ಜುಬುಲಿ

ವಿಕಿಪೀಡಿಯರ್ದ್
(ಪಲ್ಲೆಗೊಬ್ಬು ರ್ದ್ ಪಿರ ನಿರ್ದೇಸನೊದ)
Jump to navigation Jump to search
ಜುಬುಲಿ ಗೊಬ್ಬುನಿ
ಜುಬುಲಿ ಗೊಬ್ಬುನ ಚೌಕ ಬೊಕ್ಕ ಬಿಲ್ಲೆ

ಉಂದು ಒಂಜಿ ಜಾಲ್‌ಡ್ ಗೊಬ್ಬುನ ಗೊಬ್ಬು. ಪೊಣ್ಣು ಜೋಕುಲೆನ ಗೊಬ್ಬು 'ಜುಬುಲಿ'. ನೆಟ್ಟ್ ಒಡು ಅತಂಡ ಸಪಾಯಿ ಉಪ್ಪುನ ಪಲ್ಲೆಲೆನ್ ನೆಲಟ್ಟ್ ಪಾಡ್ತ್ ಗೊಬ್ಬುನ ಗೊಬ್ಬು. ಕನ್ನಡೊಡು ಉಂದೆಕ್ `ಕುಂಟೆ ಬಿಲ್ಲೆ ಆಟ' ಪಂಡ್‍ದ್ ಪನ್ಪೆರ್[೧]. ಉಂದು ಪೋಣ್ಣು ಜೊಕುಲು ಗೊಬ್ಬುನ ಗೊಬ್ಬು, ಅಣ್ ಜೊಕುಲು ಲ ಗೊಬ್ಬುವೆರ್, ಸುಮಾರ್ ಅಜಿ ವರ್ಸೊ ತ್ ಪದಿನೆನ್ಮ ವರ್ಸೊ ಮುಟ್ಟತ ಜೋಕುಲು ಹೆಚ್ಚಾತ್ ಗೊಬ್ಬುನಾ, ಜಾಸ್ತಿ ಪ್ರಾಯದಕುಲುಲ ಗೊಬ್ಬುಲಿ. ಉಂದೆನ್ ಪಲ್ಲೆಗೊಬ್ಬು ಪಂಡ್‍ದ್‍ಲಾ ಲೆಪ್ಪುವೆರ್. ಮುಕ್ಯವಾದ್ ಪೊಣ್ಣು ಜೋಕುಲೆನ ಗೊಬ್ಬು ಉಂದು ಆಂಡಲಾ ಎಲ್ಯ ಆಣ್ ಜೋಕುಲು ಉಂದೆನ್ ದುಂಬು ಗೊಬ್ಬೊಂದು ಇತ್ತೆರ್.

ಗೊಬ್ಬುನ ಜಾಗೊ[ಸಂಪೊಲಿಪುಲೆ]

ಉಂದೊಂಜಿ ಜಾಲ್‌ಟ್ ಗೋಬ್ಬುನ ಗೊಬ್ಬು. ನೆನ್ನ್ ಇಲ್ಲ ಜಾಲ್, ಕಂಡೊ, ಸಾಲೆತ ಮೈದಾನ, ತಟ್ಟ್ ಜಾಗೊ, ಜಾಗೊ ಇತ್ತಿನವುಲು ಗೊಬ್ಬಿಯರ ಅಪುಂಡು.

ಗೋಬ್ಬಿಯರ ಬೊಡಾಪಿ ಸೊತ್ತುಲು[ಸಂಪೊಲಿಪುಲೆ]

ಪೊಡಾಯಿ ನೆಸಲೆ ತುಂಡು, ಚಪ್ಪಡೆ ಕಲ್ಲ್, ಒಡುತ ತುಂಡು

ಬಗೆಕುಲು[ಸಂಪೊಲಿಪುಲೆ]

  • ಒಂಟಿ ಕಾರ್
  • ಕಪ್ಪೆ
  • ಕೈ ಅತ್ತಂಡ ಬಿರೆಳ್
  • ಕಣ್ಣ್
  • ಮುಂಡೊ

ನಿಯಮೊಲು[ಸಂಪೊಲಿಪುಲೆ]

  • ಸುರುಟ್ಟು ಓಂಜಿ ಕಾರ್‌‌ಡ್ ಗೊಬ್ಬೊಡು.
  • ಗೊಬ್ಬುನಗ ಬರಿತ್ತ ಗೆರೆಕ್ಕ್ ತಿಕ್ಕ್ಂಡ ಪಿದಾಯಿ ಪೊವೊಡು.
  • ಕಲ್ಲ್‌‍ನ್ ಕಾರ್‌‍ಡ್ ನೂಕೊಂದು ಕೋಣೆದ ಪಿದಾಯಿ ಪಾಡಿ ಬೊಕ್ಕ ಕೈಟ್ ಪೆಜೊಲಿ.
  • ಕಲ್ಲ್‌ನ್ ಒಲಯಿ ಪಾಡ್‍ನಗ ಗೆರೆಕ್ಕ್ ತಾಗ್ಂಡ ಪಿದಾಯಿ ಪೊವೊಡು.

ಗೊಬ್ಬು ಗೊಬ್ಬುನ[ಸಂಪೊಲಿಪುಲೆ]

ಒಂಜಿ ಮಲ್ಲ ಚೌಕ ಪಾಡಿ ಬೊಕ್ಕ ಅಯಿನ್ ನಾಲ್, ಆಜಿ ಅತ್ತ್ಂಡ ಎಣ್ಮ ಚೌಕ ಆದ್ ಬಾಗ ಮಲ್ತೊನುನೆ. ನಾಲ್ ಚೌಕುಲಿ ಪಾಡೊಡು, ನೆನ್ನ್ ಕೊಲು, ಕೊಂಬಾ ಕಾರ್‌ ಟ್ ಅತ್ತಂಡ ಚಾಕ್ ಪೀಸುಟ್ ಪಾಡುತ್ ಬೆಏತೆ ಬೇತೆ ಗುರ್ತ ಮಾಣಪೊಡು. ಬುಕ್ಕ ದುಂಬೆ ದೆತ್ತ್ ದಿತ್ ಇತ್ತುನ ಚಪ್ಪಟ್ಟೆ ಕಲ್ಲ್ ಲೆನ್ ಒವ್ವಾಂಡಲ ಪುಡೆತ್ ಚೌಕುಲಿ ತ ಉಲಾಯಿ ಅಡಕೊಡು. ಅಯಿತ್ ಬುಕ್ಕ ಒಂಟಿ ಕಾರ್‌ಡ್ ಲಾಯಿತೊಂದು ಸುರತ್ತ ಚೌಕುಲಿ ತ್ ರಡ್ಡನೆಗ್, ಬುಕ್ಕ ಮೂಜಿನೆಗ್ ಕಡಪತ್ ಕಡೆಕ್ ನಾಲೆನೆತ್ ಪಿದಾಯಿ ಪಾಡೊಡು. ಪಿದಾಯಿ ಪಾಡಿ ಕಲ್ಲ್‌ ತ ಮಿತ್ತ್ ರಡ್ಡ್ ಕಾರ್‌ನ್ ಜೊಡಿಸತ್ ಲಾಯಿಪೊಡು ಬುಕ್ಕ ಮುಟ್ಟೊಡು.

ವಿಸೆಸೊ ದಿನೊತಾನಿ ಗೊಬ್ಬುನ ಗೊಬ್ಬು[ಸಂಪೊಲಿಪುಲೆ]

ಕೆಡ್ಡಸದಾನಿ ಜುಬುಲಿ ಅತ್ತ್ಂಡ ಪಲ್ಲೆ ಪನ್ಪುನ ಗೊಬ್ಬುನು ಗೊಬ್ಬುವೆರ್.[೨]

ಉಲ್ಲೇಕೋ[ಸಂಪೊಲಿಪುಲೆ]

  1. ಗಣನಾಥ ಎಕ್ಕಾರು (೨೦೦೦). ತುಳುನಾಡಿನ ಜನಪದ ಆಟಗಳು. ಮಂಗಳೂರು: ಜ್ಞಾನೋದಯ ಪ್ರಕಾಶನ ಬೆಂಗಳೂರು. pp. ೨೪೮-೨೫೫.
  2. http://shodhganga.inflibnet.ac.in/bitstream/10603/131817/5/05_table%20of%20content.pdf

ಜುಬುಲಿ

"https://tcy.wikipedia.org/w/index.php?title=ಜುಬುಲಿ&oldid=126879"ಡ್ದ್ ದೆತ್ತೊಂದುಂಡು