ಪತ್ರೊಡೆ

ಪತ್ರೊಡೆ
	ಪತ್ರೊಡೆ
ಪುಟ್ಟಿನ ದೇಸೊ	ಭಾರತ
ಬೋಡಾಯಿ ವಸ್ತುಲು	ಚೇವುದ ಇರೆ, ಅರಿ, ಮಸಾಲೆ
Variations	ಪತ್ರೊಡೆ
	Cookbook: ಪತ್ರೊಡೆ; Media: ಪತ್ರೊಡೆ;

ಪತ್ರೊಡೆಗ್ ಪತ್ರಡ್ಯೆ ಪಂಡ್ದ್ ಲಾ ಪನ್ಪೆರ್. ಉಂದು ತುಳುನಾಡ್‍ಡ್ ಮಲ್ಪುನ ವಿಸೇಸವಾಯಿನ ಒಂಜಿ ತೆನಸ್ಸ್, ಉಂದು ಸಾಮಾನ್ಯವಾದ್ ಮರಿಯಾಲೊಡು ಮಲ್ಪುನ ಅಡ್ಯೆ. ಉಂದು ತುಳುನಾಡ್‍ದ ಮಾತ್ರ ಅತ್ತ್ ಮಲೆನಾಡ್‍ಲಾ ಮಲ್ಪುವೆರ್. ಮರಿಯಲದಪಗ ಬೋಡಾಯಿನಾತ್ ತೇವುದ ಇರೆ ತಿಕ್ಕುಂಡು. ತೇವುಡು ಮಸ್ತ್ ವಿದ ಉಂಡು.

ತೇವುದ ಬಗೆಕುಲು

ಮರತೇವು/ ಮರಚೇವು
ಗೊವೆತೇವು / ಗೋವೆಚೇವು
ಕರಿತೇವು / ಕರಿಯಚೇವು
ಪತ್ರಡ್ಡೆ ಮಲ್ಪುನ ತೇವು
ದಂಟ್ ಮಾತ್ರ ಕಜಿಪು ಮಲ್ಪುನ ತೇವು ಇಂಚ ಬೇತೆ ಬೇತೆ ವಿಧೊಲು ಉಂಡು
ಕ್ರೋಟನ್‍ ತೇವು (ಬಣ್ಣ ಬಣ್ಣದವು) - ಉಂದು ತಿನ್ಯರೆ ಆಪುಜಿ

ತಿನಿಸು ಮನ್ಪುನ ವಿದಾನೊ

ಪತ್ರೊಡೆ ಮನ್ಪರೆ ಬೋಡಾಪಿನ ಸಾಮಾಗ್ರಿಲು

ಚೇವುದ ಇರೆ (30-35) ಒಂಜಿ ಲೋಟೆ ಬೊಳಂತೆ ಅರಿ, ಮುಕ್ಕಾಲು ಲೋಟೆ ತೊಗರಿಬೇಳೆ, ಅರ್ಧ ಲೋಟೆ ಕಡಲೆಬೇಳೆ, ಒಂತೆ ಪುಳಿ, ಉದ್ದದ ಮುಂಚಿ (20) ಒಂಜಿ ಚಮ್ಚ ಜೀರಿಗೆ , ಒಂತೆ ಕೊತ್ತಂಬರಿ ಮೂಜಿ ಚಮ್ಚ, ಒಂಜಿ ಚಮ್ಚ ಜೀರಿಗೆ , ಇಂಗು( ಒಂಜಿ ಚಿಟಕಿ) ಒಂತೆ ಬೆಲ್ಲ.

ಪತ್ರೊಡೆ ಮನ್ಪುನ ವಿಧಾನೊ

ಸುರುಕಾದ್ ಅರಿ, ತೊಗರಿಬೇಳೆ, ಕಡಲೆಬೇಳೆ, ಜೀರಿಗೆ ಬೊಕ್ಕ ಕೊತ್ತಂಬರಿನ್ ಒಂಜಿ ಮಲ್ಲ ಬಾಜನೊಕ್ ಪಾಡುದು ನೀರ್ ಪಾಡುದು ನೆನೆಯರೆ ದೀಯೊಡು. ಅಂದಾಜಿ ಒಂಜಿ ಮೂಜಿ ಗಂಟೆ ನೆನೆಯರೆ ದೀವೋಡು. ನೀರ್ಡ್ ಬೊದುಲಿನ ಬೊಕ್ಕ ಕಲ್ಲುಗ್ ಪಾಡುದು ಸಣ್ಣ ಕಡೆಯೊಡು. ಕಡೆದಿನ ಬಂದ ದಪ್ಪ ದಪ್ಪ ಉಪ್ಪುಡು. ಬೊಕ್ಕ 10 ನಿಮಿಷ ಪುನ್ಕೆದ ಪುಳಿ, ಉದ್ದದ ಮುಂಚಿ ಬೊಕ್ಕ ಬೆಲ್ಲನು ಪಾಡುದು ಕುಡ ಕಡೆಯೊಡು.ಉಂದೆಕ್ ಉಪ್ಪು ಬೊಕ್ಕ ಇಂಗ್ ನ್ ಸೇರಾವೊಡು. ಎಡ್ಡೆಡ್ ದೆಕ್ಕುದಿನ ಇರೆನ್ ಒಂಜಿ ಒಂಜಿ ಆದ್ ಬುಡ್ಪಾದ್ ಅಯಿತ ರಡ್ಡ್ ಕೊಡಿಗ್ಲಾ

ಬಂದೊನು ಪತ್ತವೊಡು. ಇಂಚೆನೆ ಒಂಜಿ 5 ಡ್ದ್ 6 ಇರೆಗ್ ಬಂದೊನು ಪತ್ತವೊಡು. ಬಂದ ಪತ್ತನಗ ಮಲ್ಲ ಇರೆ ಸುರುಕು ದೀದ್ ಅಯಿತ ಬೊಕ್ಕ ಎಲ್ಯ ಎಲ್ಯ ಇರೆನ್ ದೀದ್ ಬಂದೊನು ಪತ್ತವೊಡು. ಬೊಕ್ಕ ರೋಲ್ ದ ಲೆಕ್ಕ ಮಂತುದು. ಅಯಿತ ಮಿತ್ತುಲಾ ಬಂದೊನು ಪಾಡೋಡು. ಇಂಚೆನೆ ಮಸ್ತ್ ರೋಲ್ ಲೆನ್ ಮಂತುದು ಇಡ್ಲಿ ಬೇಯಿಪಾವುಲೆಕ್ಕ ಬೇಯರೆ ದೀವೊಡು. ಒಂಜಿ ಅರ್ಧ ಗಂಟೆ ಬೇಯಿಪಾದ್ ಬೊಕ್ಕ ಚಪ್ಪೆ ಆವರೆ ಬುಡೊಡು. ಬೊಕ್ಕ ಕತ್ತಿಡ್ ತೆಳುವಾದ್ ತುಂಡು ಮನ್ಪೋಡು. ತುಂಡು ಮಂದಿನ ಪತ್ರೋಡೆನ್ ಇಂಚೆನೆ ತಿನೊಲಿ ಅತ್ತುಡಾ ಎಣ್ಣೆಡ್ ಕಾಯಾದುಲಾ ತಿನೊಲಿ. ^[೧]

ಸಾಂಪ್ರದಾಯಿಕವಾಯಿನ ಆಹಾರ ಖಾದ್ಯ

ಜುಲೈ 2021 ಟ್, ಪತ್ರೊಡೆನ್ ‘ಆಯುಷ್‌ ಮೆಡಿಸಿನ್‌ ಪ್ರಕಾರೋ ಸಾಂಪ್ರದಾಯಿಕವಾಯಿನ ಆಹಾರ ಖಾದ್ಯಡು’ ಒಂಜಿ ಪಂದ್ ಕೇಂದ್ರ ಆಯುಷ್ ಸಚಿವಾಲಯ ಗುರುತಿಸಾದುಂಡು.^[೨] ಚೇವುದ ಇರೆಟು ಕರ್ಬದ ಅಂಶ ಸಮೃದ್ಧವಾದುಂಡು, ಅಂಚ ಹಿಮೋಗ್ಲೋಬಿನ್‌ ಮಟ್ಟೊನು ಸುಧಾರಿಸಾರೆ ಮಸ್ತ್ ಸಹಾಯೊ ಮಂಪುಂಡು. ಸಂಧಿವಾತೊದಂಚಿನ ದೀರ್ಘಕಾಲೊದ ಉರಿಯೂತನ್ ಕಡಿಮೆ ಮನ್ಪರೆ ಸಹಾಯೊ ಮನ್ಪುಂಡು. ಚೇವುದ ಇರೆಟು ವಿಟಮಿನ್‌ ಸಿ ಬೊಕ್ಕ ಬೀಟಾ ಕ್ಯಾರೋಟಿನ್‌ದ ಪ್ರಮಾಣ ಜಾಸ್ತಿ ಉಂಡು ಪಂದ್ ಆಯುಷ್ ಸಚಿವಾಲಯೊ ತೆರಿಪಾದುಂಡು.^[೩] ಆಯುಷ್ ಸಚಿವಾಲಯೊ ಇಂಚಿನ ಇರ್ವತ್ತ ಆಜಿ ಸಾಂಪ್ರದಾಯಿಕವಾಯಿನ ಖಾದ್ಯೊಲೆಗ್ ಸಾಂಪ್ರದಾಯಿಕವಾಯಿನ ಆಹಾರೊ ಖಾದ್ಯ ಸ್ಥಾನೊನು ಕೊರ್ತೇರ್. ಉಂದು ಆಯುಷ್ ಇಲಾಖೆದ ವೆಬ್‌ಸೈಟ್‌ಡುಲಾ ಇ-ನಮೂನಡ್ ಪೊರೆರಗ್ಲಾ ತಿಕ್ಕುಂಡು. ಫೋಟೊಲು, ಅಯಿತ ವಿವರಣೆಲು, ಬೋಡಾಯಿನ ಪದಾರ್ಥೊಲು, ತಯಾರಿ ಮನ್ಪುನ ವಿಧಾನೊ, ಆರೋಗ್ಯಕ್ ಉಂದೆಡ್ ಆಪಿನಾ ಪ್ರಯೋಜನೊಲು ಪೂರಾ ಬಗ್ಗೆಲಾ ವಿವರಣೆ ಕೊರ್ತೆರ್.^[೪]

ಉಲ್ಲೇಕೊಲು

↑ https://tv9kannada.com/health/how-to-make-pathrode-in-simple-at-home-snd-242451.html
↑ "Patrode identified as 'traditional food recipe from AYUSH system of medicine". The Hindu. 29 June 2021. Retrieved 2 July 2021.
↑ "ಆಯುಷ್‌ ಸಾಂಪ್ರದಾಯಿಕ ಖಾದ್ಯ ಪಟ್ಟಿಯಲ್ಲಿ ಕರಾವಳಿ, ಮಲೆನಾಡಿನ ಪತ್ರೊಡೆ!". ಕನ್ನಡಪ್ರಭ. 2 July 2021. Retrieved 3 July 2021.
↑ "ಆರೋಗ್ಯಪೂರ್ಣ ಆಹಾರದ ಪಟ್ಟಿಯಲ್ಲಿ ಪತ್ರೊಡೆಗೂ ಸಿಕ್ತು ಸ್ಥಾನ". 2 July 2021. Retrieved 3 July 2021.

[1] ttps://tv9kannada.com/health/how-to-make-pathrode-in-simple-at-home-snd-242451.html

[2] "Patrode identified as 'traditional food recipe from AYUSH system of medicine". The Hindu. 29 June 2021. Retrieved 2 July 2021.

[3] "ಆಯುಷ್‌ ಸಾಂಪ್ರದಾಯಿಕ ಖಾದ್ಯ ಪಟ್ಟಿಯಲ್ಲಿ ಕರಾವಳಿ, ಮಲೆನಾಡಿನ ಪತ್ರೊಡೆ!". ಕನ್ನಡಪ್ರಭ. 2 July 2021. Retrieved 3 July 2021.

[4] "ಆರೋಗ್ಯಪೂರ್ಣ ಆಹಾರದ ಪಟ್ಟಿಯಲ್ಲಿ ಪತ್ರೊಡೆಗೂ ಸಿಕ್ತು ಸ್ಥಾನ". 2 July 2021. Retrieved 3 July 2021.

[೧]

[೨]

[೩]

[೪]

ತೂ ಪಾ ಸಂ ತುಳುವೆರೆ ತೆನಸ್
ಅಡ್ಯೆ	ತೆಲ್ಲಾವು ಪುಂಡಿ ಮೂಡೆ ಅಪ್ಪೊತಡ್ಯೆ ಮಂಜೊಲ್ತಿರೆತಡ್ಯೆ ಪೆಲಕಾಯಿದ ದೋಸೆ ಪೆಲಕಾಯಿದ ಗಟ್ಟಿ ತೆಕ್ಕರೆದ ಅಡ್ಯೆ ತುರೆತ ಅಡ್ಯೆ ಪಜೆ ಮಡಿಕೆ ಮರುವಾಯಿ ಪುಂಡಿ ಕೋರಿ ರೊಟ್ಟಿ ಸೇಮೆದಡ್ಯೆ ಸಾರ್ನೆದಡ್ಡೆ ಕೇನೆದ ಪುಂಡಿ
ತೆನಸ್ಸ್	ಗೋಳಿಬಜೆ ಉಂಡ್ಲುಂಗ ಚಟ್ಟಂಬಡೆ ಸಜ್ಜಿಗೆ ಮೆತ್ತೆದ ಗಂಜಿ ಸಜ್ಜಿಗೆ ಬಜಿಲ್ ಕೆರೆಂಗ್‍ದ ಪೋಡಿ ಸೇಮೆದ ಉಪ್ಪಿಟ್ಟ್ ಬಟಾಟೆ ಅಂಬಡೆ ಸೀರ ಕೆರೆಂಗ್‍ದ ಉಪ್ಪುಕರಿ ಬನ್ಸ್ ಕಡ್ಲೆ ಬಜಿಲ್
ಮರಿಯಾಲೊತ ತೆನಸ್ಸ್	ಪತ್ರೊಡೆ ಚೇವು ಕೇನೆ ಸಾಂತನಿ ಪೆಲಕಾಯಿದ ಹಪ್ಪಳ ಕೆರೆಂಗ್‌ದ ಹಪ್ಪಳ ಮರ ಕೆರೆಂಗ್‌ದ ಹಪ್ಪಳ ಉಪ್ಪಡ್ ಪಚ್ಚಿಲ್ ಕಣಿಲೆ
ಕಜಿಪು	ಮನೊಳಿ ಲತ್ತನೆ ಉಪ್ಪುಕರಿ ಗುಜ್ಜೆ ತಿಮರೆದ ಚಟ್ನಿ ಕುಕ್ಕುದ ಚಟ್ನಿ ಪದ್ಪೆತಪ್ಪು ಉಪ್ಪುಕರಿ ಬದನೆ ನುರ್ಗೆ ಕೊದ್ಯೆಲ್ ಜೀಗುಜ್ಜೆ ಅಜದಿನ ಬಂಗುಡೆ ಪುಳಿಮುಂಚಿ ಕೋರಿ ಪುಳಿಮುಂಚಿ ಕೋರಿ ಸುಕ್ಕ ಬೂತಾಯಿ ಪುಳಿಮುಂಚಿ
ಪಾಯ್ಸ	ಕಡ್ಲೆಸಲಾಯಿ ಸಾಬಕಿದ ಪಾಯ್ಸ