ಎರವಲ್ಲನ್ ಬಾಸೆ

ಎರವಲ್ಲನ್
எரவல்லன்
ಬಳಕೆಡುಪ್ಪುನ ಪ್ರದೇಸೊಲು	ಭಾರತ
ಪ್ರದೇಸೊ	ಕೇರಳ, ತಮಿಳು ನಾಡು
ಮೂಲ ಬಾಸಿಗೆರ್	5,000
ಬಾಸೆಲೆ ಕುಟುಮ್ಮೊ	ದ್ರಾವಿಡ ದಕ್ಷಿಣ ತಮಿಳ್-ಕನ್ನಡ ತಮಿಳ್-ಕೊಡಗು ತಮಿಳ್-ಮಲಯಾಳಂ ತಮಿಳು ಬಾಸೆ Malasa-Eravallan ಎರವಲ್ಲನ್
ಬಾಸೆದ ಸಂಕೇತೊಲು
ISO 639-3	era

ಎರವಲ್ಲನ್ ಪನ್ಪುನವು ತಮಿಳುಗು ಸಮ್ಮಂದೊ ಆಪುನ ಬುಡಕಟ್ಟ್ ದ್ರಾವಿಡ ಬಾಸೆ. ಇಂದೆನ್ ಕೇರಳ ಬುಕ್ಕೊ ತಮಿಳುನಾಡ್‌ದ ಎರವಲ್ಲನ್ ಜನೊ ಪಾತೆರ್‌ಬೆರ್.

ಸುರುಕು ಎರವಲ್ಲನ್‌ಲೆನ್ ‘ವಿಲ್ಲು ವೇದನ್’ ಪಂಡ್‌ದ್ ಲೆತ್ತೊಂದಿತ್ತೆರ್. ಪಂಡ ಬಿಲ್ಲ್ ಬುಕ್ಕೊ ಬಾಣೊಲೆನ್ ಗಳಸುನ ಬೋಂಟೆಗಾರೆರ್. ಆರಂಬಿಕೊ ದ್ರಾವಿಡ ಬಾಸೆಡ್ 'ಎರವನ್' ಕ್ರಿಸಿ ಜೀತ ಬೇಲೆಕದಕ್ಲೆಗ್ ಸಮ್ಮಂದಿಸಯಿನ. ಅಕುಲು ತಮಿಳ್‌ದ ಕಚ್ಚಾ ಉಪಬಾಸೆನ್ ಪಾತೆರ್‌ಬೆರ್. ಅಂಚನೆ ಬೇತೆಕ್ಲೆನೊಟ್ಟ್‌ಗೆ ಮಲ್ಯಾಳಿ ಪಾತೆರುವೆರ್.

ಎರವಲ್ಲನ್‌ನಗುಲು ನೆರೆಕರೆತ ಬೂಮಿ ಇದ್ಯಾಂತಿನ ಕ್ರಿಸಿ ಬೇಲೆದಕುಲು. ಬೇತೆಬೇತೆ ಬುಲೆನ್ ಬುಲೆಯರ ಮಜಲ್ ಬೂಮಿನ್ ಅಡತ್ತ್‌ದ್ ಹದ ಮಲ್ಪುನೆಡ್ ಉಸಾರ್.

ಹಿನ್ನೆಲೆ

ಎರವಲ್ಲನ್ ಜನೊ ಭಾರತೊದ ತೆನ್ಕಾಯಿದ ಕೊಡಿ ಬಾಗೊಡು ವಾಸೊ ಮಲ್ತೊಂದುಲ್ಲೆರ್. ಅಕ್ಲೆಡ್ ಎಚ್ಚದಕುಲು ಪಶ್ಚಿಮ ಗಟ್ಟೊಲೆ ದೂರೊದ ಪ್ರದೇಸೊಲೆಡ್ ವಾಸ ಮಲ್ತೊಂದುಲ್ಲೆರ್.

ಉಪ ವಿಬಾಗೊ

ಎರವಲ್ಲನ್ ಬುಡಕಟ್ಟ್‌ಲು ದ್ರಾವಿಡ ಬಾಸೆಲೆ ಕುಟುಮ್ಮೊಗು ಸೇರ್‌ನ ಇರುಳ ಬಾಸೆಡ್ ಪಾತೆರ್‌ಬೆರ್. ಕೆಲವು ಭಾಷಾಶಾಸ್ತ್ರಜ್ಞೆರ್ ಈ ಬಾಸೆನ್ ಎರವಲ್ಲನ್, ಎರುಕಳ, ಇರವ, ಇರುಳನ್, ಇರುಲರ್, ಇರುಲರ್ ಮೋಜಿ, ಇರುಳವನ್, ಇರುಳಿಗ, ಇರುಳಿಗರ್, ಕಾಡ್ ಚೆನ್ಸು, ಕೊರವ ಪಂಡ್‌ದ್ ಲೆಪ್ಪುವೆರ್. ಇರುಳ ಪಲ್ಲರ್ (ಉರಳಿ ಇರುಳ), ಮೆಲೆ ನಾಡು ಇರುಳ (ದಕ್ಷಿಣ ಇರುಳ), ಉತ್ತರ ಇರುಳ (ಕಸಬ, ಕಸವ, ಕಸುಬ), ವೆಟ್ಟೆ ಕದ ಇರುಳ ಇಂಚಿತ್ತಿ ಬೇತೆಬೇತೆ ಉಪಬಾಸೆಲು ಈ ಎರವಲ್ಲನ್ ಬುಡಕಟ್ಟ್‌ಲೆಡ್ ದಿಂಜ ಬಳಕೆಡುಂಡು.