ತೇವುದ ಕಜಿಪು

ತೇವುದ ಕಜಿಪು

ಬೇತೆ ಪುದರ್	ತೇವುದ ಕಜಿಪು
ಮೂಲದ ಜಾಗೆ	ಭಾರತ
ಪ್ರದೇಸೊ	ಉಡುಪಿ, ದಕ್ಷಿಣ ಕನ್ನಡ ಜಿಲ್ಲೆ, ಕುಂದಾಪುರ, ಕಾಸರಗೋಡು, ಬೊಂಬೈ
ಬೊಡಾಯಿನ ಸಾಮಾನ್	ತೇವು

ಚೇವು

ತೇವುದ ಕಜಿಪು ಆರೋಗ್ಯಗ್ ಭಾರಿ ಎಡ್ಡೆ. ಪೆದ್ಮೆದಿಗ್ ಪೆದ್ದಿನ ಮೂಜಿ ದಿನಟ್ ತೇವುನ್ ಕಜಿಪು ಮಲ್ತ್ದ್ ಕೊರ್ಪೆರ್. ಬಾಲೆಗ್ ಪೇರ್ ಆವೊಡು ಪಂಡ್ದ್ ತೇವುದ ಕಜಿಪುನು ಪೆದ್ಮೆದಿಗ್ ಕೊರ್ಪೆರ್.

ಬೋಡಾಪಿನ ಸಾಮಾನುಲು

• ತೇವು
• ತಾರಾಯಿ
• ಮುಂಚಿ
• ಜೀರಿಗೆ
• ಕೊತ್ತೊಂಬರಿ
• ದಾಸೆಮಿ
• ಓಮ
• ಉಪ್ಪು
• ಮಂಜೊಲ್ ದ ಪೋಡಿ
• ಬೊಳ್ಳೊಳ್ಳಿ
• ನೀರುಳ್ಳಿ

ಮಲ್ಪುನ ವಿಧಾನೊ

ಸುರುಕ್ಕು ತೇವುನ್ ಕೊಯ್ದ್ ಕಂತ್ದ್ ಲಾಯ್ಕ್ ಡ್ ದೆಕ್ಕೊನೊಡು. ಬೊಕ್ಕ ಅವ್ವೆನ್ ಸಣ್ಣ ಮೂರೊಡು. ಅವ್ವೆಡ್ದ್ ಬೊಕ್ಕ ಕಡೆಯರೆ ಬೋಡಾಯಿನ ಸಾಮಾನುಲೆನ್ ತಯಾರ್ ಮಲ್ಪೊಡು: ತಾರಾಯಿ ಬೊಕ್ಕ ಮುಂಚಿ, ಜೀರಿಗೆ, ಕೊತ್ತಂಬರಿ, ದಾಸೆಮಿ, ಓಮ ಬೊಕ್ಕ ಮಂಜೊಲ್ ದ ಪುಡಿ, ಬೊಳ್ಳುಳ್ಳಿ, ನೀರುಳ್ಳಿ ಉಂದೆನ್ ಪೂರಾ ಕಡೆಪಿ ಕಲ್ಲ್ ಗ್ ಪಾಡ್ ಡ್ ಸಣ್ಣ ಕಡೆವೊಡು. ಐಡ್ದ್ ಬೊಕ್ಕ ತೇವುನ್ ಬೇಯ್ಪಾರೆ ದೀಯೋಡು. ಅವ್ ಬೇಯ್ತಾಯಿ ಬೊಕ್ಕ ನಮ ಕಡೇತಿನ ಅರೆಪುನು ಅವ್ವೆಕ್ ಪಾಡೊಡು. ಅವ್ವೆನ್ ಬೊಕ್ಕ ಕೋದ್ಯಾವೊಡು. ಬೋಡಾಯಿನಾತ್ ಉಪ್ಪು ಪಾಡೊಡು. ಅಡೆಗ್ ತೇವುದ ಕಜಿಪು ತಯಾರ್.

ಉಪಯೋಗೊ

• ಈ ತೇವು ಜೇರ್ಣಗು ಭಾರಿ ಎಡ್ಡೆ.
• ಬಾಲೆಗ್ ಪೇರ್ ಆವೊಡು ಪಂಡ್ದ್ ತೇವುದ ಕಜಿಪುನು ಪೆದ್ಮೆದಿಗ್ ಕೊರ್ಪೆರ್