ತೆಕ್ಕರೆದ ಅಡ್ಯೆ

ಉಂದು ತೆಕ್ಕರ ಪಾಡ್ದ್ ಮಲ್ಪುನ ಅಡ್ಯೆ. ಅರಿನ್ ಕಡೆದ್ ಅಯಿಕ್ ಬೇತೆಬೇತೆ ರೂಪೊ ಕೊರ್ದು ಬೈಪಾದ್ ತಿನೊಲಿ. ಅರಿನ್ ಕಡೆದಾಯಿ ಬೊಕ್ಕ ಅವೆನ್ ಬಂದ ಪನ್ಪೆರ್ ನೀರ್ ಬಂದೊನು ಕಾವೆಲಿಡ್ ಉರುಟುಗು ಮಯಿತ್‌ದ್ ಬೈಪಾಂಡ ದೋಸೆ ಆಪುಂಡು. ಗಟ್ಟಿ ಬಂದೊನು ಉಂಡೆ ಮಲ್ತ್‌ದ್ ತಂದೊರುಡು ದೀದ್ ಬೈಪಾಂಡ ಪುಂಡಿ ಆಪೊಂಡು. ಅರಿ ಕಡೆಯಿನೆದೊಟ್ಟುಗು ತೆಕ್ಕರೆನ್ ಸೇರಾದ್ ಅಡ್ಯೆ ಮಲ್ತ್ಂಡ ಅವೆನ್ ತೆಕ್ಕರೆದ ಅಡ್ಯೆ ಪನ್ಪೆರ್.

ಬೋಡಾಪುನ ವಸ್ತುಲು

ತೆಕ್ಕರೆ
ಬೊಳಂತೆ ಅರಿ
ಉಪ್ಪು ರುಚಿಕ್
ಬೆಲ್ಲ
ತಾರಾಯಿ

ಮಲ್ಪುನ ವಿಧಾನೊ

ಬೊಳಂತೆರಿನ್ ನೀರ್‌ಡ್ ಬೊದೆಲೆರ್ ಪಾಡೊಡು ೫,೬ ಗಂಟೆ ಬೊದ್‌ಲ್ಂಡ ಎಡ್ಡೆ. ಅವೆಡ್ದ್ ಬೊಕ್ಕ ಅರಿನ್ ದೆಕ್ಕ್‌ದ್ ಅಯಿಕ್ ತಾರಾಯಿ ಪಿರೆದ್ ಪಾಡ್ದ್ ಉಪ್ಪು ಬೊಕ್ಕ ಬೆಲ್ಲ ಸೇರಾದ್ ಕಡೆವೊಡು. ಕಡೆದಾಯಿ ಬೊಕ್ಕ ಆ ಬಂದೊಗು ತೆಕ್ಕರೆನ್ ಸಣ್ಣ ಕೊಚ್ಚಿದ್ ಪಾಡೊಡು. ತೆಕ್ಕರೆನ್ ಅರಿ ಕಡೆಗನ ಪಾಡೆರೆಲಾ ಆಪುಂಡು. ಕಡೆದಿನ ಬಂದೊನು ಬಾರೆದ ಇರೆಟ್ಟ್ ಪಾಡ್ದ್ ಮಡಿತ್‌ದ್ ತೊಂದೊರುಡು(ಅಡ್ಯೆತ ಕರ) ದೀದ್ ಬೈಪಾವೊಡು.

ಉಲ್ಲೇಕೊಲು

ತೂ ಪಾ ಸಂ ತುಳುವೆರೆ ತೆನಸ್
ಅಡ್ಯೆ	ತೆಲ್ಲಾವು ಪುಂಡಿ ಮೂಡೆ ಅಪ್ಪೊತಡ್ಯೆ ಮಂಜೊಲ್ತಿರೆತಡ್ಯೆ ಪೆಲಕಾಯಿದ ದೋಸೆ ಪೆಲಕಾಯಿದ ಗಟ್ಟಿ ತೆಕ್ಕರೆದ ಅಡ್ಯೆ ತುರೆತ ಅಡ್ಯೆ ಪಜೆ ಮಡಿಕೆ ಮರುವಾಯಿ ಪುಂಡಿ ಕೋರಿ ರೊಟ್ಟಿ ಸೇಮೆದಡ್ಯೆ ಸಾರ್ನೆದಡ್ಡೆ ಕೇನೆದ ಪುಂಡಿ
ತೆನಸ್ಸ್	ಗೋಳಿಬಜೆ ಉಂಡ್ಲುಂಗ ಚಟ್ಟಂಬಡೆ ಸಜ್ಜಿಗೆ ಮೆತ್ತೆದ ಗಂಜಿ ಸಜ್ಜಿಗೆ ಬಜಿಲ್ ಕೆರೆಂಗ್‍ದ ಪೋಡಿ ಸೇಮೆದ ಉಪ್ಪಿಟ್ಟ್ ಬಟಾಟೆ ಅಂಬಡೆ ಸೀರ ಕೆರೆಂಗ್‍ದ ಉಪ್ಪುಕರಿ ಬನ್ಸ್ ಕಡ್ಲೆ ಬಜಿಲ್
ಮರಿಯಾಲೊತ ತೆನಸ್ಸ್	ಪತ್ರೊಡೆ ಚೇವು ಕೇನೆ ಸಾಂತನಿ ಪೆಲಕಾಯಿದ ಹಪ್ಪಳ ಕೆರೆಂಗ್‌ದ ಹಪ್ಪಳ ಮರ ಕೆರೆಂಗ್‌ದ ಹಪ್ಪಳ ಉಪ್ಪಡ್ ಪಚ್ಚಿಲ್ ಕಣಿಲೆ
ಕಜಿಪು	ಮನೊಳಿ ಲತ್ತನೆ ಉಪ್ಪುಕರಿ ಗುಜ್ಜೆ ತಿಮರೆದ ಚಟ್ನಿ ಕುಕ್ಕುದ ಚಟ್ನಿ ಪದ್ಪೆತಪ್ಪು ಉಪ್ಪುಕರಿ ಬದನೆ ನುರ್ಗೆ ಕೊದ್ಯೆಲ್ ಜೀಗುಜ್ಜೆ ಅಜದಿನ ಬಂಗುಡೆ ಪುಳಿಮುಂಚಿ ಕೋರಿ ಪುಳಿಮುಂಚಿ ಕೋರಿ ಸುಕ್ಕ ಬೂತಾಯಿ ಪುಳಿಮುಂಚಿ
ಪಾಯ್ಸ	ಕಡ್ಲೆಸಲಾಯಿ ಸಾಬಕಿದ ಪಾಯ್ಸ