ಜಬ್ಬಾರ್ ಸಮೊ ಸಂಪಾಜೆ

ಜಬ್ಬಾರ್ ಸಮೊ ಸಂಪಾಜೆ
ಪುಟ್ಟು	ಸಂಪಾಜೆ, ಕರ್ನಾಟಕ
ಓದುನ ಸಂಸ್ಥೆ	ಸಂತ ಫಿಲೋಮಿನಾ ಕಾಲೇಜು
ಪುಗರ್ತೆದ ಕ್ಷೇತ್ರೊ	ಯಕ್ಷಗಾನ ಭಾಗವತಿಕೆ

ಜಬ್ಬಾರ್ ಸಮೊ ಸಂಪಾಜೆ ಯಕ್ಷಗಾನೊದ ಕಲಾವಿದೆರ್. ಇಂಬೆರ್ ದಕ್ಷಿಣ ಕನ್ನಡ ಬುಕ್ಕೊ ಕೊಡಗು ಜಿಲ್ಲೆಲೆನ್ ಪ್ರತ್ಯೇಕ ಮಲ್ಪುನ ಸಂಪಾಜೆ ಪನ್ಪಿ ಊರುಡು ೧೯೬೩ನೇ ಇಸವಿದ ಜೂನ್ ೧ ತಾನಿ ಪುಟ್ಯೆರ್

ಬಾಲ್ಯ ಬುಕ್ಕೊ ಶಿಕ್ಷಣೊ

ಜಬ್ಬಾರ್ ಸಮೊ ಮೆರ್ನ ಪೊಪ್ಪ ಮೊಯ್ದಿನ್ ಕುಂಞ ಬುಕ್ಕೊ ಅಪ್ಪೆ ಬೀಫಾತಿಮ. ಪ್ರಾಥಮಿಕ ಶಿಕ್ಷಣೊನು ಇಂಬೆರ್ ಸಂಪಾಜೆಡ್ ಅಂಚನೆ ೭ನೇ ಮುಟ್ಟದ ಶಿಕ್ಷಣೊನು ಕಲ್ಲುಗುಂಡಿಡ್ ಪಡೆಯೆರ್. ಪದವಿ ಪೂರ್ವ ವಿದ್ಯಾಭ್ಯಾಸೊನು ಪುತ್ತೂರ್ದ ಸಂತ ಫಿಲೋಮಿನ ಕಾಲೇಜಡ್ ಮಲ್ದೆರ್. ಎಲ್ಯ ಪ್ರಾಯೊಡೆ ಆರೆಗ್ ಯಕ್ಷಗಾನೊಡು ವಿಶೇಷವಾಯಿನ ಆಸಕ್ತಿ ಇತ್ತಂಡ್. ಆರ್ನ ಪೊಪ್ಪನ ಅಂಗಡಿ ವ್ಯಾಪಾರೊಗು ಸಹಾಯ ಮಲ್ತೊಂದು ಅಯ್ತ ಒಟ್ಟುಗು ಯಕ್ಷಗಾನೊನುಲ ಕಲ್ತೊಂದಿತ್ತೆರ್.

ಯಕ್ಷಗಾನೊ ರಂಗ

ಜಬ್ಬಾರ್ ಸಮೊ ಮೇರ್ನ ಯಕ್ಷಗಾನೊತ ಸುರುತ್ತ ಗುರು ವಳಕುಂಜ ಕುಮಾರ ಸುಬ್ರಹ್ಮಣ್ಯ ಭಟ್. ಸುರುಟ್ಟು ದ್ರೋಣ, ಜಾಬಾಲಿ, ಈಶ್ವರ, ಸಂಜಯ, ಅಕ್ರೂರ, ಬ್ರಹ್ಮ, ಕಂಸ ಇಂಚಿತ್ತಿನ ವೇಸಲೆಗ್ ಗೆಜ್ಜೆ ಕಟ್ದ್ ನಲ್ತೊಂದಿತ್ತೆರ್. ೧೯೯೦ಡ್ ತಾಳಮದ್ದಳೆಡ್ ಅರ್ಥ ಪಂಡ್ರೆ ಸುರು ಮಲ್ತೆರ್. ವಾಲಿ, ಮಾಗಧ, ಕರಣ, ಅರ್ಜುನ, ಶಲ್ಯ, ಸುಗ್ರೀವ, ಭೀಷ್ಮ, ಕೌರವ, ಶುಂಭ, ರಕ್ತಬೀಜ, ಧರ್ಮಾಂಗದ, ಭರತ, ಶತ್ರುಘ್ನ, ಹನುಮಂತ, ವೀರಮಣಿ, ಈಶ್ವರ, ಬಲರಾಮ, ರುಕ್ಮ, ಭೀಷ್ಮಕ, ಜಾಂಬವಂತ, ಸಂಜಯ, ಭೀಮ, ದೇವೇಂದ್ರ, ಭೃಗು, ತಮಾಸುರ, ಶತ್ರುಪ್ರಸೂದನ, ಬಲಿ, ಶುಕ್ರಾಚಾರ್ಯ ಇಂಚಿತ್ತಿನ ಪಾತ್ರೊಲೆನ್ ತಾಳಮದ್ದಳೆಡ್ ನಿರ್ವಹಿಸಾದೆರ್.

ಪ್ರಶಸ್ತಿಲು

1. ದ.ಕ ಜಿಲ್ಲಾ ರಾಜ್ಯೋತ್ಸವ ಪ್ರಶಸ್ತಿ
2. ಸಂದೇಶ ಪ್ರತಿಷ್ಠಾನ ಪ್ರಶಸ್ತಿ
3. ಬೆಂಗಳೂರು, ಮಂಗಳೂರು, ಮುಂಬಯಿ, ಹುಬ್ಬಳ್ಳಿ ಮಂತಾದ ಕಡೆಗಳಲ್ಲಿನ ಸನ್ಮಾನ ಪ್ರಶಸ್ತಿ
4. ಆಳ್ವಾಸ್ ನುಡಿಸಿರಿ ಪ್ರಶಸ್ತಿ