ಜೋಕಾಲಿ
ಜೋಕಾಲಿನ್ ಸಾಮಾನ್ಯವಾದ್ ಜೋಕುಲು ಗೊಬ್ಬರೆ ಗಲಸುವೆರ್. ಅವತ್ತಂದೇ ಜೋಕಾಲಿನ್ ಪಿರಿಯಕ್ಲೆನ ಇಲ್ಲಡ್, ಗುತ್ತುದ ಇಲ್ಲಡ್, ರಾಜೆರೆನ ಅರಮನೆಟ್ಟ್, ಗಾರ್ಡನ್ , ಪಾರ್ಕ್ ಲೆಡ್ ತುವರೆ ತಿಕ್ಕುಂಡು. ಉಂದೆನ್ ಇಲ್ಲದ ಉಲಾಯಿ ಅಂಚನೆ ಪಿದಾಯಿಲಾ ದೀಪೆರ್. ಉಲಾಯಿ ಆಂಡ ಕೊಕ್ಕೆಗ್ ಕಟ್ಟುವೆರ್ ಪಿದಯಿ ಆಂಡ ಮರಕ್ಕ್ ಜೋಕಾಲಿನ್ ಕಟ್ಟುವೆರ್. ಜೋಕಾಲಿಡ್ ಸುಮಾರ್ ನಮುನೆ ಉಂಡು. ಇಲ್ಲದುಲಾಯಿ ಗಲಸುನ ಜೋಕಾಲಿ ಅಂಚನೆ ಪಿದಯಿ ಗಲಸುನ ಜೋಕಾಲಿಲೆಗ್ ಮಸ್ತ್ ವ್ಯತ್ಯಾಸ ಉಂಡು.
ಜೋಕಾಲಿಡುಪ್ಪುನ ಬಗೆ[ಸಂಪೊಲಿಪುಲೆ]
- ಗಾಡಿದ ಟಯರ್ ನ್ ಗಲಸ್‍ದ್ ಮಲ್ದಿನ ಜೋಕಾಲಿ.[೧]
- ಜೋಕುಲೆನ್ ಜೆಪುಡಾವರೆ ಸೀರೆನ್ ಗಲಸ್‍ದ್ ಮಲ್ದಿನ ಜೋಕಾಲಿ.[೨][೩][೪]
- ಮರತ್ತ ಪಲಾಯಿಡ್ ಮಲ್ದಿನ ಜೋಕಾಲಿ.
- ಪಕ್ಕಿದ ಗೂಡುದಂಚಿನ ಬಲೆತ್ತ ಜೋಕಾಲಿ.
- ಬೆತ್ತದ ಜೋಕಾಲಿ.
- ರಬ್ಬರ್‍ದ ಸೀಟ್‍ದ ಜೋಕಾಲಿ.[೫]
ಇತಿಹಾಸೊ[ಸಂಪೊಲಿಪುಲೆ]
ಏಷ್ಯಾ[ಸಂಪೊಲಿಪುಲೆ]
ವಸಂತ ಋತುಟ್ಟು ಏಷ್ಯಾ ಖಂಡೊದ ಚೀನಾ ದೇಸೊಡು ಸುರೂಕು ಜೋಕಾಲಿಡ್ ಗೊಬ್ಬರೆ ಸುರು ಮಲ್ತ್ದೆರ್ ಪಂಡ್‍ದ್ ಪನ್ಪೆರ್(771-476 BC). ಹಾನ್ ರಾಜವಂಶೊಡು ಜೋಕಾಲಿ ತೂಂಗುನು ಮಸ್ತ್ ಜನಪ್ರಿಯತೆ ಪಡೆದಿತ್ತ್ಂಡ್ ಅಂಚನೆ ಕ್ವಿಂಗ್ಮಿಂಗ್ ಬೊಕ್ಕ ಡುವಾನ್ವು ಉತ್ಸವೊಡು ಉಂದೆನ್ ಪ್ರದರ್ಶನ ಮಲ್ತೊಂದಿತ್ತೆರ್. ಸಾಂಗ್ ರಾಜವಂಶೊದ ಸಮಯೊಡು ಜೋಕಾಲಿನ್ ನೀರ್ ದ ಮಿತ್ತ್ ದೋಣಿದ ನಡುಟ್ಟ್ ತೂಂಗುನ ಗೊಬ್ಬುಲಾ ಇಪ್ಪೆದ್ಂಡ್‍ಗೆ.[೬]
ಜೋಕಾಲಿ ಗೊಬ್ಬು[ಸಂಪೊಲಿಪುಲೆ]
- ಜೋಕಾಲಿ ಒಂಜಿ ಗೊಬ್ಬು. ಇಂದೊಂಜಿ ಜೋಕ್ಲೆನ ಮನರಂಜನೆದ ಗೊಬ್ಬು. ಒಂಜಿ ಮರತ್ತ ಗೆಲ್ಲ್‌ಗ್ ಉದ್ದೊದ ಬಲ್ಲ್‌ನ್ ಕಟ್ಟ್‌ದ್, ಆ ಬಲ್ಲ್‌ಗ್ ಪಲಯಿ ಅತ್ತಂಡ ಮಣೆ ಕಟ್ಟ್‌ದ್ ಜೋಕ್ಲೆನ್ ಒಚ್ಚುನ ಗೊಬ್ಬು ಉಂದು.
- ಜೋಕಾಲಿನ್ ನಾಗರಪಂಚಮಿ ಪರ್ಬೊದಾನಿ ಗೊಬ್ಬುವೆರ್.
- ಭೂತಾರಾಧನೆಡ್ ಭೂತೊ ಕುಲ್ಲುನೆಗ್ ಉಜ್ಜಾಲ್ ಪನ್ಪೆರ್.
- ಬಾಲೆನ್ ತೊಟ್ಟಿಲ್‍ಡ್ ಜೆಪ್ಪುಡಾದ್ ಒಚ್ಚುವೆರ್.
- ಉಜ್ಜಾಲ್ / ತೊಟ್ಟಿಲ್ / ಜೋಕಾಲಿ ಇಂಚ ಮಾಂತಲಾ ತುಳುವೆರೆಡ್ ಉಪಯೋಗ ಇಪ್ಪುನ ಪದೊ.[೭]
- ದೇವಿ ಮಹಾತ್ಮೆ ಆಟೊಡು ದೇವಿ ಜೋಕಾಲಿಡ್ ಕುಲ್ಲೊಂದು ಗೊಬ್ಬುನ ಸಂದರ್ಬೊ ಬರ್ಪುಂಡು.
ಚಿತ್ರೊಲು[ಸಂಪೊಲಿಪುಲೆ]
ಮೈದಾನೊಡ್ ಜೋಕಾಲಿ
ರಬ್ಬರ್‍ದ ಸೀಟ್‍ದ ಜೋಕಾಲಿ
ಪಕ್ಕಿದ ಗೂಡುದಂಚಿನ ಬಲೆತ್ತ ಜೋಕಾಲಿ
ಸೀರೆದ ಜೋಕಾಲಿಡ್ ಬಾಲೆ ಜೈದಿನ ದೃಶ್ಯೊ
ಮೈದಾನ/ಪಾರ್ಕ್ ಲೆಡ್ ಇಪ್ಪುನ ಜೋಕಾಲಿ
ಟಯರ್ನ್ ಗಲಸ್‍ದ್ ಮಲ್ದಿನ ಜೋಕಾಲಿ
.jpg)
ಉಲ್ಲೇಕೊಲು[ಸಂಪೊಲಿಪುಲೆ]
- ↑ "441 Rubber tyre swings Images, Stock Photos & Vectors". Shutterstock (in ಇಂಗ್ಲಿಷ್). Retrieved 1 August 2022.
- ↑ "These baby hammocks let your babies fall asleep easily - Times of India". The Times of India. Retrieved 1 August 2022.
- ↑ "Avoid using saree hammocks at home as cradle or swings". Health Vision. 19 February 2021. Retrieved 1 August 2022.
- ↑ "How Traditional Indian Practices Like Jholi-Swinging Benefit Babies". eShe (in ಇಂಗ್ಲಿಷ್). 22 August 2020. Retrieved 1 August 2022.
- ↑ "Rubber Swing Seat Belt". indiamart.com (in ಇಂಗ್ಲಿಷ್). Retrieved 1 August 2022.
- ↑ "Swinging". en.chinaculture.org. Retrieved 1 August 2022.
- ↑ "Archive copy". Archived from the original on 2016-03-05. Retrieved 2015-04-12.CS1 maint: Archived copy as title (link)