ಮದಿಯಾ ಬಾಸೆ

ಮರಿಯಾ
ಮದಿಯಾ
ಬಳಕೆಡುಪ್ಪುನ ಪ್ರದೇಸೊಲು	ಭಾರೆತ
ಮೂಲ ಬಾಸಿಗೆರ್	365,000
ಬಾಸೆಲೆ ಕುಟುಮ್ಮೊ	ದ್ರಾವಿಡ ದಕ್ಷಿಣ-ಮಧ್ಯ ಗೊಂಡಿ-ಕುಯಿ ಗೊಂಡಿ ಬಾಸೆಲು ಮರಿಯಾ
ಬರವುದ ಕ್ರಮೊ	ದೇವನಾಗರಿ
ಬಾಸೆದ ಸಂಕೇತೊಲು
ISO 639-3	Either: mrr – ಗರ್ಚಿರೋಲಿ ಮಾರಿಯಾ daq – ದಂಡಮಿ ಮಾರಿಯಾ
Glottolog	mari1414  Maria dand1238  ದಂಡಮಿ ಮಾರಿಯಾ

ಮದಿಯಾ ಅತ್ತಂಡ ಮಾರಿಯಾ ಭಾರತೊಡು ಪಾತೆರುನ ದ್ರಾವಿಡ ಬಾಸೆ. ಇಂದೆನ್ನ್ ಗೊಂಡಿದ ಉಪಬಾಸೆಂದ್ ಗುರ್ತಿಸದೆರ್. ಆಂಡ ಗೊಂಡಿದ ಬೇತೆ ಪ್ರಬೇದೊಲೊಟ್ಟಿಗೆ ಒಂಜೆಗೊಂಜಿ ಅರ್ತ ಆಪುಜಿ ಅನುಮಾನೊ ಮಲ್ತೆರ್.

ಮದಿಯಾ (मदीय) ಪನ್ಪುನ ಪದೊಕು "ಎನ್ನವು" (ಪಂಡ ಎಂಕ್ ಸೇರ್‌ನವುಂದ್) ಅರ್ತೊ ಉಂಡು. ಕುಲರತ್ನೋದ್ಯೋತೊದ ಪ್ರಕಾರೊ, ಸುರುತ ಕುಬ್ಜಿಕಾ ತಂತ್ರೊಲೆಡ್ ಒಂಜಾದುಂಡು. ಅಯಿತ ಪ್ರಕಾರೊ, "[...] ಯಾನ್ ಆ ಎತ್ತರೊದ ಮಾರ್ಗ ಬುಕ್ಕೊ ಸರ್ವವ್ಯಾಪಿ ಸರ್ವೋಚ್ಚ ಜಾಗೆ. ಓ ಮಹಾನ್ ದೇವತೆ, ಆ ಆರಂಬೊ ಇದ್ಯಾಂದಿನ ಪ್ರಸರಣೊ(ಕ್ರಮ) ಅಯಿತ ಉಪಸ್ತಿತಿಡ್ ಪುಟ್ಟೊಂಡ್. ಅಯಿನ ಆದಿಸ್ವರೂಪೊದ ಆಸನೊ, ಆರಂಬೊ ಇದ್ಯಾಂದಿನ ಕ್ರಮಮಾಂಡಲೊಂದು ಲೆಪ್ಪುವೆರ್. ಈ ರಡ್ಡ್ ಕೈಲಾಸೊ ಬುಕ್ಕೊ ಮಲಯ. ಅಲ್ಪ, ಅಯಿನ್ ಪವಿತ್ರೊ ಜಾಗೆಂದ್ ಪನ್ಪೆರ್. ಎನ್ನ(ಮದಿಯಾ) ಸೇರೊನವು ಅಲ್ಪ ನಡಪುಂಡು(ಅಂಚನೆ) 'ಮಲಯ' ಪಂಡ್‍ದ್ ಲೆಪ್ಪುವೆರ್. ಬುಕ್ಕೊ, ಓ ದೇವಿಯೇ, (ಅಯಿತ) ಕೈಲಾಸೊನು (ಅಯಿನ್ ಅರ್ತೊ ಮಲ್ತ್‌ನಂಚನೆ) ವಿವರಿಸದೆರ್. ಓ ದೇವಿಯೇ, ಪ್ರಿಯನೇ, ಯಾನ್ ಆ (ತ್ಯಾಗೊದ) ಪಾತ್ರೆಡ್ ದೀಡ್‌ನ ನೆತ್ತೆರ್‌ಗ್ ಉಂದು (ಸಮ್ಮಂದೊಡು ಲೆಪ್ಪುವೆರ್). ಕೈಲಾಸೊ ಒಲ್ಪ ವಿಮೋಚನೆಯಾದ್ ಕೊರ್ತ್ಂಡೊ ಅಲ್ಪ ಪುಟ್ಟ್ಂಡು”.

ದ್ವನಿಸಾಸ್ತ್ರೊ

ಅಬುಜ್ ಮಾರಿಯಾ ದ್ವನಿಸಾಸ್ತ್ರೊ:

ವ್ಯಂಜನೊಲು

ವ್ಯಂಜನೊ

		ತುಟಿದ ಅಕ್ಷರೊ	ಕೂಲಿದ ಅಕ್ಷರೊ	ಮೂರ್ದನ್ಯೊ	ತಾಲವ್ಯೊ	ಕಂಟ್ಯೊ
ಸ್ಪೋಟ	ಅಗೋಷ	p	t	ʈ		k
	ಗೋಷ	b	d	ɖ		g
ಸ್ವರ್ಪ	ಅಗೋಷ				t͡ʃ
	ಗೋಷ				d͡ʒ
ಗರ್ಷ			s
ಅನುನಾಸಿಕ		m	n		ɲ
ಅಂದಾಜು		w	l	ɽ	j
ಕಂಪಿತ			r

ಹಿಲ್ ಮಾರಿಯಾಡ್ ಮೂಜಿ ಹೆಚ್ಚುವರಿ ವ್ಯಂಜನೊಲು ಉಲ್ಲೊ : ಒಂಜಿ ಕಂಟ್ಯೊ ಸ್ಟಾಪ್ /ʔ/, ಮೂರ್ದನ್ಯೊ ಅನುನಾಸಿಕೊ /ɳ/, ಬುಕ್ಕೊ ತಾಲವ್ಯೊ ಗರ್ಷೊ /ʁ/.

೨೦೧೯ಡ್, ಮಾಜಿ ಪ್ರಾದ್ಯಾಪಕೆರ್ ಮದಿಯಾ ಬಾಸೆಡ್ ಸುರುತ ಬೂಕುನು ಪ್ರಕಟಿಸಯೆರ್.