ನರ್ತೆ ಸುಕ್ಕ

ನರ್ತೆ ಸುಕ್ಕ^[೧] ಉಂದು ತುಳುನಾಡ್‍ಡ್ ಮಲ್ಪುನ ಒಂಜಿ ವಿಸೇಸವಾಯಿನ ಕಜಿಪು. ಉಂದೆನ್ ನರ್ತೆನ್ ಗಲಸ್‍ದ್ ಮಲ್ಪುವೆರ್.^[೨] ಪಿರಾಕ್‍ಡ್ ತುಲುವೆರೆನ ಇಲ್ಲ ಇಲ್ಲಡ್ ಮರಿಯೊಲದಪಗ ನರ್ತೆದ ಕಜಿಪು ಮಲ್ಪಂದಿನ ಇಲ್ಲ್ ಇತಿಜಿ. ನರ್ತೆಲು ಪುವೆಚ್ಚಿ/ಪುರುಕ್ಲೆನ ಜಾತಿಗ್ ಸೇರಿನ ಒಂಜಿ ಜೀವಿ. ನರ್ತೆಲೆನ ಆಹಾರವಾದ್ ತಿಂಡ ಅವೆರ್ದ್ ಮಸ್ತ್ ಶರೀರೊಗ್ ಆಪಿನ ಪ್ರಯೋಜನಲು ಉಲ್ಲ. ದಾಯೆ ಪಂಡ ನೆಟ್ಟ್ ಕರ್ಬೊದ ಅಂಸ, ಕ್ಯಾಲ್ಸಿಯಂ, ವಿಟಮಿನ್ ಎ ಬೊಕ್ಕ ಕೆಲವು ಕನಿಜೊದ ಪೌಷ್ಠಿಕಾಂಸೊಲು ಉಂಡು ಅಂಚನೆ ಪ್ರೋಟೀನ್ ಲ ಜಾಸ್ತಿ ಇಪ್ಪುಂಡು. ನರ್ತೆಲೆಡ್ ಸುಮಾರ್ ವಿದೊಕುಲುಲ್ಲ ಕೆಲವು ವಿದೊತ್ತ ನರ್ತೆಲೆನ್ ತಿನ್ಪುಜೆರ್.

ನರ್ತೆಲೆನ್ ಪೆಜ್ಜಿದ್ ಸಮ ಮಲ್ಪಿನ ಕ್ರಮೊ[ಸಂಪೊಲಿಪುಲೆ]

ನರ್ತೆಲು ಅರೆಗೊಲೊಡು ತುವರೆ ತಿಕ್ಕುಜ, ಮರಿಯಲಡ್ ತಂಪು ಇಪ್ಪುನೈರ್ದಾವರ ಸುರೂತ ಬರ್ಸೊಗೆ ಮಣ್ಣ್ ದ ಮಿತ್ತ್ ಬರ್ಪ. ನರ್ತೆಲು ಮಣ್ಣ್, ಪಾಮಜಿ, ಕೆಸರ್ ಉಂದೆನೆ ತಿಂದ್‍ದ್ ಬದ್ಕುಂಡು. ಬರ್ಸೊಗು ಕಂಡೊಲೆಡ್ ನೀರ್ ದಿಂಜಿದಿಪ್ಪುಂಡು, ಅಂಚಾದ್ ಬಿತ್ತನೆ ಮಲ್ಪೊಡು ದುಂಬು ನರ್ತೆಲೆನ್ ಪೆಜ್ಜುವೆರ್ ದಾಯೆ ಪಂಡ ಬಿತ್ತಿನ ಬೀಜ ಮುಂಗೆ ಬತ್ತಿ ಬೊಕ್ಕ ಆ ಮುಂಗೆನ್ ಈ ನರ್ತೆಲು ತಿನ್ಪ , ಬುಲೆ ಹಾಲಾಪುಂಡು.^[೩] ಈ ಕಾರಣೊಗು ಬಿತ್ತನೆ ಮಲ್ಪೊಡ್ ದುಂಬೇ ನರ್ತೆಲೆನ್ ಪೆಜ್ಜುವೆರ್. ಅವ್ ಅತ್ತಂದೇ ನೆಜಿ ನಡ್ಪುನ ಪೊರ್ತುಡು ಪೊಂಜೊವ್ನಕುಲು ಸೀರೆದ ಸೆರಗ್ ‍ಡ್ ನರ್ತೆಲೆನ್ ಪೆಜ್ಜಿದ್ ಕಟ್ಟೊಂದಿತ್ತೆರ್. ^[೪] ಪೆಜ್ಜಿನ ನರ್ತೆನ್ ಇಲ್ಲಗ್ ಕೊನತ್ತ್ ದ್ ಅವೆನ್ ಎಡ್ಡೆ ನೀರ್ಡ್ ಪಾರ್ದ್ ದೀವೊಡು. ರಡ್ಡ್ ದಿನ ಮುಟ್ಟ ಉಂದೆನ್ ಕಜಿಪು ಮಲ್ಪುಜೆರ್. ದಾಯೆ ಪಂಡ ನರ್ತೆಲು ಕೆಸರ್ ಮಣ್ಣ್ ಲೆಡ್ ಇತ್ತಿನೈರ್ದಾವರ ಸಂಕೊದ ಉಲಯಿ ಮಸ್ತ್ ಮಣ್ಣ್ ಸೇರ್ದಿಪ್ಪುಂಡು ಅಂಚಾದ್ ಮಾತ ಮಣ್ಣ್ ದೆಪ್ಪರೆ ರಡ್ಡ್ ದಿನ ನೀರ್ ಡ್ ಪಾರ್ದ್ ದೀಪೆರ್.^[೫]

ಬೋಡಾಯ್ನ ಸಾಮಾನುಲು[ಸಂಪೊಲಿಪುಲೆ]

ನರ್ತೆ.
ಸಂಬರ - ೨ ಚಮ್‍ಚ.
ಬೇವಿರೆ, ಎಣ್ಣೆ, ದಾಸಿಮಿ - ಒಗ್ಗರಣೆಗ್ ಬೋಡಾಯ್ನಾತ್.
ಜೀರ್ದರಿ - ಅರ್ದ ಚಮ್‍ಚ.
ನೀರುಳ್ಳಿ - ೨ ಕಂಡೆ.
ಗರಂ ಮಸಾಲೆದ ಚೆಕ್ಕೆ - ೨.
ಉಪ್ಪು - ರುಚಿಗ್ ಬೋಡಾಯ್ನಾತ್.
ಕೆಂಪು ಮುಂಚಿ - ೧೫.
ಮಂಜೊಲ್ - ಅರ್ದ ಚಮ್‍ಚ.

ಮಲ್ಪುನ ವಿದಾನೊ[ಸಂಪೊಲಿಪುಲೆ]

ನರ್ತೆನ್ ಬೈಪಾವುನ ಕ್ರಮೊ[ಸಂಪೊಲಿಪುಲೆ]

ರಡ್ಡ್ ದಿನ ನೀರ್ ಡ್ ಪಾರ್ದ್ ದೀತಿನ ನರ್ತೆನ್ ಉಪ್ಪು ಪಾರ್ದ್ ಬೈಪಾವೊಡು. ಬೈತಿ ಬೊಕ್ಕ ನರ್ತೆದ ಒಟ್ಟೆಲೆರ್ದ್ ಕಡ್ಡಿನ್ ಗಲಸ್‍ದ್ ಅವೆತ್ತ ಉಲಾಯಿದ ಮಾಸನ್ ದೆಪ್ಪೊಡು. ಈ ರೀತಿಡ್ ನರ್ತೆದ ಮಾಸೊನು ಕಜಿಪುಗ್ ಸಾರ್ ಇಜ್ಜಿಂಡ ಸುಕ್ಕ ಮಲ್ಪರೆ ಗಲಸೊಲಿ. ನರ್ತೆದ ಒಟ್ಟೆಲೆನ್ ಸುಕ್ಕ ಮಲ್ಪರೆ ಗಲಸುಜೆರ್.

ಅರೆಪ್ಪು ಕಡೆಪುನ ಕ್ರಮೊ[ಸಂಪೊಲಿಪುಲೆ]

ಬಾಣಲೆಡ್ ಒಗ್ಗರಣೆ ದೀದ್ ಅವೆಕ್ಕ್ ಸಂಬರ, ಜೀರ್ದರಿ , ಮಂಜೊಲ್, ಚೆಕ್ಕೆ, ನೀರುಳ್ಳಿ , ೧೫ ಕೆಂಪು ಮುಂಚಿ (ಖಾರೊಗ್ ಬೋಡಾಯ್ನಾತ್) ಉಂದು ಮಾತ ಕಾಯಿಬೊಕ್ಕ ನೀರ್ ಪಾಡಂದೆ ಸನ್ನ ಕಡೆವೊಡು. ಪೊಡಿ ಮಲ್ತಿನ ಸಾಮಾನ್‍ನ್ ಬರೀಕ್ ದೀದ್ ನನೊಂಜಿ ಬಾಣಲೆಡ್ ಒಗ್ಗರಣೆ ದೀದ್ ಅವೆಕ್ಕ ಮೂರ್ದಿನ ನೀರುಳ್ಳಿ ಅಂಚನೆ ಹದ ಬೈಪಾದಿನ ನರ್ತೆ, ಚೂರು ಮಂಜೊಲ್ ಪಾರ್ದ್ ಕುಡ ಪತ್ತ್ ನಿಮಿಷ ಬೈಪಾವೊಡು. ನರ್ತೆ ಬೈತಿ ಬೊಕ್ಕ ಪೊಡಿ ಮಲ್ದಿನ ಸಾಮಾನ್‍ದ ಪೊಡಿ ತಾರಾಯಿನ ಪೂ ಅಂಚನೆ ಚೂರು ನೀರ್ ಪಾರ್ದ್ ಮಗುಪ್ಪೊಡು. ಕುಡ ಐನ್ ನಿಮಿಷ ಬೈಪಾಂಡ ನರ್ತೆದ ಸುಕ್ಕ ತಯಾರಾಪುಂಡು.^[೬]

ಉಲ್ಲೇಕೊಲು[ಸಂಪೊಲಿಪುಲೆ]

↑ "Dictionary". jaitulunad.in. Retrieved 27 July 2022.
↑ "Eating apple snails". www.applesnail.net. Retrieved 27 July 2022.
↑ "researchgate". Retrieved 27 July 2022.
↑ "ಕರಾವಳಿಯಲ್ಲಿ ನರ್ತೆ ವಿಶೇಷತೆ". Retrieved 27 July 2022.
↑ "ಕರಾವಳಿಯ ಗದ್ದೆ, ಅಡುಗೆ ಮನೆಯಿಂದ ಮಾಯವಾಗಿವೆ ಶಂಕುಹುಳುಗಳು". https://kannada.oneindia.com (in ಕನ್ನಡ). 21 June 2018. Retrieved 27 July 2022. {{cite news}}: External link in |work= (help)
↑ Merano, Vanjo. "Apple Snails in Coconut Milk (Ginataang Kuhol)". Panlasang Pinoy. Retrieved 27 July 2022.

[1] "Dictionary". jaitulunad.in. Retrieved 27 July 2022.

[2] "Eating apple snails". www.applesnail.net. Retrieved 27 July 2022.

[3] "researchgate". Retrieved 27 July 2022.

[4] "ಕರಾವಳಿಯಲ್ಲಿ ನರ್ತೆ ವಿಶೇಷತೆ". Retrieved 27 July 2022.

[5] "ಕರಾವಳಿಯ ಗದ್ದೆ, ಅಡುಗೆ ಮನೆಯಿಂದ ಮಾಯವಾಗಿವೆ ಶಂಕುಹುಳುಗಳು". https://kannada.oneindia.com (in ಕನ್ನಡ). 21 June 2018. Retrieved 27 July 2022. {{cite news}}: External link in |work= (help)

[6] Merano, Vanjo. "Apple Snails in Coconut Milk (Ginataang Kuhol)". Panlasang Pinoy. Retrieved 27 July 2022.

[೧]

[೨]

[೩]

[೪]

[೫]

[೬]

ತೂ ಪಾ ಸಂ ತುಳುವೆರೆ ತೆನಸ್
ಅಡ್ಯೆ	ತೆಲ್ಲಾವು ಪುಂಡಿ ಮೂಡೆ ಅಪ್ಪೊತಡ್ಯೆ ಮಂಜೊಲ್ತಿರೆತಡ್ಯೆ ಪೆಲಕಾಯಿದ ದೋಸೆ ಪೆಲಕಾಯಿದ ಗಟ್ಟಿ ತೆಕ್ಕರೆದ ಅಡ್ಯೆ ತುರೆತ ಅಡ್ಯೆ ಪಜೆ ಮಡಿಕೆ ಮರುವಾಯಿ ಪುಂಡಿ ಕೋರಿ ರೊಟ್ಟಿ ಸೇಮೆದಡ್ಯೆ ಸಾರ್ನೆದಡ್ಡೆ ಕೇನೆದ ಪುಂಡಿ
ತೆನಸ್ಸ್	ಗೋಳಿಬಜೆ ಉಂಡ್ಲುಂಗ ಚಟ್ಟಂಬಡೆ ಸಜ್ಜಿಗೆ ಮೆತ್ತೆದ ಗಂಜಿ ಸಜ್ಜಿಗೆ ಬಜಿಲ್ ಕೆರೆಂಗ್‍ದ ಪೋಡಿ ಸೇಮೆದ ಉಪ್ಪಿಟ್ಟ್ ಬಟಾಟೆ ಅಂಬಡೆ ಸೀರ ಕೆರೆಂಗ್‍ದ ಉಪ್ಪುಕರಿ ಬನ್ಸ್ ಕಡ್ಲೆ ಬಜಿಲ್
ಮರಿಯಾಲೊತ ತೆನಸ್ಸ್	ಪತ್ರೊಡೆ ಚೇವು ಕೇನೆ ಸಾಂತನಿ ಪೆಲಕಾಯಿದ ಹಪ್ಪಳ ಕೆರೆಂಗ್‌ದ ಹಪ್ಪಳ ಮರ ಕೆರೆಂಗ್‌ದ ಹಪ್ಪಳ ಉಪ್ಪಡ್ ಪಚ್ಚಿಲ್ ಕಣಿಲೆ
ಕಜಿಪು	ಮನೊಳಿ ಲತ್ತನೆ ಉಪ್ಪುಕರಿ ಗುಜ್ಜೆ ತಿಮರೆದ ಚಟ್ನಿ ಕುಕ್ಕುದ ಚಟ್ನಿ ಪದ್ಪೆತಪ್ಪು ಉಪ್ಪುಕರಿ ಬದನೆ ನುರ್ಗೆ ಕೊದ್ಯೆಲ್ ಜೀಗುಜ್ಜೆ ಅಜದಿನ ಬಂಗುಡೆ ಪುಳಿಮುಂಚಿ ಕೋರಿ ಪುಳಿಮುಂಚಿ ಕೋರಿ ಸುಕ್ಕ ಬೂತಾಯಿ ಪುಳಿಮುಂಚಿ
ಪಾಯ್ಸ	ಕಡ್ಲೆಸಲಾಯಿ ಸಾಬಕಿದ ಪಾಯ್ಸ