ಕೆರೆಂಗ್‌ದ ಪೋಡಿ

ಕೆರೆಂಗ್ ದ ಪೋಡಿ

ಕೆರೆಂಗ್ ದ ಪೋಡಿ
ಬೇತೆ ಪುದರ್	ಕೆರೆಂಗ್ ದ ಪೋಡಿ
ಬಗೆ	ಪೋಡಿ
ಮೂಲದ ಜಾಗೆ	ಭಾರತ
ಪ್ರದೇಸೊ	ಕುಡ್ಲ,ಉಡುಪಿ
ಬೊಡಾಯಿನ ಸಾಮಾನ್	ಕೆರೆಂಗ್

ಕೆರೆಂಗ್ ದ ಪೋಡಿ , ಉಂದು ಕೆರೆಂಗ್ ನ್ ಗಲಸ್ ದ್ ಮಲ್ಪಿನ ಒಂಜಿ ಬಗೆತ್ತ ತಿಂಡಿ. ಕೆರೆಂಗ್ ದ ಕಂಡೆನ್ ಎಂಚ ಬೈಪಾದ್ ಕೆರೆಂಗ್ ದ ಉಪ್ಕರಿ ಮಲ್ತ್ ದ್ ತಿನ್ಪೆರಾ ಅಂಚನೆ ಮುಲ್ಪ ಕೆರೆಂಗ್ ನ್ ಎಣ್ಣೆಡ್ ಕೈತ್ ದ್ ಪೋಡಿ ಮಲ್ಪುವೆರ್. ಕೆರೆಂಗ್ ಚೀಪೆ ಇತ್ತಿನೈರ್ದಾವರ ತಿನರೆ ರುಚಿಯಾದಿಪ್ಪುಂಡು. ಅವತ್ತಂದೇ ಎಣ್ಣೆಡ್ ಕೈತಿನ ತಿಂಡಿ ಬೆಚ್ಚ ಬೆಚ್ಚ ಚಾ-ಕಾಪಿ ದೊಟ್ಟುಗು ತಿನರೆ ಬಾರೀ ರುಚಿ. ತುಳುನಾಡ್ ಡ್ ಉಂದು ಮಾತ ವೊಟೇಲ್ ಡ್ ತಿನರೆ ತಿಕ್ಕುಂಡು.

ತಯಾರ್ ಮಲ್ಪರೆ ಬೋಡಾಯ್ನ ಸಾಮಾನುಲು

• ಕೆರೆಂಗ್ - ೨ ಕಂಡೆ .
• ಕಡ್ಲೆಹಿಟ್ಟ್ - ೨ ಕಪ್.
• ಜೀರ್ದರಿ - ಕಾಲ್ ಚಮ್ಚ.
• ಮುಂಚಿದ ಪೊಡಿ - ಕಾಲ್ ಚಮ್ಚ.
• ಅಡಿಗೆ ಎಣ್ಣೆ (ಪೋಡಿ ಕಯ್ಪರೆ ಬೊಡಾಯ್ನಾತ್).

ಮಲ್ಪುನ ವಿದಾನೊ

ಸುರುಕಾದ್ ಕೆರೆಂಗ್ ದ ಕಂಡೆನ್ ದೆಕ್ ದ್ ಅವೆನ್ ರೌಂಡ್ ಆಕಾರೊಡು ಮಸ್ತ್ ದಪ್ಪ ಮೂರಂದೆ ಹದ ತೆಳು ಮೂರ್ದ್ ಬರಿಕ್ ದೀವೊಡು. ಬೊಕ್ಕ ಒಂಜಿ ಬಾಜನೊಡು ಕಡ್ಲೆ ಹಿಟ್ಟ್ ನ್ ಸಾರ್ದ್(ಗಂಟ್ ಬರ್ರೆ ಬಲ್ಲಿ ಪಂದ್ ಸಾರುನ) ಅವೆಕ್ಕ್ ಮಂಚಿದ ಪೊಡಿ, ಮಂಜಲ್ ದ ಪೊಡಿ ಕಾಲ್ ಚಮ್ಚ , ಜೀರ್ದರಿ ಅರ್ದ ಚಮ್ಚ , ರುಚಿಗ್ ಬೋಡಾಯ್ನಾತ್ ಉಪ್ಪು , ಒಂತೊಂತೆ ನೀರ್ ಪಾರ್ದ್ ಕಲಪ್ಪೊಡು. ಹಿಟ್ಟ್ ಕಲತ್ತಿನ ಮಸ್ತ್ ತೆಳು ಮಲ್ಪಂದೆ ಚೂರು ದಪ್ಪ ಇಪ್ಪೊಡು. ಬೊಕ್ಕ ಎಣ್ಣೆ ಬೆಚ್ಚ ಆವರೆ ದೀದ್ ಎಣ್ಣೆ ಕಾಯಿ ಬೊಕ್ಕ ಅವೆಕ್ಕ್ ತುಂಡು ಮಲ್ದಿನ ಕೆರೆಂಗ್ ನ್ ಒಂಜೊಂಜೆ ಕಡ್ಲೆಹಿಟ್ಟ್ ಡ್ ಮುರ್ಕಾದ್ ಎಣ್ಣೆಡ್ ಬುಡೊಡು.

ಗಲಸುನೆ

• ಬಯ್ಯಗ್ ಚಾತ್ತ ಬಾಯಿಗ್ ಕೆರೆಂಗ್ ದ ಪೋಡಿನ್ ತಿನ್ಪೆರ್.

ಬೇತೆ ಬಾಸೆಲೆಡ್ ಕೆರೆಂಗ್ ದ ಪೋಡಿ

• ಇಂಗ್ಲಿಷ್ - ಸ್ವೀಟ್ ಪೊಟೇಟೊ ಫ್ರಿಟರ್ಸ್.
• ಕನ್ನಡ - ಗೆಣಸಿನ ಪೋಡಿ.