ಹರಿವಾಣ
ಹರಿವಾಣ ಮಾತಾ ಇಲ್ಲಲ್ ಗಳಸುನ ಅಗೆಲದ ವಸ್ತ್. ಇಂದೆನ್ ಹರಿಯೊಣ, ತಟ್ಟೆ ಪಂಡ್ ದ್ ಲಾ ಪನ್ಪರ್. ಹರಿವಾಣನ್ ಹೆಚ್ಚಾದ್ ಪಿತ್ತಾಳೆ , ಸ್ಟೀಲ್ ಬೊಕ್ಕ ಎಲಿಮಿನಿ ಡ್ ಲಾ ತಯಾರ್ ಮಲ್ಪುವೆರ್. ಹರಿವಾಣೊ ಅಗೆಲ ಇತ್ತ್ಂಡಲಾ ಅಯಿತ ನಡ್ಪತ್ ಒಂತೆ ಗುಂಡಿ ಇತ್ತದ್, ಅಯಿತ ಬರಿತ್ತ ಸುತ್ತ ಒಂತೆ ಎತ್ತರ ಆದ್ ಅಯಿಟ್ ಪಾಡುನ ವಸ್ತುಲು ಪಿದಾಯಿ ಬೂರಂದ್ಲೆಕ ಉಪ್ಪುಂಡು.
ಜಾನಪದೊ ಕತೆಕ್ಲೆಡ್ ನೀರ್ ಇಜ್ಜಾಂದಿನ ಕೆದುತ ಉಳಾಯಿ ದೀದ್ ಇಪ್ಪುನ ಬೊಳ್ಳಿದ ಹರಿವಾಣೊನು, ಮುತ್ತೆದೆ ಪೊಂಜೊವು ನು ಕಡಪುದ್ದು ತರ್ಪಾವೆರ್. ಆ ಪೊರ್ತುಡು ಕೆದುಟು ನೀರ್ ತಮೆಲ್ದ್ ಆಲ್ ಆಹುತಿ ಅದ್ ಜೀವೊ ಬುಡ್ಪಲ್. ಕೆದು ದಿಂಜುಂಡು.
ಅಂಚನೆ ಪುರಾಣೊಡು ವಿಷ್ಣು ದೇವೆರ್ ಮೋಹಿನಿ ರೂಪೊಡು ಬಂಗಾರ್ದ ಹರಿವಾನೊಡು ದೇವತೆಲೆಗ್ ಅಮೃತ ಬಳುಸುವೆರ್.
ಉಪಯೋಗ
[ಸಂಪೊಲಿಪುಲೆ]- ಬಚ್ಚಿರೆ -ಬಜ್ಜೆಯಿ-ಸುಣ್ಣ-ಪುಗೆರೆ-ಕೊರಿಯೆರೆ
- ದೇವೆರೆನ ಪೂಜೆಗ್ ಪೂ-ಪರಂದ್ಲೆನ್ ಪಾಡಿಯೆರೆ
- ತಟ್ಟೆ ಆದ್ ಅಡಿಗೆ ಸಾಮಾನ್ ಪಾಡಿಯೆರೆ
- ಮದಿಮೆ ನಿಶ್ಚಯಗ್ ಬಚ್ಚಿರೆ -ಬಜ್ಜೆಯಿ ಪಗಪೆರೆ
ಹರಿವಾಣನಡ್ ಕುರ್ದಿ ಅತಾಂಡ ಕುರಿನೀರ್ ಪಾಡ್ದ್ ಎಡ್ಡೆ ಕೆಲಸೊ ಸುರು ಮಲ್ಪುವೆರ್. ಹರಿವಾಣನು ತರೆತ್ತ ಮಿತ್ತ್ ದೀದ್ ಮನ್ಪುನ ಒಂಜಿ ನಾಟ್ಯ ಲಾ ಉಂಡು. ಹಿರಿಯಕ್ಲೆಗ್ ಸಮ್ಮಾನ-ಮರ್ಯಾದೆ ಕೊರ್ನಗ ಹಾರಿಯಾಣೊಡು ಫಲ ವಸ್ತ್ ದೀದ್ ಕೊರ್ಪೆರ್.ಇತ್ತೆ ಬೂರುದ ಕುರ್ವೆ ನ್ಲಾ ಹರಿವಾಣದಲೆಕ ಗಳಸುವೆರ್. ಅರಿಶಿಣ -ಕುಂಕುಮ, ಮುತೈದೆ ಸಿಂಗಾರ ಸಾಮಾನ್ ಪಾಡ್ಯೇರ್ಲಾ ಹರಿವಾಣನು ಗಳಸುವೆರ್. ಚರಿತ್ರೆಡ್ ಲಾ ಹರಿರ್ವಾಣೋದ ಉಲ್ಲೇಖ ಬರ್ಪುಂಡು. ಪಿತ್ತಳೆದ ಹರಿವಾಣನ್ ಪುಣಿಕೆದ ಪುಲಿ ಲಾ ಉಪ್ಪುಲಾ ಪತ್ತ್ದ್ ದೆಕ್ಕನಾಂಡ, ಅವು ಬಂಗಾರ್ ದಲೆಕ ಮಿನುಕುಂಡು