ಎಟ್ಟಿ ಪೊಡಿ ಚಟ್ನಿ
 ಎಟ್ಟಿ ಪೊಡಿ ಚಟ್ನಿ | |
| ಬೇತೆ ಪುದರ್ | ಎಟ್ಟಿ ಪೊಡಿ ಚಟ್ನಿ |
|---|---|
| ಬಗೆ | ಚಟ್ನಿ |
| ಮೂಲದ ಜಾಗೆ | ಭಾರತ |
| ಪ್ರದೇಸೊ | ಕುಡ್ಲ , ಉಡುಪಿ |
ಎಟ್ಟಿ ಪೊಡಿ ಚಟ್ನಿ: ನುಂಗೆಲ್ ಎಟ್ಟಿ ಚಟ್ನಿ ಸಾಮಾನ್ಯವಾದ್ ತುಳುವೆರೆ ಇಲ್ಲಡ್ ಆಟಿದ ತಿಂಗೊಲುಡು ಮಲ್ಪಿನ ಚಟ್ನಿ. ಪಿರಾಕ್‍ಡ್ ಆಟಿ ತಿಂಗೊಲು ಬಂಗದ ತಿಂಗೊಲಾದಿತ್ತ್ಂಡ , ಆ ಪೊರ್ತುಡು ಸುಲಬವಾದ್ತಿ ವೊವ್ ತಿಕ್ಕುಂಡಾ ಅವೆನ್ ಕನತ್‍ದ್ ಕಜಿಪು ಮಲ್ತೊಂದಿತ್ತೆರ್. ತುಳುವೆರ್ ಗಂಜಿ ಒಣಸ್ ಮಲ್ತೊಂದು ಬೈದಿನಕುಲು . ದಾಲ ಇಜ್ಜಿಂಡ ಗಂಜಿಗ್ ಚಟ್ನಿ ಗುದ್ದುದು ಒಣಸ್ ಮಲ್ತೊಂದಿತ್ತೆರ್. ಪಿರಾಕ್‍ರ್ದಲಾ ನುಂಗೆಲ್ ಎಟ್ಟಿದ ಚಟ್ನಿ ಗಂಜಿ ಒಣಸ್‍ಗ್ ಮಲ್ತೊಂದಿತ್ತಿನ ಒಂಜಿ ಬಗೆತ್ತ ಚಟ್ನಿ.
ಚಟ್ನಿ ಮಲ್ಪರೆ ಬೋಡಾಯಿನ ಸಾಮಾನುಲು
[ಸಂಪೊಲಿಪುಲೆ]- ನುಂಗೆಲ್ ಎಟ್ಟಿ
- ತಾರಾಯಿ
- ಪುಳಿ
- ಕೆಂಪು ಮುಂಚಿ
- ಸಂಬರ (ಕೊತ್ತಂಬರಿ)
- ರುಚಿಗ್ ಬೋಡಾಯ್ನಾತ್ ಉಪ್ಪು
- ನೀರುಳ್ಳಿ ( ಬೋಡಂಡ ಮಾತ್ರ)
ಮಲ್ಪುನ ವಿದಾನೊ
[ಸಂಪೊಲಿಪುಲೆ]ನುಂಗೆಲ್ ಎಟ್ಟಿನ್ ನ್ ಬನಲೆಡ್ ಎಣ್ಣೆ ಪಾಡಂದೆ ಪೊತ್ಪೊಡು. ಪೊತ್ತಿನ ಎಟ್ಟಿನ್ ಸಾರೊಡ್(ಕಜವ್ ದೆಪ್ಪರೆ) ಅವೆನ್ ಬೋಡಂಡ ನೀರ್ ಡ್ ಒರ ಲುಂಬೊಲಿ ಇಜ್ಜಾಂಡ ಅಂಚನೆ ಪಾಡೊಲಿ. ಅವೆರ್ದ್ ಬೊಕ್ಕ ಕಾರೊಗ್ ಬೋಡಾಯ್ನಾತ್ ಮುಂಚಿ, ಕೊತ್ತಂಬರಿ, ಒಮಜಿ ನೀರುಳ್ಳಿ (ಬೋಡಂಡ ಮಾತ್ರ) ನ್ ಪೊತ್ತುದು ಅವೆನ್ ತಾರಾಯಿ ದೊಟ್ಟುಗು ಕಡೆವೊಡು( ನೀರ್ ಮೈಪರೆ ಬಲ್ಲಿ) . ಕಡೆನಗ ಅವೆಕ್ಕ್ ಪುಳಿ ಪಾಡೊಡು (ರುಚಿಗ್ ಬೋಡಾಯ್ನಾತ್). ಜಾಸ್ತಿ ಸನ್ನ ಕಡೆವರೆ ಬಲ್ಲಿ. ಬೊಕ್ಕ ರುಚಿಗ್ ಬೋಡಾಯ್ನಾತ್ ಉಪ್ಪು ಪಾಡೊಡು. ಪೊತುದಿನ ಎಟ್ಟಿ ಬುಕ್ಕ ಅರೆಪ್ಪುನು ಬೆರಸ್‍ದ ಗಂಜಿದೊಟ್ಟುಗು ತಿನೊಲಿ. [೧]
ಪಿರಾಕ್‍ಡ್ ಚಟ್ನಿ ಮಲ್ತೊಂದಿತ್ತಿನ ಪೊರ್ಲು
[ಸಂಪೊಲಿಪುಲೆ]
ಪಿರಾಕ್‍ಡ್ ವೊವ್ವೇ ರೀತಿದ ಚಟ್ನಿ ಮಲ್ತೊಂದಿತ್ತಿಂಡ ಅವೆನ್ ಕಡೆಪಿನ ಕಲ್ಲ್ ಡೇ ಕಡೆವೊಂದಿತ್ತೆರ್. ಅವದ ಮಸ್ತ್ ರುಚಿ ಆವೊಂದಿತ್ತಿಂಡ್. ಚಟ್ನಿ ಮಲ್ತಿನಾನಿ ತೆಲಿ ಗಂಜಿ ಮಲ್ತ್‍ದ್ ಒಣಸ್ ಮಲ್ತೊಂದಿತ್ತೆರ್.
ಉಲ್ಲೇಕೊ
[ಸಂಪೊಲಿಪುಲೆ]- ↑ Sequeira, Shireen (18 August 2011). "Dried Shrimp Chutney (Galmbyachi Chetni) +Video!". Ruchik Randhap. Retrieved 12 July 2024.