ಕಣಿಲೆ

ಬೆಯಿಪಾಯಿನ ಕನಿಲೆ

ಹೊಸಕ್ಕಿ ಮೆಣ್ಮಾ

ಕಣಿಲೆ ಪಂಡ ಬೆದ್ರ್‌ದ ಮುಂಗೆ. ಬೆದುರುದ ಪುಂಡೆಲ್Fದ ಮುದೆಲ್ಡ್ ಮರಿಯಲೊಗು ಪಿಲ್ಲೆಲು ಪುಟ್ಯರೆ ಮುಂಗೆ ಬರ್ಪುಂಡು. ಐಕ್ ಕಣಿಲೆ ಪಂಡ್ದ್ ಪನ್ಪೆರ್. (ಲತ್ತ್ ಬೆದ್‍ರ್). ಕಣಿಲೆನ್ ಕನ್ನಡೊಡು ಕಳಲೆ ಪನ್ಪೆರ್. ಇಂಗ್ಲಿಷ್‍ಡ್ Bamboo shoot ಪನ್ಪರ್. ಬೆದ್ರ್ದ ತೆಗ್‍ರ್ ಕೊಯಿದ್ ಅಟಿಲ್‍ಡ್ ಉಪಯೋಗ ಮನ್ಪುವೆರ್. ಕಣಿಲೆಡ್ ಮರ್ದ್‌ದ ಸತ್ವ ಉಪ್ಪುನೆರ್ದಾತ್ರ ಆಟಿ ತಿಂಗೊಳುಡು ಜಾಸ್ತಿಯಾದ್ ಅಟಿಲ್‍ಡ್ ಉಂದೆನ್ ಗಳಸುವೆರ್. ಬೆದ್ರ್ದ ಪುಂಡೆಲ್‍ಡ್ ಇತ್ತಿನ ಅಯಿನ ತೆಗ್‍ರ್ ಕಿನ್ಯ ಉಪ್ಪುನಗನೆ ಕೊಯ್ಯೊಡು ಜಾಸ್ತಿ ಉದ್ದ ಆನಗ ಕಣಿಲೆ ಬುಲೆದ್ ತಿನರೆಗ್ ಆಪುಜಿ. ಜಾಸ್ತಿ ಪಂಡ ಒಂಜಿ ಒಂಜರೆ ಫೀಟ್ ದಾತ್ ಉದ್ದ ಆಪುನೆಗ್ ದುಂಬೆ ಕೊಯಿಂಡ ಎಡ್ಡೆ.

ಬೇತೆ ಬೇತೆ ಪುದರುಲ್

ಇಂಗ್ಲೀಷ್- ಬ್ಯಾಂಬೊ ಶೋಟ್ ಕನ್ನಡ -ಕಳಲೆ ತುಳು -ಕಣಿಲೆ

ಕಣಿಲೆದ ಉಪಯೋಗ

ಕಣಿಲೆ ಮಸ್ತ್ ಮೆದುವಾದ್ ಕೊಯಿಯೆರೆ ಸುಲಭ ಉಂಡು.ಉಂದೆನ್ ಉಪ್ಪಡ್ ಪಾಡೆರ್ ಬುಕ್ಕೊ ಕಜಿಪುಗ್ ಉಪಯೋಗ ಮನ್ಪುವೆರ್. ಉಂದೆಟ್ ಮರಕೆರೆಂಗ್ಡ್ ಉಪ್ಪುನಂಚಿನ ವಿಷಪೂರಿತವಾಯಿನ ಒಂಜಿ ಬಗೆತ ಗ್ಲೂಕೊಸೈಡ್(Glucoside) ಉಪ್ಪುನೆರ್ದಾತ್ರ ಉಪಯೋಗ ಮನ್ಪುನಗ ಮಸ್ತ್ ಜಾಗ್ರತೆ ಉಪ್ಪೊಡು. ಉಪಯೋಗ ಮನ್ಪುನೆಗ್ ದುಂಬು ಉಂದೆನ್ ಸಣ್ಣ ಕೊಚ್ಚಿದ್ ನೀರ್‌ಡ್ ಬೊದಲೆರೆ ಪಾಡ್‍ದ್ ೩-೪ ದಿನ ಕರಿದ್ ನೀರ್‍ನ್ ಪೂರ ಚೆಲ್ಲ್‌ದ್, ಬೇತೆ ನೀರ್‍ಡ್ ಕೊದಿಪಾವೊಡು ಬುಕ್ಕೊ ಕನಿಲೆ ಕೊದಿದ್ ಬೆಯಿತಿ ಬುಕ್ಕೊ ಒರಿನ ನೀರ್‌ನ್ ಪೂರಾ ಚೆಲ್ಲ್‌ದ್ ಅಟಿಲ್‍ಗ್ ಗಳಸೊಲಿ

ಮರ್ದ್‌ದ ಉಪಯೋಗ

• ರೋಗ ನಿರೋಧಕ ಶಕ್ತಿನ್ ಜಾಸ್ತಿ ಮಲ್ಪುಂಡು.ಸಾಂಕ್ರಾಮಿಕ ಬುಕ್ಕೊ ಬ್ಯಾಕ್ಟೀರಿಯಾಡ್ದ್ ಬರ್ಪಿನಂಚಿನ ಸೀಕ್‌ನ್ ತಡೆಪುಂಡು. ಉಂದು ನಮ್ಮ ಹಿರಿಯಕುಲು ಮರಿಯಳೊಡು ಶೀತ ಬರ್ಸದಪಗ ತಿನೊಂದಿತ್ತಿನ ತೆನಸ್ಸ್
• ಕಣಿಲೆಡ್ ಫೈಟೊಸ್ಟೆರಾಲ್ ಬುಕ್ಕೊ ಫೈಟೊನ್ಯೂಟ್ರಿಯೆಂಟ್‌ಲು ಜಾಸ್ತಿ ಉಪ್ಪುಂಡು.ಉಂದು ಸರೀರೊಗು ಅಗತ್ಯ ಇಜ್ಜಾಂದಿನ ಚರ್ಬಿನ್ (ಕೊಲೆಸ್ಟ್ರಾಲ್) ಕರದ್ ಪಿದಯಿ ಪೋಪಿನಲೆಕ್ಕ ಮಲ್ತ್‌ದ್ ನಮ್ಮ ಹೃದಯದ ಆರೋಗ್ಯೊನು ಎಡ್ಡೆ ಮಲ್ಪುಂಡು.
• ಕಣಿಲೆಡ್ ಪೊಟಾಶಿಯಮ್ ಬುಕ್ಕೊ ರಂಜಕ ಜಾಸ್ತಿ ಉಪ್ಪುನೆಡ್ಡಾತ್ರ ಎಲುತ ಆರೋಗ್ಯೊಗು ಎಡ್ಡೆ ಸಹಾಯ ಆಪುಂಡು
• ಕಣಿಲೆಡ್ ಜಾಸ್ತಿ ಸಿಲಿಕಾ ಅಂಶ ಉಪ್ಪುನೆಡ್ದಾತ್ರ ಚರ್ಮೊದ ಅರೋಗ್ಯುಗುಲ ಎಡ್ಡೆ

ಅಟಿಲ್ಡ್

ಉಂದೆನ್ ಭಾರತೊಡು ಮಾತ್ರವತ್ತಂದೆ ಏಷ್ಯಾ ಖಂಡೊಲೆಡ್ ಪೂರ ಅಟಿಲ್‍ಡ್ ಗಳಸುವೆರ್ ಕನಿಲೆದ ಉಪ್ಪಡ್ ಜೀರ್ಣೊಗು ಎಡ್ಡೆ; ಬಡವು ಉಂಡು ಮಲ್ಪುಂಡು ಕಣಿಲೆನ್ ಉಪ್ಪುಡು ಪಾಡ್‍ದ್ ದೀದ್ ಬೋಡಾಪಿನಪಗ ಉಪಯೋಗ ಮನ್ಪೊಲಿ.

ಫೋಟೊಕುಲು

• 
  Whole bamboo shoots after being harvested
• 
  Shoots of bamboo, ಕನಿಲೆದ ತೆಗ್ ರ್
• 
  Bamboo shoot, already too old to be eaten
• 
  Bamboo shoots for sale in a supermarket in Japan
• 
  Growth in Taiwan regional low elevation flat land thorn bamboo shoots.
• 
  Canned bamboo shoots.
• 
  Yam no mai, a northern Thai salad ಕನಿಲೆದ ಸಲಾಡ್
• 
  Philippine Ginataáng labóng, bamboo shoots cooked in coconut milk
• 
  Tender Bamboo plant used for dishes in Tulunadu