ನುರ್ಗೆ ತಪ್ಪುದ ಕಜಿಪು
ನುರ್ಗೆ ಮರತ ತಪ್ಪುನು ನುರ್ಗೆ ತಪ್ಪು [೧] ಪನ್ಪೇರ್. ನುರ್ಗೆ ತಪ್ಪು ಒಂಜಿ ಬಗೆತ ತಪ್ಪು. ನುರ್ಗೆ ತಪ್ಪುನು ನಮ್ಮ ಭಾರತ ದೇಶಡ್ ದುಂಬುದ ಕಾಲೊಡ್ದುಲಾ ಆಯುರ್ವೇದ ಮರ್ದ್‌ಲೆಗ್ ಗಳಸುವರ್.
ಉಪಯೋಗುಲು
[ಸಂಪೊಲಿಪುಲೆ]ನುರ್ಗೆ ತಪ್ಪುದ ಕಜಿಪು ಮಲ್ಪುವೆರ್. ನುರ್ಗೆ ತೊಪ್ಪುಗು ಪೆಲತ್ತರಿ ಪಾಡ್ದ್ ಆಜಾಂಡ ಅವ್ ಬಾರಿ ಲಾಯ್ಕ್ದ ಕಜಿಪು ಆಪುಂಡು. ಬಂಜಿನಾಲೇಗ್ ಬಾಯಿಕೆದ ಸಮಯೊಡು ನುರ್ಗೆ ತಪ್ಪುದ ಕಜಿಪುನು ಬಲಸುವೆರ್. ಆಟಿಡ್ ಈ ಕಜಿಪುನು ಹೆಚ್ಚಾದ್ ಮಲ್ಪುವೆರ್. ಅಂಚೆನೆ ನುರ್ಗೆ ತಪ್ಪು ಜೀವೊಗು ಬಾರಿ ಎಡ್ಡೆ. ವಿಷ ಗೆತೊಂಡಿನಕ್ಲೆಗ್ ಕಕ್ಕಯರೆ ವಿಷನ್ ಪಿದಾಯಿ ದೆಪ್ಪರೆ ನುರ್ಗೆ ತಪ್ಪುದ ರಸನ್ ಉಪಯೋಗ ಮಲ್ಪುವೆರ್. ನುರ್ಗೆ ತಪ್ಪುದ ರಸಕ್ಕ್ ತೊಡ್ಡೆದ ನೇಯಿ ಪಾಡ್ದ್ ಪರ್ಂಡ ತೆಮ್ಮ, ದಮ್ಮು ಕಮ್ಮಿ ಆಪುಂಡು. ತರೆ ಬೇನೆಗ್ ನುರ್ಗೆ ತಪ್ಪುದ ರಸನ್ ಬಳಕೆ ಮಲ್ಪುವೇರ್. ನುರ್ಗೆ ತಪ್ಪು ಬೊಕ್ಕ ಮೂಲಂಗಿ ತಪ್ಪುದ ಇರೆನ್ ಒಟ್ಟುಗು ಅರೆದ್ ಮೂಲವ್ಯಾದಿದ ಗುಳ್ಳೆಗ್ ಪಾಡಂಡ ಗುಳ್ಳೆ ಮಾಯ ಆಪುಂಡು. ನುರ್ಗೆ ತಪ್ಪುದ ಕಜಿಪು ತಿಂಡ ಬಂಜಿದ ಕಜವುಪುರಿ ಪೋಪುಂಡು. ೧೦-೧೫ ನುರ್ಗೆ ತಪ್ಪುನು ಪೇರದೊಟ್ಟುಗು ಬೇಯ್ಪಾದ್ ತೊಡ್ಡೆ ನೇಯಿ ಸೇರ‍್ಪಾದ್ ಪರ್ಂಡ ಶಕ್ತಿ ಬರ್ಪುಂಡು
ನುರ್ಗೆ ತಪ್ಪುದ ಕಜಿಪು
[ಸಂಪೊಲಿಪುಲೆ]
ತಪ್ಪುಲೆಡ್ ಕಜಿಪುಗು ಲಾಯ್ಕ್ ಆಪಿನ ತಪ್ಪು ಪಂಡ ಅವು ನುರ್ಗೆ ತಪ್ಪು. ನುರ್ಗೆ ತಪ್ಪುದ ರೇಸಲಾ ಮಲ್ಪುವೆರ್, ಉಪ್ಪುಕರಿಲಾ ಮಲ್ಪುವೆರ್. ನುರ್ಗೆದ ತಪ್ಪು ಜೋಕ್ಲೆಗ್ ಪುರ ಬಂಜಿಡಿತ್ತಿನ ಕ್ರಿಮಿಕುಲು ಕಮ್ಮಿ ಆಯೆರೆ ಬಾರೀ ಎಡ್ಡೆ. ನುರ್ಗೆ ತಪ್ಪುಡು ಕಬ್ಬಿಣ ಅಂಶಲ ಉಂಡು.
ನುರ್ಗೆ ತಪ್ಪುದ ಸಾರ್
[ಸಂಪೊಲಿಪುಲೆ]ನುರ್ಗೆ ತಪ್ಪುನು ಪೊರ್ಲುಡೆ ಅಜಾತ್ದ್ ದೀವೊಡು. ಐಕ್ ಮುಂಚಿ, ಕೊತಂಬರಿ, ಜೀರಿಗೆ, ಪುಳಿ, ನೀರುಳ್ಳಿ, ಬೆಳ್ಳುಳ್ಳಿ, ಮಂಜೊಲ್, ಬೊಕ ತಾರಾಯಿ ಅವೆನ್ ಮಾತಾ ಪಾಡ್ದ್ ಸಣ್ಣ ಕಡೆವೊಡು. ಆ ಅರೆಪುನು ಕೊದ್ದೆರೆ ದೀವೊಡು ಐಕ್ ಒಂಜಿ ನೀರುಳ್ಳಿ, ಟೊಮೇಟೊ ರುಚಿಕ್ ಉಪ್ಪುಳ ಪಾಡ್ದ್ ಪೊರ್ಲುಡೆ ಕೊದ್ಯಾವೊಡು, ಐಕ್ ನುರ್ಗೆ ತಪ್ಪುನ್ಲ ಪಾಡ್ದ್ ಎಡ್ಡೆ ಕೊದ್ದ್ಯಾವೊಡ್. ನುರ್ಗೆ ತಪ್ಪುದ ಕಜಿಪು ಬಾರೀ ಕಮ್ಮೆನ.
ತೆತ್ತಿ ಬೊಕ ನುರ್ಗೆ ತಪ್ಪುದ ಸಾರ್
[ಸಂಪೊಲಿಪುಲೆ]ನುರ್ಗೆ ತಪ್ಪುದ ಸಾರ್ಗ್ ತೆತ್ತಿಲ ಪಾಡ್ದ್ ಮಲ್ಪುವೆರ್ ಕಮ್ಮೆನ ಆಪುಂಡು.ಮುಂಚಿ, ಕೊತ್ತಂಬರಿ, ಜೀರಿಗೆ, ಬೊಳ್ಳುಳ್ಳಿ, ನೀರುಳ್ಳಿ, ಮಂಜೊಲ್, ರಡ್ಡ್ ಮೆತ್ತೆ,ಮಾತಾ ಪಾಡ್ದ್ ಸಣ್ಣ ಕಡೆವೊಡು. ಆ ಅರೆಪುನು ದೆತ್ತ್ದ್ ಒಂಜಿ ನೇಸಲೆಡ್ ಕೊದ್ಯೆರೆ ದೀವೊಡು ಐಕ್ ನೀರುಳ್ಳಿಲ ಕೊಚ್ಚಿದ್ ಪಾಡೊಡು, ಎಡ್ಡೆ ಕೊದ್ದಿನಾಗ ನುರ್ಗೆ ತಪ್ಪುನು ಪಾಡ್ದ್ ರುಚಿಕ್ ಉಪ್ಪುಲ ಪಾಡ್ದ್ ಕೊದ್ದಿನಾಗ ಐಕ್ ತೆತ್ತಿ ಮೈತ್ಡ ಲಾಯ್ಕ್ ಆಪುಂಡು.
ನುರ್ಗೆ ತಪ್ಪುದ ಉಪ್ಪುಕರಿ
[ಸಂಪೊಲಿಪುಲೆ]ನುರ್ಗೆ ತಪ್ಪುನು ಅಜಾತ್ದ್, ಒಂಜಿ ಬಾಣಲೆಡ್ ಚೂರು ಎಣ್ಣೆ ಪಾಡ್ದ್ ಐಕ್ ಸಾಸೆಮಿ, ಮುಂಚಿ, ಬೆಸೊಪ್ಪು, ನುರ್ಗೆ ತಪ್ಪು ಪಾಡ್ದ್ ಬಾಡದ್ ಐಕ್ ತಾರಾಯಿ ಪಿರೇದ್ ಪಾಡ್ದ್ ರುಚಿಕ್ ಉಪ್ಪುಳ ಪಾಡೊಡು. ನುರ್ಗೆ ತಪ್ಪುದ ಉಪ್ಪುಕರಿಕ್ ಪೆಲತರಿ ಪಾಡ್ದ್ ಲ ಮಲ್ಪುವೆರ್ ಐಕ್ ಅರಿ ಬೊಕ ಸಂಬಾರೋಲೆನ್ ಪೊಡಿ ಮಲ್ತ್ ಪಾಂಡ ಲಾಯ್ಕ್ ಆಪುಂಡು.
ಮರ್ದ್
[ಸಂಪೊಲಿಪುಲೆ]
- ಶೀತ, ತೆಮ್ಮ, ಕುಷ್ಠ, ಕ್ಷಯ, ಶೂಲ ಸೀಕ್‌ಲೆನ್ ಸುಮಾರ್ ಮಲ್ಪರೆ ಉಂದು ಮರ್ದಾಪುಂಡು.
- ನುರ್ಗೆ ಬಡವುನು ಹೆಚ್ಚಿಗೆ ಮಲ್ಪುಂಡು.
- ಸಂಧಿವಾತ,ತಿಗಲೆ ಬೇನೆಗ್ ಉಂದೆಟ್ಟ್ ಮರ್ದ್ ಉಂಡು.
- ಮಂದ ಬುದ್ಧಿ,ಗಂಡಮಾಲೆ ಚಿಕಿತ್ಸೆಗ್ ನುರ್ಗೆದ ಬಿತ್ತ್ ಬಾರೀ ಎಡ್ಡೆ.
- ನುರ್ಗೆದ ಬಿತ್ತ್‌ದ ಎನ್ಣೆ ಎನ್ನೆ ಗಡಿಯಾರೊದ ಉಲಾಯಿದ ಚಕಚ್ರೊಲೆನ ಸಂದ್ ಕೀಲ್‌ಗ್ ಈ ಎನ್ಣನ್ ಪಾಡೆದದೆರ್‌ಗೆ. ಜ್ವರ,ಬಂಜಿದ ಪುರಿ ,ಕಪ ಪೋವೆರೆ ನೆತ್ತ ಬಿತ್ತ್‌ದ ಮರ್ದ್ ಬನಾರಿ ಎಡ್ಡೆ.
- ಪೂ ಬೊಕ್ಕ ಬೀಜೊದ ಎಣ್ಣೆ ಗೆತ್ತ್ಂಡ ಅವು ಸಂಧ್‌ಇವಾತೊಗು ರಾಮಬಾಣ ಮರ್ದ್.
- ನುರ್ಗೆದ ಇರೆಟ್ಟ್ ಪ್ರೊಟೀನ್, ಕೊಬ್ಬು, ಖನಿಜ, ಸುಣ್ಣ, ಫಾಸ್ಫರಸ್, `ಬಿ' ಅನ್ನಾಂಗಲುಲ್ಲ.
- ನಾರ್‌ದಂಸ ಜಾಸ್ತಿ ಇಪ್ಪುನೈಡ್ದಾತ್ರ ಪಿದಾಯಿ ಪೋವಂದಿಪ್ಪುನವು,ಬಂಜಿದ ಕ್ರಿಮಿ,ನರೊತ್ತ ಶಕ್ತಿ ಕಮ್ಮಿಯಾಪುನು,ನಿತ್ರಾನ ಉಂದು ಪೂರಾ ಕಡಿಮೆಯಾಪುಂಡು.
- ನೆತ್ತ ತಪ್ಪು ತಿಂದ್ಂಡ ರಾತ್ರೆಡ್ ಕಣ್ಣ್ ತೋಜಂದಿನ ರೋಗ ಸುಮರಾಪುಂಡು.
- ಉಪ್ಪು, ನಿಂಬೆಪುಲಿತ್ತ ರಸ, ಎಡೆಎ ಮೂಂಚಿದಪೊಡಿತ್ತೊಟ್ಟುಗು ಬೆಯಿಪಾದ್ ತಿಂದ್ಂಡ ಉಬ್ಬೆಸೊಗು ಮರ್ದಾಪುಂಡು.
- ಟೀಬಿ ಕಾಯಿಲೆಲ ಗುಣ ಆಪುಂಡು.ಪಜ್ಜಿ ಇರೆತ್ತೊಟ್ಟುಗು ಎಡ್ಡೆಮುಂಚಿದ ಪೊಡಿಟ್ಟಪ್ಪ ಬೆಯಿಪ್ಪಾದ್ ತಿಂದ್ಂಡ ಉಬ್ಬೆಸೊಗು ಬಾರೀ ಮರ್ದ್.ಟೀಬಿಗ್‌ಲ ಉಂದು ಮರ್ದ್.
- ಪಜ್ಜಿ ಇರೆತ್ತ ರೆಸೊನು ಪೆರ್‌ಡಪ್ಪ ದೆತ್ತೊಂಡ ಜೋಕ್ಲೆಗ್,ಪೆದ್ಮೆದಿಯರ್ಲೆಗ್ ಬಾರೀ ಎಡ್ಡೆ.
- ಎಕ್ಕಬೊಕ್ಕ ನುಗೆದ ಇರೆನ್ ಅರೆತ್ತ್‌ದ್ ಮೂಲವ್ಯಾಧಿದ ಮೋನೆಗ್ ಪೂಜಿಂಡ ಕಿರುಂಬುನು ಉಂತುಂಡು.
- ಬೇನೆ ಕಮ್ಮಿಯಾಪುಂಡು.ಇರೆತ್ತ ರೆಸೊಟ್ಟು ಎಳ್ಮೆದೆಣ್ಣೆದ ಒಟ್ಟುಗು ಎನ್ನೆ ದೆತ್ತ್ಂಡ ಐನ್ ಮೂಂಕುಗು ಒಯಿಪೊಡು ಶೀತೊಗು ಒಂಜನೆ ಮರ್ದ್.
- ಗಾಯೊಗುಲ ಆಪುಂಡು,ತಾರೆದೆನ್ಣೆಡ್ ಎನ್ನೆ ದೆತ್ತ್ಮಡ ತರೆಕೂಜಲ್ ಬುಲೆವರೆ ಬಾರೀ ಪ್ರಯೋಜನ ಆಪುಂಡು.
- ನುರ್ಗೆ ಬೊಕ್ಕ ದೇವದಾರು ಮರತ್ತ ಕೆತ್ತೆನ್ ಅಲೆಟ್ಟ್ ಅರೆತ್ತ್‌ದ್ ಮುಟ್ಟಾಂಡ ಗಂಡಮಾಲೆ ರೋಗ ಎಂಚಿತ್ತ್ಂಡಲ ಸುಮರಾಪುಂಡು.
- ವಾಯುವಿಡಂಗ ಬೊಕ್ಕ ನುರ್ಗೆದ ಪಜ್ಜಿ ಕೆತ್ತೆಡ್ದ್ ಮಲ್ತಿನ ಕಷಾಯಗ್ ತೊಡ್ಡೆದ ನೈ ಬಿರಾದ್ ಪರ್ಂಡ ಬಂಜಿದ ಪುರಿ ಪೋಪುಂಡು.
- ನಾಯಿ ತುಚ್ಚಿಂಡ ನುರ್ಗೆದ ಇರೆಟ್ಟಪ್ಪ ಮಂಜೊಲು, ಬೊಲ್ಲಿಲ್ಲಿ ಅರೆತ್ತ್ ಮುಟ್ಟಾಂಡ ಗಾಯ ಸುಮರಾಪುಂಡು.
- ಉಚ್ಚು ತುಚ್ಚಿನ ವಿಷೊಕ್ಕುಲ ಉಂದೆಡ್ದ್ ಮರ್ದ್ ಮಲ್ಪುಬೆರ್‍. ನುರ್ಗೆದ ತೆಗ್‌ಲ್ ಇರೆನ್ ಅರಿತ್‌ತ ಅರ್ಕಂಜಿನೀರ್‌ಡ್ ಕೊದಿಪಾದ್ ಐಟ್ಟ್ ಮಲ್ಲ ಗಾಯ ದೆಕ್ಕರೆ ಆಪುಂಡು.ಕ್ರಿಮಿಕ್ಕುಲು ಪೋಪ.
ಪಾತೆರೊ
[ಸಂಪೊಲಿಪುಲೆ]ಪತ್ತಿನವು ನುರ್ಗೆದ ಗೆಲ್ಲಾಂಡ್‍ ಉಂತಿನವು ಆಂಬಡೆದ ಗೆಲ್ಲಾಂಡ್‍