ತೆಲ್ಲಾವು
 ತೆಲ್ಲಾವು | |
| ಬೇತೆ ಪುದರ್ | ನೀರ್ ದೋಸೆ |
|---|---|
| ಬಗೆ | ಅಡ್ಯೆ |
| ಮೂಲದ ಜಾಗೆ | ಭಾರತ |
| ಪ್ರದೇಸೊ | ಕುಡ್ಲ , ಉಡುಪಿ |
ತೆಲ್ಲಾವು ನೆಕ್ಕ್ ನೀರ್ ದೋಸೆ ಪಂಡ್ದ್ಲ ಲಾ ಪನ್ಪೆರ್ ಉಂದು ತುಳುನಾಡ್‍ದ ಮಾಂತ ಇಲ್ಲಲ್ಲಾ ಕಾಂಡೆ ಚಾತ್ತ ಪೊರ್ತುಗ್ ಮಲ್ಪಿನ ಅಡ್ಯೆ. ಕುಡ್ಲ ಉಡುಪಿ, ಕಾಸರಗೋಡು ಬಾಗೊಡ್ ಈ ತಿಂಡಿನ್ ಮಸ್ತ್ ಮನ್ಪೆರ್. ಉಂದು ಕಾವಲಿಡ್ ಮೈತ್ ಮನ್ಪುನಾ ಒಂಜಿ ಬಗೆತಾ ತಿಂಡಿ. ಕಾರ್ಬೋಹೈಡ್ರೇಟ್ ಬುಕ್ಕ ಪ್ರೋಟೀನ್ ಉಪ್ಪುನ ತೆನಸ್.
ಪುದರ್ದ ಹಿನ್ನೆಲೆ
[ಸಂಪೊಲಿಪುಲೆ]'ತೆಲ್ಲಾವು' ನೀರ್‌ದೋಸೆತ ಪುದರ್ ತೆಲುಪು ಇಪ್ಪಿನೆತ್ತವರ ತೆಲ್ಲಾವುಂದ್ ಬತ್ತಿಪ್ಪು. ನೀರ್ ದೋಸೆ - ನೀರ್ ಟ್ ಪಾಡಿ ಅರಿನ್ ಕಡೆತ್ ಅಪಗನೆ ಕಾವಲಿಡ್ ಮೈಪುನಾ. [೧]
ನೀರ್ ದೋಸೆ ಮಲ್ಪರೆ ಬೋಡಾಯ್ನ ಸಾಮಾನುಲು
[ಸಂಪೊಲಿಪುಲೆ]- ಬೊಲಂತೆ ಅರಿ (ನೆನೆತ್ ದೀವೊಡು)
ದೋಸೆಗ್ ಚಟ್ನಿ ಮಲ್ಪರೆ ಬೋಡಾಯ್ನ ಸಾಮಾನುಲು
[ಸಂಪೊಲಿಪುಲೆ]- ತಾರಾಯಿ
- ಕಾಯ್ಮುಂಚಿ - ೨
- ದಾಸೆಮಿ, ಬೆಳ್ಳುಳ್ಳಿ - ಒಗ್ಗರಣೆಗ್
ತಯಾರ್ ಮಲ್ಪುನ ರೀತಿ
[ಸಂಪೊಲಿಪುಲೆ]ನಾಲ್ - ಐನ್ ಗಂಟೆ ದುಂಬು ಅರಿನ್ ನೀರ್ ಟ್ ಪಡುತ್ ಅವ್ವು ಬೊದುಲುನೇಟ್ ಬುಕ್ಕ ಕಡೆತ್ ರುಚಿಕ್ಕ್ ಬೋಡಾಯಿನಾತ್ ಉಪ್ಪು ಪಡೊಡು. ನೀರ್ ದೋಸೆತಾ ವಿಸೇಸ ಪಂಡಾ ಅಪಗ ಕಡೆತ್ ಅಪ್ಪಗನೇ ಮೈಪುನಾ. ಕಾವಲಿನ್ ದಿಕ್ಕೆಲ್ಡ್ ಚೆಚ್ಚ ಆಯಾರಾ ದೀತ್, ಆಯಿನಾ ಮಿತ್ತ್ ನೇಯೋ, ಎಣ್ಣೋನೋ ಪಾಡುತ್, ಕೈಲ್ ಡ್ ಬಂದ ದೆತೊಂತ್ , ಕಾವಲಿ ದಿಂಜಾ ಚೆಲ್ಲುನಾ ಲೇಕೋ ಮೈಪೊಡು. ಒಂಜಿ ಎಲ್ಯ ಸೆಕೆ ಅನಾಗ ಮುಚ್ಚಿನ ಮುಚ್ಚಲ್ ದೆತುದ್, ಸಟ್ಟುಗೋಡು ಲಕ್ಕಾವೋಡು. [೨]
ಚಟ್ನಿ ಮಲ್ಪುನ ವಿದಾನೊ
[ಸಂಪೊಲಿಪುಲೆ]ಚಟ್ಟನಿ ಮಲ್ಪರೆ ಕಾರಗ್ ಬೊಡಾಯ್ನಾತ್ ರಡ್ಡ್ ಕಾಯ್ಮುಂಚಿ ಗೆತೊಮದ್ ಅವೆಕ್ಕ್ ಒಂಜಿ ಕಪ್ ತಾರಾಯಿ, ನಾಲ್ ಪಜ್ಜಿ ದಾಸೆಮಿ, ಬೆಳ್ಳುಳ್ಳಿ, ರುಚಿಗ್ ಉಪ್ಪು ಪಾರ್ದ್ ಸನ್ನ ಕಡೆವೊಡು. ಬೋಡಂಡ ಚಟ್ನಿಗ್ ಒಗ್ಗರಣೆ ಕೊರೊಲಿ.
ಒಟ್ಟುಗೆ ತಿನ್ಪಿ ಕಜಿಪು
[ಸಂಪೊಲಿಪುಲೆ]ಇಂದೆನ್ ಕೋರಿದ ಕಜಿಪುಡ್ ಇಜಿಂಡ ಚಟ್ನಿಡ್ ತಿಂದಡ ಎಡ್ಡೆ ರುಚಿ ತಿಕುಂಡ್. ಈ ದೋಸೆಗ್ ನಮ ಮಸ್ತ್ ಎಣ್ಣೆನ್ ಉಪಯೋಗ ಮನ್ಪುಜ.
ತೆಲ್ಲಾವುದ ಇಸೇಸತೆ
[ಸಂಪೊಲಿಪುಲೆ]ನೀರ್ ದೋಸೆದ ಇಸೇಸತೆ ಈನ ಪಂಡ ಉಂದೆನ್ ಕಾಂಡೆ ಚಾತ್ತ ಪೊರ್ತುಗು ಮಾತ್ರ ಅತ್ತಂದೆ ಮದ್ಯಾಹ್ನ ಬುಕ್ಕ ರಾತ್ರೆ ಒಣಸ್‍ದ ಪೊರ್ತುಗ್ಲಾ ತಿನೊಲಿ. ತುವರೆ ಪೋಂಡ ದಿನಟ್ಟ್ ಏಪ ಬೋಡಂಡಲಾ ತಿನೊಲಿ. ದಾಯೆ ಪಂಡ ಉಮದು ಸುಲಬವಾದ್ ಮಲ್ಪಿನ ತಿಂಡಿ.[೩]
ನೀರ್ ದೋಸೆದ ಬಗೆಟ್ ಗಾದೆಲು
[ಸಂಪೊಲಿಪುಲೆ]- ಬೊಲ್ದು ಅಜ್ಜೆರ್ನ್ ಮೈ ಪೂರಾ ಒಟ್ಟೆ ಒಟ್ಟೆ.
- ದಪ್ಪ ಆಂಡ ದೋಸೆ - ನೀರ್ ಅಂಡ ತೆಲ್ಲಾವು
ಉಲ್ಲೇಕೊಲು
[ಸಂಪೊಲಿಪುಲೆ]- ↑ Amit, Dassana (16 October 2021). "Neer Dosa | Neer Dose (Soft Rice Crepes)". Dassana's Veg Recipes. Retrieved 11 July 2024.
- ↑ "soulfulandhealthy". soulfulandhealthy (in ಇಂಗ್ಲಿಷ್). 25 August 2020. Retrieved 11 July 2024.
- ↑ "Neer Dosa Recipe". Swasthi's Recipes. 2 June 2022. Retrieved 11 July 2024.