ವಿಕಿಪೀಡಿಯ:ಕಜ್ಜಕೂಟ-೮

ಕರಾವಳಿ ವಿಕಿಮೀಡಿಯನ್ ಬುಕ್ಕೊ CIS ಬೆಂಗಳೂರು ಇಂದೆತ್ತ ಸೇರಿಗೆಟ್ ನಡತ್ತಿನ ತುಳು ವಿಕಿಪೀಡಿಯದ ಸಬೆ ಬುಕ್ಕೊ, ಟೆಂಪ್ಲೆಟ್ ತಯಾರ್ ಮಲ್ಪುನ ಬಗೆಟ್ ಕಜ್ಜಕೂಟ.

ಉದ್ದೇಸೊ

ತುಳು ವಿಕಿಪೀಡಿಯೊ ಲೈವ್ ಆದ್ ರಡ್ಡ್ ವರ್ಸೊ ಕರಿಂಡಲಾ ತುಳುತ ಒಂಜಾತ್ ನೀತಿ ನಿಯಮೊಲು, ಟೆಂಪ್ಲೆಟ್‌ಲು ತಯಾರ್ ಮಲ್ಪುನೆಟ್ ಬೇಲೆ ಆತಿಜಿ. ಅಯಿತ ಬಗೆಟ್ ಸದಸ್ಯೆರೆನ್ ಲೆತ್ತೊಂದು ಈ ಸಬೆನ್ ಮಲ್ತೊಂದುಲ್ಲೊ.
ವಿಕಿ ಲೈಬ್ರರಿದ ಬಗೆಟ್ ಗ್ರಂಥಪಾಲಕೆರೆನೆ ದಿನಾಚರಣೆ ಮಲ್ಪೆರೆ ತಯಾರ್ ಮಲ್ತ್‌ನೆ.

ಜಾಗೆ-ದಿನೊ-ಪೊರ್ತು

ಶ್ರೀ ರಾಮಕೃಷ್ಣ ಪದವಿ ಪೂರ್ವ ಕಾಲೇಜ್‍, ಬಂಟ್ಸ್ ಹಾಸ್ಟೇಲ್, ಕುಡ್ಲ.
೧೧ ಆಗಸ್ಟ್ ೨೦೧೮ನೆ ತಾರೀಕ್‍ದಾನಿ ಸನಿಯಾರೊ
೧೦.೩೦ ಗಂಟೆಡ್ದ್

ಸಂಪನ್ಮೂಲೆರ್

ಲೇಸ್‍ಡ್ ಸೇರುನ ಮಲ್ಲ ಬಿನ್ನೆರ್ ಬೆಂಗ್ಳೂರುಡ್ದು ಡಾ. ಯು.ಬಿ. ಪವನಜ

ಪಾಲ್ ದೆತೊನ್‌ನಕುಲು

ಕೂಟೊಡು ಪಾತೆರ್‍ನ ವಿಸಯೊಲು/ನಿರ್ಧಾರೊಲು

ಸಾಲೆಳೆಗ್ ತುಳು ವಿಕಿಪೀಡಿಯ ಯೋಜನೆದ ಬಗೆಟ್ ಧರ್ಮಸ್ಥಳಗ್ ಪೋದು ರಾಜರ್ಷಿ ಡಾ. ಡಿ. ವೀರೇಂದ್ರ ಹೆಗ್ಗಡೆರೆಡ ಪಾತೆರುನೆ.
ಕರ್ನಾಟಕ ತುಳು ಸಾಹಿತ್ಯ ಅಕಾಡೆಮಿದ ಸೇರಿಗೆಡ್ ಬರೆಪ್ಪುನಾಕುಲೆಗ್ ಒಂಜಿ ದಿನತ ತರಬೇತಿ ಕಜ್ಜಕೊಟ್ಯ ಮಲ್ಪುನೆ. ಆ ಬಗೆಟ್ ಡಾ. ಕಿಶೋರ್ ಕುಮಾರ್ ರೈ ಶೇಣಿ, ಶ್ರೀಮತಿ ಕವಿತಾ ಗಣೇಶ್ ಬೊಕ್ಕ ಗಿರೀಶ್ ಕುಮಾರ್ ಮೊಕುಲು ತುಳು ಅಕಾಡೆಮಿದ ಅಧ್ಯಕ್ಷೆರೆಡ ಅಗೊಸ್ತು ೧, ೨೦೧೮ ತಾರೀಕ್‍ದಾನಿ ಪಾತೆರ ಕತೆ ನಡಪ್ಪಾತೆರ್. ಆರ್ ಒಪ್ಪಿಗೆ ಕೊರ್ತೆರ್.
ತುಳು ವಿಕ್ಷನರಿಗ್ ಬೋಡಾದ್ ಬೇಡಿಕೆನ್ ದೀಪುನೆ
ಸುಳ್ಯ ತಾಲೂಕ್‍ದ ಮೂಜಿ ಕಡೆಟ್ ನಡಪ್ಪಾವುನ ಕಜ್ಜಕೊಟ್ಯದ ಬಗೆಟ್ ಲೋಕೇಶ್ ಕುಂಚಡ್ಕೆ ಮೇರ್ ಗ್ರಾಂಟ್‍ಗ್ ಬೇಡಿಕೆ ದೀತ್‍ನ ಬಗೆಟ್ ಚರ್ಚೆ
ಪವನಜೆರ್ ದಕ್ಷಿಣ ಆಪ್ರಿಕಾದ ಕೇಪ್ ಟೌನ್‍ಟ್ ನಡತ್ತಿನ ವಕಿಮಾನಿಯಾಗ್ ಪೋತಿತ್ತೆರ್. ಅವುಲು ಆಯಿನೆ ವಿಸಯೊನ್ ಪಂಡೆರ್. ಬೊಕ್ಕ ಅಳ್ತ್ ದೆತ್ತೊಂಡ್ತ್ ಬತ್ತಿನ ರಾಸ್ಪ್‍ಬೆರ್ರಿ ಪೈ ಗಳಸ್‍ತ್ ಆಫ್‍ಲೈನ್ ತುಳು ವಿಕಿಪೀಡಿಯ ಮಲ್ತ್‍ನೆನ್ ತೋಜಾಯೆರ್.
ಧನಲಕ್ಷ್ಮಿ ಪೊಂಜೊಳೆನ ಕಜ್ಜಕೊಟ್ಯ ನಡಪಾಯಿನೆನ್ ಬೊಕ್ಕ ಅಯಿನ ಬಗೆಟ್ ವಿವರ ಕೊರಿಯೆರ್

ಚಿತ್ರೊಲು

ಉಲ್ಲೇಕೊ