ಪದೆಂಗಿ ಪಾಯಸ
ಪದೆಂಗಿ ಪಾಯಸ
ಉಂದು ಪುದರ್ಪ ಡ್ ಇತ್ತಿಲೆಕ್ಕನೆ ಪದೆಂಗಿನ್ ಗಳಿಸದ್ ಮಲ್ಪುನ ಪಾಯಸ. ಒವ್ವೇ ಪರ್ಬೊದ ಪೊರ್ತುಡು ತುಳುನಾಡ್‌ದ ಬಾರಿ ಪುದರ್ ಪೋಯಿನ ಸಿಹಿ ತೆನಸ್ ಉಂದು. ಈ ಪಾಯಸ್ ನ್ ಸಾಮಾನ್ಯವಾದ್ ಇಲ್ಲಡ್ ಪರ್ಬೊ, ವಿಶೇಷ ಸಂಭ್ರಮೊಲೆಡ್ ತಯಾರ್ ಮಲ್ಪುವೆರ್. ತೀಪೆ ತಿನರೆ ಆಸೆ ಆನಗ, ಈ ಪಾಯಸ್ ನ್ ಸುಲಭವಾದ್ ತಯಾರ್ ಮಲ್ಪೊಲಿ. ಈ ಪಾಯಸನ್ ಬೆಲ್ಲ ಅತ್ತ್ಂಡ ಸಕ್ಕರೆ ಪಾಡ್ದ್ ಮಲ್ಪೊಲಿ. ಎಡ್ಡೆ ರುಚಿ ಬೊಕ್ಕ ಆರೋಗ್ಯಕರ ಗುಣಲಕ್ಷಣೊಲೆನ್ ಪಡೆಯಿನ ಈ ಸಿಹಿನ್ ಮಾತಾ ಪ್ರಾಯದಕುಲು ಇಷ್ಟ ಪಡ್ಪೆರ್.
ಪದೆಂಗಿ ಪಾಯಸ ಮಲ್ಪೆರೆ ಬೋಡಾಪಿನ ಸಾಮಗ್ರಿಲು
[ಸಂಪೊಲಿಪುಲೆ]1 ಲೋಟ ಪದೆಂಗಿ ಸಲಾಯಿ 3/4 ಲೋಟ ಪುಡಿ ಮಲ್ತಿನ ಬೆಲ್ಲ 1/4 ಲೋಟ ನುಂಗುದಿನ ತಾರಾಯಿ 2 - ಪಚ್ಚೆ ಏಲಕ್ಕಿ 2 ಚಮ್ಚ ಗಸಗಸ ೧೨ - ಗೋಡಂಬಿ 12 - ಬಾದಾಮಿ 1 ಚಮ್ಚ ತುಪ್ಪ
ಪದೆಂಗಿ ಸಲಾಯಿದ ಪಾಯಸ ಮಲ್ಪುನ ವಿಧಾನ
[ಸಂಪೊಲಿಪುಲೆ]ನುಂಗುದಿನ ತಾರಾಯಿ, ಗಸಗಸೆ, ಏಲಕ್ಕಿ, ಬಾದಾಮಿ ಬೊಕ್ಕ ಗೋಡಂಬಿನ್ ತುರಿದ್ ಮೃದುವಾದ್ ಪುಡಿ ಮಲ್ಪುಲೆ. ಒಂಜಿ ಬಜನೊಡ್ ತುಪ್ಪ ಬೆಚ್ಚ ಮಲ್ಪುಲೆ ಬಿಸಿ ತುಪ್ಪೊಡು ಪದೆಂಗಿ ಸಲಾಯಿ ಪಾಡ್ದ್ 4-5 ನಿಮಿಷ ಫ್ರೈ ಮಲ್ಪುಲೆ. ಪದೆಂಗಿ ಸಲಾಯಿ ನ್ ಎಡ್ಡೆ ರೀತಿಡ್ ಪೊತ್ತುದು ಸುವಾಸನೆ ಬರೊಡು. ಬೊಕ್ಕ ಪದೆಂಗಿ ಸಲಾಯಿನ್ ಎಡ್ಡೆ ರೀತಿಡ್ ಬೇಯೆರೆ ಬುಡ್ಲೆ. ಬೇಯಿನ ಪದೆಂಗಿ ಸಲಾಯಿ ನ್ ಒಂಜಿ ದಪ್ಪದ ಬಾಜನೊಡು ಪಾಡ್ಲೆ. ಅಪಗ, ಪೆರದ್ ದೀತಿನ ತಾರಾಯಿದ ಮಿಶ್ರಣೊನು ಪಾಡ್ಲೆ. ಮಿಶ್ರಣೊನು ಎಡ್ಡೆ ದಪ್ಪ ಆಪಿನ ಮುಟ್ಟ ಕಮ್ಮಿ ಜ್ವಾಲೆಡ್ ಕುದಿಪಾವೊಡು. ಪುಡಿ ಮಲ್ತಿನ ಬೆಲ್ಲದ ತುಂಡುಲೆನ್ ಪಾಡ್ಲೆ, ಕರಗುನ ಮುಟ್ಟ ನಿರಂತರವಾದ್ ಕಲಕೊಡು, ಹಾಲು ಪಾಡ್ಲೆ ಬೊಕ್ಕ ದಪ್ಪ ಆಪಿನ ಮುಟ್ಟ 4-5 ನಿಮಿಷ ಕುದಿಪಾವೊಡು. ಒಂತೆ ದಪ್ಪ ಆಯಿ ಬೊಕ್ಕ, ಜಾದು ದೀವೊಡು. [೧] ನಿಕ್ಲೆನ ಆದ್ಯತೆದ ಪ್ರಕಾರ, ಈ ಪಾಯಸ್ ನ್ ಬೆಚ್ಚ ಬೆಚ್ಚ ಅತ್ತ್ಂಡ ಫ್ರಿಜ್ ಡ್ ದೀದ್ ತಂಪು ತಂಪು ಮಲ್ತ್ ದ್ ತಿನೊಲಿ.
ಪದೆಂಗಿ ಸಲಾಯಿದ ಆರೋಗ್ಯದ ಮಿತ್ತು ಆಪಿನ ಉಪಯೋಗ
[ಸಂಪೊಲಿಪುಲೆ]ಉಂದೆಟ್ ಬೇತೆ ಬೇತೆ ಖನಿಜೊಲೆನ ಒಟ್ಟುಗು ಪೋಷಕಾಂಶೊಲುಲಾ ಉಂಡು. ವಿಶೇಷವಾದ್, ಮೆಗ್ನೀಸಿಯಂ, ಕಬ್ಬಿಣ, ಪೊಟ್ಯಾಸಿಯಂ ಬೊಕ್ಕ ತಾಮ್ರದಂಚಿನ ಖನಿಜೊಲು ಮುಖ್ಯವಾಯಿನವು. ಆತೆ ಅತ್ತವಂದೆ. ನೆಟ್ಟ್ ಎಡ್ಡೆ ಪ್ರಮಾಣೊಡು ಪ್ರೋಟೀನ್, ಫೈಬರ್ ಬೊಕ್ಕ ನಮ್ಮ ಆರೋಗ್ಯೊನು ಬುಲೆಪಾವುನ ಬೇತೆ ಬೇತೆ ಜೀವಸತ್ವೊಲು ಉಂಡು. [೨]
ಉಲ್ಲೆಕೊಲು
[ಸಂಪೊಲಿಪುಲೆ]- ↑ "ಹೆಸರು ಬೇಳೆ ಪಾಯಸ". Vijay Karnataka (in ಕನ್ನಡ).
- ↑ "ಹೆಸರುಬೇಳೆ ಪಾಯಸ ರುಚಿ ಮಾತ್ರವಲ್ಲ, ಆರೋಗ್ಯಕ್ಕೂ ಕೂಡ ಒಳ್ಳೆಯದು..." Vijay Karnataka (in ಕನ್ನಡ).