ಜೀಗುಜ್ಜೆ ಪೋಡಿ

ಜೀಗುಜ್ಜೆ ದ ಪೋಡಿ

ಜೀಗುಜ್ಜೆ ದ ಪೋಡಿ
ಬೇತೆ ಪುದರ್	ಜೀಗುಜ್ಜೆ ದ ಪೋಡಿ
ಬಗೆ	ಪೋಡಿ
ಮೂಲದ ಜಾಗೆ	ಭಾರತ
ಪ್ರದೇಸೊ	ಕುಡ್ಲ,ಉಡುಪಿ
ಬೊಡಾಯಿನ ಸಾಮಾನ್	ಕೆರೆಂಗ್

ಜೀಗುಜ್ಜೆ ಪೋಡಿ , ಉಂದು ಜೀಗುಜ್ಜೆ ನ್ ಗಲಸ್ ದ್ ಮಲ್ಪಿನ ಒಂಜಿ ಬಗೆತ್ತ ತಿಂಡಿ. ಕೆರೆಂಗ್ ನ್ ಎಂಚ ಕೈತ್‍ದ್ ಪೋಡಿ ಮಲ್ತ್ ದ್ ತಿನ್ಪೆರಾ ಅಂಚನೆ ಜೀಗುಜ್ಜೆ ನ್ ಎಣ್ಣೆಡ್ ಕೈತ್ ದ್ ಪೋಡಿ ಮಲ್ಪುವೆರ್. ಜೀಗುಜ್ಜೆ ಲಾ ಕೆರೆಂಗ್‍ದ ಪೋಡಿ ಲೆಕೊನೆ ರುಚಿಯಾದಿಪ್ಪುಂಡು. ಅವತ್ತಂದೇ ಎಣ್ಣೆಡ್ ಕೈತಿನ ತಿಂಡಿ ಬೆಚ್ಚ ಬೆಚ್ಚ ಚಾ-ಕಾಪಿ ದೊಟ್ಟುಗು ತಿನರೆ ಬಾರೀ ರುಚಿ. ತುಳುನಾಡ್ ಡ್ ಉಂದು ಮಾಂತ ವೊಟೇಲ್ ಡ್ ತಿನರೆ ತಿಕ್ಕುಂಡು.

ಇತಿಹಾಸೊ

ಮೊಘಲೆರೆನ ಕಾಲೊಡ್ ಬಜ್ಜಿ(ಪಕೋಡ, ಪಕೋರ)

ಮೊಘಲೆರೆನ ಕಾಲೊಡ್, ರಾಜ್ಯೊದ ಅಡಿಗೆಬಟ್ರ್ ನಕುಲು ಕೆತ್ತಿದ ಬಜ್ಜಿ, ಬೇತೆ ಬೇತೆ ತರ್ಕಾರಿದ ಬಜ್ಜಿ ಇಂಚ ಬೇತೆ ಬೇತೆ ಬಜ್ಜಿಲೆನ್ ಮಲ್ತೊಂದಿತ್ತೆರ್ ಪನ್ಪಿನ ಪಾತೆರ ಉಂಡು. ಅವೆನ್ ದುಂಬು 'ಪಕ್ಕಾವತ್' ಪಂಡ್‍ದ್ ಲೆತ್ತೊಂದಿತ್ತೆರ್, ಅವೆರ್ದ್ ಬೊಕ್ಕ ಎಣ್ಣೆಡ್ ಕೈತಿನ 'ಪಕೋರಾ' ಪಂಡ್‍ದ್ ಪುದರ್ ದೀಯೆರ್. ಪಕ್ಕಾವತ್ ಪದೊಟ್ಟ್ ‘ಪಕ್ವಾ’ ಪಂಡರೆ ಬೆಯ್ಪಾದಿನ, ಬುಕ್ಕ ‘ವಾತ್’ ಪಂಡ ಎಲ್ಯ ಎಲ್ಯ ತುಂಡುಲು ಪಂದ್ ಅರ್ತ.

ತಯಾರ್ ಮಲ್ಪರೆ ಬೋಡಾಯ್ನ ಸಾಮಾನುಲು

• ಜೀಗುಜ್ಜೆ - ಒಂಜಿ .
• ಕಡ್ಲೆಹಿಟ್ಟ್ - ೨ ಕಪ್.
• ಜೀರ್ದರಿ - ಕಾಲ್ ಚಮ್ಚ.
• ಮುಂಚಿದ ಪೊಡಿ - ಕಾಲ್ ಚಮ್ಚ.
• ಅಟೆಲ್‍ಗ್ ಗಲಸುನ ಎಣ್ಣೆ (ಪೋಡಿ ಕಯ್ಪರೆ ಬೊಡಾಯ್ನಾತ್).

ಮಲ್ಪುನ ವಿದಾನೊ

ಸುರುಕಾದ್ ಜೀಗುಜ್ಜೆದ ಮೇಲ್ದ ಚೋಲಿನ್ ದೆತ್‍ದ್, ಅವೆನ್ ರಡ್ಡ್ ಬಾಗ ಮಲ್ತ್‍ದ್ ಅವೆನ್ ಒಂಜಿ ತೆಳು ಆಕಾರೊಡು ಮಸ್ತ್ ದಪ್ಪ ಮೂರಂದೆ ಹದ ತೆಳು ಮೂರ್ದ್ ಬರಿಕ್ ದೀವೊಡು. ಬೊಕ್ಕ ಒಂಜಿ ಬಾಜನೊಡು ಕಡ್ಲೆ ಹಿಟ್ಟ್ ನ್ ಸಾರ್ದ್(ಗಂಟ್ ಬರ್ರೆ ಬಲ್ಲಿ ಪಂದ್ ಸಾರುನ) ಅವೆಕ್ಕ್ ಮಂಚಿದ ಪೊಡಿ, ಮಂಜಲ್ ದ ಪೊಡಿ ಕಾಲ್ ಚಮ್ಚ , ಜೀರ್ದರಿ ಅರ್ದ ಚಮ್ಚ , ರುಚಿಗ್ ಬೋಡಾಯ್ನಾತ್ ಉಪ್ಪು , ಒಂತೊಂತೆ ನೀರ್ ಪಾರ್ದ್ ಕಲಪ್ಪೊಡು. ಹಿಟ್ಟ್ ಕಲತ್ತಿನ ಮಸ್ತ್ ತೆಳು ಮಲ್ಪಂದೆ ಚೂರು ದಪ್ಪ ಇಪ್ಪೊಡು. ಬೊಕ್ಕ ಎಣ್ಣೆ ಬೆಚ್ಚ ಆವರೆ ದೀದ್ ಎಣ್ಣೆ ಕಾಯಿ ಬೊಕ್ಕ ಅವೆಕ್ಕ್ ತುಂಡು ಮಲ್ದಿನ ಕೆರೆಂಗ್ ನ್ ಒಂಜೊಂಜೆ ಕಡ್ಲೆಹಿಟ್ಟ್ ಡ್ ಮುರ್ಕಾದ್ ಎಣ್ಣೆಡ್ ಬುಡೊಡು.

ಬೇತೆ ಬಾಸೆಲೆಡ್ ಕೆರೆಂಗ್ ದ ಪೋಡಿ

• ಇಂಗ್ಲಿಷ್ - ಬ್ರೆಡ್ ಫ್ರುಟ್ ಫ್ರಿಟರ್ಸ್.
• ಕನ್ನಡ - ದಿವಿಹಲಸಿನ ಪೋಡಿ.