ನವದುರ್ಗಾ

ನವದುರ್ಗಾ
ನವದುರ್ಗಾ
ಶಕ್ತಿ, ರಕ್ಷಣೆ, ; ಜ್ಞಾನ, ಸಂಪತ್ತ್,; ಫಲವಂತಿಕೆ ಬುಕ್ಕೊ ಮೋಕ್ಷ
	Lua error in ಮೋಡ್ಯೂಲ್:Deprecated at line 18: assign to undeclared variable 'warn'. ನವದುರ್ಗೆ – ಪಾರ್ವತಿ ದೇವಿನ ೯ ಅವತಾರೊಲು
ದೇವನಾಗರಿ	नवदुर्गा
ಸಂಸ್ಕೃತ	Script error: The function "transl" does not exist.
Affiliation	ಆದಿಶಕ್ತಿ, ; ದುರ್ಗೆ, ; ಪಾರ್ವತಿ,; ದೇವಿ
ಇಪ್ಪುನ ಜಾಗೆ	ಕೈಲಾಸ
ಹತಾರ್	ಕತ್ತಿ,; ಬಿರು-ಪಗರಿ, ; ತ್ರಿಶೂಲ, ಸುದರ್ಶನ ಚಕ್ರ,; ಗದೆ,; ರಕ್ಷಾಫಲಕ, ಶಂಖ, ‍ಘಂಟೆ
ವಾಹನ	ಸಿಂಹ, ಪಿಲಿ,; ನಂದಿ,; ಬೋರಿ ತಾವರೆ, ಕತ್ತೆ
ಪರ್ಬ	ನವರಾತ್ರಿ,; ದುರ್ಗಾ ಪೂಜೆ,; ವಿಜಯದಶಮಿ,; ದುರ್ಗಾಷ್ಟಮಿ
ವೈಯಕ್ತಿಕ ಇಸಯೊಲು
ಸಂಗಾತಿ	ಶಿವ

ನವದುರ್ಗಾ ಹಿಂದೂ ದರ್ಮೊಡ್ ದುರ್ಗಾ ದೇವಿನ ಒರುಂಬ ಅವತಾರ ಉಂಡು. ಈ ಒರುಂಬ ದೇವಿಲೆನ್ ಮಾರ್ನೆಮಿ(ನವರಾತ್ರಿ)ದ ಸಮಯೊಡು ಪೂಜೆ ಮಲ್ಪುವೆರ್. ಪಾರ್ವತಿ ದೇವಿನ ಒರುಂಬ ಅವತಾರೊಲು: ಶೈಲಪುತ್ರಿ, ಬ್ರಹ್ಮಚಾರಿಣಿ, ಚಂದ್ರಘಂಟಾ ದೇವಿ, ಕೂಷ್ಮಾಂಡ ದೇವಿ, ಸ್ಕಂದಮಾತಾ, ಕಾಳರಾತ್ರಿ, ಕಾತ್ಯಾಯನಿ, ಮಹಾಗೌರಿ ಬುಕ್ಕೊ ಸಿಧ್ಧಿಧಾತ್ರಿ.

ಬೇತೆ ಅವತಾರೊಲು

ಆಂಧ್ರಪ್ರದೇಶದ ವಿಜಯವಾಡ ಪನ್ಪಿನ ಊರುಡು ಕನಕದುರ್ಗಾ ಪನ್ಪಿನ ದೇವಸ್ತಾನೊಡು ನವರಾತ್ರಿದ ಒಂಬತ್ತು ದಿನೊಟ್ಟು ಅಪ್ಪೆ ರಾಜರಾಜೇಶ್ವರಿನ ಒರುಂಬ ಅವತಾರೊನ್ ನವದುರ್ಗೆ ಆದ್ ಆರಾಧನೆ ಮಲ್ಪುವೆರ್.

ಸ್ವರ್ಣಾ ಕವಚಲಾಂಕೃತ ದುರ್ಗಾ ದೇವಿ.
ಬಾಲ ತ್ರಿಪುರಸುಂದರಿ ದೇವಿ.
ಅನ್ನಪೂರ್ಣ ದೇವಿ.
ಗಾಯತ್ರಿದೇವಿ.
ಲಲಿತಾ ತ್ರಿಪುರ ಸುಂದರಿ ದೇವಿ.
ಸರಸ್ವತಿ ದೇವಿ.
ಮಹಾಲಕ್ಷ್ಮಿ ದೇವಿ.
ದುರ್ಗಾ ದೇವಿ.
ಮಹಿಷಾಸುರಮರ್ದಿನಿ ದೇವಿ.^[೧]

ತುಳುನಾಡ್‍ದ ಅಪ್ಪೆನ ಸನ್ನಿಧಾನಲು

ಕಟೀಲು ಶ್ರೀ ದುರ್ಗಾಪರಮೇಶ್ವರಿ ದೇವಸ್ತಾನ.^[೨]^[೩]^[೪]
ಪೊಳಲಿ ಶ್ರೀ ರಾಜರಾಜೇಶ್ವರಿ ದೇವಸ್ತಾನ.^[೫]
ಕೊಡ್ಯಡ್ಕ ಹೊಸನಾಡು ಶ್ರೀ ಅನ್ನಪೂರ್ಣೇಶ್ವರಿ ದೇವಸ್ತಾನ.^[೬]
ಕೊಲ್ಲೂರು ಮೂಕಾಂಬಿಕೆ ದೇವಸ್ತಾನ.^[೭]^[೮]
ಹೊರನಾಡು ಅನ್ನಪೂರ್ಣೇಶ್ವರಿ ದೇವಸ್ತಾನ.^[೯]

ದೇವಿನ ೯ ಅವತಾರೊಲು

ಕ್ರಮ ಸಂ.	ಪುದರ್	ಸವಾರಿ	Stage^{[upper-alpha ೧]}	ಮಂತ್ರ	ಅವತಾರ	ಉಲ್ಲೇಕೊ
1.	ಶೈಲಪುತ್ರಿ "ಪರ್ವತರಾಜೆನ ಮಗಲ್"	ನಂದಿ	ಪಾರ್ವತಿ ದೇವಿ ತನ್ನ ಬಾಲ್ಯದ ಹಂತೊಡು ದೈವಿಕ ಬುಕ್ಕೊ ಪ್ರಧಾನ ರೂಪೊಡು ದೇವಿನ ಅವತಾರ	ॐ देवी शैलपुत्र्यै नमः	ದೇವಿ ಶೈಲಪುತ್ರಿನ ಮುಂಡೊಡು ಅರ್ದಚಂದ್ರ, ಬಲಕೈಟ್ ತ್ರಿಶೂಲ, ಎಡಕೈಟ್ ತಾವರೆ ಉಂಡು. ಬೋರಿ ಈ ದೇವಿನ ಸವಾರಿ	^[೧೧]
2.	ಬ್ರಹ್ಮಚಾರಿಣಿ "ಭಕ್ತಿ ಅಂಚನೆ ತಪಸ್ಸ್ ದ ಅಪ್ಪೆ"	—	ದೇವಿನ ತಪಸ್ವಿ ರೂಪ	ॐ देवी ब्रह्मचारिण्यै नम:	ಶ್ವೇತವಸ್ತ್ರಧಾರಿಣಿ ಆಯಿನ ಈ ದೇವಿನ ಬಲತ್ತ ಕೈಟ್ ಜಪಮಾಲೆ ಎಡತ್ತ ಕೈಟ್ ಕಮಂಡಲ ಉಂಡು	^[೧೨]
3.	ಚಂದ್ರಘಂಟಾ ದೇವಿ "ರಕ್ಕಸೆರೆನ ನಾಶಕಿ"	ಪಿಲಿ	ಶಕ್ತಿ ಮಾತೆನ ರೂಪೊಡು ದೇವಿ	ॐ देवी चंद्रघण्टायै नम:	ಈ ದೇವಿಗ್ ಒರುಂಬ ಕೈ ಉಂಡು ಅವೆಟ್ಟ್ ತ್ರಿಶೂಲ, ಗದೆ, ಬಿರು-ಪಗರಿ, ತಾವರೆ, ಕತ್ತಿ, ಗಂಟೆ ಬುಕ್ಕೊ ಕಮಂಡಲ ಉಂಡು. ಸಿಂಹ ಈ ದೇವಿನ ವಾಹನ.	^[೧೩]
4.	ಕುಷ್ಮಾಂಡಾ "ಬ್ರಹ್ಮಾಂಡದ ಸೃಷ್ಟಿಕರ್ತೆ"	ಸಿಂಹ	ಮಹಾಶಕ್ತಿನ ರೂಪೊಡು ದೇವಿ	ॐ ऐं ह्रीं क्लीं कूष्मांडायै नम:	ಈ ದೇವಿಗ್ ಎಡ್ಮ ಕೈ ಉಂಡು ಅವೆಟ್ ಬಿರು, ಪಗರಿ, ಸುದರ್ಶನ ಚಕ್ರ, ಕತ್ತಿ, ತಾವರೆ, ಗದೆ, ತಿಗತ್ನೈ ಬುಕ್ಕೊ ನೀರ್ ಇತ್ತಿನ ಪಾತ್ರೆನ್ ಪತೊಂದಿಪ್ಪುನೈನ್ ಈ ದೇವಿನ ರೂಪೊದ ಚಿತ್ರಣಡ್ ತುವೊಲಿ.	^[೧೪]
5.	ಸ್ಕಂದಮಾತಾ "ಮಾತೃತ್ವ ಬುಕ್ಕೊ ಜೋಕುಲೆನ ದೇವಿ"		ಮಾತೃತ್ವೊದ ಹಂತೊಡು ದೇವಿ	ॐ देवी स्कन्दमातायै नम:	ಸಿಂಹದ ಮಿತ್ತ್ ಕುಲ್ಲುದಿನ ಈ ದೇವಿಗ್ ನಾಲ್ ಕೈ, ರಡ್ಡ್ ಕೈಟ್ ತಾವರೆ, ಒಂಜೈಟ್ ಮಗೆ ಕಾರ್ತಿಕೇನ್ ಪತೊಂದಿಪ್ಪುನ ರೂಪೊಡು ದೇವಿನ ಚಿತ್ರಣ ಉಪ್ಪುಂಡು.	^[೧೫]
6.	ಕಾತ್ಯಾಯಿನಿ "ಶಕ್ತಿ ದೇವತೆ"		ಯೋಧೆನ ರೂಪೊಡು ದೇವಿ	ॐ देवी कात्यायन्यै नम:	ಈ ದೇವಿಗ್ ನಾಲ್ ಕೈ ಉಂಡು ಅವೆಟ್ಟ್ ಕತ್ತಿ, ಗುರಾಣಿ, ತಾವರೆ ಬುಕ್ಕೊ ತ್ರಿಶೂಲ ಉಂಡು. ಸಿಂಹ ಈ ದೇವಿನ ಸವಾರಿ.	^[೧೬]
7.	ಕಾಳರಾತ್ರಿ "ಮಂಗಳ ಬುಕ್ಕೊ ಧೈರ್ಯ ಕೊರ್ಪಿನ ದೇವತೆ"	ಕತ್ತೆ	ಸಂಹಾರರೂಪಿಣಿ ಆದ್ ದೇವಿ ದುರ್ಗೆನ ಅವತಾರ	ॐ देवी कालरात्र्यै नम:	ಅವಳು ಮೂರು ರಕ್ತಸಿಕ್ತ ಕಣ್ಣುಗಳನ್ನು ಹೊಂದಿದ್ದಾಳೆ, ಕೆದಕಲಾದ ಕೂದಲುಗಳನ್ನು ಹೊಂದಿದ್ದಾಳೆ ಮತ್ತು ಅವಳ ಕುತ್ತಿಗೆಯಲ್ಲಿ ತಲೆಬುರುಡೆಯ ಮಾಲೆಯನ್ನು ಧರಿಸಿದ್ದಾಳೆ, ಅದು ಮಿಂಚಿನಂತೆ ಹೊಳೆಯುತ್ತದೆ. ಅವಳ ನಾಲ್ಕು ಕೈಗಳು ತ್ರಿಶೂಲ, ಸ್ಮಿಟರ್, ವಜ್ರ ಮತ್ತು ಬಟ್ಟಲನ್ನು ಹಿಡಿದಿದ್ದವು. ಅವಳು ತನ್ನ ವಾಹನವಾಗಿ ಕತ್ತೆಯ ಹಿಂದೆ ಕುಳಿತಿದ್ದಾಳೆ.	^[೧೭]
8.	ಮಹಾಗೌರಿ "ಸೌಂದರ್ಯ ದೇವತೆ"	ಬೋರಿ	ಚೇತರಿಕೆದ ಹಂತೊಡು ದೇವಿನ ಅವತಾರ	ॐ देवी महागौर्यै नम:	ಈ ದೇವಿನ ಅವತಾರೊಗ್ ನಾಲ್ ಕೈ ಉಂಡು. ಅವೆಟ್ ತ್ರಿಶೂಲ, ಡಮರು, ತಾವರೆ ಉಂಡು. ಈ ದೇವಿನ ಚಿತ್ರಣ ಬೊಲುದುದ ಬೋರಿದ ಮಿತ್ತ್ ಕುಲ್ದಿನೈನ್ ತೋಜಾವುಂಡು.	^[೧೮]
9.	ಸಿಧ್ಧಿಧಾತ್ರಿ "ಅಲೌಕಿಕ ಶಕ್ತಿ/ಸಿಧ್ದಿನ್ ಪಡೆಯಿನ ದೇವತೆ"	ತಾವರೆ	ಮಹಾಶಕ್ತಿಯಾದ್ ತನ್ನ ಅತ್ಯುನ್ನತ ಬುಕ್ಕೊ ಸರ್ವೋಚ್ಚ ರೂಪೊನು ತಲುಪುನ ಹಂತೊಡು ದುರ್ಗೆನ ಅವತಾರ	ॐ ऐं ह्रीं क्लीं सिद्धिदात्यै नम:	ದೇವಿನ ಈ ಅವತಾರೊಗ್ ನಾಲ್ ಕೈ ಒಂಜೈಟ್ ಸುದರ್ಶನ ಚಕ್ರ ನನೊಂಜೈಟ್ ಶಂಖ, ಒರಿದ್ನ ರಡ್ಡೈಟ್ ತಾವರೆ ಬುಕ್ಕೊ ಗದೆ ಉಂಡು. ಪೂರ್ತಿಯಾದ್ ಅರಲ್ದಿನ ತಾವರೆದ ಮಿತ್ತ್ ದೇವಿ ಕುಲ್ದಿನ ಚಿತ್ರಣ ಉಂಡು.	^[೧೯]

ದೇವಿ ಶೈಲಪುತ್ರಿನ ಕತೆ

ದೇವಿ ಶೈಲಪುತ್ರಿ ಆದಿ ಪರಾಶಕ್ತಿ, ಪರ್ವತ ರಾಜೆ ಹಿಮವಂತೆನ ಮಗಲಾದ್ ಪುಟ್ಟಿಯೆರ್. ಪ್ರಜಾಪತಿ ಬ್ರಹ್ಮ ದೇವೆರೆನ ಮಗೆ ದಕ್ಷ ತನ್ನ ೨೭ ಮಗಲರ್ಲೆನ್ ಚಂದ್ರಗ್ ಮದಿಮೆ ಮಲ್ತ್‍ದ್ ಕೊರ್ಪೆರ್. ಅವೆಟ್ಟ್ ಒರಿಯಿನ ದಾಕ್ಷಾಯಿಣಿ ಶಿವ ದೇವೆರೆನ್ ಒಲಿಸಾವೆರ್. ದಕ್ಷ ಮಹಾರಾಜೆರೆಗ್ ಶಿವನ್ ಮರ್ಮಯೆನ ರೂಪೊಡು ಒಪ್ಪರೆ ಇಷ್ಟ ಇಜ್ಜಾಂಡ್. ಮಸಣೊಡ್, ಕಂಟೆಲ್‍ಗ್ ಉಚ್ಚುನ್ ಸುತ್ತುದ್ ಇತ್ತಿನ ಶಿವನೈರ್ದ್ ತನ್ನ ಬಂಗಾರ್‍ದಂಚಿನ ಮಗಲೆಗ್ ನೆರ್ದಲಾ ಎಡ್ಡೆ ಸಂಬಂಧ ತಿಕ್ಕುದು ಪಂಡ್‍ದ್ ಪನೊಂದಿತ್ತೆರ್. ಒರ ದಕ್ಷ ಮಹಾರಾಜೆರ್ ಮಲ್ಲ ಯಜ್ಞೊನ್ ಏರ್ಪಾಡ್ ಮಲ್ತಿತ್ತೆರ್. ಅವೆಕ್ಕ್ ತನ್ನ ಮಾತ ಜೋಕ್ಲೆನ್ ಮರ್ಮಯನಕ್ಲೆನ್ ಲೆತ್ತಿತ್ತೆರ್. ದಕ್ಷ ಮಹಾರಾಜೆರ್ ಅರಮನೆ ದುಲಾಯಿ ಬನ್ನಗ ಮಾತ ಲಕ್ಕ್‌ದ್ ಉಂತುದು ಗೌರವ ಕೊರ್ಪೆರ್ ಆಂಡ ಬ್ರಹ್ಮ ದೇವೆರ್ ಬುಕ್ಕೊ ಶಿವ ದೇವೆರ್ ಲಕ್ಕ್‌‌ದ್ ಉಂತುಜೆರ್. 'ಶಿವ ದೇವೆರ್ ಆದಿಪ್ಪೊಲಿ ಆಂಡ ಸಂಬಂಧೊಡ್ ಯಾನ್ ಅರೆಗ್ ಮಾಮು ಆವೊಡು ಆ ಸಂಬಂದೊಗ್ ಆಂಡಲಾ ಗೌರವ ಕೊರ್ದು ಲಕ್ಕ್‌ದ್ ಉಂತುದೊಲಿ' ಪಂಡ್ಂಡ್ ಮನಸ್ಸ್ ಡೇ ದಕ್ಷ ಮಹಾರಾಜೆರ್ ಕೋಪೊಡು ಎನ್ನೊನ್ವೆರ್. ಅಂಚಾದ್ ಶಿವ ದೇವೆರೆಗ್ ಅವಮಾನ ಮಲ್ಪೊಡು ಪಂಡ್ಂದ್ ನನೊಂಜಿ ಯಜ್ಞೊನ್ ಏರ್ಪಾಡ್ ಮಲ್ತ್‍ದ್ ಅವೆಕ್ಕ್ ಮಗಲ್ ಆಯಿನ ದಾಕ್ಷಾಯಿಣಿ ಅಂಚನೆ ಮರ್ಮಯೆ ಆಯಿನ ಶಿವನ್ ಆ ಯಜ್ಞೊಗ್ ಲೆಪ್ಪೋಲೆ ಕೊರ್ಪುಜೆರ್. ಪೊಪ್ಪ ಯಾಗೊನ್ ಆಯೋಜನೆ ಮಲ್ದಿನ ವಿಸಯೊನ್ ಕೇನ್ದ್ ದಾಕ್ಷಾಯಿಣಿ(ಸತಿ) ತನ್ನ ಕಂಡನೆ ಆಯಿನ ಶಿವ ದೇವೆರೆಡ ನಮಲಾ ಆ ಯಾಗಗ್ ಪೋಯಿ ಪಂಡ್‍ದ್ ಹಠ ಮಲ್ಪುವೆರ್. ಅವೆಕ್ಕ್ ಶಿವ ದೇವೆರ್ ನಮಕ್ ಲೆಪ್ಪೋಲೆ ಇಪ್ಪಂದಿನಲ್ಪ ವೊವ್ವೇ ಶುಭ ಸಮಾರಂಭ ಆವಡ್ ಏಪೊಗ್ಲಾ ಪೋವರೆ ಬಲ್ಲಿ ಅವ್ ಬೇತೆ ಇಲ್ಲಗ್ ಆವಡ್ ಅಪ್ಪೆ ಇಲ್ಲಗ್ ಆವಡ್ ಪಂಡ್‍ದ್ ಪನ್ಪೆರ್. ಆಂಡ ದಾಕ್ಷಾಯಿಣಿ ಪೊಪ್ಪ ಬೇಲೆದ ನಡುಟು ನಮನ್ ಲೆಪ್ಪರೆ ಮದತ್‍ದ್ ಇಪ್ಪೊಡು, ಅಪ್ಪೆ ಇಲ್ಲಗ್ ಪೋವರೆ ಮಗಲೆಗ್ ಲೆಪ್ಪೋಲೆ ದಾಯೆ ಪಂಡ್‍ದ್ ಪ್ರಶ್ನೆ ಮಲ್ಪುವೆರ್. ಪೋಪುನ ಬೊರ್ಚಿಂದ್ ಪಂಡಲಾ ದೇವಿ ಕೇನುಜೆರ್. ಅಂಚಾದ್ ದೇವಿನ ಹಠೊಕ್ಕಾತ್ರ ಶಿವ ದೇವೆರ್ ದಕ್ಷ ಮಹಾರಾಜೆರೆನ ಇಲ್ಲಗ್ ಯಾಗೊಗ್ ಲೆತೊಂದ್ ಪೋಪೆರ್. ಮೊಕ್ಲೆನ್ ಇರುವೆರೆನ್ ತೂದು ದಕ್ಷ ಮಹಾರಾಜೆರ್ 'ಲೆಪ್ಪೋಲೆ ಇಪ್ಪಂದೆನೇ ಈ ಎನ್ನ ಇಲ್ಲಗ್ ಬಯ್ದನಾ? ನಿನ್ನ ಕಂಡನ್ಯನ್ಲಾ ಲೆತೊಂದ್ ಬಯ್ದ ಅತಾ' ಪಂಡ್‍ದ್ ಅವಮಾನ ಮಲ್ಪುವೆರ್. ಅವಮಾನ ಮಲ್ತ್ಂಡಲಾ ಅವೆನ್ ದೇವಿ ತಡೆತೊಂದು ಕುಲ್ಲುವೆರ್. ಕುಡ ಯಾಗ ಸುರು ಆಯಿ ಬುಕ್ಕೊ ಶಿವನ್ ದಕ್ಷ ಮಹಾರಾಜೆರ್ ಅವಮಾನ ಮಲ್ಪುವೆರ್. ಮಾತೆರೆನ ಎದುರು ತನ್ನ ಕಂಡನ್ಯಗ್ ಅವಮಾನ ಮಲ್ತೆರ್ ಪಂಡ್‍ದ್ ದೇವಿ ಎದುರಿತ್ತಿನ ಅಗ್ನಿಕುಂಡೊಗು ಲಾಗಿವೆರ್. ಇಂಚ ದೇವಿನ ಸರೀರ ಬಸ್ಮ ಆಪುಂಡು. ಬಸ್ಮ ಆಯಿನ ದೇವಿ ನನೊಂಜಿ ಜನ್ಮೊಡು ಹಿಮವಂತೆನ ಮಗಲ್ ಶೈಲಪುತ್ರಿಯಾದ್ ಜನ್ಮ ಪಡೆಪೆರ್. ಉಂದೆರ್ದ್ ಬುಕ್ಕೊ ಶಿವ ದೇವೆರ್ ತನ್ನ ಬೊಡೆದ್ದಿನ್ ಅಪ್ಪೆ ಇಲ್ಲಗ್ ವರ್ಷೊಡ್ ಪತ್ತ್ ಸರ್ತಿ ಮಾತ್ರ ಪೋಪುನ ಅವಕಾಶೊನ್ ಕೊರ್ಪೆರ್. ಇತ್ತೆಲಾ ಮಾರ್ನೆಮಿದ ಸಮಯೊಡು ಮಗಲರ್ಲೆನ್ ಅಪ್ಪೆ ಇಲ್ಲಗ್ ಲೆಪ್ಪುನ ಕ್ರಮ ಉಂಡು.

ಬ್ರಹ್ಮಚಾರಿಣಿ ದೇವಿನ ಕತೆ

ಪಾರ್ವತಿಯಾದ್ ದೇವಿ ಹಿಮವಂತೆನ ಮಗಲಾದ್ ಪುಟ್ಟಿ ಬುಕ್ಕೊ ಶಿವನ್ ತನ್ನ ಕಂಡನೆಯಾದ್ ಪಡೆವೊಡ್ ಪನ್ಪಿನೈಕ್ ನಾರದನ ಉಪದೇಶೊದಂಚನೆ ದೇವಿ ಕಠೋರ ತಪಸ್ಸ್ ನ್ ಮಲ್ಪುವೆರ್. ಅಂಚಾದ್ ಈ ದೇವಿಗ್ ಬ್ರಹ್ಮಚಾರಿಣಿ ಪನ್ಪಿನ ಪುದರ್ ಬತ್ತ್ಂಡ್. ತಪಸ್ಸು ಮಲ್ಪಿನ ಪೊರ್ತುಡು ದೇವಿ ಒಂತೆ ಸಮಯ ಕಾಲಿ ಪೂ-ಪರ್ಂದ್, ಇರೆನ್ ಸೇವನೆ ಮಲ್ತೊಂದಿತ್ತೆರ್. ಅವೆರ್ದ್ ಬುಕ್ಕೊ ಅವೆನ್ಲಾ ತಿನೊಂದಿತಿಜೆರ್. ಅಂಚಾದ್ ಈ ದೇವಿನ್ ಅಪರ್ಣಾ ಪಂದ್ಲಾ ಲೆತ್ತೊಂದಿತ್ತೆರ್. ದೇವಿನ ತಪಸ್ಸ್ ಗ್ ಮೆಚ್ಚಿದ್ ಶಿವ ದೇವೆರ್ ಸನ್ಯಾಸಿ ರೂಪೊಡು ಬತ್ತ್ ದ್ ದೇವಿನ ನಿಷ್ಠೆನ್ ಪರೀಕ್ಷೆ ಮಲ್ಪುವೆರ್. ದೇವಿನ ನಿಷ್ಠಿಗ್ ಮೆಚ್ಚಿದ್ ಅರೆನ ತಪಸ್ಸ್ ಗ್ ಶಿವ ದೇವೆರ್ ಒಲಿವೆರ್.

ಚಂದ್ರಘಂಟಾ ದೇವಿನ ಕತೆ

ಶಿವ ಬುಕ್ಕೊ ಪಾರ್ವತಿ ದೇವೆರೆನ ಮದಿಮೆದ ದಿನೊತ್ತಾನಿ ಪಾರ್ವತಿ ದೇವೆರ್ ಚಂದ್ರಘಂಟಾ ರೋಪೊನ್ ಧಾರಣೆ ಮಲ್ತೆರ್ ಪನ್ಪಿನ ಕತೆ ಉಂಡು. ಹಿಮವಂತ ಬುಕ್ಕೊ ಮೈನಾ ದೇವಿನ ಮಗಲಾದ್ ಪುಟ್ಟಿನ ಪಾರ್ವತಿ ದೇವಿ ಶಿವ ದೇವೆರೆನ್ ಮದಿಮೆ ಆವರೆ ಕಠಿಣ ತಪಸ್ಸ್ ಮಲ್ಪುವೆರ್. ಅರೆನ ಕಠೋರ ತಪಸ್ಸ್ ಗ್ ಮೆಚ್ಚಿದ್ ಶಿವ ದೇವೆರ್ ಪಾರ್ವತಿನ್ ಮದಿಮೆ ಆವರೆ ಒಪ್ಪುವೆರ್. ಅಂಚಾದ್ ಅರಮನೆಟ್ಟ್ ಅಕ್ಲೆನ ಮದಿಮೆದ ತರಾಯಿ ಸುರು ಆಂಡ್. ಸ್ಮಶಾನವಾಸಿ ಆಯಿನ ಶಿವೆ ತನ್ನ ಭಯಾನಕ ರೂಪೊಡು, ತನ್ನ ಗಣಕ್ಲೆನೊಟ್ಟುಗು ಮೆರವಣಿಗೆಡ್ ಅರಮನೆಗ್ ಬರ್ಪೆರ್. ಬೂದಿಡ್ ಮುರ್ಕುದಿನ ಮೈ, ಕಂಟೆಲ್‍ಡ್ ನಾಗೆ, ಗಂಟ್‍ದಿಂಜಿದಿನ ಜಟೆ, ಅರೆನೊಟ್ಟು, ಋಷಿಮುನಿಕುಲು, ಅಘೋರಿಲು ಸೇರ್ದಿನ ವಿಚಿತ್ರ ಮೆರವಣಿಗೆನ್ ತೂದು ಪಾರ್ವತಿ ದೇವಿನ ಅಪ್ಪೆಗ್ ತರೆತಿರ್ಗುಂಡು. ಮದಿಮೆಗ್ ಸೇರ್ದಿನ ಜನಕ್ಲೆಗ್ಲಾ ಶಿವ ದೇವೆರೆನ ಈ ವಿಚಿತ್ರ ರೋಪೊನು ತೂದು ಪೋಡಿಗೆ ಸೇರುಂಡು, ನೆಕ್ಕಾತ್ರ ಪಾರ್ವತಿ ದೇವೆರ್ ಚಂದ್ರಘಂಟಾ ಅವತಾರೊಡು ಬತ್‍ದ್ ಶಿವ ದೇವೆರೆಡ ರಾಜಕುಮಾರನ ರೂಪೊಡು ಬರೊಡು ಪಂಡ್‍ದ್ ಬೇಡುವೆರ್. ಶಿವ ದೇವೆರ್ ರಾಜಕುಮಾರನ ರೂಪೊಡು ಬತ್ತಿ ಬುಕ್ಕೊ ಪಾರ್ವತಿ ಬುಕ್ಕೊ ಶಿವ ದೇವೆರೆನ ಮದಿಮೆ ಆಪುಂಡು. ರಕ್ಕಸೆರಾಯಿನ ಶುಂಭ ಅಂಚನೆ ನಿಶಂಭುನ್ ಸೋಪಾವರೆ ಪಾರ್ವತಿ ದೇವಿ ಕೌಶಿಕಿ ಅವತಾರೊಡು ಬರ್ಪೆರ್. ಕೌಶಿಕಿ ರೂಪೊನೇ ರಕ್ಕಸೆರೆನ ವಿನಾಶೊಗ್ ಕಾರಣ ಆವು ಪಂಡ್‍ದ್ ಸೂಚನೆ ಇತ್ತ್ಂಡ್. ಶುಂಭ ತನ್ನ ಮೆಗ್ಗೆ ನಿಶುಂಭುಗು ಮದಿಮೆ ಮಲ್ಪರೆ ಕೌಶಿಕಿನ್ ಲೆತೊಂದ್ ಬರ್ರೆ ಧೂಮ್ರಲೋಚನ ಪನ್ಪಿನ ರಕ್ಕಸನ್ ಕಡಪುರ್ವೆ. ಇಂಚ ಒತ್ತಾಯೊಡು ಕೌಶಿಕಿನ್ ಲೆತೊಂದ್ ಬರ್ರೆ ಪೋನಗ ಕಾಲಿ ಒಂಜಿ ಹೂಂಕಾರೊಡು ಧೂಮ್ರಲೋಚನನ್ ದೇವಿ ನಾಶ ಮಲ್ಪುವೆರ್.

ಉಂದೆನ್ಲಾ ತೂಲೆ

ಮಾರ್ನೆಮಿ

ಉಲ್ಲೇಕೊಲು

↑ Menon, Anoop. "Navratri 2017: The 10 Forms of Durga Venerated at Kanaka Durga Temple | India.com". www.india.com (in ಇಂಗ್ಲಿಷ್). Retrieved 24 October 2022.
↑ "ಕಟೀಲು". Retrieved 24 October 2022.
↑ information, Temples in India (2 February 2017). "Kateel Durga Parameshwari Temple, Timings, Pooja, Sevas -". Temples In India Info (in ಅಮೆರಿಕನ್ ಇಂಗ್ಲಿಷ್). Archived from the original on 24 October 2022. Retrieved 24 October 2022.
↑ Jun 8, Jaideep Shenoy / TNN /. "Dakshina Kannada: Kateel's Sri Durgaparameshwari Temple to issue free e-tokens for darshan | Mangaluru News - Times of India". The Times of India (in ಇಂಗ್ಲಿಷ್). Retrieved 24 October 2022.{{cite news}}: CS1 maint: numeric names: authors list (link)
↑ "ಪೊಳಲಿ". Retrieved 24 October 2022.
↑ "Kodyadka Temple to reopen for devotees from June 8". Udayavani (in ಕನ್ನಡ). Retrieved 24 October 2022.^{[permanent dead link‍]}
↑ "Kolluru: Latest News, Videos and Photos of Kolluru | Times of India". The Times of India (in ಇಂಗ್ಲಿಷ್). Retrieved 24 October 2022.
↑ "ಕೊಲ್ಲೂರ ಮೂಕಾಂಬಿಕೆ". Retrieved 24 October 2022.
↑ "ದೇವಸ್ತಾನೊಲು". Retrieved 24 October 2022.
↑ Ramachandran 2020, p. 67.
↑ Sharma 2021, p. 73.
↑ Ramachandran 2020, p. 23.
↑ Ramachandran 2020, pp. 29-30.
↑ Mittal 2006, p. 63.
↑ Ostor 2004, p. 34.
↑ Ramachandran 2020, pp. 48-51.
↑ Mishra 1989, p. 36.
↑ Sivkishen 2016, p. 176.
↑ Ramachandran 2020, pp. 68, 70.

↑ Parvati has been described in the nine stage in nine different depiction, where she become the Maha Shakti in last stage of Siddhidhatri, after gaining Siddhis.^[೧೦]

ಉಲ್ಲೇಕೊ ದೋಸೊ: <ref> tags exist for a group named "upper-alpha", but no corresponding <references group="upper-alpha"/> tag was found

[1] Menon, Anoop. "Navratri 2017: The 10 Forms of Durga Venerated at Kanaka Durga Temple | India.com". www.india.com (in ಇಂಗ್ಲಿಷ್). Retrieved 24 October 2022.

[2] "ಕಟೀಲು". Retrieved 24 October 2022.

[3] rmation, Temples in India (2 February 2017). "Kateel Durga Parameshwari Temple, Timings, Pooja, Sevas -". Temples In India Info (in ಅಮೆರಿಕನ್ ಇಂಗ್ಲಿಷ್). Archived from the original on 24 October 2022. Retrieved 24 October 2022.

[4] Jun 8, Jaideep Shenoy / TNN /. "Dakshina Kannada: Kateel's Sri Durgaparameshwari Temple to issue free e-tokens for darshan | Mangaluru News - Times of India". The Times of India (in ಇಂಗ್ಲಿಷ್). Retrieved 24 October 2022.{{cite news}}: CS1 maint: numeric names: authors list (link)

[5] "ಪೊಳಲಿ". Retrieved 24 October 2022.

[6] "Kodyadka Temple to reopen for devotees from June 8". Udayavani (in ಕನ್ನಡ). Retrieved 24 October 2022.^{[permanent dead link‍]}

[7] "Kolluru: Latest News, Videos and Photos of Kolluru | Times of India". The Times of India (in ಇಂಗ್ಲಿಷ್). Retrieved 24 October 2022.

[8] "ಕೊಲ್ಲೂರ ಮೂಕಾಂಬಿಕೆ". Retrieved 24 October 2022.

[9] "ದೇವಸ್ತಾನೊಲು". Retrieved 24 October 2022.

[FOOTNOTERamachandran202067-10] Ramachandran 2020, p. 67.

[FOOTNOTESharma202173-12] Sharma 2021, p. 73.

[FOOTNOTERamachandran202023-13] Ramachandran 2020, p. 23.

[FOOTNOTERamachandran202029-30-14] Ramachandran 2020, pp. 29-30.

[FOOTNOTEMittal200663-15] Mittal 2006, p. 63.

[FOOTNOTEOstor200434-16] Ostor 2004, p. 34.

[FOOTNOTERamachandran202048-51-17] Ramachandran 2020, pp. 48-51.

[FOOTNOTEMishra198936-18] Mishra 1989, p. 36.

[FOOTNOTESivkishen2016176-19] Sivkishen 2016, p. 176.

[FOOTNOTERamachandran202068,_70-20] Ramachandran 2020, pp. 68, 70.

[11] Parvati has been described in the nine stage in nine different depiction, where she become the Maha Shakti in last stage of Siddhidhatri, after gaining Siddhis.^[೧೦]

[೧]

[೨]

[೩]

[೪]

[೫]

[೬]

[೭]

[೮]

[೯]

[upper-alpha ೧]

[೧೧]

[೧೨]

[೧೩]

[೧೪]

[೧೫]

[೧೬]

[೧೭]

[೧೮]

[೧೯]

[೧೦]