ಕುರ್ಲು ಪಚ್ಚೊಡಿ

ಕುರ್ಲು ಪಚ್ಚೊಡಿ

ಬೇತೆ ಪುದರ್	ಚರ್ಮುರಿ , ಚುರುಮುರಿ
Course	ತಿಂಡಿ
ಮೂಲದ ಜಾಗೆ	ಭಾರತ
ಪ್ರದೇಸೊ	ಕುಡ್ಲ,ಉಡುಪಿ, ಕರ್ನಾಟಕ
ಬೊಡಾಯಿನ ಸಾಮಾನ್	ಕುರ್ಲು

ಕುರ್ಲು ಪಚ್ಚೊಡಿ ಕುಡ್ಲದ ಒಂಜಿ ಬಗೆತ್ತ ತೆನಸ್. ಉಂದೆನ್ ಕುರ್ಲು, ತರ್ಕಾರಿ , ಮಸಾಲೆ ಪಾರ್ದ್ ಜನಕ್ಲೆಗ್ ಬೋಡಾಯ್ ಲೆಕ ಉಪ್ಪುಕಾರ ಪಾರ್ದ್ ತಯಾರ್ ಮಲ್ಪುವೆರ್. ಉಂದೆನ್ ಅಂಗಡಿರ್ದ್ಲಾ ಜಾಸ್ತಿ ಆಟ, ಜಾತ್ರೆ ದಲ್ಪ ಅಪಗನೆ ಪತ್ತ್ ಪದಿನೈನ್ ನಿಮಿಷೊಡ್ ತಯಾರ್ ಮಲ್ತ್ ದ್ ಕೇವಲ ಪತ್ತ್ , ಇರುವ ರೂಪಾಯಿಗ್ ಮಾರುವೆರ್. ಜೋಕುಲು ಜವನೆರ್ದ್ ಪರಬ್ಬೆರ್ಲಾ ಈ ಜಂಜಿ ತೆನಸ್ ನ್ ತಿನ್ಪೆರ್.

ಬೇತೆ ಬಾಸೆಲೆಡ್ ಕುರ್ಲುಪಚ್ಚೊಡಿ

• ಇಂಗ್ಲಿಷ್ ಡ್ - ಪಫ್ಡ್ ರೈಸ್ ಸ್ನ್ಯಾಕ್ ,ಪಫ್ಡ್ ರೈಸ್ ಉಪ್ಮಾ. .
• ಕನ್ನಡಡ್- ಚರ್ಮುರಿ, ಮಂಡಕ್ಕಿ ಉಪ್ಕರಿ, ಚುರುಮುರಿ .
• ಕೊಂಕಣಿಡ್ - ಚರ್ಬುರೆ ಉಪ್ಕರಿ.
• ಹಿಂದಿಡ್ - ಮುರ್ಮುರೆ ಕಾ ಉಪ್ಮಾ
• ತಮಿಳ್ ಡ್ - ಮಸಾಲ ಪೊರಿ

ಬೋಡಾಯ್ನ ಸಾಮಾನುಲು

• 1 ನೀರುಳ್ಳಿ, ಹದೊತ್ತ(ಸನ್ನ ಮೂರೊಡು)
• 1 ಟೊಮೆಟೊ , ಹದೊತ್ತ (ಸನ್ನ ಮೂರೊಡು)
• ⅓ ಕಪ್ ಕ್ಯಾರೆಟ್(ಕೀಸೊಡು)
• ⅓ ಕಪ್ ಬೀಟ್ ರೂಟ್ (ಬೋಡಂಡ ಮಾತ್ರ)(ಕೀಸೊಡು)
• 1 ಕಪ್ ಕೊತ್ತಂಬರಿ ತಪ್ಪು
• 1 ಚಮ್ಚ ಉಪ್ಪು (ರುಚಿಗ್ ಬೊಡಾಯ್ನಾತ್)
• 1 ಚಮ್ಚ ಮುಂಚಿದ ಪೊಡಿ (ರುಚಿಗ್ ಬೊಡಾಯ್ನಾತ್)
• ½ ಲಿಂಬೆಪುಳಿತ್ತ ರಸೊ
• 2 ಚಮ್ಚ ತಾರೆದ ಎಣ್ಣೆ
• ¼ ಕಪ್ ಶೇಂಗಬೀಜ (ಪೊತ್ತುದಿನ)
• 4 ಕಪ್ ಕುರ್ಲು

ಮಲ್ಪುನ ವಿದಾನೊ

ಒಂಜಿ ಬಾಜನೊಡು (ಗುಂಡಿದ ಬಾಜನೊಡು) ಮೂರ್ದಿನ ನೀರುಳ‍್ಳಿ , ಟೊಮೇಟೊ, ಕ್ಯಾರೆಟ್, ಕೊತ್ತಂಬರಿ ತಪ್ಪು, ಉಪ್ಪು, ಮುಂಚಿದ ಪೊಡಿ ಪಾರ್ದ್ ಸಮ ಮೊರೆಪ್ಪೊಡು. ಅವೆರ್ದ್ ಬೊಕ್ಕ 2 ಚಮ್ಚ ತಾರೆದ ಎಣ್ಣೆ , ½ ಲಿಂಬೆಪುಳಿತ್ತ ರಸೊ ಪಾರ್ದ್ ಕುಡೊರ ಮೊರೆಪ್ಪೊಡು. ಬೊಕ್ಕ ಪೊತ್ತುದಿನ ಶೇಂಗಬೀಜ, ಕುರ್ಲು ಪಾರ್ದ್ ಮೊರೆತ್ತ್ ದ್ ಅಪಗನೆ ತಿನರೆ ಕೊರೊಡಾಪುಂಡು.

ಬೆಯ್ಪಾದಿನ ತೆತ್ತಿದ ಕುರ್ಲು ಪಚ್ಚೊಡಿ

ಬೆಯ್ಪಾದಿನ ತೆತ್ತಿದ ಕುರ್ಲು ಪಚ್ಚೊಡಿ ಗ್ ಮಲ್ದಿನ ಕುರ್ಲು ಪಚ್ಚೊಡಿಗ್ ಬೆಯ್ಪಾದಿನ ಕುರ್ಲು ಪಾಡುವೆರ್.