ಸೋಣದ ಜೋಗಿ

ಸೋಣದ ಜೋಗಿನ ನಲಿಕೆ ಪಣ್ಪುನವು ತುಳುನಾಡ್‌ದ ಒಂಜಿ ಜನಪದ ನಲಿಕೆ.

ನಲಿಕೆದ ಪೊರ್ತು

ಆಟಿ ತಿಂಗೊಲು ಕರಿನೆ ತುಳುವೆರೆಗ್ ಸೋಣ ತಿಂಗೊಲು. ಸಂಕ್ರಾಂದಿದ ಮನದಾನಿ ತುಲುವೆರೆಗ್ ತಿಂಗೊಲು ಪಗರುನ ಕ್ರಮ. ಅಂಚಾದ್ ಸಾದಾರಣವಾದ್ ಆಗಸ್ಟ್ ತಿಂಗೊಲುದ ೧೬ ತಾರೀಕ್‌‍ರ್ದ್ ಸೆಪ್ಟೆಂಬರ್ ೧೬ ತಾರೀಕ್ ಮುಟ್ಟ `ಸೋಣ' ತಿಂಗೊಲು ಉಪ್ಪುಂಡ್. ಉಂದ್ ತುಳುವೆರೆಗ್ ಪರ್ಬೊದ ಕಾಲ. ಕೊಸಿತ ಕಾಲ. ಈ ಸಮಯೊಡೆ `ಸೋಣದ ಜೋಗಿ' ತುಳುನಾಡ್‌ದ ಕೆಲವು ಜಾಗ್‌ಲೆಡ್ ನಲಿತೊಂದ್ ಇಲ್ಲ್ ಇಲ್ಲಡೆ ಬರ್ಪುಂಡ್. ಉಂದು ಪಗೆಲ್ ನಡಪುನ ನಲಿಕೆ.

ನಲಿಕೆ ನಲಿಪುನ ಜನಾಂಗ

ತುಳುನಾಡ್ದ 'ನಲಿಕೆ' ಜನಾಂಗದಕುಲು ಈ ನಲಿಕೆನ್ ನಡಪಾದ್ ಕೊರ್ಪೆರ್.

ವೇಸೊದ ಪೊರ್ಲು

ಈ ನಲಿಕೆಡ್ ರಡ್ಡ್ ಜನೊಕುಲು ಉಪ್ಪುವೆರ್. ಒರಿ ಮುಂಡು ತುತ್ತೊಂದ್ ಪುಗೆಲ್‍ಗ್ ಒಂಜಿ ಬೈರಾಸ್‍ನ್ ಪಾಡೊಂದುಪ್ಪುವೆ. ತರೆಟ್ ಪಾಲೆದ ಮುಟ್ಟಾಲೆ. ಈ ಮುಟ್ಟಾಳೆನ್ ಅಕುಲು ಕಿಲ್ಲಿ ಪಂಡ್‍ದ್ ಲೆಪ್ಪುವೆರ್, ಅವು ತೂಯೆರೆಲಾ ಕಿಲ್ಲಿದ ಲೆಕೊನೆ ಉಂಡು. ಕೈಟ್ ಡೋಲು. ಆಯೆ ಡೋಲು ಬೊಟ್ಟೊಂದ್ ಪಾಟ್(ಪದ) ಪನ್ಪೆ. ನನೊರಿ ಜೋಗಿನ ವೇಸೊ ಪಾಡುವೆ. ಸೊಂಟೊಗ್ ಸೀರೆದ ತುಂಡುನ್ ನೆರಿ ಪತ್ತ್‌ದ್ ಲಂಗದ ಲೆಕ್ಕೊ ಸುತ್ತೊಂದ್ ಐತ ಮಿತ್ತ್ ಒಂಜಿ ಬೊಳ್ದು ಕುಂಟುನ್ ಸುಂದುದು ಉಪ್ಪುವೆ. ಪುಗೆಲ್‍ಗ್ ಜನಿಯಾರ. ತರೆಕ್ ವಿಚಿತ್ರ ರೀತಿದ ತಾರೆದ ಒಲಿಡ್‌ದ್ ಮಲ್ತ್‌ನ ಟೊಪ್ಪಿ. ಕೈಟ್ ಗಂಟಾಮಣಿ ಬೊಕ್ಕ ತಂಟೆ ಈ ತಂಟೆನ್ ಒಂಜಿ ಉದ್ದದ ಕೋಲುಗ್ ರಡ್ಡ್ ಕೊಡಿಟ್ ಮಡಲ ಸಿರಿನ್ ಜೊಂಕೆದ ಲೆಕ್ಕ ಕಟ್ಟ್‌ದ್ ಮಲ್ತ್‌ದ್ ಉಪ್ಪುವೆರ್.

ನಲಿಕೆದ ಕ್ರಮೊ

ಇಲ್ಲ ಬಾಕಿಲ್‍ಗ್ ಬತ್ತಿನ ಜೋಗಿ ಸುರೂಟ್ ಇಲ್ಲದ ಯಜಮಾನೆ ಯಜಮಾನ್ತಿಗ್ ಕೈ ಮುಗಿಪೆರ್. ಜೋಗಿ ಬತ್ತೆ... ಪಂಡ್‍ದ್ ದೋಲು ಪತೊಂದಿನಾರ್ ದೋಲು ಬೊಟ್ಟುವೆರ್. ಡೋಲುದ ಬೊಟ್ಟುದ ಸದ್ದೊಗು ತಕ್ಕ ಜೋಗಿ ಕೈಟಿತ್ತಿನ ಕೋಲುನು ತಿರ್ ಗಾವೊಂದು ನಲಿಪೆರೆ ಸುರು ಮಲ್ಪುವೆ. ಇಂಚ ನಲಿಪುನ ಪೊರ್ತುಡು ಡೋಲು ಬೊಟ್ಟುನಾಯೆ ಇಂಚ ಕೇನುವೆ. ಈ ಸಂಬಾಸನೆ ಕನ್ಕಡಡ್ ಉಪ್ಪುಂಡು.

ಎಲ್ಲಿಂದ ಬಂದೆ ಜೋಗಿ?
ಜೋಗಿ: ಘಟ್ಟದ ಮೇಲಿಂದ ಬಂದೆ.
ಬೇಂತಾನ ಬೆದ್ರ, ಕಾಂತನ ಕಣಿಪುರ ತಿರುಗಿಕೊಂಡು ಕನ್ಯಾರ ಚೌತಿಗೆ ಬಂದೆಯ ಜೋಗಿ?
ಜೋಗಿ: ಹೌದು
ಹಾಗೆ ಬಂದ ನಿನಗೆ ತೆಂಗಿನ ಕಾಯಿ, ಅರಸಿನ, ಸೌತೆಕಾಯಿ, ಹುಳಿ, ಬತ್ತ ಕೊಡುತ್ತಾರೆ ಇನ್ನೊಂದು ಆಟ ಆಡು.
ಜೋಗಿ ಪಿರ ನಲಿಪೆರೆ ಸುರು ಮಲ್ಪುವೆ

ನಿಕ್‌ಲೆ ಇಲ್ಲಗ್ ಬರ್ಪಿನ ಕಷ್ಟೊನ್ ದೂರ ಮಲ್ಪುವೆ ಪನ್ಪೆ. ಇಲ್ಲದಕ್ಲು ಅರಿ, ಮುಂಚಿ, ತಾರಯಿ ಬಾರ್ ಕೊರ್ಪೆರ್.

ಉಲ್ಲೇಕೊ

ತೂ ಪಾ ಸಂ ತುಳುನಾಡ್ದ ಆರಾಧನಾ ಕಲೆಕುಲು
ಬೂತಾರಾದನೆ ಸಮ್ಮಂದೊದ ನಲಿಕೆಲು	ಜಾಲಾಟೊ ಬೈದ್ಯೆರ್ಲೆ ನೇಮೊ ಪಾಣಾರಾಟೊಡು ಬೂತೊಕೋಲೊ ಒತ್ತೆಕೋಲೊ
ನಾಗಾರಾದನೆ ಸಮ್ಮಂದೊದ ನಲಿಕೆಲುು	ನಾಗಮಂಡಲೊ ಕಾಡ್ಯನಾಟೊ ಡಕ್ಕೆ ಬಲಿ ನಾಗಕೋಲ ಮೂರ್ಲೆ ನಲಿಕೆ ಬೈಲಬಾಕುಡೆರೆ ಸರ್ಪಕೋಲೊ
ಶಕ್ತಿ ಆರಾದನೆಗ್ ಸಮ್ಮಂದೊದ ನಲಿಕೆಲು	ಗೋಂದೋಲು ನಲಿಕೆ ಮಾಂಕಾಳಿ ನಲಿಕೆ
ಯಕ್ಷಾರಾಧನೆ ನಲಿಕೆಲು	ಕುದುರೆ ಕೋಲೊ ಸಿರಿ ಆರಾಧನೆ ಸ್ವಾಮಿಕೋಲೊ
ಯಕ್ಷಗಾನೊ	ಯಕ್ಷಗಾನ ಯಕ್ಷಗಾನೊ ಬಯಲಾಟೊ ಸಿರಿ ವೇಸೊ ಯಕ್ಷಗಾನೊ ಬೊಂಬೆಯಾಟೊ ತಾಳಮದ್ದಲೆ ಹೂವಿನ ಕೋಲು ನಲಿಕೆ
ಮಾಂತ್ರಿಕ ನಲಿಕೆಲು	ಆಟಿ ಕಳೆಂಜೆ ನಲಿಕೆ ಸಾವು ಕೋಲೊ ಕಾಲೆಕೋಲೊ ರಾಹುಗುಳಿಗ ಕೋಲೊ ಮರ್ವೆ ನಲಿಕೆ ಕೊರಗ-ತನಿಯ ನಲಿಕೆ ಬೇಡನ್ ನಲಿಕೆ ಮರ್ದೆ ನಲಿಕೆ
ಪ್ರಾಣಿ ಸಮ್ಮಂದೊದ ನಲಿಕೆಲು	ಪಿಲಿಪಂಜಿ ನಲಿಕೆ ಬಸವ ನಲಿಕೆ ಪಿಲಿವೇಸೊ ನಲಿಕೆ ಪಿಲಿಕೋಲೊ ನಲಿಕೆ ಸಿಂಹೊ ನಲಿಕೆ ಕರಡಿ ನಲಿಕೆ ಎರುಕೋಲೊ ನಲಿಕೆ ಮಂಗನ ನಲಿಕೆ
ನಾಥಪಂಥ ಸಮ್ಮಂದೊದ ನಲಿಕೆಲು	ಸೋಣದ ಜೋಗಿ ನಲಿಕೆ ಜೋಗಿ ಪುರುಷ ನಲಿಕೆ ಕಾವೇರಿ ಪುರುಷೆ ನಲಿಕೆ ಮಾಯಿದ ಪುರುಷೆರ್ ನಲಿಕೆ ಸಿದ್ಧವೇಷ ನಲಿಕೆ ಪುರುಷೆರೆ ನಲಿಕೆ ಬಾಲೆಸಾಂತು ನಲಿಕೆ
ಕುಟುಂಬೊ ಸಮ್ಮಂದೊದ ನಲಿಕೆಲು	ಮಾದಿರ ನಲಿಕೆ ಚೆನ್ನು ನಲಿಕೆ ಸೋಣೊದ ಮದಿಮ್ಮಲ್ ನಲಿಕೆ ಕನ್ಯಾಪು ನಲಿಕೆ ಮದಿಮ್ಮಾಯೆ ಮದಿಮ್ಮಾಲ್ ಕೀಲು ಕುದುರೆ ನಲಿಕೆ ಕೋಲಾಟ ನಲಿಕೆ
ವಾದ್ಯೊ ಪ್ರದಾನೊ ನಲಿಕೆಲು	ಡೋಲು ನಲಿಕೆ ಚುಣ್ಣ ನಲಿಕೆ ತೆಂಬರೆ ನಲಿಕೆ ದುಡಿನಲಿಕೆ ಗುಮಟೆ ನಲಿಕೆ ದಫ್ ನಲಿಕೆ