ವಿಷಯಕ್ಕೆ ಹೋಗು

ಮರುವಾಯಿ ಪುಂಡಿ

ವಿಕಿಪೀಡಿಯರ್ದ್
ಮರುವಾಯಿ ಪುಂಡಿ
ಮರುವಾಯಿ ಪುಂಡಿ
ಪುದರ್ಮರ್ವಾಯಿ ಪುಂಡಿl
ಬಗೆಬೊಲ್ಪುಗ್ ತಿನ್ಪಿನ ತಿಂಡಿ
ಪುಟ್ಟಿ ದೇಸೊಭಾರತ
ರಾಜ್ಯೊಕುಡ್ಲ,
ಬೆಚ್ಚಬೆಚ್ಚ
ಬೋಡಾಯಿ ವಸ್ತುಲುಮರುವಾಯಿ, ಅರಿತ್ತ ಪುಂಡಿ

ಮರುವಾಯಿ ಪುಂಡಿ(ಮರ್ವಾಯಿ ಪುಂಡಿ) ಉಂದು ತುಳುವೆರೆ ತೆನಸ್. ತುಳುನಾಡ್‌ಡ್ ಉಂದು ಪುದರ್ ಪಡೆಯಿನ ತೆನಸ್.[೧] ಉಂದೆನ್ ಅರಿತ್ತ ಪುಂಡಿ ಬೊಕ್ಕ ಮರ್ವಾಯಿದ ಗಸಿ ಮಲ್ತ್‌ದ್ ತಯಾರ್ ಮಲ್ಪುವೆರ್. ಕಾಂಡೆ ಚಾತ್ತ ಬಾಯಿಗ್ ಉಂದೆನ್ ತುಳುನಾಡೋರ್ಮೆ ಮಲ್ಪುವೆರ್. ಈ ತೆನಸ್ ಉಷ್ಣ ಜಾಸ್ತಿ , ದಾಯೆ ಪಂಡ ಉಂದೆಟ್ಟ್ ಮರುವಾಯಿ ಬಾರೀ ಉಷ್ಣ.

ಬೋಡಾಯಿನ ಸಾಮಾಗ್ರಿಲು[ಸಂಪೊಲಿಪುಲೆ]

  • ಉರ್ಪೆಲ್ ಅರಿ - ೨ ಕಪ್.
  • ಬೊಲಂತೆ ಅರಿ - ೨ ಕಪ್.
  • ರುಚಿಗ್ ಬೊಡಾಯ್ನಾತ್ ಉಪ್ಪು .
  • ಮಂಜೊಲು - ೧ ಚಮ್ಚ.
  • (ಒಗ್ಗರಣೆಗ್) ತಾರೆದ ಎಣ್ಣೆ.
  • ನೀರುಳ್ಳಿ - ೩.
  • ರುಚಿಗ್ ಬೊಡಾಯ್ನಾತ್ ಪುಳಿ.
  • ಉರ್ದು - ಕಾಲ್ ಚಮ್ಚ
  • ಜೀರಿಗೆ.
  • ದಾಸಿಮಿ.
  • ಬೇವಿರೆ.
  • ಕೆಂಪು ಮುಂಚಿ.
  • ತಾರಾಯಿದ ಪೂ - ೨ ಕಪ್.
  • ಸಂಬರ.

ಮಲ್ಪುನ ವಿದಾನೊ[ಸಂಪೊಲಿಪುಲೆ]

ಅರಿತ್ತ ಪುಂಡಿ[ಸಂಪೊಲಿಪುಲೆ]

ಅರಿತ್ತ ಪುಂಡಿ ಮಲ್ಪೊಡಾಂಡ ಸುರುಕು ಉರ್ಪೆಲ್ ಬೊಕ್ಕ ಬೊಲಂತೆ ಅರಿನ್ ದುಂಬುನಾನಿ ಇಜಿಂಡ ನಾಲ್ ರ್ದ್ ಐನ್ ಗಂಟೆ ಮುಟ್ಟ ನೀರ್ ಡ್ ಪಾರ್ದ್ ಬೊದುಲ್ಪಾವೊಡು. ಬೊಕ್ಕ ಅವ್ವೇ ಅರಿಕ್ಕ್ ರುಚಿಗ್ ಬೋಡಾಯ್ನಾತ್ ಉಪ್ಪು ಬೆರಸ್ ದ್ ಚೂರು ನೀರ್ ಪಾರ್ದ್ ಸನ್ನ ಕಡೆವೊಡು. ಬಂದ ನ್ ಬಾಣಲೆ ಡ್ ಪಾರ್ದ್ ಚೂರು ಪೊರ್ತು ಬಂದನ್ ಬೆಚ್ಚ ಮಲ್ಪೊಡು . ಬೆಚ್ಚ ಆಯ್ ಲೆಕ ಬಂದ ಗಟ್ಟಿ ಆಪುಂಡು . ಅವೆನ್ ಜಾಸ್ತಿ ಗಟ್ಟಿ ಆವರೆ ಬುಡಂದೆ ಚೂರು ಚಪ್ಪೆ ಆಯಿಲೆಕನೇ ಅವೆತ್ತ ಉಂಡೆ ಮಲ್ಪರೆ ಸುರು ಮಲ್ಪೊಡು. ರೌಂಡಾದ್ ಮಲ್ತಿನ ಉಂಡೆಗ್ ಪುಂಡಿ ಪಂಡ್ ದ್ ಪನ್ಪೆರ್. ಕೈಕ್ ಬಂದ ಅಂಟರೆ ಬಲ್ಲಿ ಪಂಡ್ ದ್ ಪುಂಡಿ ಮಲ್ಪುನ ಸಮಯೊಡು ಅಂಗೈಕ್ಕ್ ನೀರ್ ದ ಪಸೆ ಮುಟ್ಟಾವೆರ್. ಅವೆರ್ದ್ ಬೊಕ್ಕ ಪುಂಡಿನ್ ತೊಂದುರುಡು(ಇಡ್ಲಿ ಮಲ್ಪುನ ಬಾಜನಡ್) ಬೈಪಾವೊಡು.[೨]

ಮರ್ವಾಯಿ ಗಸಿ[ಸಂಪೊಲಿಪುಲೆ]

ಪೆರೆದಿನ ತಾರಾಯಿದ ಪೂ, ದಾಸಿಮಿ, ಜೀರ್ದರಿ, ಸಂಬರ, ಕೆಂಪು ಮುಂಚಿ, ಕಾಲ್ ಚಮ್ಚ ಮಂಜೊಲ್, ಬೇವಿರೆ, ಚೂರು ಉರ್ದು ಪಾರ್ದ್ ಮಾತೆನ್ಲಾ ಒಟ್ಟಿಗೆ ಪೊತ್ತುದು ನೀರ್ ಪಾರ್ದ್ ಸಾರ್ ಗ್ ಕಡೆಪಿಲೆಕ ಕಡೆವೊಡು. ಅರೆಪ್ಪು ಸನ್ನ ಆದ್ ಬೊಕ್ಕ ಒಗ್ಗರಣೆ ದೀದ್ ಅರೆಪ್ಪುನು ಕೊದಿಪಾದ್ ಅವೆಕ್ಕ್ ಮರ್ವಾಯಿ (ಮರ್ವಾಯಿನ್ ಅರೆಪ್ಪುಗ್ ಪಾಡೊಡ್ ದುಂಬು ಮರ್ವಾಯಿಗ್ ೨ ಚಮ್ಚ ಮಂಜೊಲ್ ಪಾರ್ದ್ ಕೊದಿಪಾವೊಡು, ಮರ್ವಾಯಿನ್ ಶುಚಿ ಮಲ್ಪುನ ಉದ್ದೇಶೊಡು ಇಂಚ ಮಲ್ಪುವೆರ್)ಪಾರ್ದ್ ಅವ್ ಬೈಯೊಂದು ಬತ್ತಿ ಲೆಕ್ ಬೈಪಾದಿನ ಪುಂಡಿನ್ ಗಸಿಕ್ಕ್ ಬೆರೆಸೊಡು.[೩]

ಬೇತೆ ಬಾಸೆಡ್ ಮರ್ವಾಯಿ ಪುಂಡಿ[ಸಂಪೊಲಿಪುಲೆ]

  • ಕೊಂಕಣಿ - ಕುಬೆ ಮಟ್ಲಿನ್ .[೪]

ಉಲ್ಲೇಕೊಲು[ಸಂಪೊಲಿಪುಲೆ]

  1. "Marvai Pundi: ಮರ್ವಾಯಿ ಪುಂಡಿ ತಿಂದಿದ್ದೀರಾ? ಎಲ್ಲೂ ಸಿಗಲ್ಲ ಇಂಥಾ ಟೇಸ್ಟ್!". News18 Kannada (in ಕನ್ನಡ). 29 August 2021. Retrieved 15 July 2022.
  2. "Marvai Pundi: ಮರ್ವಾಯಿ ಪುಂಡಿ ತಿಂದಿದ್ದೀರಾ? ಎಲ್ಲೂ ಸಿಗಲ್ಲ ಇಂಥಾ ಟೇಸ್ಟ್!". News18 Kannada (in ಕನ್ನಡ). 29 August 2021. Retrieved 15 July 2022.
  3. prabhu, Geetha. "Marwai pundi". Retrieved 15 July 2022.
  4. https://en.petitchef.com/recipes/sunday-special-kube-mutli-cocklesclams-in-a-gravy-with-mini-rice-dumplings-fid-1272067