ಬೊಂಡಾಸ್ ಸುಕ್ಕ

ಬೊಂಡಾಸ್ ಸುಕ್ಕ

ಬೊಂಡಾಸ್ ಸುಕ್ಕ
ಬೇತೆ ಪುದರ್	ಬೊಂಡಾಸ್ ಸುಕ್ಕ
ಬಗೆ	ಕಜಿಪು/ಸುಕ್ಕ
ಮೂಲದ ಜಾಗೆ	ಭಾರತ
ಪ್ರದೇಸೊ	ಕುಡ್ಲ , ಉಡುಪಿ

ಬೊಂಡಾಸ್ ಸುಕ್ಕ: ಬೊಂಡಾಸ್ ಸುಕ್ಕ ತುಳುನಾಡ್‍ಡ್ ಕೋರಿದ ಸುಕ್ಕ ಲೆಕೊನೆ ಬೊಂಡಾಸ್ ಮೀನ್‍ನ್ ಗಲಸ್‍ದ್ ಮಲ್ಪಿನ ಒಂಜಿ ಬಗೆತ್ತ ಕಜಿಪು. ಉಂದೆನ್ ಕೋರಿದ ಸುಕ್ಕ ಲೆಕೊನೆ ಮಲ್ಪುವೆರ್. ಕೋರಿರ್ದಲಾ ಮಸ್ತ್ ರುಚಿ ಆದುಪ್ಪುಂಡು. ಬೊಂಡಾಸ್ ಒಂಜಿ ಬಗೆತ್ತ ಮೀನ್ . ನೆಕ್ಕ್ ಇಂಗ್ಲಿಸ್‍ಡ್ ಸ್ಕ್ವಿಡ್ ಪಂಡ್‍ದ್ ಪನ್ಪೆರ್.

ಮಲ್ಪರೆ ಬೋಡಾಯಿನ ಸಾಮಾನುಲು

• ಬೊಂಡಾಸ್
• ತಾರಾಯಿ
• ಮಂಜಲ್ ಪೊಡಿ
• ಪುಳಿ - ಅರ್ದ ಬಿತ್ತ್ (ಚೂರು)
• ಕೆಂಪು ಮುಂಚಿ
• ಸಂಬರ (ಕೊತ್ತಂಬರಿ) - ನಾಲ್ ಚಮ್ಚ
• ಜೀರ್ದರಿ - ಒಂಜಿ ಚಮ್ಚ
• ರುಚಿಗ್ ಬೋಡಾಯ್ನಾತ್ ಉಪ್ಪು
• ಬೇವುರೆ
• ದಾಸೆಮಿ

ಮಲ್ಪುನ ವಿದಾನೊ

ಬೊಂಡಾಸ್ ಸಮ ಮಲ್ಪಿನ ವಿದಾನೊ

ಬೊಂಡಾಸ್ ಮೀನ್ ದ ಪಿದಾಯಿದ ಚೋಲಿನ್ ದೆತ್‍ದ್ ಅವೆತ್ತ ತಿರ್ತ್ದ ಮೈಟ್ ಇತ್ತಿನ ಬೀಲೊನು ದೆಪ್ಪೊಡು . ಅವೆರ್ದ್ ಬುಕ್ಕ ಅವೆತ್ತ ಬಂಜಿ ದುಲಾಯಿ ಉದ್ದದ ಒಂಜಿ ಮುಳ್ಳು ಲೆಕ ಇಪ್ಪುಂಡು ಅವೆನ್ ದಕ್ಕೊಡು ಗಲಸರೆ ಬಲ್ಲಿ. ಬೊಂಡಾಸ್ ದ ಬೀಲ ಬೋಡಾಂಡ ಅವೆತ್ತಲಾ ಚೋಲಿ ದೆತ್‍ದ್ ಕಜಿಪುಗ್ ಪಾಡೊಲಿ ಬೊರ್ಚಿಮಡ ದಕ್ಕೊಲಿ. ಬೊಂಡಾಸ್ ದುಲಾಯಿ ಮಸ್ತ್ ಸೇಡಿ ಮಣ್ಣ್ ಇಪ್ಪುಂಡು . ಅವೆನ್ ಸಮ ನೀರ್ ಪಾರ್ದ್ ದೆಕ್ಕೊಡಾಪುಂಡು. ಸಮ ಮಲ್ತಿ ಬೊಕ್ಕ. ಅವೆನ್ ರೌಂಡ್ ಆಕಾರೊಡು ಇಜಿಂಡ ಉದ್ದಗ್ ಮೂರೊಡು.

ಕಜಿಪು ಮಲ್ಪಿನ ವಿದಾನೊ

ಕಜಿಪು ಮಲ್ಪರೆ ಸುರುಕಾದ್ ತಾರಾಯಿ , ಬೇವಿರೆ,ದಾಸೆಮಿ, ಮುಂಚಿ, ಮಂಜಲ್ ಪೊಡಿ, ಕೊತ್ತಂಬರಿ, ಜೀರ್ದರಿ, ದಾಸೆಮಿ ಮಾತೆನ್ಲ ಪೊತ್ತುದು ಸಮ ಕಾಯಿ ಬೊಕ್ಕ ಚೂರು ಪುಳಿ ಪಾರ್ದ್ ಕಡೆವೊಡು. ನೀರ್ ಚೂರು ಪಾಡ್ಂಡ ಯಾವು. ಸುಕ್ಕ ಮಲ್ಪರೆ ಜಾಸ್ತಿ ನೀರ್ ಪಾಡ್ರೆ ಬಲ್ಲಿ. ಅವೆರ್ದ್ ಬೊಕ್ಕ ಬೊಂಡಾಸ್‍ ನ್ ನೀರುಳ್ಳಿ ಮೂರ್ದು ಬೆಯ್ಪಾದ್ ಅರೆಪ್ಪುನ್ಲಾ ಅವೆಕ್ಕೆ ಕೂಟೊಡು. ಬೊಂಡಾಸ್ ನ್ ಜಾಸ್ತಿ ಬೈಪಾವರೆ ಬಲ್ಲಿ. ಜಾಸ್ತಿ ಬೈಪಾಂಡ ರಬ್ಬರ್ ಲೆಕೊ ಆಪುಂಡು.

ಬೇತೆ ಬಾಸೆಲೆಡ್ ಬೊಂಡಾಸ್ ಸುಕ್ಕ

• ಸ್ಕ್ವಿಡ್ ಕರಿ - ಇಂಗ್ಲಿಸ್ ಬಾಸೆಡ್