ಬೇವುರೆದ ಚಟ್ನಿ

ಬೇವಿರೆದ ಚಟ್ನಿ

ಬೇತೆ ಪುದರ್	ಬೇವಿರೆದ ಚಟ್ನಿ
ಬಗೆ	ಚಟ್ನಿ
ಮೂಲದ ಜಾಗೆ	ಭಾರತ
ಪ್ರದೇಸೊ	ಕುಡ್ಲ , ಉಡುಪಿ

ಬೇವಿರೆದ ಚಟ್ನಿ/ಬೇವುರೆದ ಚಟ್ನಿ: ಬೇವಿರೆದ ಚಟ್ನಿ ಸಾಮಾನ್ಯವಾದ್ ತುಳುವೆರೆ ಇಲ್ಲಡ್ ಆಟಿದ ತಿಂಗೊಲುಡು ಮಲ್ಪಿನ ಚಟ್ನಿ. ಪಿರಾಕ್‍ಡ್ ಆಟಿ ತಿಂಗೊಲು ಬಂಗದ ತಿಂಗೊಲಾದಿತ್ತ್ಂಡ , ಆ ಪೊರ್ತುಡು ಕಾಡ್ ಲೆಡ್ ಒವ್ ಸುಲಬವಾದ್ ತಿಕ್ಕುಂಡ ಅವೆನ್ ಕನತ್‍ದ್ ಕಜಿಪು ಮಲ್ತೊಂದಿತ್ತೆರ್. ತುಳುವೆರ್ ಗಂಜಿ ಒಣಸ್ ಮಲ್ತೊಂದು ಬೈದಿನಕುಲು . ದಾಲ ಇಜ್ಜಿಂಡ ಗಂಜಿಗ್ ಚಟ್ನಿ ಗುದ್ದುದು ಒಣಸ್ ಮಲ್ತೊಂದಿತ್ತೆರ್. ಅವೆಟ್ಟ್ ಬೇವಿರೆದ ಚಟ್ನಿಲಾ ಒಂಜಿ.

ಚಟ್ನಿ ಮಲ್ಪರೆ ಬೋಡಾಯಿನ ಸಾಮಾನುಲು

• ಬೇವಿರೆ
• ತಾರಾಯಿ
• ಪುಳಿ
• ಕೆಂಪು ಮುಂಚಿ
• ಸಂಬರ (ಕೊತ್ತಂಬರಿ)
• ರುಚಿಗ್ ಬೋಡಾಯ್ನಾತ್ ಉಪ್ಪು

ಮಲ್ಪುನ ವಿದಾನೊ

ಬೇವಿರೆ ನ್ ಸೋಕು ದೆಕ್ಕ್ ದ್ ಕಾರೊಗ್ ಬೋಡಾಯ್ನಾತ್ ಮುಂಚಿ, ಕೊತ್ತಂಬರಿ ನ್ ಪೊತ್ತುದು ಅವೆನ್ ತಾರಾಯಿ ದೊಟ್ಟುಗು ಕಡೆವೊಡು . ಕಡೆನಗ ಅವೆಕ್ಕ್ ಪುಳಿ ಬೊಕ್ಕ ಚೂರು ನೀರ್ ಪಾಡೊಡು (ರುಚಿಗ್ ಬೋಡಾಯ್ನಾತ್). ಜಾಸ್ತಿ ಸನ್ನ ಕಡೆವೊಡುಂದು ಇಜ್ಜಿ. ನೀರ್ ಪಾಡಂದೆ ಪೊಡಿ ಚಟ್ನಿಲಾ ಮಲ್ಪೊಲಿ. ಬೋಡಂಡ ಜಾಸ್ತಿ ಸನ್ನ ಕಡೆದ್ ರುಚಿಗ್ ಬೋಡಾಯ್ನಾತ್ ಉಪ್ಪು ಪಾಡೊಡು. ಮುಲ್ಪ ಮಾತ್ಯೆನ್ಲಾ ಒಟ್ಟಿಗೆ ಕಡೆವುನೈರ್ದಾವರ ಕಡೆನಗ ನೀರುಳ್ಳಿಲಾ ಪಾಡೊಲಿ.

ಪಿರಾಕ್‍ಡ್ ಚಟ್ನಿ ಮಲ್ತೊಂದಿತ್ತಿನ ಪೊರ್ಲು

ಪಿರಾಕ್‍ಡ್ ವೊವ್ವೇ ರೀತಿದ ಚಟ್ನಿ ಮಲ್ತೊಂದಿತ್ತಿಂಡ ಅವೆನ್ ಕಡೆಪಿನ ಕಲ್ಲ್ ಡೇ ಕಡೆವೊಂದಿತ್ತೆರ್. ಅವದ ಮಸ್ತ್ ರುಚಿ ಆವೊಂದಿತ್ತಿಂಡ್. ಚಟ್ನಿ ಮಲ್ತಿನಾನಿ ತೆಲಿ ಗಂಜಿ ಮಲ್ತ್‍ದ್ ಒಣಸ್ ಮಲ್ತೊಂದಿತ್ತೆರ್.

ಆರೋಗ್ಯ ಉಪಯೋಗೊಲು

ಬೇವಿರೆಡ್ ಕರ್ಬೊದಂಸ ಜಾಸ್ತಿ ಇತ್ತಿನೈರ್ದಾವರ ಉಂದೆನ್ ಸೇವನೆ ಮಲ್ತ್ಂಡ ನೆತ್ತೆರ್ ದೊತ್ತಡ (ಬಿ.ಪಿ), ಸಕ್ಕರೆ ಕಾಯಿಲೆ , ಚರ್ಬಿ (ಕೊಲೆಸ್ಟ್ರಾಲ್) ಒಂಜಿ ಹಮತೊಗ್ ಕಮ್ಮಿ ಆಪುಂಡು ಪನ್ಪೆರ್.