ಪೆಲಕಾಯಿದ ಮುಳ್ಕ
ಪೆಲಕಾಯಿದ ಬಗ್ಗೆ
[ಸಂಪೊಲಿಪುಲೆ]ಪೆಲಕಾಯಿಪೆಲಕಾಯಿ ಪಂಡ ದುಂಬುದ ಕಾಲೋಡು ಒಂಜಿ ಗಾದೆ ಇತ್ತ್ ನ್ಡ್ ,“ಹಸಿದು ಹಲಸು ತಿನ್ನು, ಉಂಡು ಮಾವು ತಿನ್ನು” ಪಂದ್. ಆ ಕಾಲೋಡು ಬಡವು ದಕುಲು ದಾದಾಂಡಲಾ ತಿನೊಡು ಪಂಡ ಅವು ಪೆಲಕಾಯಿ ಆದಿತ್ತನ್ಡ್. ಸಾಮಾನ್ಯ ವಾದ್ ಪೆಲಕಾಯಿಡ್ ಹಪ್ಪಳ, ಬನ್ಸ್, ಜ್ಯೂಸ್, ಐಸ್ ಕ್ರೀಮ್, ಜಾಮ್, ಚಿಪ್ಸ್, ಹಲ್ವ, ಗಟ್ಟಿ, ಮುಳ್ಕ, ಶೀರಾ, ಪಾಯ್ಸ, ದೋಸೆ, ಇಡ್ಲಿ, ಹೋಳಿಗೆ, ಇಂಚ ಸುಮಾರ್ ಬಗೆತ ತೆನಸ್ ಲೆನ್ ಮಲ್ಪೊಲಿ. ಅಂಡ ಸುಮಾರ್ ಜನಕ್ ಪೆಲಕಾಯಿ ಒಂಜಿ ಪರ್ ನ್ದ ಆತೆ ಗೊತ್ತು. ಐಟ್ ಮಲ್ಪುನ ತೆನಸ್ ದ ಬಗ್ಗೆ ಗೊತ್ತಿಜ್ಜಿ. ಈ ಮರಿಯಲದ ಪೊರ್ತುಡು ಪೆಲಕಾಯಿದ ತಿಂಡಿ ಮಲ್ಪುನ ಪೊರ್ತು. ಮರಿಯಲದ ಬರ್ಸ ಬೂರಿ ಕುಡ್ಲೆ ಪೆಲಕಾಯಿದ ಚೀಪೆ ಒಂತೆ ಕಮ್ಮಿ ಆಪುಂಡು.ಅಪಗ ಚೂರು ಚೀಪೆ ಪಾಡ್ದ್ ಮಲ್ಪುನ ಒಂಜಿ ಬಗೆತ ತಿಂಡಿ ಅವು ' ಪೆಲಕಾಯಿದ ಮುಳ್ಕ ', ನೆಕ್ ಗುಳಿಯಪ್ಪ, [೧]ಸುಟ್ಟುವು, ಪಂದ್ ಲೆಪ್ಪುವೆರ್. ಮಲೆನಾಡು ಕರಾವಳಿ ಸೈಡ್ ದ ಜನಕುಲು ಜಾಸ್ತಿ ಆದ್ ಮಲ್ಪುನ ತಿಂಡಿ. ಬರಿಕೆ ಪೆಲಕಾಯಿಡ್ ಮಲ್ತ್ ನ್ಡ ಬಾರೀ ರುಚಿ ಆಪುಂಡು. ಪೆಲಕಾಯಿದ ಮುಳ್ಕ ಮಲ್ಪೆರೆ ಬೋಡಾಪುನ ಸಾಮಾನ್
![](http://upload.wikimedia.org/wikipedia/commons/thumb/1/15/Jackfruit_Flesh.jpg/220px-Jackfruit_Flesh.jpg)
ಪೆಲಕಾಯಿದ ಪಚ್ಚಿಲ್, ಅರಿ – 1 ಲೋಟೆ,ತಾರಾಯಿ ಪಿರೆಯಿನ – 1/4 ಲೋಟೆ, ಬೆಲ್ಲ – 1/2 ಲೋಟೆ,ಏಲಕ್ಕಿ,ಉಪ್ಪು ರುಚಿಕ್ ಬೋಡಾಯಿ ನಾತ್ ಪಾಡೊಡು.
ಮಲ್ಪುನ ವಿಧಾನ
[ಸಂಪೊಲಿಪುಲೆ]ಸುರುಕು ಅರಿನ್ ರಡ್ಡ್ ಗಂಟೆ ನೀರ್ಡ್ ನೆನೆತ್ ದೀವೊಡು. ಬೊಕ ಆ ಅರಿನ್ ಅರಿತ್ ದ್, ಐಕ್ ಪೆಲಕಾಯಿದ ಪಚ್ಚಿಲ್, ಪಿರೆಯಿನ ತಾರಾಯಿ, ಏಲಕ್ಕಿ, ಸೇರ್ಸದ್ ಕಡೆವೊಡು. ಕಡೇನಗ ಪಚ್ಚಿಲ್ಡ್ ಇತ್ತಿನನೇ ನೀರ್ಡ್ ಅದೋಟ್ ಕಡೆವೊಡು. ಐಕ್ ಬೆಲ್ಲದ ಪೋಡಿಲ, ಉಪ್ಪುಲ ಪಾಡ್ದ್ ಮಿಕ್ಸ್ ಮಲ್ಪೊಡು. ಕಡೆಯಿನ ಬಂದನ್ ಕಾಲ್ ಗಂಟೆ ಅಂಚನೆ ದೀದ್, ಬೊಕ ಒಂಜಿ ಬಣಲೆ ದೀದ್ ಐಕ್ ಎಣ್ಣೆ ಪಾಡ್ದ್ ಬೆಚ್ಚ ಆನಗ ಐಕ್ ಎಲ್ಯ ಎಲ್ಯ ಉಂಡೆ ಮಲ್ತ್ ಪಾಡೊಡು. ಅವು ಕಾಯಿನಗ ಕೆಂಪಾದ್ ಅವೆನ್ ಎಣ್ಣೆರ್ದ್ ದೆಪ್ಪೊಡು. ಆರತಿ ಬೊಕ ಪೆಲಕಾಯಿದ ಮುಳ್ಕ ತಿನೆರೆ ರೆಡಿ.