ಮೆತ್ತೆಮಣ್ಣಿ

ಮೆಂತೆ
Scientific classification
Kingdom:	plantae
(unranked):	Angiosperms
(unranked):	Eudicots
(unranked):	Rosids
Order:	Fabales
Family:	Fabaceae
Genus:	Trigonella
Species:	T. foenum-graecum
Binomial name
Trigonella foenum-graecum L.

ತುಳುನಾಡ್ತುಳುನಾಡ್ ಡ್ 'ಮೆತ್ತೆದಮೆತ್ತೆ ಮಣ್ಣಿಗ್' ಬಾರೀ ಒಂಜಿ ಮಹತ್ವ ಉಂಡು . ಆಟಿ ತಿಂಗೊಲುಡು ಮೆತ್ತೆದ ಮಣ್ಣಿ ತಿಂನ್ಪುನ ಕ್ರಮ ಉಂಡು.ಉಂಡು ಶರೀರದ ಉಷ್ಣ ದ ಅಂಶ ನ್ ಕಡಿಮೆ ಮಲ್ಪುಂಡು. ಮೆತ್ತೆ (ಟ್ರೈಗೋನೆಲಾ ಫೇನಮ್-ಗ್ರೇಕಮ್) ಫ್ಯಾಬೇಸೀಯೇ ಕುಟುಂಬದ ಒಂಜಿ ದೈ. ಮೆತ್ತೆನ್ ಕನ್ನಡೊಡು ಮೆಂತೆ ಪಂದ್ ಪನ್ಪೆರ್. ಅಯಿನ್ ಸಪ್ಪು ಆದ್ ಲಾ ಕಜಿಪುಗು ಗಲಸುವೆರ್. ಮೆತ್ತೆದ ಬಿತ್ತ್ ಸಾಂಬಾರಡ್ ಬಳಕೆ ಆಪುಂಡು. ಉಂದೆನ್ ವಿಸ್ವೊಡು ಮಾತಾ ಜಾಗೆಲೆಡ್ ಲಾ ಒಂತೆ ನೀರ್ ಇತ್ತಿನ ಜಾಗೆಡ್ ಬುಳೆಪಾವೆರ್. ಅಯಿನ ಸಪ್ಪುನು ಸಾಂಬಾರ್ , ಚಟ್ನಿಚಟ್ನಿ ಗ್ ಲಾ , ಅಂಚನೆ ಬಿತ್ತ್ ನ್ ಕೆಲವು ಮರ್ದ್ ಗಾದ್ ಲಾ ಗಲಸುವೆರ್. ಭಾರತೊ ಮೆತ್ತೆ ಬೊಳೆಪುನ ದೇಶೊಲೆಡ್ ಮಲ್ಲ ಪಾತ್ರ ದೆತೊಂದುನು. ಅಯಿತ ೮೦ % ಮೆತ್ತೆ ರಾಜಾಸ್ಥನೊಡೆ ಬೊಳೆಪುಂಡು.

ಮೆತ್ತೆದ ಶಕ್ತಿದ ಲೆಕ್ಕೊ

೧೦೦ ಗ್ರಾಂ ಮೆತ್ತೆಡ್ ೧,೩೫೦ ಕಿಲೊ ಜ್ಯೂಲ್ಸ್ ( ೩೨೩ ಕಿಲೊ ಕ್ಯಾಲರಿ) ದಾತ್ ಶಕ್ತಿ ಉಂಡು.ಅಯಿಟ್ ೯ % ನೀರ್, ೫೮ % ಕಾರ್ಬೊಹೈಡ್ತ್ರೆಟ್, ೨೩ % ಪ್ರೊಟೀನ್, ೬ % ಎಣ್ಣೆದ ಅಂಶೊ, ಅಂಚನೆ ಕ್ಯಾಲ್ಸಿಯಮ್ ಉಂಡು.

ಮರ್ದ್‌ದ ಗುಣೊಕ್ಕುಲು

ಮೆತ್ತೆ ಮೆತ್ತೆ ಜೀರ್ಣೊ ಕ್ರಿಯೆಗ್ ಬಾರೀ ಸಹಾಯೊ ಮಲ್ಪುಂಡು. ಮುಂಗೆ ಬತ್ತಿನ ಮೆತ್ತೆ ಕೆಮ್ಮು, ದಮ್ಮು ಕಟ್ಟುನೆಕ್ ಮರ್ದಾದ್ ಬಳಕೆ ಆಪುಂಡು. ಬಾಲೆಗ್ ಪೇರ್ ಪರ್ಪಾವುನ ಅಪ್ಪೆನಕುಲೆಗ್ ಎಡ್ಡೆ ವಸ್ತ್. ಚೀಪೆ ಪಡಿಕೆದಕುಲೆಗ್ ಲ ಉಂದು ಮರ್ದ್. ಒಂಜಿ ಲೋಟೆ ನೀರ್ ಗ್ ಒಂಜಿ ಚಮಚದಾತ್ ಮೆತ್ತೆದ್ ಪೊಡಿ ಪಾಡ್ದ್ ಕಾಂಡೆ ಕಾಲೊ ಬಂಜಿಗ್ ಪರ್ಂಡ ಬಾರಿ ಎಡ್ಡೆ. ಉಂದು ಚೀಪೆ ಪಡಿಕೆನ್ ನಿಯಂತ್ರಣಡ್ ದೀಯೆರೆ ಉಪಕಾರ ಮಲ್ಪುಂಡು. ತರೆಕೂಜಲ್ತರೆ ಪೊರ್ಲಾದ್ ಬಳಪೆರ್ಲಾ ಊಂದು ಮರ್ದ್ ಆಟಿದ ಅಮಾವಾಸ್ಯೆದಾನಿ ಪಾಲೆದ ಮರಪಾಲೆ ಮರ ತ್ತ ಕೆತ್ತೆನ್ ಕಡೆದ್ ಪರಿ ಬೊಕ್ಕ ಮೆತ್ತೆದ ಗಂಜಿ ಪರ್ಪುನ ಕ್ರಮೊ ಉಂಡು. ಮೆತ್ತೆದ ಮಣ್ಣಿಗ್ ಬೋಡಾಪುನ ಸಾಮಾನ್

ಮೆತ್ತೆ ಬೊಳಂತೆ ಅರಿ ಬೆಲ್ಲಬೆಲ್ಲ ಉಪ್ಪುಉಪ್ಪು ಎಣ್ಣೆ ನೀರುಳ್ಳಿ

ಮಲ್ಪುನ ವಿಧಾನ

ಮೆತ್ತೆನ್, ಅರಿನ್ ಒಂಜಿ ೪ರ್ದ್ ೫ ಗಂಟೆ ಪೊರ್ತು ನೀರ್ಡ್ ಪಾಡ್ದ್ ದೀವೊಡು. ಬೊಕ ಅರಿನ್ ಮೆತ್ತೆ ಬೆಲ್ಲ ಚೂರು ಉಪ್ಪು ಪಾಡ್ದ್ ಸಣ್ಣ ಕಡೆವೊಡು. ಬೊಕ ಒಂಜಿ ಬಣಲೆ ದೆತೊಂದು ಐಕ್ ಎಣ್ಣೆ ಪಾಡ್ದ್,ಐಕ್ ರಡ್ಡ್ ಮೆತ್ತೆ, ಬೊಕ ನೀರುಳ್ಳಿನ್ ಸಣ್ಣ ಮೂರ್ದ್ ಪಾಡೊಡು ಅವು ಕೆಂಪು ಆನಗ ಐಕ್ ಸಣ್ಣ ಕಡೆದ್ ದೀತಿನ ಬಂದನ್ ಪಾಡ್ದ್ ಕೈಲ್ ಡ್ ಮಗ್ ತೊಂದು ಉಪ್ಪೊಡು. ಎಲ್ಯೇಗ್ ತೂ ಪೊತ್ತಾದ್. ಬೊಕ ಅವು ಗಟ್ಟಿ ಆವೊಂದು ಬನ್ನಗ ಐಕ್ ತಾರಾಯಿದ ಪೂಲ್ ಮಲ್ತ್ ದ್ ಪಾಡೊಡು. ಬೊಕ ಅವೆನ್ ಒಂಜಿ ತಡ್ಪೆತಡ್ಪೆ ದೇತೊಂದು ಐಕ್ ಬಾರೆದ ಇರೆಬಾರೆದ ಇರೆ ಪಾಡ್ದ್ ಐಕ್ ಚೂರು ಎಣ್ಣೆ ಪೂಜಿದ್ ಈ ಮಣ್ಣಿನ್ ಪಾಡ್ದ್ ಅರಪೆರೆ ದೀವೊಡು. ಅರತಿ ಬೊಕ ಮಣ್ಣಿ ತಿನೆರೆ ಲಾಯ್ಕ್ ಆಪುಂಡು.

ಬಾಹ್ಯ ಉಲ್ಲೇಖ

• https://kn.wikipedia.org/s/es2
• Fenugreek Seeds for Healthy Shiny Hair Read and Digest
• Fenugreek, Gernot Katzer's spice dictionary
• About Herbs, Botanicals & Other Products, Memorial Sloan-Kettering Cancer Center
• Encyclopedia of Spices Archived ೨೦೧೯-೦೯-೨೫ at the Wayback Machine
• ಮೆಂತ್ಯದ ಬೀಜಗಳ ಅಡ್ಡ ಪರಿಣಾಮಗಳು