ಪುನರ್ ತಪ್ಪುದ ಚಟ್ನಿ
| ಬೇತೆ ಪುದರ್ | ಪುನರ್ ತಪ್ಪುದ ಚಟ್ನಿ |
|---|---|
| ಬಗೆ | ಚಟ್ನಿ |
| ಮೂಲದ ಜಾಗೆ | ಭಾರತ |
| ಪ್ರದೇಸೊ | ಕುಡ್ಲ , ಉಡುಪಿ |
ಪುನರ್ ತಪ್ಪುದ ಚಟ್ನಿ: ಪುನರ್ ತಪ್ಪುದ ಚಟ್ನಿ ಸಾಮಾನ್ಯವಾದ್ ತುಳುವೆರೆ ಇಲ್ಲಡ್ ಆಟಿದ ತಿಂಗೊಲುಡು ಮಲ್ಪಿನ ಚಟ್ನಿ. ಪಿರಾಕ್‍ಡ್ ಆಟಿ ತಿಂಗೊಲು ಬಂಗದ ತಿಂಗೊಲಾದಿತ್ತ್ಂಡ , ಆ ಪೊರ್ತುಡು ಕಾಡ್ ಲೆಡ್ ಒವ್ ಸುಲಬವಾದ್ ತಿಕ್ಕುಂಡ ಅವೆನ್ ಕನತ್‍ದ್ ಕಜಿಪು ಮಲ್ತೊಂದಿತ್ತೆರ್. ತುಳುವೆರ್ ಗಂಜಿ ಒಣಸ್ ಮಲ್ತೊಂದು ಬೈದಿನಕುಲು . ದಾಲ ಇಜ್ಜಿಂಡ ಗಂಜಿಗ್ ಚಟ್ನಿ ಗುದ್ದುದು ಒಣಸ್ ಮಲ್ತೊಂದಿತ್ತೆರ್. ಅವೆಟ್ಟ್ ಪುನರ್ ತಪ್ಪುದ ಚಟ್ನಿಲಾ ಒಂಜಿ.[೧]
ಚಟ್ನಿ ಮಲ್ಪರೆ ಬೋಡಾಯಿನ ಸಾಮಾನುಲು
[ಸಂಪೊಲಿಪುಲೆ]ಮಲ್ಪುನ ವಿದಾನೊ
[ಸಂಪೊಲಿಪುಲೆ]ಪುನರ್ ತಪ್ಪುನ್ ಒರ ನೀರ್ ಡ್ ಕೊದಿಪಾದ್ ನೀರ್ ಅರ್ತ್‍ದ್ ಬರೀಕ್ ದೀವೊಡು. ಅವೆರ್ದ್ ಬೊಕ್ಕ ಕಾರೊಗ್ ಬೋಡಾಯ್ನಾತ್ ಮುಂಚಿ, ಕೊತ್ತಂಬರಿ ನ್ ಪೊತ್ತುದು ಅವೆನ್ ತಾರಾಯಿ ದೊಟ್ಟುಗು ಕಡೆವೊಡು . ಕಡೆನಗ ಅವೆಕ್ಕ್ ಚೂರು ನೀರ್ ಬೊಕ್ಕ ಪುಳಿ ಪಾಡೊಡು (ರುಚಿಗ್ ಬೋಡಾಯ್ನಾತ್). ಜಾಸ್ತಿ ಸನ್ನ ಕಡೆವೊಡುಂದು ಇಜ್ಜಿ. ಬೋಡಂಡ ಜಾಸ್ತಿ ಸನ್ನ ಕಡೆದ್ ರುಚಿಗ್ ಬೋಡಾಯ್ನಾತ್ ಉಪ್ಪು ಪಾಡೊಡು. ಬೋಡಂಡ ನೀರುಳ್ಳಿನ್ ಸನ್ನ ಮೂರ್ದ್ ಚಟ್ನಿಗ್ ಪಾಡೊಲಿ.
ಪಿರಾಕ್‍ಡ್ ಚಟ್ನಿ ಮಲ್ತೊಂದಿತ್ತಿನ ಪೊರ್ಲು
[ಸಂಪೊಲಿಪುಲೆ]
ಪಿರಾಕ್‍ಡ್ ವೊವ್ವೇ ರೀತಿದ ಚಟ್ನಿ ಮಲ್ತೊಂದಿತ್ತಿಂಡ ಅವೆನ್ ಕಡೆಪಿನ ಕಲ್ಲ್ ಡೇ ಕಡೆವೊಂದಿತ್ತೆರ್. ಅವದ ಮಸ್ತ್ ರುಚಿ ಆವೊಂದಿತ್ತಿಂಡ್. ಚಟ್ನಿ ಮಲ್ತಿನಾನಿ ತೆಲಿ ಗಂಜಿ ಮಲ್ತ್‍ದ್ ಒಣಸ್ ಮಲ್ತೊಂದಿತ್ತೆರ್.
ಉಲ್ಲೇಕೊಲು
[ಸಂಪೊಲಿಪುಲೆ]- ↑ "Kokum leaves-brahmi leaves chutney". Retrieved 12 July 2024.