ಯನ್ ಹಾಕಿಹಾಕಿ ಚಾಂಪಿಯನ್ಸ್ ಟ್ರೋಫಿನ್ ಭಾರತದ ಬಿಹಾರಡ್ ಆಯೋಜನೆ ಮಲ್ತಿತ್ತೆರ್.

ಗೊಬ್ಬುನ ತಂಡಲು

ಭಾರತ, ಜಪಾನ್ಜಪಾನ್, ಚೀನಾಚೀನಾ ಬೊಕ  ದಕ್ಷಿಣ ಕೊರಿಯಾದಂಚಿನ ಶಕ್ತಿಶಾಲಿ ರಾಷ್ಟ್ರಲೆ ತಂಡೊಲು ಅಸಾಧಾರಣ ಪ್ರತಿಭೆ,ಟೀಮ್‌ವರ್ಕ್ ಬೊಕ ದೃಢತೆನ್ ಪ್ರದರ್ಶನ ಮಲ್ಪುನ ಮುಖಾಂತರ ತೀವ್ರವಾದ್ ಸ್ಪರ್ಧೆ ಮಲ್ತ.ಪಂದ್ಯಾವಳಿ ರೌಂಡ್-ರಾಬಿನ್ ಸ್ವರೂಪನ್ ಅನುಸರಿಸಾವುಂಡು, ಚಾಂಪಿಯನ್ ಕಿರೀಟ ತಿಕ್ಕಿಯೆರೆ ನಾಕೌಟ್ ಹಂತಡ್ ಮುಗಿಪುಂಡು.ಪೊಂಜೋಲೆನ ಏಷ್ಯನ್ ಚಾಂಪಿಯನ್ಸ್ ಟ್ರೋಫಿಡ್ ಈ ಪ್ರದೇಶಡ್ ಪೊಂಜೊಲೆನ ಹಾಕಿದ ಪ್ರತಿಭೆ ಬೊಕ ಸ್ಪರ್ಧಾತ್ಮಕತೆನ್ ಪ್ರದರ್ಶನ ಮಲ್ಪೆರೆ ವೇದಿಕೆಯಾದ್ ಕಾರ್ಯನಿರ್ವಹಿಸಾವುಂಡು.ವರ್ಷಡ್, ಪಂದ್ಯಾವಳಿ ಭಾಗವಹಿಸುನ ರಾಷ್ಟ್ರಲೆದ ನಡುಟು ತೀವ್ರವಾಯಿನ ಸ್ಪರ್ಧೆ ತೋಜಿದ್oಡ್. ದಕ್ಷಿಣ ಕೊರಿಯಾ ಅತ್ಯಂತ ಯಶಸ್ವಿ ತಂಡವಾದ್ ಪಿದಾಯಿ ಬುರ್ದುಂಡು,೩ಸರ್ತಿ (೨೦೧೦, ೨೦೧೧ ಬೊಕ ೨೦೧೮) ಪ್ರಶಸ್ತಿನ್ ಗೆಲ್ತಿನ್ಡ್.ಭಾರತ ಬೊಕ ಜಪಾನ್ ರಡ್ಡ್ ರಡ್ಡ್ ಸರ್ತಿ ಟ್ರೋಫಿನ್ ಪಡೆಯೋನ್ದ.೨೦೨೩ಟ್ ಜಪಾನ್ದ ವಿರುದ್ಧ ಗೆಲ್ತ್ ದ್ ಬೊಕ ಭಾರತ ಹಾಕಿ ಚಾಂಪಿಯನ್ ಆಂಡ್. ೨೦೨೪ತ ಪೊಂಜೊಲೆನ ಏಷ್ಯನ್ ಚಾಂಪಿಯನ್ಸ್ ಟ್ರೋಫಿ ಪ್ರಸ್ತುತ ಭಾರತದ ರಾಜ್‌ಗಿರ್‌ಡ್ ನವೆಂಬರ್ ೧೧ರ್ದ್ ನವೆಂಬರ್ ೨೦ಮುಟ್ಟ ನಡತ್oಡ್. ಈ ಆವೃತ್ತಿಡ್ ೬ ತಂಡೋಲು ಇತ್ತ. ಅವು ಭಾರತ, ಚೀನಾ, ಜಪಾನ್, ಮಲೇಷ್ಯಾ, ದಕ್ಷಿಣ ಕೊರಿಯಾ ಬೊಕ ಥೈಲ್ಯಾಂಡ್.

ಗೊಬ್ಬುನಕುಲು

ಭಾರತೀಯ ಪೊಂಜೊಲೆನ ಹಾಕಿ ತಂಡದ  ನಾಯಕಿ ಸಲೀಮಾ ಟೆಟೆ ಆರ್ನ ನಾಯಕತ್ವಡ್ ಬೊಕ ಮಿಡ್‌ಫೀಲ್ಡ್ ಪರಾಕ್ರಮದ ಅಡಿಟ್ ಭಾರತ ೨ ಏಷ್ಯನ್ ಚಾಂಪಿಯನ್‌ಶಿಪ್ ಪ್ರಶಸ್ತಿಲೆನ್ ಗೆಳ್ತ್ ನ ಕಾರಣಡ್ ಗಮನಿಸವೊಡಾಯಿನ ಪ್ರಮುಖ ವ್ಯಕ್ತಿ. ೨೦೨೪ ತ ಪೊಂಜೊಲೆನ ಏಷ್ಯನ್ ಚಾಂಪಿಯನ್ಸ್ ಟ್ರೋಫಿಡ್, ಸಲೀಮಾ ಟೆಟೆ, ದೀಪಿಕಾ (IND), ಸಂಗೀತಾ ಕುಮಾರಿ (IND), ನವನೀತ್ ಕೌರ್ (IND), ಬೊಕ ಯೂರಿ ತನಕಾ (JPN) ಅಕುಲು ತಮ್ಮ ತಂಡೊಗು ಗಮನಾರ್ಹ ಕೊಡುಗೆ ಕೊರ್ನ ಅತ್ಯುತ್ತಮ ಗೋಲ್ ಸ್ಕೋರರ್‌ನಕುಲು.ಒಟ್ಟು ೧೦ ಗೋಲುನು ಪಡೆಯಿನ ದೀಪಿಕಾ ಪಂದ್ಯಾವಳಿದ ಟಾಪ್ ಸ್ಕೋರರ್ ಆತೆರ್.ಪ್ರಮುಖ ಪಂದ್ಯಲೆಡ್ ದಿಂಜ ಗೋಲು ಸೇರ್ದ್ ಭಾರತದ ಯಶಸ್ಸ್ ಗ್ ಆರ್ನ ಸ್ಕೋರಿಂಗ್ ಸಾಮರ್ಥ್ಯ ನಿರ್ಣಾಯಕವನ್ಡ್. ಭಾರತದ ಬುಕೊರ್ತಿ ಪ್ರಮುಖ ಆಟಗಾರ್ತಿ ಕುಮಾರಿ ಪ್ರಮುಖ ಗೋಲು ಪಡೆದ್ ತಂಡದ ಆಕ್ರಮಣಕಾರಿ ಆಟಗ್ ಗಣನೀಯ ಕೊಡುಗೆ ಕೊರ್ತೆರ್. ನಾಕೌಟ್ ಹಂತಡ್ ನಿರ್ಣಾಯಕ ಗೋಲು ಸೇರ್ದ್ ಸುಮಾರ್ ಗೋಳುಲೆನ್ ಮಲ್ತ್ ನ ಕೌರ್ ಭಾರತದ ಪ್ರಮುಖ ಪಾತ್ರ ಪಡೆತೆರ್.

ಏಷ್ಯಾ ಚಾಂಪಿಯನ್ಸ್ ಜಯ -೨೦೨೪

ಐತಿಹಾಸಿಕ ಗೇಲ್. ಫೈನಲ್ ಪಂದ್ಯಡ್ ಚೀನಾ ಪೊಂಜೊಲೆನ ತಂಡನ್ 1-0 ಗೋಲುರ್ದ್ ಸೋಲ್ಪಯಿನ ಭಾರತ ತಂಡ ೩ ಸರ್ತಿ ಏಷ್ಯನ್ ಚಾಂಪಿಯನ್ಸ್ ಟ್ರೋಫಿನ್ ಪಡೆಯೋನ್ಡ್.  ಬುಧವಾರ ಬಿಹಾರದ ರಾಜ್ ಗೀರ್ ಡ್ ನಡತ್ನ ಪಂದ್ಯಡ್ ಪ್ಯಾರಿಸ್ ಒಲಿಂಪಿಕ್ಸ್ ಡ್  ರಜತ ಪದಕ ಗೆಲ್ತ್ ನ ಚೀನಾ ತಂಡಗ್ ಭಾರತದ ವನಿತೆ ನಕುಲು ಮೂಜೇ ನಿಮಿಷಡ್ ಆಘಾತ  ಕೊರಿಯೆರ್. ಆ ಸಂದರ್ಭಡ್ ಭಾರತದ ದೀಪಿಕಾ ಕೊರ್ನ ಗೋಲ್ ದ ಪೆಟ್ಟ್ ರ್ದ್ ಚೀನಾ ಗೊಬ್ಬುನು ಕಲೆವೊಂಡ್. ಭಾರತ ಪ್ರಶಸ್ತಿ ಗೆಲ್ತ್oಡ್.ಯುವ ಸ್ಟ್ರೈಕರ್‌ ದೀಪಿಕಾ ಪುಡಾತ್ ನ ಗೊಲುರ್ದ್ ಭಾರತ ತಂಡ ಪೊಂಜೊಲೆನ ಏಷ್ಯನ್‌ ಚಾಂಪಿಯನ್ಸ್‌ ಟ್ರೋಫಿ ಹಾಕಿ ಟೂರ್ನಿಡ್ ಫೈನಲ್‌ಡ್  ಚೀನಾ ತಂಡನ್ ಸೋಲ್ಪದ್ ಪ್ರಶಸ್ತಿ ಗೆಲ್ತ್oಡ್. ಬುಧವಾರ ನಡತ್ ನ ಪ್ರಶಸ್ತಿ ಸುತ್ತುಡು ಪಂದ್ಯಡ್ ಆತಿಥೇಯ ತಂಡ ಭಾರತ 1-0 ಗೊಲುರ್ದ್ ಪ್ಯಾರಿಸ್‌ ಒಲಿಂಪಿಕ್ಸ್‌ ಕ್ರೀಡಾಕೂಟದ ಬೊಳ್ಳಿ ಪದಕ ವಿಜೇತ ಚೀನಾಗೆ ಆಘಾತ ಕೊರುಂಡ್.ಪಂದ್ಯದ 31ನೇ ನಿಮಿಷಡ್ ತಿಕ್ಕ್ ನ ಪೆನಾಲ್ಟಿ ಕಾರ್ನರ್‌ ಅವಕಾಶನ್ ಗೋಲಾದ್ ಪರಿವರ್ತನೆ ಮಲ್ತ್ ನ ದೀಪಿಕಾ ಗೇಲ್ ದ ರೂವಾರಿಯಾದ್ ಪಿದಾಯಿ ಬುರ್ಯೆರ್. ಒಟ್ಟಿಗೆ ಟೂರ್ನಿಡ್ ಜಾಸ್ತಿ ೧೧ಗೋಲ್ ಮಲ್ತ್ ದ್ ಕೀರ್ತಿ ಗಳಿಸಾಯೆರ್.

೩ನೇ ಸರ್ತಿ ಏಷ್ಯಾನ್ ಚಾಂಪಿಯನ್ಸ್

ಟೂರ್ನಿ ದ ಲೀಗ್‌ ಹಂತಡ್ ಚೀನಾ ವಿರುದ್ಧ 3-0 ಅಂತರಡ್ ಜಯಭೇರಿ ಬಾರಿಸಾಯಿನ ಭಾರತ ತಂಡ,ಫೈನಲ್‌ ಡ್ ಮಲ್ಲ ಅಂತರದ ಗೇಲ್ ತಿಕ್ಕಿಜಿಂಡಲ ಅಧಿಕಾರಯುತವಾದ್ ಜಯ ತಿಕ್ಕ್oಡ್. 2016 ಬೊಕ 2023ಟ್ ಚಾಂಪಿಯನ್‌ ಆದಿತ್ತ್ ನ ಭಾರತ ಪೊಂಜೊಲೆನ ತಂಡ ಇತ್ತೆ ೩ನೇ ಸರ್ತಿ ಟ್ರೋಫಿ ಗೆಂದ್oಡ್. ಟೂರ್ನಿಯ ಇತಿಹಾಸಡ್ ಭಾರತ ತಂಡ ಅತ್ಯಧಿಕ ಪ್ರಶಸ್ತಿಲೆನ್ ಗೆಲ್ತ್ ನ ದಕ್ಷಿಣ ಕೊರಿಯಾದ ಒಟ್ಟಿಗೆ ಜಂಟಿ ಗೌರವನ್ ಪಟ್ಟೋನ್ಡ್.

ಪ್ರಶಸ್ತಿಗ್ ಸೆಣಸಾಟ

ನಿರೀಕ್ಷೆದ ಪ್ರಕಾರ ಫೈನಲ್‌ ಪಂದ್ಯದ ಸುರುತ ರಡ್ಡ್ ಕ್ವಾರ್ಟರ್ಲು ಜಿದ್ದಾಜಿದ್ದ್ ದ ಗೊಬ್ಬುಗು ಸಾಕ್ಷಿ ಆಂಡ್.ಚೀನಾ ಬೊಕ ಭಾರತ ಸುಮಾರ್ ಸರ್ತಿ ಗೋಲ್ ಪಡೆಯೆರೆ ಕಸರತ್ತ್ ದೆತ್ತ. ಆಂಡ ಬೇತೆ ತಂಡಲೆನ ರಕ್ಷಣಾ ಆಟಗಾರೆರ್ ಮಾತಾ ಯತ್ನಲೆನ್ ವಿಫಲ ಮಲ್ತೆರ್. 17 ವರ್ಷದ ಸುನೇಲಿತಾ ಟೊಪ್ಪೊ, ಭಾರತದ ಪರ ಕೌಶಲ್ಯವಾಯಿನ ಗೊಬ್ಬು ಪ್ರದರ್ಶನ ಮಲ್ತೆರ್.ದ್ವಿತೀಯ ಕ್ವಾರ್ಟರ್‌ ಸುರು ಆದ್ ಮೂಜಿ ನಿಮಿಷಡ್ ಚೀನಾ ಸುರುತ ಪೆನಾಲ್ಟಿ ಕಾರ್ನರ್‌ ಅವಕಾಶ ದೆತೊಂಡ್. ಆಂಡ ಭಾರತದ ಗೋಲ್‌ಕೀಪರ್‌ ಬಿಚು ದೇವಿ ಪ್ರಬಲವಾದ್ ಪಿರವು ಪಾಡಿಯೆರ್.ಬೊಕ ಭಾರತ ಸುಮಾರ್ ಸರ್ತಿ  ಪೆನಾಲ್ಟಿ ಕಾರ್ನರ್‌ ಅವಕಾಶನ್ ಪಡೆಯೋನ್ಡ್. ಆಂಡ ತೃತೀಯ ಕ್ವಾರ್ಟರ್‌ ಡ್ ರಿವರ್ಸ್‌ ದ ಮೂಲಕ ಪೆನಾಲ್ಟಿ ಅವಕಾಶನ್ ಗೋಲ್ ಮಲ್ತೆರ್ ದೀಪಿಕಾ, ಮಾತೆರೆಗ್ಲಾ ಖುಷಿ ಕೊರಿಯೆರ್.೪೨ನೇ ನಿಮಿಷಡ್ ಗೋಲ್ ಪಡೆಯುನ ಅವಕಾಶನ್ ಸೃಷ್ಟಿ ಮಲ್ತೆರ್. ಆಂಡ ಚೀನಾ ನೆಕ್ ಆಸ್ಪದ ಕೊರ್ತಿಜಿ. ಅಂತಿಮವಾದ್ ಭಾರತ 1-0 ಅಂತರಡ್ ವಿಜಯೋತ್ಸವ ಆಚರಿಸಾಂಡ್.

ಬಿಹಾರ ಸರ್ಕಾರರ್ದ್ ಮಾನಾದಿಗೆ

ಏಷ್ಯನ್ ಚಾಂಪಿಯನ್ ಹಾಕಿ ಟ್ರೋಫಿ ಗೆಲ್ತ್ ನ ಭಾರತ ತಂಡದ ಮಾತಾ ಸದಸ್ಯರೆಗ್ ಬಿಹಾರ ರಾಜ್ಯ ಸರ್ಕಾರ ತಲಾ 1 ಲಕ್ಷ ಬಹುಮಾನ ಘೋಷನೆ ಮಲ್ತಿನ್ಡ್. ಬೊಕ ತಂಡದ ಕೋಚ್ ಗ್ 10 ಲಕ್ಷ, ಸಿಬ್ಬಂದಿ ವರ್ಗಗ್ ತಲಾ 5 ಲಕ್ಷದ ಬಹುಮಾನ ಕೊರಿಯೆರೆ ತೀರ್ಮಾನ ಮಲ್ತಿನ್ಡ್.