ಕುಕ್ಕು
ಕುಕ್ಕು ಪಂಡ ಉಷ್ಣವಲಯದ ಮರ ಮ್ಯಾಂಗಿಫೆರಾ ಇಂಡಿಕಾಡ್ದ್ ಉತ್ಪತ್ತಿ ಆಪಿನ ಒಂಜಿ ತಿನ್ಪಿನ ಫಲ. ಉಂದು ವಾಯುವ್ಯ ಮ್ಯಾನ್ಮಾರ್, ಬಾಂಗ್ಲಾದೇಶ, ಬುಕ್ಕೊ ಈಶಾನ್ಯ ಭಾರತದ ನಡುತ ಪ್ರದೇಶೊಡ್ದ್ ಪುಟ್ಟುದು ಬತ್ತ್ಂಡ್.
ಕುಕ್ಕುದ ಬಗೆ
[ಸಂಪೊಲಿಪುಲೆ]- ತೋತಾಪುರಿ
- ಮಲ್ಲಿಕಾ
- ನೀಲಂ
- ಮಲಗೋಬಾ
- ರಸಪೂರಿ
- ಮುಂಡಪ್ಪ
- ಬೆನೆಟ್ ಅಲ್ಫನ್ಸೊ
- ರತ್ನಗಿರಿ
- ಬಾದಾಮ್
- ನೆಕ್ಕರೆ
- ಅಪ್ಪೆಮಿಡಿ
- ಸಕ್ಕರೆ ಕುಕ್ಕು
ಇತ್ಯಾದಿಲು ಉಂದು ತಿನರೆ ಬಾರೀ ರುಚಿ.
ಕುಕ್ಕುದ ಉಪಯೋಗೊ
[ಸಂಪೊಲಿಪುಲೆ]- ಕುಕ್ಕುಕಾಯಿ ಉಪ್ಪನಗ ಉಪ್ಪಡ್ ಪಾಡುವೆರ್, ಮುಡಿಕುಕ್ಕುದ ಉಪ್ಪಡ್ ಬಾರೀ ರುಚಿ.
- ಕುಕ್ಕುದ ಚಟ್ನಿ, ಗೊಜ್ಜು, ಚಿತ್ರಾನ್ಒನ, ಕಜಿಪು ಬಾರೀ ರುಚಿ.
- ಕುಕ್ಕು ಬೆಯ್ಪಾದ್ ನೀರ್ ಉಪ್ಪಡ್ ಮಲ್ಪುವೆರ್.
- ನೆತ್ತ ಪಾನಕ ಐಸ್ಕ್ರೀಂ ಬಾರೀ ಎಡ್ಡೆ ಆಪುಂಡು.[೧]
- ಪರ್ಂದ್ ಕುಕ್ಕುನು ಎಲ್ಯೆಲ್ಯ ತುಂಡು ಮಲ್ತ್ ದ್, ಪರ್ಂದ್, ಪರಂಗಿ ಪೆಲಕಾಯಿ, ಸೇಬು ಉಂದೆನ್ ಮಾತ್ ತುಂಡು ಮಲ್ತ್ ಐಸ್ ಕ್ರೀಮ್ ಪಾಡ್ದ್ ಪ್ರುಟ್ ಸಲಾದ್ ಮಲ್ಪುವೆರ್.
- ಎಲ್ಯೆಲ್ಯ ಪರ್ಂದ್ ಕುಕ್ಕುಲೆಡ್ ಬೆಲ್ಲ ಪಾಡ್ಸ್ ಕೊದ್ದೆಲ್ ಮಲ್ಪುವೆರ್.
- ಪರ್ಂದ್ ಕುಕ್ಕುದ ಚೂಲಿ ದೆತ್ತ್ದ್ ಅಯಿತ ರಸೊನು ಪುಂಟುದು ಆ ರಸೊನು ಪಜೆಟ್ ಮಯಿತ್ದ್ ಲುಂಗಾದ್ ದೀಪೆರ್.ಉಂದೆನ್ ಮಾಂಬಲ(ಮಾಂಫಲ)ಪನ್ಪೆರ್
ಕುಕ್ಕುದ ಇರೆ ಬುಕ್ಕೊ ಮರತ್ತ ಉಪಯೋಗೊ
[ಸಂಪೊಲಿಪುಲೆ]ಕುಕ್ಕುದ ಮರೊಕ್ಕುಲಾ ತುಳುನಾಡ್ಡ್ ಮಸ್ತ್ ಉಪಯೋಗದವು ಅದುಮಡು. ಮದಿಮೆ ಇಂಚಿತ್ತಿ ಎಡ್ಡೆ ಕಾರ್ಯದಪಗ ತೋರಣ ಕಟ್ಯೆರೆ ಕುಕ್ಕುದ ಇರೆ ಬಳಕೆ ಮಲ್ಪುವೆರ್. ಕುಕ್ಕುದ ಇರೆಟ್ಟ್ ಕೂಲಿ ದೆಕ್ಕುವೆರ್, ಇರೆತ್ತ ನಾರ್ಡ್ ನಾಲಾಯಿದ ಅಗ್ರಲಾ ದೆಪ್ಪುವೆರ್. ಕುಕ್ಕುದ ಮರತ್ತ ಗೆಲ್ಲ್ ದ ತುಂಡುನು ಆಂತ್ಯ ಸಂಸ್ಕಾರ ಆನಗ ಕಾಟೊಗು ದಕ್ಕುನ ಕ್ರಮಲಾ ಉಂಡು. ಕುಕ್ಕುದ ಮಲ್ಲ ಮರೊಕ್ಕುಲು ಪಲಯಿ ಮಲ್ಪರೆಗ್ಲಾ ಆಪುಂಡು.[೨]
ಗಾದೆ
[ಸಂಪೊಲಿಪುಲೆ]"ಭೂತೊಡ್ದು ಮಿತ್ತ್ ಭುತೊ ಪಂಜುರ್ಲಿ:ಕೈಪುಡ್ದು ಮಿತ್ತ್ ಕೈಪ್ಪು ಚಂಡುರ್ಲಿ" " ಪುಲ್ಚಟ್ಟ್ ಕುಕ್ಕುಗು ಕಮ್ಮೆನ ಹೆಚ್ಚ- ದಾಲಾ ದಾಂತಿ ಜೋಕುಲೆಗ್ ಅಮ್ಸಣಿ ಹೆಚ್ಚ
ಉಲ್ಲೇಕೊಲು
[ಸಂಪೊಲಿಪುಲೆ]- ↑ "Archive copy". Archived from the original on 2016-06-28. Retrieved 2016-06-30.
{{cite web}}: Unknown parameter|dead-url=ignored (help)CS1 maint: archived copy as title (link) - ↑ http://www.justkannada.in/ಮೈಸೂರಿನಲ್ಲಿ-ಮಾವು-ಮೇಳ-ಆರಂ/%5B%5D