ಬಂಗುಡೆ ಪುಳಿಮುಂಚಿ
ಬಂಗುಡೆ ಮೀನ್‌‍ಟ್ ಮಾನ್ಪುನಾ ಒಂಜಿ ಬಗೆತ್ತ ಕಜಿಪು
ಬಂಗುಡೆ ದ ಬಗ್ಗೆ
[ಸಂಪೊಲಿಪುಲೆ]
ಬಂಗುಡೆ ಮೀನ್‍ಡ್ ಮಲ್ಪುನ ಒಂಜಿ ಬಗೆತ ಕಜಿಪು. ನೆಕ್ ಪುಳಿ ಬೊಕ ಮುಂಚಿ ಬೋಡಾಯ್ನ. ಅಂಚಾದ್ ನೆಕ್ ಪುಳಿಪುಳಿ ಕಜಿಪು ಮುಂಚಿ ಪಂದ್ ಪನ್ಪೆರ್. ಕರಾವಳಿ ದಕುಲೆಗ್ ಮೀನ್ ಪಂಡ ಜಾಸ್ತಿ ಇಷ್ಟ. ನೆತ್ತ ಸುಮಾರ್ ಬಗೆತ ತೆನಸ್ ಲೆನ್ ಮಲ್ಪುವೆರ್. ಬಂಗುಡೆ ಮೀನ್ ಡ್ ಜಾಸ್ತಿ ಪ್ರಮಾಣಡ್ ಒಮೆಗಾ 3 ಫ್ಯಾಟಿ ಆಸಿಡ್ ಅಂಶಲು ಉಂಡು.ಮೀನ್ ತಿಂದ್ ನ್ಡ ನೆನಪು ಶಕ್ತಿ ಜಾಸ್ತಿ ಆಪುಂಡು. ಬಂಗುಡೆ ಪುಳಿಮುಂಚಿಗ್ ಬೋಡಾಯಿನ ಸಾಮಾನುಲು
ಬಂಗುಡೆ ಮೀನ್,ಮುಂಚಿ,ಪುಳಿ,ಉಪ್ಪು,ಮಂಜೊಲುನೀರುಳ್ಳಿ,ಶುಂಠಿ,ಕಾಯಿ ಮುಂಚಿ,ಮೆತ್ತೆಮೆತ್ತೆ,ಜೀರಿಗೆ,ಕೊತ್ತಂಬರಿ,ಬೆಳ್ಳುಳ್ಳಿ,ಎಣ್ಣೆ ಮಲ್ಪುನ ಕ್ರಮೊ ಬಂಗುಡೆನ್[೧] ಮೂರ್ದ್ ಪೊರ್ಲುಡೇ ದೆಕ್ಕ್‌ದ್ ತುಂಡು ಮಲ್ತ್ ದೀವೊಡು. ಬೊಕ ಕೊತ್ತಂಬರಿ, ಮಂಜೊಲ್ಮಂಜೊಲ್, ಮುಂಚಿ ಪಾಡ್ದ್ ನೀರ್ ಸೇರ್ಸದ್ ಸಣ್ಣ ಕಡೆವೊಡು.ಐಕ್ ಕಡೇನಗ ನೀರುಳ್ಳಿನೀರುಳ್ಳಿ, ಬೆಳ್ಳುಳ್ಳಿ, ಜೀರಿಗೆ, ಮೆತ್ತೆ, ಈ ಮಸಾಲೆನ್ ಪಾಡ್ದ್ ಸಣ್ಣ ಕಡೆವೊಡು. ಆ ಅರೆಪುನು ಒಂಜಿ ತಪಲೆಗ್ ಪಾಡ್ದ್ ದೀವೊಡು. ಬೊಕ ಒಂಜಿ ಪಾತ್ರಡ್ ಪುಳಿತ ರಸ ಮಳ್ಪೋಡು. ಬೊಕ ಒಂಜಿ ನೇಸಲೆಡ್ ಚೂರು ಎಣ್ಣೆ ಪಾಡ್ದ್ ಬೆಚ್ಚ ಆನಗ ಮುರ್ದ್ ದೀತಿನ ನೀರುಳ್ಳಿ, ಪಾಡ್ದ್ ಚೂರು ಫ್ರೈ ಮಳ್ಪೋಡು. ಐಕ್ ಕಾಯಿ ಮುಂಚಿ, ಶುಂಠಿ, ಬೇವು ಸೊಪ್ಪು, ಪಾಡ್ದ್ ಪೊತ್ತುದು ಐಕ್ ಕಡೆಯಿನ ಮಸಾಲೆನ್ ಪಾಡೊಡು. ಐಕ್ ಪುಳಿತ ರಸ, ಟೊಮೇಟೊಟೊಮೆಟೊ, ಉಪ್ಪು ಬೊಕ ಚೂರು ನೀರ್ ಸೇರ್ಸದ್ ಕೊದಿ ಪಾವೊಡು. ಅರೆಪು ಚೂರು ದಪ್ಪ ಆನಗ ಐಕ್ ಮೂರ್ದ್ ದೀತಿನ ಬಂಗುಡೆ ಬಂಗುಡೆ ದ ತುಂಡುಲೆನ್ ಅರೇಪುಗು ಪಾಡೊಡು. ಮೀನ್ಮೀನ್ ಸರಿಟೆ ಅರೆಪುಡು ಮಿಕ್ಸ್ ಮಳ್ಪೋಡು. ಐಕ್ ಉಪ್ಪು ಪುಳಿ ಸರಿ ಉಂಡಂದ್ ತೂದು ಪಾಡೊಡು. ಮೀನ್ ಬೇಯಿತ್ ದಾಯಿ ಬೊಕ್ಕ ಕಜಿಪುನು ಜಾದ್ ದೀವೊಡು. ಈ ಪುಳಿ ಮುಂಚಿ ನ್ ದುಂನಾನಿ ಮಲ್ತ್ ದೀದ್ ಮನದಾನಿ ತಿನೆರೆ ಲಾಯ್ಕ್ ಆಪುಂಡು. ದಾಯೆ ಪಂಡ ಖಾರ ಪುಳಿ ಪುರಾ ಮೀನ್ ಗ್ ಒಯ್ತ್ ದುಪ್ಪುಂಡು.
ಪುದರುಲು
[ಸಂಪೊಲಿಪುಲೆ]- ತುಳು,ಕನ್ನಡಕನ್ನಡ ಬಾಸೆ: ಬಂಗುಡೆ, ಬಂಗ್ಡೆ
- ಮರಾಠಿಮರಾಠಿ ಬಾಸೆ,ಕೊಂಕಣಿ: ಬಾಂಗ್ಡಾ
- ಮಲಯಾಳಂ/ಮಲಯಾಳಂ ಬಾಸೆಬ್ಯಾರಿ ಭಾಷೆ: ಅಯಿಲ.
- ತಮಿಳುತಮಿಳು ಬಾಸೆ:ಕುಮುಲ; ಕನಾಂಗೆಲುತಿ
- ಇಂಗ್ಲೀಷ್: Indian Mackerel
- ವೈಜ್ಞಾನಿಕ ಪುದರ್:Rastrelliger kanagurta