ಪುಂಡಿ

ಪುಂಡಿ
	ಅರಿತ ಪುಂಡಿ ಇರೆಟ್ ದಿತ್‌‍ನ
ಬಗೆ	Rice dumpling
ಪುಟ್ಟಿನ ದೇಸೊ	ಭಾರತ
ಜಾಗ್ ಅತ್ತ್ಂಡ ರಾಜ್ಯೊ	ದಕ್ಷಿಣ ಕನ್ನಡ, ಕರ್ನಾಟಕ
ಬೋಡಾಯಿ ವಸ್ತುಲು	ಅರಿ
	Cookbook: ಪುಂಡಿ; Media: ಪುಂಡಿ;

ಪುಂಡಿ (ಪುಂಡಿದ ಗಟ್ಟಿ) ಅರಿಟ್ ಮನ್ಪುನ ಒಂಜಿ ಬಗೆತ್ತ ತೆನಸ್, ಉಂದು ಉಂಡೆದ ರೂಪೊಡು ಇಪ್ಪುಂಡು^[೧]. ಪುಂಡಿ ಪಂಡ ಅಲತೆಲಾ ಅಂದ್.

ಗಳಸುನ

ನೆನ್ ಬೊಳಂತ್ಯೆ ಅರಿ, ಅತ್ಂಡ ಉರ್ಪೆಲ್‌ದ ಅರಿಟ್‌ಲ ಮಲ್ಪುವೆರ್. ಅವ್ ಅತ್ತಂದೆ ಪುಂಡಿ ದ್ ಐಟ್ ಬೇತೆ ಬೇತೆ ನಮೂನೆದ ತಿಂದಿಲೆನ್ ಮಲ್ಪುವೆರ್.

ಮಲ್ಪುನ ಬಗೆ

ಅರಿನ್ ೫-೬ ಗಂಟೆ ಪೊರ್ತು ನೀರ್‌ಡ್ ಬೊದುಲರ ಪಾಡೊಡು. ಬೊದುಲಿನ ಅರಿಕ್, ರುಚಿಗ್ ಬೋಡಾಯಿನಾತ್ ಉಪ್ಪು ಪಾಡ್ದ್ ಕಡೆವೊಡು. ಕಡೆಯಿನ ಬಂದೊನು ಬುಕ್ಕೊ ಮಾಜಾದ್ ಉಂಡೆ ಮಲ್ತ್‌ದ್, ತೊಂದುರುಡ್ ಬೇಯಿಪಾವರ ದೀವೊಡು. ನನಲಾತ್ ರುಚಿ ಬೋಡಾಂಡ ತಾರಾಯಿ, ಜೀರಿಗೆ, ವಂತೆ ಮುಂಚಿ ಪಾಡುಂಡ ಎಡ್ಡೆ ಆಪುಂಡು. ನೆಕ್ಕ್ ಮಾಸದ ಕಜಿಪು, ತರಕಾರಿ ಕಜಿಪು, ಚಟ್ನಿ, ಸಕ್ಕರೆ ಕೊಜಪ್ಪು ಲಾಯಿಕ್ ಆಪುಂಡು^[೨].

ಪುಂಡಿದ ಬಗೆಕುಲು

ಮರುವಾಯಿ ಪುಂಡಿ

ಬೋಡಾಯಿನ ಸಾಮಾನುಲು

ಅರಿ
ಮರುವಾಯಿ
ಮುಂಚಿ
ತಾರಯಿ
ಜೀರಿಗೆ
ದಾಸೆಮಿ
ನೀರುಳ್ಳಿ
ಉಪ್ಪು

ಮಲ್ಪನ ವಿದಾನ

ಸುರುಕ್ಕು ಅರಿ ನ್ ಕಡೆದ್ ಪುಂಡಿ ಮಲ್ತೊನೊಡು ಬುಕ್ಕೊ ಅವೆನ್ ತೊಂದುರುಡು ಬೈಪಾವೊಡು. ಬುಕ್ಕೊ ಮರುವಾಯಿನ್ ನೀರ್‌ಡ್ ಬೈಪಾವೊಡು ಮುಂಚಿ, ತಾರಯಿ, ದಾಸೆಮಿ, ಜೀರಿಗೆ ಪೂರ ಪಾಡ್ದ್ ಕಡೆವೊಡು. ಬುಕ್ಕೊ ಅವೆನ್ ಮರುವಾಯಿಗ್ ಪಾಡೊಡು. ಅವು ಕೊದ್ದಿನಗ ಅಯ್ಕ್ ಪುಂಡಿ ನ್ ಪಾಡೊಡು. ಅಡೆಗ್ ಮರುವಾಯಿ ಪುಂಡಿ ತಯಾರ್.

ನೀರ್ ಪುಂಡಿ

ಬೋಡಾಯಿನ ಸಾಮಾನುಲು

ಮಲ್ಪುನ ವಿಧಾನ

ಅರಿ, ಉಪ್ಪು, ತಾರಾಯಿ ಉಂದೆನ್ ಕಡೆಪಿ ಕಲ್ಲ್ ಗ್ ಪಾಡ್ದ್ ಕಡೆವೊಡು. ಬಂದ ಗಟ್ಟಿ ಆದ್ ಇಪ್ಪೊಡು. ಬುಕ್ಕೊ ಅವೆನ್ ಎಲ್ಯ ಎಲ್ಯ ಪುಂಡಿ ಮಲ್ಪೊಡು. ಬುಕ್ಕೊ ದಿಕ್ಕೆಲ್ಡ್ ನೀರ್ ದೀವೊಡು. ಅವ್ವು ಕೊದ್ದಿದ್ದ್ ಆಯಿ ಬುಕ್ಕೊ ಪುಂಡಿನ್ ಕೊದಿಯುನ ನೀರ್‌ಗ್ ಪಾಡೊಡು. ಅಡೆಗ್ ನೀರ್ ಪುಂಡಿ ತಯಾರ್ ಆಪುಂಡು.

ಅರೆಪುದ ಪುಂಡಿ

ಬೋಡಾಯಿನ ಸಾಮಾನುಲು

ಅರಿ
ಉಪ್ಪು
ಮುಂಚಿ
ತಾರಾಯಿ
ನೀರುಳ್ಳಿ
ಜೀರಿಗೆ
ದಾಸೆಮಿ

ಮಲ್ಪುನ ವಿಧಾನ

ಸುರುಕ್ಕು ಅರಿನ್ ಕಡೆಪಿ ಕಲ್ಲ್ಡ್ ಪಾಡ್‌ದ್ ಕಡೆವೊಡು. ಬುಕ್ಕೊ ಬಂದೊನು ಎಲ್ಯ ಎಲ್ಯ ಪುಂಡಿ ಮಲ್ತ್ದ್ ತೊಂದರ್ ಕರಟ್ಟ್ ಬೈಪಾವೊಡು. ಬುಕ್ಕೊ ಮುಂಚಿ, ತಾರಾಯಿ, ಜೀರಿಗೆ, ದಾಸೆಮಿ ಪಾಡ್ದ್ ಕಡೆವೊಡು. ಬುಕ್ಕೊ ಅರೆಪುನು ದಿಕ್ಕೆಲ್ಡ್ ಕೊದ್ಯಾವೊಡು. ಬುಕ್ಕೊ ಪುಂಡಿ ನ್ ಅಯ್ಕ್ ಪಾಡೊಡು. ಅಡೆಗ್ ಅರೆಪುದ ಪುಂಡಿ ತಯಾರ್

ಪುಂಡಿ ಗಸಿ
ಪುಂಡಿ ಒಗ್ಗರಣೆ
ಬಸಲೆ ಪುಂಡಿ
ಬೆಲ್ಲ ತಾರಾಯಿ ಪುಂಡಿ
ಕೇನೆದ ಪುಂಡಿ

ಅಲತೆ

ಒಂಜಿ ಕೈತ ಐನ್ ಬಿರೆಲ್‌ನ್ ಒಟ್ಟು ಮಲ್ತ್‌ದಾನಗ ಅಯಿತ ಉಲಯಿ ಪತ್ತುನಾತೆನ್ ಒಂಜಿ ಪುಂಡಿ ಪಂಡ್‍ದ್ ಪನ್ಪೆರ್.^[೩].

ಪುಂಡಿ ಅರಿ
ಪುಂಡಿ ಪಣವು (ಚಿಲ್ಲರೆ)

ಗಾದೆ

ಪುಂಡಿನಿಲಿಕೆ ಇತ್ತ್ಂಡ ಪಂಡಿ ಬೇಲೆ ಆಪುಂಡು
ಪುಂಡಿ ಪೂಂಟುಂಡ ಎಣ್ಣೆ ಬರಂದ್.

ಬಾಸೆ

ಪುಂಡಿಡ್ ಉಪ್ಪುನಗನೇ ಪುಂಟೊಣೊಡು
ಒಂಜಿ ಪುಂಡಿ ನುಪ್ಪು ಪಾಡ್
ಪುಂಡಿ ನ್ ಹಾಸ್ಯ ರೂಪಕವಾದ್ ಲಾ ಬಳಸುವೆರ್: ಉದಾ:ಪುಂಡಿ ಬೇಯ್ಪಾವೊಂದುಲ್ಲನ?

ಉಲ್ಲೇಕೊಲು

↑ "Pundi Gatti | Rice Dumpling Recipe". Udupi Recipes. 30 September 2014. Retrieved 31 July 2022.
↑ https://udupi-recipes.com/2014/09/pundi-gatti-rice-dumpling-recipe.html
↑ Tulu World : Online Tulu Dictionary. ರಾಷ್ಟ್ರಕವಿ ಗೋವಿಂದ ಪೈ ಸಂಶೋಧನ ಕೇಂದ್ರ; ಉಡುಪಿ. 1988.

[1] "Pundi Gatti | Rice Dumpling Recipe". Udupi Recipes. 30 September 2014. Retrieved 31 July 2022.

[2] ttps://udupi-recipes.com/2014/09/pundi-gatti-rice-dumpling-recipe.html

[3] Tulu World : Online Tulu Dictionary. ರಾಷ್ಟ್ರಕವಿ ಗೋವಿಂದ ಪೈ ಸಂಶೋಧನ ಕೇಂದ್ರ; ಉಡುಪಿ. 1988.

[೧]

[೨]

[೩]

ತೂ ಪಾ ಸಂ ತುಳುವೆರೆ ತೆನಸ್
ಅಡ್ಯೆ	ತೆಲ್ಲಾವು ಪುಂಡಿ ಮೂಡೆ ಅಪ್ಪೊತಡ್ಯೆ ಮಂಜೊಲ್ತಿರೆತಡ್ಯೆ ಪೆಲಕಾಯಿದ ದೋಸೆ ಪೆಲಕಾಯಿದ ಗಟ್ಟಿ ತೆಕ್ಕರೆದ ಅಡ್ಯೆ ತುರೆತ ಅಡ್ಯೆ ಪಜೆ ಮಡಿಕೆ ಮರುವಾಯಿ ಪುಂಡಿ ಕೋರಿ ರೊಟ್ಟಿ ಸೇಮೆದಡ್ಯೆ ಸಾರ್ನೆದಡ್ಡೆ ಕೇನೆದ ಪುಂಡಿ
ತೆನಸ್ಸ್	ಗೋಳಿಬಜೆ ಉಂಡ್ಲುಂಗ ಚಟ್ಟಂಬಡೆ ಸಜ್ಜಿಗೆ ಮೆತ್ತೆದ ಗಂಜಿ ಸಜ್ಜಿಗೆ ಬಜಿಲ್ ಕೆರೆಂಗ್‍ದ ಪೋಡಿ ಸೇಮೆದ ಉಪ್ಪಿಟ್ಟ್ ಬಟಾಟೆ ಅಂಬಡೆ ಸೀರ ಕೆರೆಂಗ್‍ದ ಉಪ್ಪುಕರಿ ಬನ್ಸ್ ಕಡ್ಲೆ ಬಜಿಲ್
ಮರಿಯಾಲೊತ ತೆನಸ್ಸ್	ಪತ್ರೊಡೆ ಚೇವು ಕೇನೆ ಸಾಂತನಿ ಪೆಲಕಾಯಿದ ಹಪ್ಪಳ ಕೆರೆಂಗ್‌ದ ಹಪ್ಪಳ ಮರ ಕೆರೆಂಗ್‌ದ ಹಪ್ಪಳ ಉಪ್ಪಡ್ ಪಚ್ಚಿಲ್ ಕಣಿಲೆ
ಕಜಿಪು	ಮನೊಳಿ ಲತ್ತನೆ ಉಪ್ಪುಕರಿ ಗುಜ್ಜೆ ತಿಮರೆದ ಚಟ್ನಿ ಕುಕ್ಕುದ ಚಟ್ನಿ ಪದ್ಪೆತಪ್ಪು ಉಪ್ಪುಕರಿ ಬದನೆ ನುರ್ಗೆ ಕೊದ್ಯೆಲ್ ಜೀಗುಜ್ಜೆ ಅಜದಿನ ಬಂಗುಡೆ ಪುಳಿಮುಂಚಿ ಕೋರಿ ಪುಳಿಮುಂಚಿ ಕೋರಿ ಸುಕ್ಕ ಬೂತಾಯಿ ಪುಳಿಮುಂಚಿ
ಪಾಯ್ಸ	ಕಡ್ಲೆಸಲಾಯಿ ಸಾಬಕಿದ ಪಾಯ್ಸ