ವಿಷಯಕ್ಕೆ ಹೋಗು

ಕಡ್ಲೆಸಲಾಯಿ ಸಾಬಕಿದ ಪಾಯ್ಸ

ವಿಕಿಪೀಡಿಯರ್ದ್
ಕಡ್ಲೆಸಲಾಯಿ ಸಾಬಕಿದ ಪಾಯ್ಸ
ಕಡ್ಲೆಸಲಾಯಿ ಸಾಬಕಿದ ಪಾಯ್ಸ
ಪುದರ್ಕಡ್ಲೆಸಲಾಯಿ ಸಾಬಕಿದ ಪಾಯ್ಸl
ಬಗೆಪಾಯ್ಸ
ಪುಟ್ಟಿ ದೇಸೊಭಾರತ
ರಾಜ್ಯೊಕುಡ್ಲ
ಬೆಚ್ಚಬೆಚ್ಚ
ಬೋಡಾಯಿ ವಸ್ತುಲುಕಡ್ಲೆಸಲಾಯಿ
ಬೋಡಾಪಿ ವಸ್ತುಲುಸಾಬಕಿ

ಕಡ್ಲೆಸಲಾಯಿ ಸಾಬಕಿದ ಪಾಯ್ಸ ಉಂದು ವಿಸೇಸವಾದ್ ಪರ್ಬದಪಗ ಮಾತೆರೆನ ಇಲ್ಲಡ್ ತಿನರೆ ತಿಕ್ಕುಂಡು. ಪಾಯ್ಸ ಒಂಜಿ ಚೀಪೆದ ಸೊತ್ತು. ಬಿಸು, ತುಡರ್, ಚೌತಿ, ತುಳಸಿ ಪರ್ಬ, ಪುದ್ವಾರ್, ವರಮಹಾಲಕ್ಷ್ಮಿ ಪೂಜೆ ಇಂಚಿನ ಪರ್ಬೊದಾನಿ ಮಾತ್ರ ಅತ್ತಂದೆ ಪುಟ್ಟಿನ ದಿನೊತ್ತಾನಿ, ಮದಿಮೆ,ಬಯಕೆ ಮದ್ರೆಂಗಿ, ಬಾಲೆತೊಟ್ಟಿಲ್ , ದೇವಸ್ಥಾನೊಡು ಪೂಜೆ ಇಂಚ ಮಾತ ಸಂದರ್ಬೊಲೆಡ್ ಕುಷಿನ್ ಪಟ್ಟೊನುನ ವಿಚಾರೊಡು ಪಾಯ್ಸನ್ ಮಲ್ಪುವೆರ್. ಸೇಮೆದ ಪಾಯ್ಸ, ಗೋದಿದ ಪಾಯ್ಸ, ರವೊತ್ತ ಪಾಯ್ಸ, ಅರಿತ್ತ ಪಾಯ್ಸ, ಬಜಿಲ್‍ದ ಪಾಯ್ಸ ಇಂಚ ಪಾಯಸೊಲೆಡ್ ಸುಮಾರ್ ಬಗೆ ಉಂಡು ಅವೆಟ್ಟ್ ಕಡ್ಲೆಸಲಾಯಿ ಸಾಬಕಿದ ಪಾಯ್ಸಲಾ ಒಂಜಿ. [೧]

ಬೋಡಾಯಿನ ಸಾಮಾನುಲು[ಸಂಪೊಲಿಪುಲೆ]

  • ಕಡ್ಲೆಸಲಾಯಿ - ೧ ಕಪ್.
  • ಸಾಬಕಿ - ಅರ್ದ ಕಪ್.
  • ತಾರಾಯಿ - ೧ ಕಪ್.
  • ಬೆಲ್ಲ - ಚೀಪೆಗ್ ಬೋಡಾಯ್ನಾತ್.
  • ಬೀಜ ,ದ್ರಾಕ್ಷಿ - ಅರ್ದ ಕಪ್.
  • ಐನಾಜಿ ಏಲಕ್ಕಿ.[೨]

ಮಲ್ಪುನ ವಿದಾನೊ[ಸಂಪೊಲಿಪುಲೆ]

ಕಡ್ಲೆಸಲಾಯಿ ಸಾಬಕಿ ಬೈಪಾವುನು[ಸಂಪೊಲಿಪುಲೆ]

ಸುರುಕಾದ್ ದುಂಬುನಾನಿ ಬೊದುಲ್ಪಾದಿನ ಸಾಬಕಿ, ಕಡ್ಲೆಸಲಾಯಿನ್ ಬೆಯ್ಪಾವೊಡು . ಕುಕ್ಕರ್ ಡ್ ಬೆಯ್ಪಾವುನಾಂಡ ನಾಲ್ ಇಜಿಂಡ ಐನ್ ಸಿಟಿ ಪೋವೊಡು.[೩]

ತಾರಾಯಿದ ಪೇರ್[ಸಂಪೊಲಿಪುಲೆ]

ಪೆರೆದಿನ ತಾರಾಯಿದ ಪೂನ್ ಸನ್ನ ಕಡೆದ್ ದೀವೊಡು.

ಬೆಲ್ಲೊದ ಪಾನ್ಕ[ಸಂಪೊಲಿಪುಲೆ]

ಒಂಜಿ ಬಣಲೆಡ್ ಅರ್ದ ಕಪ್ ನೀರ್ ಪಾರ್ದ್ ನೀರ್ ಬೆಚ್ಚ ಆಯಿ ಬೊಕ್ಕ ಅವೆಕ್ಕ್ ಬೆಲ್ಲ ಪಾರ್ದ್ ಕೊದ್ಪಾದ್ ಪಾರ್ದಿನ ಬೆಲ್ಲನ್ ಕರಪ್ಪಾವೊಡು. ಬೊಕ್ಕ ಚಪ್ಪೆ ಆತಿನ ಬೆಯ್ಪಾದಿನ ಕಡ್ಲೆಸಲಾಯಿ ಬೊಕ್ಕ ಸಾಬಕಿಗ್ ತಾರಾಯಿದ ಪೇರ್ ನ್ ಪಾಡೊಡು. ಅವೆರ್ದ ಬೊಕ್ಕ ಬೆಲ್ಲೊದ ಪಾನ್ಕ, ನೈ ಟ್ ಪೊತ್ತುದಿನ ಬೀಜ-ದ್ರಾಕ್ಷಿನ್ ಅಂಚನೆ ಚೂರು ಉಪ್ಪು ಪಾರ್ದ್ ನೀರ್ ಕೂಟೊಡು. ಬೊಕ್ಕ ಪಾಯ್ಸ ನ್ ಕೊದಿಪಾವೊಡು .ಕೊದಿಪಾನಗ ಪಾಯ್ಸನ್ ತಿರ್ಗಾವೊಂದೇ ಇಪ್ಪೊಡು ಇಜಿಂಡ ಅಡಿಪತ್ತುನ ಸಾಧ್ಯತೆ ಉಂಡು.[೪][೫]

ಉಲ್ಲೇಕೊ[ಸಂಪೊಲಿಪುಲೆ]

  1. "ಕಡ್ಲೆಸಲಾಯಿ ಸಾಬಕಿದ ಪಾಯ್ಸ". Retrieved 16 July 2022.
  2. Kitchen, Hebbars (13 January 2020). "chana dal payasam recipe | kadalai paruppu payasam | senaga pappu payasam". Hebbar's Kitchen. Retrieved 16 July 2022.
  3. desserts, vishualfoodie in Indian (22 January 2016). "Sabudana and chana dal Payasam" (in ಇಂಗ್ಲಿಷ್). Retrieved 16 July 2022.
  4. "CHANA DAL SABUDANA KHEER WITH JAGGERY | PAYASAM | PAYASA". Cook with Kushi. 9 August 2021. Retrieved 16 July 2022.
  5. "CHANA DAL SABUDANA KHEER WITH JAGGERY | PAYASAM | PAYASA". Cook with Kushi. 9 August 2021. Retrieved 16 July 2022.