ಕುಡ್ಲದ ಕೋರಿ ಸುಕ್ಕ

ವಿಕಿಪೀಡಿಯರ್ದ್
Jump to navigation Jump to search
ಕೋರಿ ಸುಕ್ಕ

ಕೋರಿ ಸುಕ್ಕ ಕುಡ್ಲ (ಮಂಗಳೂರು) ಬೊಕ್ಕ ಉಡುಪಿ ಬಾಗೊಲೆಡ್ ಮನ್ಪುನ ಒಂಜಿ ವಿಧತ್ತೊ ಕೋರಿ ಕಜಿಪು. "ಕೋರಿ ಸುಕ್ಕ" ನ್ ಕನ್ನಡಡ್ ಕೋಳಿ ಸುಕ್ಕ ಇಂಗ್ಲಿಸ್‍ಡ್ "ಚಿಕನ್ ಸುಕ್ಕ" ಪಂಡ್‍ದ್ ಪನ್ಪೆರ್. ಉಂದೆನ್ ಸುಕ್ಕ ಬೊಕ್ಕ ಸೆಮಿ ಗ್ರೇವಿ ಪನ್ಪುನ ರಡ್ಡ್ ಬಗೆಟ್‌ಲಾ ತಯಾರ್ ಮಲ್ಪೊಲಿ.[೧]

ಕೋರಿ ಸುಕ್ಕಗ್ ಬೋಡಿತ್ತಿನ ಸಾಮಾನುಲು[ಸಂಪೊಲಿಪುಲೆ]

ಕೋರಿ ಸುಕ್ಕ ಮಲ್ಪೆರೆ ಬೋಡಾಯಿನ ಸಾಮಾನುಲು:[೨]

  • ೧ ೧/೨ ಕೆಜಿ ಕೋರಿ
  • ೧೦ ನುಂಗೆಲ್ ಕೆಂಪು ಮುಂಚಿ (ಮೆಣಸಿನಕಾಯಿ)[೩]
  • ೧ ಕಪ್ ಪೆರೆಯಿನ ತಾರಾಯಿ (ತೆಂಗಿನಕಾಯಿ)
  • ೨ ಚಮಚ ಕೊತ್ತಂಬರಿ
  • ೧೦-೧೨ ಎಡ್ಡೆಮುಂಚಿ (ಕರಿಮೆಣಸು)
  • ೧/೨ ಚಮಚ ಜೀರ್ದೆರಿ ಜೀರಿಗೆ
  • ೧/೨ ಚಮಚ ಮೆಂತೆ
  • ೨ ಇಂಚ್ ದಾಲ್ಚಿನ್ನಿ
  • ೬ ಲವಂಗ
  • ೧/೪ ಚಮಚ ಮಂಜಲ್ (ಅರಿಶಿನ)ದ ಪುಡಿ
  • ಬೊಳ್ಳುಳ್ಳಿದ ೫-೬ ಎಸಲ್
  • ೨ ನೀರುಳ್ಳಿ
  • ೨-೩ ಟೊಮೆಟೊ
  • ೫-೬ ಬೇವುರೆದ ಇರೆ
  • ೧ ಲಿಂಬೆಪುಳಿ
  • ರುಚಿಗ್ ಬೋಡಾಪಿನಾತ್ ಉಪ್ಪು
  • ೧ ಚಮಚ ನೈಯಿ + ೧ ಚಮಚ ತಾರಾಯಿದ ಎಣ್ಣೆ

ಮಲ್ಪುನ ವಿಧಾನೊ[ಸಂಪೊಲಿಪುಲೆ]

ಕೋರಿ ಸುಕ್ಕನ್ ಮಲ್ಪುನ್ ವಿಧಾನೊ

  • ಕೋರಿನ್ ಎಲ್ಯ ತುಂಡು ಮಲ್ತ್‌ದ್, ದೆಕ್ಕ್‌ಲೆ. ಬೊಕ್ಕ ಐಕ್ ಮಂಜಲ್, ಉಪ್ಪು, ಬೊಕ್ಕ ನಿಂಬೆ ರಸ ಪಾಡ್ದ್ ಬೈಪಾವೊಡು ಬೊಕ್ಕ ಬರೀಟ್ ದೀವೊಡು.
  • ಮಸಾಲಾ ಪುಡಿ: ಪೊದ್‍ತ್‍ನ ನುಂಗೆಲ್ ಕೆಂಪು ಮುಂಚಿ, ಕೊತ್ತಂಬರಿ, ಮೆಂತೆ, ಜೀರಿಗೆ, ದಾಲ್ಚಿನ್ನಿ ಬೊಕ್ಕ ಲವಂಗ ಒಟ್ಟುಗ್ ಪಾಡ್ದ್ ಪೊಡಿ ಮಲ್ಪೊಡು.
  • ಮಸಾಲಾ ಪೇಸ್ಟ್: ೧ ನೀರುಳ್ಳಿ ಬೊಕ್ಕ ಬೊಳ್ಳುಳ್ಳಿನ್ ಪೇಸ್ಟ್ ಮಲ್ಪೊಡು. ಪೆರೆಯಿನ ತಾರಾಯಿ ಸೇರಾದ್ ಚೂರು ಪೊರ್ತು ಪೊಡಿ ಮಲ್ಪೊಡು.
  • ನೈ ಬೊಕ್ಕ ಎಣ್ಣೆನ್ ಬೆಚ್ಚ ಮಲ್ತ್ ದ್ ತುಂಡು ಮಲ್ತಿನ ನೀರುಳ್ಳಿನ್ ಬಂಗಾರ್ (ಗೋಲ್ಡನ್ ಬ್ರೌನ್)ದ ಬಣ್ಣಗ್ ಬರ್ಪುನಡೆ ಮುಟ್ಟ ಪೊದುಪೊಡು, ತುಂಡು ಮಲ್ತಿನ ಟೊಮ್ಯಾಟೊನು ಸೇರಾವೊಡು ಬೊಕ್ಕ ಪೊದುಪೊಡು.
  • ಬೇವುದ ಇರೆನ್ ಸೇರಾದ್ ಚೂರ್ ಪೊರ್ತು ಪೊದುಪೊಡು. ಅಯಿರ್ದ್ ಬೊಕ್ಕ ಬೆಯಿಪಾದಿನ ಕೋರಿನ್ ಸೇರಾವೊಡು, ಬೊಕ್ಕ ಮಾತೆನ್‍ಲಾ ಒಟ್ಟು ಮಲ್ತ್ ದ್ ಚೂರ್ ಪೊರ್ತು ಬೈಪಾವೊಡು.
  • ಇತ್ತೆ ಮಸಾಲಾ ಪೇಸ್ಟ್ ಬೊಕ್ಕ ಮಸಾಲ ಪೊಡಿನ್ ಸೇರಾವೊಡು, ಬೊಕ್ಕ ಕೊತ್ತಂಬರಿದ ಸಪ್ಪು ಪಾಡ್ಂಡ ಕೋರಿ ಸುಕ್ಕ ತಯಾರ್ ಆಪುಂಡು.

ತೂಲೆ[ಸಂಪೊಲಿಪುಲೆ]

ಕೋರಿ

ಉಲ್ಲೇಕೊ[ಸಂಪೊಲಿಪುಲೆ]

  1. http://cheriesstolenrecipes.blogspot.com/2011/06/kori-aajadina-chicken-sukka.html?m=1
  2. "Archive copy". Archived from the original on 2018-06-22. Retrieved 2019-11-16.CS1 maint: Archived copy as title (link)
  3. https://www.agrocrops.com/red-dry-chillies.php