ಪಾಲಿಯನ್ ಬಾಸೆ

ಪಾಲಿಯನ್
ಬಳಕೆಡುಪ್ಪುನ ಪ್ರದೇಸೊಲು	ಭಾರತ
ಪ್ರದೇಸೊ	ಕೇರಳ
ಮೂಲ ಬಾಸಿಗೆರ್	೯,೫೦೦
ಬಾಸೆಲೆ ಕುಟುಮ್ಮೊ	ದ್ರಾವಿಡ ದಕ್ಷಿಣ ದಕ್ಷಿಣ 1 ತಮಿಳು-ಕನ್ನಡ ತಮಿಳು–ಕೊತ ತಮಿಳು–ತೊದ ತಮಿಳು-ಇರುಳ ತಮಿಳು–ಕೊಡವ–ಉರಳಿ ತಮಿಳು–ಮಲಯಾಳಂ ತಮಿಳು ತಮಿಳು–ಪಾಲಿಯನ್ ಪಾಲಿಯನ್
ಬಾಸೆದ ಸಂಕೇತೊಲು
ISO 639-3	pcf

ಪಾಲಿಯನ್ ಕೇರಳoದ ದ್ರಾವಿಡ ಬಾಸೆ. ಅವು ತಮಿಳುಗು ಕೈತಲ್ದ ಸಮ್ಮಂದೊ ದೀಡೊಂದ್ಂಡ್. ಈ ಬಾಸೆನ್ ಪಾಲಿಯನ್ ಸಮುದಾಯೊದಕುಲು ಪಾತೆರ್‌ಬೆರ್. ,

ಪಾಲಿಯನ್ನೆರೆ ಇತಿಯಾಸೊ

ಪಾಲಿಯನ್ನೆರ್ ತಮಿಳುನಾಡ್‌ಡ್ದ್ ವಲಸೆ ಬತ್ತ್‌ನ ಆದಿವಾಸಿ ದ್ರಾವಿಡ ಜನೊ, ಪಶ್ಚಿಮ ಗಟ್ಟೊಲೆ ಬರ್ಸೊದ ಕಾಡ್, ವಿಸೇಸವಾದ್ ಕೇರಳೊಡು ವಾಸೊಡುಲ್ಲೆರ್. ಕೇರಳೊ ಇಡುಕ್ಕಿ ಜಿಲ್ಲೆದ ಪೀರುಮೇಡು ಬುಕ್ಕೊ ಉಡುಂಬಂಚೋಳ ತಾಲೂಕುಲೆಡ್ ವಾಸೊ ಮಲ್ಪುನ ಮುಕುಲು ಸುರುಟು ತಮಿಳುನಾಡ್‌ದ ಮಧುರೈ ಜಿಲ್ಲೆದ ಗುಡಲ್ಲೂರ್‌‍ಡ್ದ್ ಬತ್ತ್‌ದ್ ನೆಲೆಯಾತೆರ್. ಮುಕ್ಲು ವಲಸೆ ಬತ್ತ್‌ದ್ ಅರ್ದೊ ಸತಮಾನೊಡು ನೆಲೆಯಾಯಿನ ಪ್ರದೇಸೊನು ಕ್ರಿಸಿ ಪ್ರದೇಸೊ ಆದ್ ಬದಲ್ತೊಂದೆರ್. ಸಾಂಪ್ರದಾಯಿಕವಾದ್ ಅಗ್ಲ್ ಅಲೆಮಾರಿಲು, ಬೇಟೆಗಾರೆರ್, ಚೀಯೊದ ಬೇಟೆಗಾರೆರ್ ಬುಕ್ಕೊ ತೆನಸ್ ನಾಡುನಗ್ಲ್. 1960ನೆ ದಸಕೊದ ಸುರೂಟು ಪಾಲಿಯನ್ನೆರ್ ಬಂಡೆಕಲ್ಲ್‌ದ ಸಂದ್‌ಲೆಡ್ ಬುಕ್ಕೊ ಮಾಡಿಲೆಡ್ ವಾಸೊ ಮಲ್ತೊಂದಿತ್ತೆರ್. ಕಲಾ ಕರಿನಂಚ ಕಾಡ್‍ದ ಬೇರೊಗು ಸುರು ಮಲ್ತೆರ್.

ಜನಸಂಕ್ಯೆ

ಕೇರಳೊದ ಬೇತೆ ಬುಡಕಟ್ಟ್‌ಲೆಡ್ ಇಡುಕ್ಕಿ ಜಿಲ್ಲೆದ ಪಾಲಿಯನ್ ಬುಡಕಟ್ಟ್ ಸಮುದಾಯೊದ ಜನಸಂಕ್ಯೆ ದಿಂಜ ಕಡಮೆ. 1991ನೆ ಜನಗಣತಿದ ಪ್ರಕಾರೊ ಕೇರಳೊಡು ಅಗ್ಲೆನ ಜನಸಂಕ್ಯೆ 1442 ಆದಿತ್ತ್ಂಡ್. 1999ನೆ ಐಟಿಡಿಪಿ ವರದಿ ಪ್ರಕಾರೊ ಇಡುಕ್ಕಿ ಜಿಲ್ಲೆಡ್ 383 ಪಾಲಿಯನ್ ಕುಟುಮ್ಮೊಲುಲ್ಲೊ. 2001ನೆ ಜನಗಣತಿದ ಪ್ರಕಾರೊ, ಇಡುಕ್ಕಿಡ್ ಪಾಲಿಯನ್‌ಡ್ ಒಟ್ಟು ಜನಸಂಕ್ಯೆ 1709 ಪಂಡ 0.47 % ರಾಜ್ಯೊದ ಪರಿಸಿಸ್ಟೊ ಜನಸಂಕ್ಯೆಗ್ ಸಮೊ. 2011ನೆ ಜನಗಣತಿ ಮೆಗ್ಲೆನ ಒಟ್ಟು ಜನಸಂಕ್ಯೆ 1464 ಪಂಡ್‍ದ್ ಅಂದಾಜಿ ಮಲ್ತೆರ್, ಪಂಡ ಉಂದು ಒಟ್ಟು ಪರಿಸಿಸ್ಟೊ ಪಂಗಡೊಲೆಡ್ 0.43% ದಾತ್ ಉಂಡು.