ಮಲಯಾಳಂ ಬಾಸೆ

ಮಲಯಾಳಂ
ಪಾತೆರುನ ಕ್ರಮⓘ [mɐlɐjaːɭɐm]
ಮಲಯಾಳ ಲಿಪಿಟ್ ಬರೆತಿನ ಮಲಯಾಳಮ್ ಸಬ್ದೊ
ಬಳಕೆಡುಪ್ಪುನ ಪ್ರದೇಸೊಲು	ಮುಕ್ಯವಾದ್ ಭಾರತೊದ ಕೇರಳರಾಜ್ಯ
ಪ್ರದೇಸೊ	ದಕ್ಷಿಣ ಭಾರತ ಕೇರಳ ತಮಿಳುನಾಡು (ಕನ್ಯಾಕುಮಾರಿ ಜಿಲ್ಲೆ ಬುಕ್ಕ ಕೇರಳ ರಾಜ್ಯೊದ ಗಡಿಕ್ ತಾಗ್‌ದಿಪ್ಪುನ ಜಿಲ್ಲೆಲು) ಪುದುಚೇರಿ (ಮಾಹೆ ಜಿಲ್ಲೆ) ಲಕ್ಷದ್ವೀಪ ಕರ್ನಾಟಕ (ದಕ್ಷಿಣ ಕನ್ನಡ ಜಿಲ್ಲೆ ಬುಕ್ಕ ಕೊಡಗು ಜಿಲ್ಲೆದ ಕೆಲವು ಬಾಗೊಡು)
ಜನಾಂಗೊ	ಮಲಯಾಳಿ
ಮೂಲ ಬಾಸಿಗೆರ್	38 ದಶಲಕ್ಷ (2001)
ಬಾಸೆಲೆ ಕುಟುಮ್ಮೊ	ದ್ರಾವಿಡ ದಕ್ಷಿಣ ದಕ್ಷಿಣ ದ್ರಾವಿಡ ತಮಿಳು–ಕನ್ನಡ ತಮಿಳು–ಕೋತ ತಮಿಳ್–ತೋಡ ತಮಿಳು- ಇರುಳ ತಮಿಳು- ಕೊಡವ- ಉರಳಿ ಮಲಯಾಳಂ
ಬರವುದ ಕ್ರಮೊ	ಮಲಯಾಳಂ ಅಕ್ಷರಮಾಲೆ (ಬ್ರಾಹ್ಮೀ ಲಿಪಿ) ಮಲಯಾಳಂ ಬ್ರೈಲಿ
Official status
Official language in	ಭಾರತ ಕೇರಳ ಲಕ್ಷದ್ವೀಪ ಪುದುಚೇರಿ
Regulated by	ಕೇರಳ ಸಾಹಿತ್ಯ ಅಕಾಡೆಮಿ, ಕೇರಳ ಸರಕಾರ
ಬಾಸೆದ ಸಂಕೇತೊಲು
ISO 639-1	ml
ISO 639-2	mal
ISO 639-3	mal
ಕಡು ನೀಲಿ- ಮಲಯಾಳಂ ಎಚ್ಚ ಪಾತೆರುನಕ್ಲ್ ಇಪ್ಪುನ ಜಾಗೆ. ಹದ ನೀಲಿ- ಮಲ್ಯಾಳಿ ಬಾಸೆ ಪಾತೆರುನಕ್ಲು ಕಡಮೆ ಇಪ್ಪುನ ಜಾಗೆ. ಮುಲ್ಪ ಮಲಯಾಳದೊಟ್ಟುಗು ಬೇತೆ ಬಾಸೆಲಾ ಪಾತೆರುವೆರ್.

ಒರ್ತಿ ಮಲಯಾಳಿ ಪೊಣ್ಣು ಮಲಯಾಳಂ ಬಾಸೆ ಪಾತೆರುಂದುಲ್ಲಲ್

ಮಲಯಾಳಂ ಬಾಸೆ ಭಾರತೊದ ಕೇರಳ ರಾಜ್ಯೊಡು ಪಾತೆರುನಂಚಿನ ಬಾಸೆ. ಮಲೆಯಾಳ - ದಕ್ಷಿಣ ಭಾರತಡ್ ಉಪ್ಪುನ ಕೇರಳ ರಾಜ್ಯ ಬುಕ್ಕೊ ಲಕ್ಷದ್ವೀಪ ಸಂಘರಾಜ್ಯ ಕ್ಷೇತ್ರದ ಅಧಿಕೃತ ಬಾಸೆ. ಉಂದು 22 ಭಾರತೀಯ ರಾಷ್ಟ್ರೀಯ ಬಾಸೆಲ್‌ಡ್ ಒಂಜಾದ್‌ ಇತ್ತ್‌ದ್‌ ಸುಮಾರ್ ಮೂರು ಕೋಟಿ ಜನಕುಲು ಈ ಬಾಸೆಡ್ ಪಾತೆರುವೆರ್. ಮಲಯಾಳಂ ಪಾತೆರುನಕುಲೆನ್ ಮಲ್ಯಾಳಿ ಪಂಡ್ದ್ ಪನ್ಪೆರ್. ಮಲ್ಯಾಳಿ ಪಾತೆರುನಕ್ಲೆನ್ ಮಲ್ಲುನಕುಲುಂದು ಪನ್ಪೆರ್. ಕೇರಳೊಡ್ ಅತ್ತಂದೆ ಯುನೈಟೆಡ್ ಅರಬ್ ಎಮರೈಟ್ಸ್ ದೇಸೊದ ರಾಜದಾನಿ ದುಬೈ‍ಡ್ ಮಲಯಾಳಿ ಜನಕುಲು ಜಾಸ್ತಿ ಸಂಕ್ಯೆಡ್ ಉಲ್ಲೆರ್. ಪಂಚ ದ್ರಾವಿಡ ಬಾಸೆಲೆಡ್ ಜಾಸ್ತಿ ಪೊಸತ್ತಾಯಿನ ಬಾಸೆ ಉಂದು. ಅಂಚೆನೆ ಈ ಬಾಸೆದ ಮಿತ್ತ್ ಸಂಸ್ಕೃತ ಬಾಸೆದ ಪ್ರಬಾವೊ ಜಾಸ್ತಿಯಾದ್ ಉಂಡು. ಅಂಚ ಸುಮಾರ್ ಸಂಸ್ಕೃತ ಪದಕುಲು ಈ ಬಾಸೆಡ್ ತಿಕ್ಕುವ.

ಇತಿಯಾಸೊ

ಮಲಯಾಳಂ ಬಾಸೆಗ್ ಮಸ್ತ್ ವರ್ಸೊದ ಇತಿಯಾಸೊ ಉಂಡು. ಮಲಯಾಳಂ ಬಾಸೆಡ್ ಶಾಸನ, ತಾಳೆಗರಿ, ಹಸ್ತಪ್ರತಿ, ಬೋಡಾಯಿನಾತ್ ಉಂಡು. ಪ್ರೆಂಟ್ ಆವೆರೆ ಸುರು ಆಯಿ ಬುಕ್ಕೊ ಬೋಡಾಯಿನಾತ್ ಬೂಕುಲೆಡ್ ಈ ಚರಿತ್ರೆನ್ ಪನ್ಪುಂಡು.

• ಔಟ್ ಲೈನ್ ಆಫ್ ಎ ಗ್ರಾಮರ್ ಆಫ್ ದ ಮಲಯಾಲಂ ಲಾಂಗ್ವೇಜ್ (ಮಲಯಾಲಂ ವ್ಯಾಕರಣ) ಬರೆತಿನಾರ್ ಎಫ್. ಸ್ಪ್ರಿಂಗ್, ಮದ್ರಾಸ್ ೧೮೩೯
• ಗ್ರಾಮರ್ ಅಫ್ ದ ಮಲಯಾಲಂ ಲಾಂಗ್ವೆಜ್, ಎಚ್. ಗುಂಡರ್ಟ್, ಬಾಸೆಲ್ ಮಿಶನ್ ಪ್ರೆಸ್, ೧೯೬೮
• ಮಲಯಾಲಂ ಎಂಡ್ ಇಂಗ್ಲಿಷ್ ಡಿಕ್ಸೆನೆರಿ, ಬರೆತಿನಾರ್ ಎಚ್. ಗುಂಡರ್ಟ್, ಬಾಸೆಲ್ ಮಿಶನ್ ಪ್ರೆಸ್, ಕುಡ್ಲ, ೧೮೭೨
• ಫೈವ್ ಹಂಡ್ರೆಡ್ ಇಂಡಿಯನ್ ಪ್ಲಾಂಟ್, ಬಾಸೆಲ್ ಮಿಶನ್ ಪ್ರೆಸ್, ೧೯೧೮
• ಆಂಗ್ಲೊ ಮಲಯಾಲಂ ಡಿಕ್ಸೆನರಿ, ಟೋಬಿಯಾಸ್ ಜಕಾರಿಯಸ್, ಬಾಸೆಲ್ ಮಿಶನ್ ಪ್ರೆಸ್. ೧೯೩೩

ಬಾಸೆದ ಲಕ್ಷಣೊ

ದ್ರಾವಿಡಭಾಷಾ ಕುಟುಂಬೊಗು ಸೇರಿನ ಮಲೆಯಾಳ ಬಾಸೆಗ್ ತಮಿಳು, ಸಂಸ್ಕೃತ ಇಂಚಿತ್ತಿ ಮೂಲ ಬಾಸೆಲೆನೊಟ್ಟುಗು ನಿಕಟವಾಯಿನ ಸಮ್ಮಂದೊ ಉಂಡು. ಮಲೆಯಾಳಂ ಬಾಸೆ ಪಾತೆರುನಕುಲೆನ್ ಮಲ್ಯಾಳಿಲು ಪಂದ್ ಲೆಪ್ಪುನವು ನಿಜವಾಂಡಲಾ ಕೇರಳ ಪ್ರಾಂತ್ಯೊಗು ಸೇರ್ನೆಡ್ದಾದ್ ಕೇರಳೀಯೆರ್ ಪಾತೆರುನ ಬಾಸೆಂದ್ ಪನ್ಪೆರ್. ಮಲೆಯಾಳಿಲೆನ ಒಟ್ಟು ಜನಸಂಖ್ಯೆ 3.75 ಕೋಟಿ. ಕರ್ನಾಟಕೊದ ಕೆಲವು ಕಡೆಟ್ಟ್‌ಲಾ ಮಲಯಾಳ ಬಾಸೆ ಗಳಸುವೆರ್. ದಕ್ಷಿಣಕನ್ನಡ ಜಿಲ್ಲೆದ ಕುಡ್ಲಡ್, ಉಳ್ಳಾಲ, ಬಂಟ್ವಾಳ, ಪುತ್ತೂರು, ಸುಳ್ಯ ತಾಲೋಕುಲೆಡ್ ಮಲ್ಯಾಳೊ ಪಾತೆರುನಕ್ಲು ಎಚ್ಚ ಉಲ್ಲೆರ್. ಅಂಚನೆ ದಕ್ಷಿಣಕನ್ನಡ ಜಿಲ್ಲೆ ಬುಕ್ಕೊ ಒಡಿಪು ಜಿಲ್ಲೆಡ್ ಬ್ಯಾರಿ ಬಾಸೆ ಎಚ್ಚ ಗಳಸುವೆರ್.

ಭಾರತೊದ ಸಂವಿದಾನೊದ ಎಣ್ಮನೇ ಪರಿಚ್ಛೇದೊಗು ಸೇರ್‌ದ್ ಉಪ್ಪುನ ಬಾಸೆ ಮಲ್ಯಾಳೊ. ಮಲೆಯಾಳೊನು ಕೈರಳಿ ಪಂದ್‌ಲಾ ಲೆಪ್ಪುವುವೆರ್. ಮಲೆಯಾಳ ಬಾಸೆದ ವ್ಯುತ್ಪತ್ತಿ ಬುಕ್ಕೊ ಪ್ರಾಚೀನತೆಗ್ ಸಮ್ಮಂದೊ ಆಯಿನ ವಿವರೊಲು ಇನಿಕ್ಕ್‌ಲಾ ಸ್ಪಸ್ಟೊ ಅತ್‌ಜಿ. ಪರತ್ ತಮಿಳು ಮಲೆಯಾಳೊದ ಮೂಲರೂಪೊದಂಚ ಉಂಡುಂದು ಪನ್ಪೆರ್.ಯು.ಎ.ಇ ದೇಸೊಡು ಮಲೆಯಾಳ ಬಾಸೆನ್ ದಿಂಜ ಜನೊ ಗಳಸ್‌ಬೆರ್.

ಮಲ್ಯಾಳಿ ಅಕ್ಷರಮಾಲೆ

ವಿಬಾಗೊ ಮಲ್ಪಿಯರ ಆವಂದಿನ ದ್ವನಿನ್ ವರ್ಣಂದ್ ಪನ್ಪೆರ್. ಸ್ವರ ಪನ್ಪುನವು ಬಾಸೆದ ಉಚ್ಚಾರಣೆಡ್ ಎಲ್ಯ ಬಾಗೊ. (ಉದಾರ್ಮೆಗ್: ವಸ್ತ್ರ= ವ್+ಅ+ಸ್+ತ್+ರ್+ಅ). ಒರಿನ ದ್ವನಿಕ್ಲೆನ ಸಹಾಯೊ ಇಜ್ಜಂದೆ ಉಚ್ಚರಿಸಯೆರೆ ಸಾದ್ಯೊ ಉಪ್ಪುನಂಚಿನ ವರ್ಣೊನ್ ಸ್ವರೊ ಪಂದ್‌ಲಾ, ಸೊರೊತ ಸಹಾಯದೊಟ್ಟುಗು ಉಚ್ಚರಿಸಯೆರೆ ಸಾದ್ಯೊ ಆಪುನ ವರ್ಣೊನ್ ವ್ಯಂಜನ ಪಂದ್‌ಲಾ ಲೆಪ್ಪುವೆರ್. ಸ್ವರಕುಲೆನ ಸಹಾಯ ಇಜ್ಜ್ಯಂದೆ ಉಚ್ಚರಿಸವುನಂಚಿನ ಕೆಲವು ವ್ಯಂಜನಲು ಮಲೆಯಾಳ ಬಾಸೆಡ್ ಉಂಡು. ಅಂಚಿನೈನ್ ಚಿಲ್ಲಕ್ಷರಲು ಪಂದ್ ಲೆಪ್ಪುವೆರ್. ಚಿಲ್ಲಕ್ಷರಗ್ ಸಮಾನವಾಯಿನ ಅಕ್ಷರ ಕನ್ನಡಡ್‌ಲಾ ಉಂಡು. ಅಯಿನ್ ಬರೆಯೆರೆ ಹಳಗನ್ನಡೊಡು ಬಳಕೆಯಾಪುಂಡು ಮಾತ್ರ ಅತ್ತಂತೆ, ಬೆಂಗಳೂರುದ ಬೀದಿಲೆಡ್ ಇನಿಕ್ಕ್‌ಲಾ ಈ ಅಕ್ಷರೊನು ಉಪಯೋಗಿಸದ್ ಬರೆದಿಪ್ಪುನ ಉದಾರ್ಮೆನ್ ತೂಯೆರೆ ಅಪುಂಡು. ವರ್ಣೊಲೆನ್ ಅಕ್ಷರಲೆನ್‍ ಸೂಚಿಸವುನ ರೇಕೆಲೆನ್ ಲಿಪಿ ಪಂದ್ ಲೆಪ್ಪುವೆರ್.

ಮಲಯಾಳಿ ಬಾಸೆದ ಸ್ವರ ಅಕ್ಷರೊಲು

ಸ್ವರೊಕ್ಲು
ಹ್ರಸ್ವ	ಅ (അ)	ಇ (ഇ)	ಉ (ഉ)	ಋ (ഋ)	ಌ (ഌ)	ಎ (എ)		ಒ (ഒ)
ದೀರ್ಗೊ	ಆ (ആ	ಈ (ഈ)	ಊ (ഊ)	ೠ (ൠ)	ೡ (ൡ)	ಏ (ഏ)	ಐ (ഐ)	ಓ (ഓ)	ಔ (ഔ)

ಮಲಯಾಳಿ ಬಾಸೆದ ವ್ಯಂಜನ ಅಕ್ಷರೊಲು

ವ್ಯಂಜನೊಲು
ಕಂಠ್ಯ (ಕವರ್ಗ)	ಕ (ക)	ಖ (ഖ)	ಗ (ഗ)	ಘ (ഘ)	ಜ (ങ)
ತಾಲವ್ಯ (ಚವರ್ಗ)	ಚ (ച)	ಛ (ഛ)	ಜ (ജ)	ಝ (ഝ)	ಞ (ഞ)
ಮೂರ್ಧನ್ಯ (ಟವರ್ಗ)	ಟ (ട)	ಠ (ഠ)	ಡ (ഡ)	ಢ (ഢ)	ಣ (ണ)
ದಂತ್ಯ (ತವರ್ಗ)	ತ (ത)	ಥ (ഥ)	ದ (ദ)	ಧ (ധ)	ನ (ന)
ಓಷ್ಠ್ಯ (ಪವರ್ಗ)	ಪ (പ)	ಫ (ഫ)	ಬ (ബ)	ಭ (ഭ)	ಮ (മ)
ಮಧ್ಯಮ		ಯ (യ)	ರ (ര)	ಲ (ല)	ವ (വ)
ಊಷ್ಮ		ಶ (ശ)	ಷ (ഷ)	ಸ (സ)
ಘೋಷ	ಹ (ഹ)
ದ್ರಾವಿಡ ಮಧ್ಯಮ			ಳ (ള)	ೞ (ഴ)	ಱ (റ)

ജ ಸ್ವರೊತ ಸಹಾಯೊ ಇದ್ಯಾಂತೆ ಉಚ್ಚರಿಸವುನ ವ್ಯಂಜನೊಲೆನ್ ಚಿಲ್ಲಕ್ಷರೊಲುಂದು ಲೆಪ್ಪುವೆರ್. ಕನ್ನಡೊದ ನಕಾರೊಗು ಸಮಾವಾಯಿನ ಅಕ್ಷರೊ ಮಲೆಯಾಳೊದ ജ/ನ್ ಚಿಲ್ಲಕ್ಷರ..

ಚಿಲ್ಲುಗಳು
ಚಿಲ್ಲುಗಳು	ന്‍(ನ್)	ര്‍(ರ್)	ല്‍(ಲ್)	ള്‍(ಳ್)	ണ്‍(ಣ್)

ಮಲೆಯಾಳ ಅಂಕೆಲು

ಮಲೆಯಾಳ ಅಂಕೆಲು ಈ ಬಗೆಟ್ಟ್ ಉಂಡು.

೦ - ಸೊನ್ನೆ
൧ - ಒಂಜಿ
൨ - ರಡ್ಡ್
൩ - ಮೂಜಿ< br /> ൪ - ನಾಲ್
൫ - ಐನ್
൬ - ಆಜಿ
൭ - ಏಳ್
൮ - ಎನ್ಮೊ
൯ - ಒಂರ್ಬೊ
൧೦ - ಪತ್ತ್

ಬಾಸೆಲೆ ಪ್ರಬೇದೊಲು

ಕೇರಳ ವಿಶ್ವವಿದ್ಯಾನಿಲಯದ ಭಾಷಾವಿಜ್ಞಾನ ವಿಭಾಗ ನಡಪಾಯಿನ ಅಧ್ಯಯನೊಡು ಒಟ್ಟು ೧೨ ಪ್ರಾದೇಶಿಕ ಭೇದೊಲು ಮಲೆಯಾಳ ಬಾಸೆಡ್ ಉಂಡು ಪಂದ್ ತೆರಿದ್ ಬೈದ್ಂಡ್.
ದಕ್ಷಿಣ ಕೇರಳ (ತಿರುವಾಂಕೂರು), ಮಧ್ಯಕೇರಳ (ಕೋಟ್ಟಯಂ), ತ್ರಿಶೂರು, ಮಲಬಾರ್ ಪನ್ಪುನ ನಾಲ್ ಭಾಷಾಭೇದೊಲು ಪ್ರಮುಖವಾದ್ ಮಲೆಯಾಳಡ್ ಉಂಡು. ಈ ಭೇದೊಲು ಉಚ್ಚಾರಣೆಡ್ ಮಾತ್ರನೇ ನೆಲೆಗೊಂಡ್‌ನಂಚಿನವು. ಮುದ್ರಣದ ಬಾಸೆಡ್ ಕೋಟ್ಟಯಂ ಪ್ರಭೇದದ ಪ್ರಾಧಾನ್ಯ ಲಕ್ಕ್‌ದ್ ತೋಜಿದ್ ಬರ್ಪುಂಡು.

ಲಿಪಿ

ಪೂರ್ವೊಡು ವ್ಯಾಪಕವಾದ್ ಬಳಕೆಡ್ ಇತ್ತ್‌ನ ವಟ್ಟೆೞುತ್ತು ಲಿಪಿತ್ತ ಸ್ಥಾನೊಡುಲ್ಲಿ ಗ್ರಂಥಲಿಪಿನ್ ಸುರುತ ಸರ್ತಿಗ್ ಸ್ಥಾಪಿಸಯಿನಾರ್ ತುಂಜತ್ತು ರಾಮಾನುಜನ್ ಎೞುತ್ತಚ್ಛನ್.

• 
  ತುಂಜತ್ತು ರಾಮಾನುಜನ್ ಎೞುತ್ತಚ್ಛನ್

ಮಲೆಯಾಳ ಯುನಿಕೋಡ್

ಮಲೆಯಾಳ ಬಾಸೆದ ಯುನಿಕೋಡ್ U+0D00 ರ್ದ್ U+0D7F ಮುಟ್ಟ ತಿಕ್ಕುಂಡು.

• 
  ಮಲೆಯಾಳಡ್ ಉಪ್ಪುನ ಪ್ರಾಚೀನ ಬರವು
• 
  ಮಲೆಯಾಳ ಬಾಸೆಡ್ ಬರೆದಿಪ್ಪುನ ದಿಕ್ಸೂಚಿ

ಪಿದಯಿದ ಕೊಂಡಿಲು

• ಮಲೆಯಾಳ ಯುನಿಕೋಡ್ ಕೋಷ್ಟಕ
• ಮೊತ್ತಮೊದಲು ಮಲೆಯಾಳದಲ್ಲಿ ಅಚ್ಚಾದ ಪುಸ್ತಕಗಳು