ತ್ರ್ಯಂಬಕೇಶ್ವರ
 | ಈ ಲೇಕನೊನ್ ವಿಕಿಪೀಡಿಯ ಏಷ್ಯನ್ ತಿಂಗೊಲು 2024 ಸಮಯೊಡ್ ಉಂಡ್ ಮಾನ್ತ್‌‍ನವು. |  |
ತ್ರ್ಯಂಬಕೇಶ್ವರನ್ ( ಮರಾಠಿಡ್ ತ್ರಿಂಬಕೇಶ್ವರ್ ) ಮಹಾರಾಷ್ಟ್ರದ ನಾಶಿಕ್ ಜಿಲ್ಲೆದ ತ್ರಿಂಬಕ್ ಪಟ್ಟಣದ ಒಂಜಿ ಪ್ರಾಚೀನ ಹಿಂದೂ ದೇವಸ್ಥಾನ . ಉಂದು ನಾಶಿಕ್ ನಗರರ್ದ್ ೨೮ ಕಿ.ಮೀ. ದೂರಡ್ ಗೋದಾವರಿ ತುದೇತ ಉಗಮಸ್ಥಾನದ ಕೈತಲ್ಡ್ ಉಂಡು . ಶಿವದೇವಸ್ಥಾನ ಉಪ್ಪುನ ಈ ಕ್ಷೇತ್ರ ದ್ವಾದಶ ಜ್ಯೋತಿರ್ಲಿಂಗಗ್ಲೆಡ್ ಒಂಜಿ . ಕೈತಲ್ದ ಬ್ರಹ್ಮಗಿರಿ ಬೆಟ್ಟದಸಾಲ್ ಡ್ ಉದ್ಬವ ಆಪುನ ಗೋದಾವರಿ ತುದೆ ಭಾರತ ಜಂಬೂದ್ವೀಪದ ಮಲ್ಲ ಉದ್ದದ ತುದೆಯಾತ್oಡ್. ತ್ರ್ಯಂಬಕೇಶ್ವರದ ಕುಶಾವರ್ತ ಪನ್ಪುನ ಕುಂಡರ್ದ್ ದುಂಬು ಗೋದಾವರಿಡ ಪರಿಪು ಸ್ಪಷ್ಟವಾಪುನೆರ್ದಾವರ ಈ ಸ್ಥಾನನ್ ಹಿಂದೂ ಶ್ರದ್ಧಾಳುಲು ಪುಣ್ಯ ಪಂದ್ ಭಾವಿಸಾದ್ ಪುಣ್ಯಸ್ನಾನ ಮಲ್ಪುವೆರ್. ತ್ರ್ಯಂಬಕೇಶ್ವರದ ವೈಶಿಷ್ಟ್ಯಪಂಡ ಮುಲ್ಪದ ಜ್ಯೋತಿರ್ಲಿಂಗ ಮೂಜಿ ಮೋನೆಲೆನ್ ಪಡೆಯೋನ್ದ್ ಈ ಮೋನೆಲು ಬ್ರಹ್ಮ, ವಿಷ್ಣು ಬೊಕ ಶಿವನ ಪ್ರತೀಕವಾತ್oಡ್. ಭಾರತದಭಾರತ ಓರಿನ ಪತ್ತೊಂಜಿ ಜ್ಯೋತಿರ್ಲಿಂಗಲು ಮಾತಾ ಶಿವಪ್ರಧಾನವಾತ್oಡ್. ಬ್ರಹ್ಮಗಿರಿ ಬೆಟ್ಟದ ತಪ್ಪಲ್ ಡ್ ಉಪ್ಪುನ ತ್ರ್ಯಂಬಕೇಶ್ವರ ದೇವಸ್ಥಾನ ಕಪ್ಪುಕಲ್ಲ್ ರ್ದ್ ಕಟ್ಟ್ ನ ಪೊರ್ಲುದ ವಾಸ್ತುಶಿಲ್ಪಗ್ ಪುದರಾತ್oಡ್ . ಮುಲ್ಪರ್ದ್ ೭ ಕಿ.ಮೀ. ದೂರಡ್ ಉಪ್ಪುನ ಅಂಜನೇರಿ ಪರ್ವತ ಹನುಮಂತನ ಜನ್ಮಸ್ಥಾನಂದ್ ಪನ್ಪೆರ್.
ಶ್ರೀ ತ್ರ್ಯಂಭಕೇಶ್ವರ ಜ್ಯೋತಿರ್ಲಿಂಗ ದೇವಾಲಯ
[ಸಂಪೊಲಿಪುಲೆ]ಶ್ರೀ ತ್ರ್ಯಂಭಕೇಶ್ವರ[೧] ಜ್ಯೋತಿರ್ಲಿಂಗ ದೇವಸ್ಥಾನದ ಪ್ರಾಂಗಣ ದಿಂಜ ವಿಶಾಲವಾದುಂಡು .ದಿಂಜ ಸಂಖ್ಯೆಡ್ ಭಕ್ತೆರ್ ಬರ್ಪುನೇರ್ದಾತ್ರ ಸಾಲ್ಡೆ ಶಿವನಶಿವ ದೇವಸ್ಥಾನೊಲುದರ್ಶನಗ್ ಪೋವೊಡಾಪುಂಡು. ವಿಶೇಷ ಪೂಜೆದ ಬಗ್ಗೆ ವಿಚಾರ ಮಲ್ಪುವೆರ್. ಅಂಚನೆ ವಿಶೇಷ ಪೂಜೆ ಅಭಿಷೇಕ ಮಲ್ತಡ ಬೇಕ ದೇವರ್ನ ದರ್ಶನ ಮಳ್ಪೋಳಿ. ಸರತಿಸಾಲ್ಡೆ ಪೊಂಡ ವಿಶಾಲವಾಯಿನ ಪಿದಾಯಿ ಜಾಸ್ತಿ ಬೊಲ್ಪು ಆವರಣಗ್ ಬರ್ಪುಂಡು. ಅಲ್ಪ ಸದಾ ನಾನಾ ಹೋಮ ಹವನಲು ನಡತೊಂದು ಇಪ್ಪುವ . ಅಲ್ಪರ್ದ್ ಗರ್ಭಗುಡಿತ ಕೈತಲ್ ಬತ್ತ್oಡ ಶ್ರೀ ತ್ರ್ಯಂಭಕೇಶ್ವರ ಜ್ಯೋತಿರ್ಲಿಂಗದ ದರ್ಶನ ಆಪುಂಡು . ದೇವೆರೆಗ್ ಅರ್ಚಕೆರೇ ಪೂಜೆ ಮಲ್ಪುವೆರ್. ದೇವಸ್ಥಾನದ ಎದುರ್ದ ಮುಂಭಾಗಡ್ ಅಂಗಡಿಲೆರ್ದ್ ಪೂಜಾಸಾಮಗ್ರಿಲೆನ್ ಕಣತ್ ಡ್ ಕೊರೊಡು. ಮಂಗಳಾರತಿ ಮಲ್ಪುನಗ ಮಾತ್ರ ಶ್ರೀ ಜ್ಯೋತಿರ್ಲಿಂಗ ಸ್ಪಷ್ಟವಾದ್ ತೋಜುಂಡು . ಒಂಜೇ ಪೀಠದ ಮಿತ್ತ್ ಮೂಜಿ ಎಲ್ಯ ಎಲ್ಯ ಲಿಂಗಲು ಉಂಡು. ಐನ್ ಬ್ರಹ್ಮ ವಿಷ್ಣು ಮಹೇಶ್ವರ ರೂಪ ಪಂದ್ ಪನ್ಪೆರ್ . ದರ್ಶನವಾದ್ , ತೀರ್ಥತೀರ್ಥಹಳ್ಳಿ, ಪ್ರಸಾದ, ಮಂಗಳಾರತಿ ದೆತೊಂದು ಬೇಕ ಪೋವೊಡು.ಸರತಿ ಸಾಲು ಉಪ್ಪುನೆರ್ದಾವರ ಜಾಸ್ತಿ ಉಂತೆರೆ ಆಪುಜಿ. ಗರ್ಭಗುಡಿತ ಎದುರು ಗಣಪತಿದ ಬೊಕ ಬೇತೆ ವಿಗ್ರಹಲು ಉಲ್ಲ. ಎದುರುದ ಮಂಟಪಡ್ ಪೊರ್ಲುದ ನಂದಿನ ಮಲ್ಲ ವಿಗ್ರಹ ಉಂಡು . ಮುಲ್ಪ ಶ್ರಾವಣ ತಿಂಗೊಳು ಬೊಕ ಸೋಮವಾರದಾನಿ ವಿಶೇಷ ಪೂಜೆ ನಡಪುಂಡು. ಶ್ರೀ ತ್ರ್ಯಂಭಕೇಶ್ವರ ಜ್ಯೋತಿರ್ಲಿಂಗ ದರ್ಶನರ್ದ್ ಮಾತಾ ಪಾಪಳು ನಾಶವಾದ್ ಸುಖ ಶಾಂತಿ ತಿಕ್ಕುಂಡು ಪಂದ್ ಭಕ್ತೆರ್ನ ನಂಬಿಕೆ . ಇತ್ತೆದ ಈ ದೇವಸ್ಥಾನನ್ ಪೇಶ್ವೆ ಬಾಲಾಜಿ ಬಾಜಿರಾವ್ (ನಾನಾ ಸಾಹೇಬ್) ಕಟ್ಟಾಯೆ ಪಂದ್ ಇತಿಹಾಸ ಪನ್ಪುಂಡು . ದೇವಸ್ಥಾನದ ಆವರಣಡ್ ಪೊರ್ಲುದ ಅಮೃತಕುಂಡ ಉಂಡು .ನಾಸಿಕಡ್ ೧೨ ವರ್ಷಗೊರ ಕುಂಭ ಮೇಳ ನೆಡಪುಂಡು.ಲಕ್ಷಾಂತರಜನ ಸೇರುವೆರ್.ಮುಲ್ಪದ ತುದೇತ ಮೀಪುನ ಘಟ್ಟಲು ವಿಶಾಲವಾದ್ ಪೊರ್ಲು ಉಂಡು .
ಶ್ರೀ ತ್ರ್ಯಂಭಕೇಶ್ವರ ಜ್ಯೋತಿರ್ಲಿಂಗದ ಸ್ಥಳ ಪುರಾಣ
[ಸಂಪೊಲಿಪುಲೆ]ಉಂದು ಬೇತೆ ಜ್ಯೋತಿಲಿಂಗದ ಸ್ಥಳಪುರಾಣದಲೆಕನೇ ಉಂಡು . ಈ ಜ್ಯೋತಿಲಿ೯ಂಗಳು ಶಿವನ ಜ್ಯೋತಿದ ಅಂಶಲೆನ್ ಪಡೆತ್oಡ್ ಪಂದ್ ಪನ್ಪೆರ್ . ಬ್ರಹ್ಮಬ್ರಹ್ಮ ಬೊಕ ವಿಷ್ಣು ಮೊಕ್ಲೆಡ್ ಏರ್ ಮಿತ್ತ್ ಪಂದ್ ಚರ್ಚೆಯಾನಗ , ಅಕುಲು ಏರ್ ಮಿತ್ತ್ ಪಂದ್ ಶಿವಡ ಕೇನುವೆರ್ . ಶಿವೇ ಮೂಜಿ ಬೊಲ್ಪುದ (ಬೆಳಕಿನ) ಕಂಬಲೆನ್ ಸೃಷ್ಠಿಸಿ ಮಲ್ತೆ (ಜ್ಯೋತಿರ್ಲಿಂಗ). ವಿಷ್ಣು ಬೊಕ ಬ್ರಹ್ಮೆರೆಗ್ ಐತ ಮಿತ್ತ್ ಬೊಕ ತೀರ್ತ್ ದ ತುದಿಯನ್ನು ನಾಡ್ ಪತ್ತೆರೆ ಪಂಡೆರ್ . ವಿಷ್ಣುಗು ಐತ (ಮಿತ್ತ್ ದ ) ಕೊಡಿ ತೋಜಂದೆ ಪಿರ ತಿರ್ಗ್ ದ್ ಬತ್ತ್ ದ್ ಎಂಕ್ ಆ ಲಿಂಗದ ಕೊಡಿ ತಿಕ್ಕಿಜಿಂದ್ ವಿಷಯ ತೆರಿಪಾವೆರ್.ಆಂಡ ಬ್ರಹ್ಮೆ ಯಾನ್ ತೂತೆ ಪಂಡೆರ್ . ಈಶ್ವರೆಈಶ್ವರ ರಡ್ಡನೇ ಜ್ಯೋತಿಸ್ಥಂಬವಾದಿತ್ತ್ ದ್ ಬ್ರಹ್ಮೆ ಸುಳ್ಳು ಪಂಡೆಂದ್ ತೆರಿದ್ ಆಯಗ್ ಪೂಜೆ ಉಪ್ಪೆರಾ ಬಲ್ಲಿ ಪಂದ್ ಶಾಪ ಪಾಡಿಯೆರ್ .ಆಂಡ ಸತ್ಯ ಪನ್ನ ವಿಷ್ಣುವಿಷ್ಣು ವು ಪೂಜೆಗ್ ಅರ್ಹ ಪಂದ್ ಪಂಡೆರ್ ಆ ಜ್ಯೋತಿಯೇ ಈ ಜ್ಯೋತಿರ್ ಲಿಂಗವಾತ್oಡ್ ಪಂದ್ ಶಿವ ಪುರಾಣ ಪನ್ಪುಂಡು .
ಗೋದಾವರಿ ನದಿತ ಉಗಮದ ಕಥೆ
[ಸಂಪೊಲಿಪುಲೆ]ಗಂಗೆನ್ಗಂಗೆ ಬ್ರಹ್ಮೆಬ್ರಹ್ಮ ಪೂಜೆ ಮಲ್ಪುನಗ ತ್ರಿವಿಕ್ರಮನ ಪಾದರ್ದ್ ಪಿದಾಡ್ನ ಗಂಗೆ ಶಿವನ ಜಡೆಟ್ ಬಂಧಿಯಾಯಳ್ . ಭೂಮಿಡ್ ೨೪ ವರ್ಷಗಳಕಾಲ ಬರ್ಸ ಇಜ್ಜಂದೆ ಬರಗಾಲ ಬತ್ತ್oಡ್ . ಗೌತಮ ಮುನಿ ತ್ರ್ಯಂಬಕೇಶ್ವರದ ಆರ್ನ ಆಶ್ರಮಡ್ ಇತ್ತೆರ್ . ಆರ್ ನೀರ್ ಗಾದ್ ತಪಸ್ಸು ಮಳ್ತೆರ್ . ವರುಣೆ ಆರ್ನ ತಪಸ್ಸ್ ಗ್ ಮೆಚ್ಚಿದ್ ಆರ್ನ ಆಶ್ರಮ ಪ್ರದೇಶಗ್ ಮಾತ್ರ ಬರ್ಸ ಬರ್ಪಯೆರ್ . ಗೌತಮೆ ಬೊಲ್ಪುಗು ಬೀಜ ಬಿತ್ತ್ ದ್ -ಬಯ್ಯಗ್ ಫಸಲು ಕೊಯಿದ್ ಮಾತೆರೆಗ್ಲಾ ಉನಿಯೆರೆ ಬಳಸೋನ್ದಿತ್ತೆ . ಋಷಿ ಸಮೂಹ ಮಾತಾ ಆರ್ನ ಆಶ್ರಮಡ್ ಆಶ್ರಯ ಪಡೆಯೆರ್ . ಆ ಋಷಿಲೆನ ಆಶೀರ್ವಾದ ಬಲರ್ದ್ ಗೌತಮನ ಪುಣ್ಯ ಹೆಚ್ಚಿದ್ ಇಂದ್ರನ ಪದವಿಗ್ ಆಪತ್ತು ಬತ್ತ್oಡ್ . ಇಂದ್ರೆ ಮೋಡಗ್ಲೆಗ್ ದೇಶ ಮಾತಾ ಬರ್ಸ ಬುರ್ಪಾಯೆರೆ ಆಜ್ಞೆ ಮಲ್ತೆ . ಐರ್ದಾದ್ ಋಷಿಕುಳು ಮಾತಾ ಅಕುಳಕುಲೆನ ಆಶ್ರಮಲೆಗ್ ಪಿರ ಪೋಯೆರ್ , ಗೌತಮನ ಪ್ರಾಮುಖ್ಯತೆ ಕಡಿಮೆಯಾದ್ ಆಯನ ಪುಣ್ಯ ಫಲಲೂ ಕಡಿಮೆಯಾವಡ್ ಪಂದ್ ಇಂದ್ರೆ ಯೋಚಣೆ ಮಲ್ತೆರ್ . ಆಂಡ ಗೌತಮೆ ಋಷಿಲೆಗ್ ಆಯನೊಟ್ಟಿಗೆನೇ ಉಪ್ಪೆರೆ ಒತ್ತಾಯಮಲ್ತೆ . ಒಂಜಿ ದಿನ ತನ್ನ ಕಂಡೊಡು ಪೆತ್ತಲುಪೆತ್ತ ಮೇಪುನೇನ್ ತೂದ್ ಒಂಜಿ ಪೆತ್ತಗ್ ಒಂಜಿ ದರ್ಭೆ ಡ್ ಹಾಕಿಯೆರ್ . ಆ ಪೆತ್ತಾ ಅಲ್ಪನೇ ಸೈತ್oಡ್ . ಅವು ಪಾರ್ವತೀದೇವಿನಪಾರ್ವತಿ ಗೆಳತಿ ಜಯಾ - ಗೋವುದ ರೂಪಡ್ ಬತ್ತಿತ್ತಲ್ . ಋಷಿಕುಲು ಗೋಹತ್ಯೆನ್ ತೂದು ಅಯನ ಆಶ್ರಮ ಬುರ್ದು ಪಿದಾಡಿಯೆರ್ ಗೌತಮೆ ಆಲೋಚನೆ ಮಳ್ತೊಂದಿತ್ತೆ ಗೋಹತ್ಯೆ ದ ದೋಷ ಪೋಯೆರೆ ದಾದ ಮಳ್ಪೋಡುಂದು ಕೇಂಡೆ . ಐಕ್ ಆರ್ ಗಂಗಾ ಜಲಟ್ ಮೀನ್ಡ ಗೋಹತ್ಯೆದ ದೋಷ ಪರಿಹಾರ ಆಪುಂಡು ಪಂದ್ ಪಂಡೆರ್.