ವಿಷಯಕ್ಕೆ ಹೋಗು

ಸೌತಡ್ಕ ಮಹಾಗಣಪತಿ ದೇವಸ್ಥಾನೊ

ವಿಕಿಪೀಡಿಯರ್ದ್

ಸೌತಡ್ಕ ಮಹಾಗಣಪತಿ ದೇವಸ್ಥಾನೊ ದಕ್ಷಿಣ ಕನ್ನಡ ಜಿಲ್ಲೆದ ಬೆಳ್ತಂಗಡಿ ತಾಲೂಕುಡ್ ಇಪ್ಪುನ ಒಂಜಿ ಪುಣ್ಯಕ್ಷೇತ್ರೊ. ಸೌತಡ್ಕದ ದೇವೆರ್ ಗಣಪತಿ.

ಇಪ್ಪುನ ಜಾಗೆ

[ಸಂಪೊಲಿಪುಲೆ]

ಸೌತಡ್ಕ ಧರ್ಮಸ್ಥಳಡ್ದ್ ಬೆಂಗ್ಳೂರುಗ್ ಪೋಪುನ ಮಾರ್ಗೊಡು ಉಂಡು. ಧರ್ಮಸ್ಥಳಡ್ದ್ 17 ಕಿಲೋಮೀಟರ್ ದೂರೊಡ್ ಉಂಡು. ದೇವಸ್ಥಾನದ 6 ಕಿಮೀ ದೂರಡ್ ಪಟ್ರಮೆಡ್ ನೇತ್ರಾವತಿ ಸುದೆ ಉಂಡು. ಸುಬ್ರಹ್ಮಣ್ಯಡ್ದ್ 35 ಕಿ.ಮೀ ದೂರಡ್ ಈ ದೇವಸ್ಥಾನ ಉಂಡು ಕೊಕ್ಕಡಡ್ದ್ 3 ಕಿಲೋಮೀಟರ್ ದೂರಡ್ ದೇವಸ್ಥಾನ ತಿಕ್ಕುಂಡು. ಹೈವೆಡ್ದ್ 1 ಕಿಲೋಮೀಟರ್ ನಡತ್ತ್ಂಡ ದೇವಸ್ಥಾನ ತಿಕ್ಕುಂಡು. ಕೊಕ್ಕಡ ಮುಟ್ಟ ಬಸುಟ್ ಬತ್ತ್ ಅಲ್ತ್ ರಿಕ್ಷಾಡ್ ದೇವಸ್ಥಾನೊಗ್ ಭಕ್ತೆರ್ ಬರ್ಪೆರ್.

ವಿಸೇಸೊಲು

[ಸಂಪೊಲಿಪುಲೆ]
ಸೌತಡ್ಕದ ಪಂಚಗಜ್ಜಾಯ ಪ್ರಸಾದೊ

ಈ ದೇವಸ್ಥಾನಗ್ ಗರ್ಭಗುಡಿ ಇಜ್ಜಿ. ಮರತ್ತ ಅಡಿಟ್ಟ್ ಗಣಪತಿ ದೇವರೆನ ಮಲ್ಲ ಮೂರ್ತಿ ಉಂಡು. ದಿನತ್ತ ೨೪ ಗಂಟೆಲಾ ವರ್ಷದ ೩೬೫ ದವಸೊಡ್ಲಾ ಈ ದೇವಸ್ಥಾನೊಡ್ ದರ್ಶನ ಮಲ್ಪೊಲಿ. ದೇವೆರೆನ ವಿಗ್ರಹದ ಎದುರು ಗಂಟೆಲೆನ್ ಕಟ್ಟ್ ದ್ ಅಲಂಕಾರ ಮಲ್ತಿನ ಇಪ್ಪುಂಡು. ಪರಕ್ಕೆ ಪಂಡಿನ ಭಕ್ತೆರ್ ಗಂಟೆನ್ ಕಟ್ಟುವೇರ್.[೧] ದೇವಸ್ಥಾನದ ಕೈತಲ್ ಮಸ್ತ್ ಮಂಗೆರ್ಲಾ ಉಲ್ಲ. ಜನವರಿಡ್ ದೇವಸ್ಥಾನದ ಜಾತ್ರೆ ಆಪುಂಡು. ದೇವಸ್ಥಾನೊಡ್ ಗೋಶಾಲೆಲಾ ಉಂಡು. ನಿತ್ಯ ಮಧ್ಯಾನ್ನ ಅನ್ನಸಂತರ್ಪಣೆ ನಡಪ್ಪುಂಡು.

ಪುದಾರ್ದ ವಿಸೇಸೊ

[ಸಂಪೊಲಿಪುಲೆ]

ಸೌತೆ ಪಂಡ ತೆಕ್ಕರ್ಪೆ, ಅಡ್ಕ ಪಂಡ ಕಂಡೊ. ಮುಲ್ಪ ಪೆತ್ತಲೆನ್ ಮೇಯ್ಪಾವಾರ ಬತ್ತಿನ ಜನಕ್ಕ್ ಲ್ ಗಣಪತಿದ ಮೂರ್ತಿನ್ ತೂಯೆರ್ ಗೆ. ಅಯ್ಕ್ ತೆಕ್ಕರ್ಪೆನ್ ನೈವೇದ್ಯ ಮಲ್ತ್ ದ್ ಪೂಜೆ ಮಲ್ತೇರ್ ಗೆ. ಅಂಚಾದ್ ಈ ಊರುಗ್ ಸೌತಡ್ಕ ಪಂಡ್ದ್ ಪುದಾರ್ ಬತ್ತ್ಂಡ್. ದೇವಸ್ಥಾನಗ್ ಗರ್ಭಗುಡಿ ಮಲ್ಪಾರಾಲಾ ಆಲೋಚನೆ ಆದಿತ್ತ್ಂಡ್. ಆಂಡ ಗಣಪತಿ ದೇವೆರ್ ಗರ್ಭಗುಡಿ ಕಟ್ಟಾವಾರೆ ಬೊಡ್ಚಿ ಪಂಡ್ ದ್ ಪ್ರೇರಣೆ ಕೊರ್ಯೆರ್. ಅಂಚಾದ್ ದೇವೆರ್ ಬಯಲ್ ಡ್ ಉಲ್ಲೇರ್.

ಪ್ರಸಾದೊ

[ಸಂಪೊಲಿಪುಲೆ]

ಸೌತಡ್ಕದ ಪಂಚಗಜ್ಜಾಯ ಪ್ರಸಾದ ಪ್ರಸಿದ್ಧ. ಪಂಚಗಜ್ಜಾಯನ್ ಬೆಲ್ಲ, ತಾರಾಯಿ ಪಾಡ್ದ್ ಮಲ್ಪುವೆೇರ್. ವಿಸೇಸ ಸಂದರ್ಭೊಲೆಡ್ ಗಣಪತಿಗ್ ಅಪ್ಪದ ಸೇವೆ ಮಲ್ತ್ ಪ್ರಸಾದದ ರೂಪೊಡ್ ಅಪ್ಪನ್ ಲಾ ಕೊರ್ಪೇರ್

ಉಲ್ಲೇಕೊಲು

[ಸಂಪೊಲಿಪುಲೆ]
  1. ↑ https://kannada.nativeplanet.com/travel-guide/southadka-maha-ganapathi-temple-history-timings-and-how-to-reach/articlecontent-pf36354-003326.html

ಪಿದಾಯಿದ ಕೊಂಡಿ

[ಸಂಪೊಲಿಪುಲೆ]
"https://tcy.wikipedia.org/w/index.php?title=ಸೌತಡ್ಕ_ಮಹಾಗಣಪತಿ_ದೇವಸ್ಥಾನೊ&oldid=150190"ಡ್ದ್ ದೆತ್ತೊಂದುಂಡು